തിരുവനന്തപുരം: ശ്രീകൃഷ്ണ ജയന്തി ആശംസകൾ നേർന്ന് മുഖ്യമന്ത്രി പിണറായി വിജയൻ. ഭക്തജനങ്ങളുടെ മനസിലെ പ്രിയപ്പെട്ട സങ്കല്പമാണ് ശ്രീകൃഷ്ണന്റേത്. ലീലാ കൃഷ്ണനായി വരെ അവർ ഓമനിക്കുന്ന ഈ സങ്കല്പം സ്നേഹത്തിന്റയും വാത്സല്യത്തിന്റയും പ്രതിരൂപം കൂടിയാണെന്ന് പിണറായി പറഞ്ഞു. ഫേസ്ബുക്ക് പോസ്റ്റിലൂടെയാണ് മുഖ്യമന്ത്രി ഏവർക്കും ആശംസകൾ അറിയിച്ചത്. ഫേസ്ബുക്ക് പോസ്റ്റിന്റെ പൂർണ രൂപം… ഭക്തജനങ്ങളുടെ മനസിലെ പ്രിയപ്പെട്ട സങ്കല്പമാണ് ശ്രീകൃഷ്ണന്റേത്. ലീലാ കൃഷ്ണനായി വരെ അവർ ഓമനിക്കുന്ന ഈ സങ്കല്പം സ്നേഹത്തിന്റയും വാത്സല്യത്തിന്റയും പ്രതിരൂപം കൂടിയാണ്. അധർമങ്ങൾക്കെതിരായ പോരാട്ടങ്ങൾക്ക് ശക്തി പകരുന്നതും മനുഷ്യ മനസ്സുകളിലെ സ്നേഹ വിശ്വാസങ്ങളെ ദൃഢപ്പെടുത്തുന്നതുമാവട്ടെ ഈ വർഷത്തെ ശ്രീകൃഷ്ണ ജയന്തി ആഘോഷങ്ങൾ. എല്ലാവർക്കും ആശംസകൾ.
Read MoreCategory: Loud Speaker
മുല്ലപ്പെരിയാര് വിഷയത്തില് ഭീതിപരത്തുന്ന പ്രചാരണം അപകടകരം; സര്ക്കാരിന്റെ നയം സുരക്ഷിതമായ ഒരു അണക്കെട്ടെന്ന് മന്ത്രി റോഷി
പാലാ: മുല്ലപ്പെരിയാര് വിഷയത്തില് ഭീതി പരത്തുന്ന പ്രചാരണം അപകടകരമാണെന്ന് മന്ത്രി റോഷി അഗസ്റ്റിന്. സീറോമലബാര് സഭ മേജര് ആര്ക്കി എപ്പിസ്കോപ്പല് അസംബ്ലിയുടെ സമാപനസമ്മേളനത്തില് ആശംസകളറിയിച്ചു പ്രസംഗിക്കുകയായിരുന്നു മന്ത്രി. മുല്ലപ്പെരിയാര് വിഷയം കോടതിയുടെ പരിഗണയിലാണ്. ഇക്കാര്യത്തില് സമവായചര്ച്ചകള്ക്കു തയാറാണ്. മുല്ലപ്പെരിയാറില് പുതിയ അണക്കെട്ടു നിർമിക്കാൻ തയാറാണെന്നും മന്ത്രി പറഞ്ഞു. സുരക്ഷിതമായ ഒരു അണക്കെട്ട് എന്നതാണു സര്ക്കാരിന്റെ നയം. ജലനിരപ്പ് താഴ്ന്ന് ഡാമിന്റെ പ്രഷര് കുറയ്ക്കാനുള്ള ശ്രമം ആലോചിക്കുന്നുണ്ട്. തമിഴ്നാടുമായി ഇക്കാര്യം കൂടിയാലോചിക്കും. ഡാമിന്റെ കാര്യത്തില് ആശങ്കയില്ലെന്നല്ല പറഞ്ഞത്, മറിച്ച് ഭീതി ജനിപ്പിക്കരുതെന്നാണു പറഞ്ഞത്. കാര്ഷികമേഖലയിലെ പ്രശ്നങ്ങള് പരിഹരിക്കാനും വന്യജീവി ആക്രമണങ്ങളില്നിന്നു കര്ഷകരെ രക്ഷിക്കാനും ശ്രമം നടത്തുണ്ടെന്നും മന്ത്രി പറഞ്ഞു.സുരക്ഷിതമായ ഒരു അണക്കെട്ട് എന്നതാണു സര്ക്കാരിന്റെ നയം.
Read Moreവടക്കൻ കേരളത്തിൽ മഴ കനക്കും; ഇന്ന് രണ്ട് ജില്ലകളിൽ യെല്ലോ അലർട്ട്
തിരുവനന്തപുരം: വടക്കൻ കേരളത്തിൽ വിവിധ ജില്ലകളിൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചു. ഇന്ന് കണ്ണൂർ, കാസർഗോഡ് ജില്ലകളിലും ബുധനാഴ്ച കോഴിക്കോട്, കണ്ണൂർ, കാസർഗോഡ് ജില്ലകളിലും വ്യാഴാഴ്ച മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലും യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. തെക്കൻ ഗുജറാത്ത് തീരം മുതൽ തെക്കൻ കേരള തീരം വരെ ന്യൂനമർദപാത്തി രൂപപെട്ടു. തെക്കുകിഴക്കൻ ഉത്തർപ്രദേശിനും വടക്കു കിഴക്കൻ മധ്യപ്രദേശിനും മുകളിലായി ശക്തി കൂടിയ ന്യൂനമർദം സ്ഥിതിചെയ്യുന്നു. വടക്കൻ ബംഗാൾ ഉൾക്കടലിൽ രൂപപ്പെട്ട ചക്രവാതച്ചുഴി ന്യൂനമർദമായി ശക്തി പ്രാപിക്കാൻ സാധ്യതയുണ്ട്. ഇതിന്റെ ഫലമായാണ് കേരളത്തിൽ മഴ ശക്തമാകുന്നത്. അതേസമയം, കേരള – ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസമില്ലെന്നും കർണാടക തീരത്ത് മത്സ്യബന്ധനത്തിന് പോകാൻ പാടില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
Read Moreസര്ക്കാരിന് ആരെയും സംരക്ഷിക്കേണ്ട ആവശ്യമില്ല: പുറത്തുവരുന്ന വെളിപ്പെടുത്തലുകള് നിയമപരമായി പരിശോധിച്ച് ഉചിതമായ തീരുമാനമെടുക്കും; പി. രാജീവ്
കൊച്ചി: കൊച്ചി: സിനിമ മേഖലയിലെ സ്ത്രീകള്ക്കുനേരെയുണ്ടായ അതിക്രമങ്ങളെക്കുറിച്ചുള്ള വെളിപ്പെടുത്തലുകളില് സര്ക്കാരിന് ആരേയും സംരക്ഷിക്കാനില്ലെന്ന് മന്ത്രി പി. രാജീവ്. അമ്മ ഭാരവാഹികളുടെ രാഷ്ട്രീയം എന്തെന്ന് എല്ലാവര്ക്കും അറിയാമല്ലോ, ഹേമ കമ്മിറ്റി റിപ്പോര്ട്ട് കോടതി പരിശോധിക്കുന്നുണ്ട്. പുറത്തുവരുന്ന വെളിപ്പെടുത്തലുകള് നിയമപരമായി പരിശോധിച്ച് ഉചിതമായ തീരുമാനമെടുക്കുമെന്ന് പി. രാജീവ് പറഞ്ഞു. അതേസമയം, ബംഗാളി നടിയുടെ ആരോപണത്തിന്റെ പശ്ചാത്തലത്തില് ചലച്ചിത്ര അക്കാദമി ചെയര്മാന് സ്ഥാനത്ത് നിന്നു രഞ്ജിത്തും യുവനടിയുടെ ലൈംഗിക പീഡന ആരോപണത്തെത്തുടര്ന്ന് താരസംഘടനയായ അമ്മയുടെ ജനറല് സെക്രട്ടറി സ്ഥാനത്ത് നിന്ന് സിദ്ദിഖും ഞായറാഴ്ച രാജിവെച്ചിരുന്നു.
Read Moreരഞ്ജിത്തിന്റെ രാജിയിൽ സന്തോഷം ഇല്ല: മലയാള സിനിമയ്ക്ക് നഷ്ടമുണ്ടാക്കാൻ ആഗ്രഹിക്കുന്നില്ല; ലൈംഗികമായി പീഡിപ്പിച്ചിട്ടില്ല; നടന്ന കാര്യങ്ങൾ ജനങ്ങളറിയാൻ വേണ്ടിയായിരുന്നു വെളിപ്പെടുത്തൽ; ശ്രീലേഖ മിത്ര
സംവിധായകൻ രഞ്ജിത്തിന്റെ രാജിയിൽ പ്രതികരിച്ച് ബംഗാൾ നടി ശ്രീലേഖ മിത്ര. രഞ്ജിത്തിന്റെ രാജിയിൽ തനിക്ക് സന്തോഷം ഇല്ല, നടന്ന കാര്യങ്ങൾ ജനങ്ങളറിയാൻ വേണ്ടിയായിരുന്നു തന്റെ വെളിപ്പെടുത്തൽ അദ്ദേഹം ലൈംഗികമായി തന്നെ പീഡിപ്പിച്ചിട്ടില്ല, തന്നെ പരീക്ഷിക്കുകയായിരുന്നു എന്ന് താരം പറഞ്ഞു. രഞ്ജിത്ത് കുറ്റവാളിയാണെന്ന് പറയാൻ സാധിക്കില്ല. ഒരു സ്ത്രീലമ്പടൻ ആയിരിക്കാം. നിയമപരമായി രഞ്ജിത്ത് കുറ്റം ചെയ്തിട്ടില്ല. അദ്ദേഹം നല്ല സംവിധായകനാണെന്നും മലയാള സിനിമയ്ക്ക് നഷ്ടമുണ്ടാക്കാൻ താൻ ആഗ്രഹിക്കുന്നില്ലെന്നും ശ്രീലേഖ മിത്ര പറഞ്ഞു. അതേസമയം, ശ്രീലേഖ മിത്രയുടെ വെളിപ്പെടുത്തലിന് പിന്നാലെയുണ്ടായ സമ്മർദ്ദത്തിന് വഴങ്ങി ചലച്ചിത്ര അക്കാദമി ചെയർമാൻ സ്ഥാനത്ത് നിന്നു രഞ്ജിത്ത് രാജിവച്ചിരുന്നു. പാലേരി മാണിക്യം സിനിമയിൽ അഭിനയിക്കാൻ വേണ്ടി എത്തിയപ്പോൾ രഞ്ജിത് മോശമായി പെരുമാറിയെന്നായിരുന്നു നടിയുടെ വെളിപ്പെടുത്തൽ. 2009-10 കാലഘട്ടത്തിലാണ് സംഭവം നടന്നതെന്നും ഒരു രാത്രി മുഴുവൻ ഹോട്ടലിൽ കഴിഞ്ഞത് പേടിച്ചാണെന്നും നടി പറഞ്ഞു. സംഭവത്തിൽ ഡോക്യുമെന്ററി സംവിധായകൻ…
Read Moreഎനിക്ക് മൂന്ന് പെൺകുട്ടികളാണ്, സ്ത്രീകൾക്കെതിരേയുള്ള ഏതൊരു നീക്കത്തെയും ശക്തമായി ചെറുക്കുന്ന ആളാണ് ഞാൻ; സജി ചെറിയാൻ
തിരുവനന്തപുരം: ചലച്ചിത്ര അക്കാദമി ചെയർമാൻ സ്ഥാനം സംവിധായകൻ രഞ്ജിത്ത് രാജി വച്ചതിന് പിന്നാലെ പ്രതികരണവുമായി സാംസ്കാരിക വകുപ്പ് മന്ത്രി സജി ചെറിയാൻ. സർക്കാർ ഇരയോടൊപ്പമാണ്, വേട്ടക്കാരനൊപ്പമല്ല. ആരെയും സംരക്ഷിക്കാനുള്ള ബാധ്യത സർക്കാരിനില്ലന്ന് മന്ത്രി പറഞ്ഞു. മാധ്യമങ്ങൾ സർക്കാരിനെ താറടിച്ചെന്ന് മന്ത്രി ആരോപിച്ചു.”എനിക്ക് മൂന്ന് പെൺകുട്ടികളാണ്, സ്ത്രീകൾക്ക് എതിരേയുള്ള ഏതൊരു നീക്കത്തെയും ശക്തമായി ചെറുക്കുന്ന ആളാണ് ഞാൻ”- എന്നും മന്ത്രി പറഞ്ഞു. അതേസമയം, രഞ്ജിത്തിനെ സംരക്ഷിച്ചാണ് കഴിഞ്ഞ ദിവസം മന്ത്രി സജി ചെറിയാന് രംഗത്തെത്തിയത്. രഞ്ജിത്ത് ഇന്ത്യ കണ്ട പ്രഗത്ഭനായ കലാകാരനാണ്. വസ്തുത പരിശോധിക്കേണ്ടതുണ്ട്. ആക്ഷേപത്തില് കേസെടുക്കില്ലെന്നും പരാതി ഉണ്ടെങ്കിൽ കേസെടുക്കുമെന്നുമായിരുന്നു മന്ത്രിയുടെ പ്രതികരണം. ഇതിനെതിരേ നിരവധി മിമർശനങ്ങൾ ഉയർന്നിരുന്നു.
Read Moreഡ്രോണ് അധിഷ്ഠിത മെഡിക്കല് ഡെലിവറിയുമായി കാരിത്താസ് ഹോസ്പിറ്റല്
കോട്ടയം: തെക്കന് കേരളത്തിലെ ആരോഗ്യ സേവനരംഗത്ത് പുതിയ അധ്യായം എഴുതിച്ചേര്ത്ത് കാരിത്താസ് ആശുപത്രി. കാരിത്താസ് ആശുപത്രിയും സ്കൈ എയര് മൊബിലിറ്റിയും ചേര്ന്ന് തെക്കന് കേരളത്തില് ആദ്യമായി ഡ്രോണ് വഴി മെഡിക്കല് ഡെലിവറി ആരംഭിച്ചു. കോട്ടയം ഉള്പ്പെടെയുള്ള പ്രദേശങ്ങളിലെ ആരോഗ്യ സേവനപ്രവര്ത്തനങ്ങള് കൂടുതല് എളുപ്പത്തിലാക്കുക എന്ന ലക്ഷ്യത്തോടെയാണ് ഈ അത്യാധുനിക സേവനം. ഏറ്റവും നൂതന സാങ്കേതികവിദ്യയുടെ സഹായത്തോടെ നിര്മിച്ചിരിക്കുന്ന ഡ്രോണിന് 15 കിലോമീറ്റര് ദൂരംവരെ അഞ്ചു കിലോഗ്രാമോളം ഭാരമുള്ള മെഡിക്കല് സാധനങ്ങള് വഹിക്കാന് കഴിയും. ഡ്രോണുകള് ഉപയോഗിച്ച് നടത്തുന്ന ഈ സേവനത്തിലൂടെ ആശുപത്രി ലക്ഷ്യമിടുന്നത് ഡെലിവറി സമയം മണിക്കൂറുകളില് നിന്ന് 5-7 മിനിട്ടിലേക്ക് ഗണ്യമായി കുറയ്ക്കുക എന്നതാണ്. കാരിത്താസ് ആശുപത്രിയില് നടന്ന ചടങ്ങ് മോന്സ് ജോസഫ് എംഎല്എ ഉദ്ഘാടനം ചെയ്തു. ചടങ്ങിന്റെ ഭാഗമായി ആദ്യ പരീക്ഷണം എന്ന നിലയില് കാരിത്താസ് ആശുപത്രിയില്നിന്ന് കളത്തിപ്പടി കാരിത്താസ് ഫാമിലി ഹോസ്പിറ്റലിലേക്കും കൈപ്പുഴ…
Read Moreമാനസിക വൈകല്യമുള്ള യുവതിയെ പീഡിപ്പിച്ച് ദൃശ്യങ്ങൾ പകർത്തി; 5 പേർ പോലീസ് പിടിയിൽ
മുംബൈ: മഹാരാഷ്ട്രയിലെ ചന്ദ്രപുർ ജില്ലയിൽ മാനസിക വൈകല്യമുള്ള 27കാരിയെ പീഡിപ്പിക്കുകയും സംഭവത്തിന്റെ ദൃശ്യങ്ങൾ പകർത്തുകയും ചെയ്ത അഞ്ചുപേരെ പോലീസ് അറസ്റ്റ് ചെയ്തു. സംഭവത്തിൽ പ്രായപൂർത്തിയാകാത്ത ഒരാളെയും പോലീസ് കസ്റ്റഡിയിലെടുത്തിട്ടുണ്ട്. നാഗ്ഭിദ് തഹസിൽ 12നു രാത്രിയാണ് സംഭവം. സംഭവത്തിന്റെ വീഡിയോ ദൃശ്യങ്ങൾ സമൂഹമാധ്യമത്തിലൂടെ പ്രചരിച്ചിരുന്നു. തുടർന്നാണ് പോലീസ് നടപടി സ്വീകരിച്ചത്.
Read Moreതമിഴ്നാട്ടിലെ വനിതാ പോലീസുകാർക്ക് ഒരു വർഷത്തെ പ്രസവാവധി അനുവദിക്കും; മുഖ്യമന്ത്രി എം.കെ. സ്റ്റാലിൻ
ചെന്നൈ: തമിഴ്നാട്ടിലെ വനിതാ പോലീസുകാർക്ക് ഒരു വർഷത്തെ പ്രസവാവധി അനുവദിക്കുമെന്ന് മുഖ്യമന്ത്രി എം.കെ. സ്റ്റാലിൻ. അവധിക്കു ശേഷം ജോലിയിൽ തിരികെ പ്രവേശിക്കുമ്പോൾ കുട്ടികളെ നോക്കുന്നതിനായി മൂന്ന് വർഷത്തേക്ക് അവർ ആവശ്യപ്പെടുന്ന സ്ഥലത്തു നിയമനം നൽകുമെന്നും അദ്ദേഹം വ്യക്തമാക്കി. പോലീസ് വകുപ്പിലെ ഉദ്യോഗസ്ഥരുടെ അഭ്യർഥന മാനിച്ചാണ് ഈ ആവശ്യം നടപ്പിലാക്കുന്നതെന്ന് അദ്ദേഹം പറഞ്ഞു. കൂടാതെ, സ്ത്രീകൾക്കും കുട്ടികൾക്കുമെതിരായ കുറ്റകൃത്യങ്ങൾ കൈകാര്യം ചെയ്യുന്നതിനായി വനിതാ പോലീസിന്റെ വൈദഗ്ധ്യം വർധിപ്പിക്കുമെന്നും അതുവഴി അവർക്ക് സൈബർ കുറ്റകൃത്യങ്ങൾ ഫലപ്രദമായി കൈകാര്യം ചെയ്യാനാകുമെന്നും മുഖ്യമന്ത്രി പറഞ്ഞു. നിങ്ങളുടെ കടമയും ഉത്തരവാദിത്തവും വളരെ വലുതാണ്. നിങ്ങൾ ജനങ്ങളെ സംരക്ഷിക്കണം. നിങ്ങളുടെ കർത്തവ്യങ്ങൾ അർപ്പണബോധത്തോടെ നിർവഹിക്കുക, കുറ്റകൃത്യങ്ങൾ കുറയ്ക്കുന്നതിനു മാത്രമല്ല, കുറ്റകൃത്യങ്ങൾ തടയുന്നതിനും വേണ്ടിയും പ്രവർത്തിക്കുക. അദ്ദേഹം അഭ്യർഥിച്ചു. മയക്കുമരുന്നും കുറ്റകൃത്യങ്ങളും ഇല്ലാത്ത സംസ്ഥാനമായി തമിഴ്നാടിനെ മാറ്റണമെന്നും സ്റ്റാലിൻ പറഞ്ഞു.
Read Moreഅസം കൂട്ടബലാത്സംഗം: പോലീസ് കസ്റ്റഡിയിൽനിന്ന് ചാടിപ്പോയ പ്രതി മരിച്ച നിലയിൽ
ന്യൂഡൽഹി: അസമിലെ കൂട്ടബലാത്സംഗക്കേസിലെ മുഖ്യപ്രതി പോലീസ് കസ്റ്റഡിയിൽനിന്നു രക്ഷപ്പെടാനുള്ള ശ്രമത്തിനിടെ മരിച്ചു. നാഗോൺ ജില്ലയിലെ 14കാരിയെ ക്രൂരമായി ലൈംഗികപീഡനത്തിനിരയാക്കിയ കേസിൽ ഇന്നലെയാണ് തഫാസുൽ ഇസ്ലാമിനെ അറസ്റ്റ് ചെയ്തത്. ഇസ്ലാമിനെ കൂടുതൽ അന്വേഷണത്തിനായി കുറ്റകൃത്യം നടന്ന സ്ഥലത്തേക്കു കൊണ്ടുപോകുന്നതിനിടെ സമീപത്തെ കുളത്തിലേക്കു ചാടുകയായിരുന്നു. രണ്ടു മണിക്കൂർ നീണ്ട രക്ഷാപ്രവർത്തനത്തിനൊടുവിൽ മൃതദേഹം പുറത്തെടുക്കുകയും മരണം സ്ഥിരീകരിക്കുകയും ചെയ്തു. പെൺകുട്ടിയെ മൂന്നുപേർ ചേർന്ന് കൂട്ടബലാത്സംഗം ചെയ്യുകയായിരുന്നു. ധിംഗ് ഏരിയയിലെ റോഡിൽ അബോധാവസ്ഥയിൽ കണ്ടെത്തിയ കുട്ടിയെ പോലീസ് രക്ഷപ്പെടുത്തി ആശുപത്രിയിൽ പ്രവേശിപ്പിച്ചു. കുട്ടി അപകടനില തരണം ചെയ്തതായി ഡോക്ടർമാർ അറിയിച്ചു.
Read More