തിരുവനന്തപുരം: ഇടതുമുന്നണി ഘടകകക്ഷിയായ ജെഡിഎസ് കേരള ഘടകം പിളർപ്പിലേക്കു നീങ്ങുകയാണെന്നു സൂചന. പാർട്ടി ദേശീയ വൈസ് പ്രസിഡന്റ് സി.കെ. നാണു വിളിച്ചു ചേർത്ത ദേവഗൗഡ വിരുദ്ധരുടെ യോഗം ഇന്നു രാവിലെ കോവളത്ത് തുടങ്ങി. ദേവഗൗഡ വിഭാഗം ബിജെപി സഖ്യമുണ്ടാക്കിയതോടെ പ്രതിസന്ധിയിലായ ജെഡിഎസ് കേരളഘടകത്തിന് സി.കെ. നാണുവിന്റെ നീക്കം മറ്റൊരു വെല്ലുവിളിയായി. താൻ വിളിച്ചുചേർത്ത യോഗത്തിൽ പങ്കെടുക്കരുതെന്ന് പ്രവർത്തകരെ വിലക്കിയ സംസ്ഥാന നേതൃത്വത്തിനെതിരേ സി.കെ. നാണു രൂക്ഷവിമർശനമാണു നടത്തിയിരിക്കുന്നത്. സംസ്ഥാന നേതാക്കളായ മാത്യു ടി.തോമസിനും കെ. കൃഷ്ണൻകുട്ടിക്കുമെതിരേ സി.കെ. നാണു ആഞ്ഞടിച്ചതോടെ പാർട്ടിക്കുള്ളിലെ അസ്വാരസ്യം മറനീക്കി പുറത്തു വന്നു. കോവളത്തെ വെള്ളാര് ആര്ട്സ് ആൻഡ് ക്രാഫ്റ്റ്സ് വില്ലേജിലാണ് ഇന്നു യോഗം നടക്കുന്നത്. നിർണായകമായ രാഷ്ട്രീയ നിലപാട് പ്രഖ്യാപിക്കേണ്ട സമയത്ത് നിശബ്ദനായിരിക്കാൻ കഴിയില്ലെന്നും അതിനാലാണ് യോഗം വിളിച്ചതെന്നും സി.കെ.നാണു പറയുന്നു. പാർട്ടിയെ സംരക്ഷിക്കാൻ ഉത്തരവാദിത്വമുള്ള മാത്യു ടി. തോമസും കെ.…
Read MoreCategory: Loud Speaker
ബഹുനില കെട്ടിടത്തിനു തീപിടിച്ചു;കുഞ്ഞിനെ പുതപ്പിൽ പൊതിഞ്ഞ് പിതാവ് താഴേക്കിട്ടു;പിന്നാലെ കുടുംബവും ചാടി
ഡൽഹി: അഞ്ചുനില കെട്ടിടത്തിന് തീപിടിച്ചതിന് പിന്നാലെ മൂന്ന് വയസുകാരിയായ മകളെ രക്ഷിക്കാനായി ബ്ലാങ്കറ്റിൽ പൊതിഞ്ഞ് താഴേക്കിട്ട് പിതാവ്. തൊട്ടുപിന്നാലെ, ഭാര്യയും 12കാരനായ മകനുമൊത്ത് ഇയാൾ താഴേക്ക് ചാടുകയും ചെയ്തു. 40കാരനായ കമൽ തിവാരിയാണ് തീപിടിത്തത്തിൽനിന്ന് കുടുംബത്തെ രക്ഷിക്കാൻ സാഹസം കാട്ടിയത്. കിഴക്കൻ ഡൽഹിയിലെ ലക്ഷ്മിനഗറിലെ ഷകർപുർ പ്രദേശത്താണ് സംഭവം. പരിക്കേറ്റ നാല് പേരും ആശുപത്രിയിൽ ഐസിയുവിൽ ചികിത്സയിലാണ്. ചൊവ്വാഴ്ച പുലർച്ചെ അഞ്ചിനാണ് കെട്ടിടത്തിന് തീപിടിച്ചത്. മൂന്ന് വയസുകാരിയായ മകളെ പുതപ്പിൽ പൊതിഞ്ഞ് രണ്ടാംനിലയിലെ ബാൽക്കണിയിൽനിന്നു താഴേക്കിട്ടതിനു പിന്നാലെ ഭാര്യ പ്രിയങ്ക (36), 12 വയസുകാരനായ മകൻ എന്നിവർക്കൊപ്പം കമലും താഴേക്ക് ചാടി. രക്ഷപ്പെടാൻ മറ്റ് മാർഗങ്ങളൊന്നുമില്ലാതായപ്പോഴാണ് ബാൽക്കണിയിൽനിന്ന് ചാടിയത്. കമലിന് ഒന്നിലധികം ഒടിവുകൾ സംഭവിച്ചു. ഇളയ കുട്ടി ആന്തരിക രക്തസ്രാവത്തെ തുടർന്ന് അബോധാവസ്ഥയിലാണ്. പാർക്കിംഗ് ഏരിയയിലെ ഷോർട്ട് സർക്യൂട്ട് മൂലമാണ് കെട്ടിടത്തിന് തീപിടിച്ചത്. അപകടത്തിൽ 40 വയസുള്ള…
Read Moreഉത്തരകാശി തുരങ്കം അപകടം; രക്ഷാപ്രവർത്തനത്തിടെ വീണ്ടും മണ്ണിടിഞ്ഞു
ഉത്തരകാശി: ഉത്തരാഖണ്ഡിലെ ഉത്തരകാശി ജില്ലയിൽ നിർമാണത്തിലുള്ള തുരങ്കത്തിൽ കുടുങ്ങിയ തൊഴിലാളികളെ പുറത്തെത്തിക്കാനുള്ള ശ്രമം തുടരുന്നതിനിടെ വീണ്ടും മണ്ണിടിച്ചിൽ. ചൊവ്വാഴ്ച രാത്രിയായിരുന്നു മണ്ണിടിച്ചിൽ. തുരങ്കത്തിന്റെ അവശിഷ്ടങ്ങൾക്കിടയിലൂടെ ഉരുക്കുകുഴലുകൾ തള്ളിക്കയറ്റി തൊഴിലാളികളെ പുറത്തെത്തിക്കാനുള്ള ശ്രമത്തിനിടെയാണ് പ്രദേശത്ത് വീണ്ടും മണ്ണിടിച്ചിലുണ്ടായത്. മുപ്പതോളം തൊഴിലാളികൾ തുരങ്കത്തിലുണ്ടെന്നാണ് റിപ്പോർട്ട്. 900 മില്ലിമീറ്റർ വ്യാസമുള്ള കുഴലുകൾ ഒന്നൊന്നായി ഹൈഡ്രോളിക് ഡ്രില്ലിംഗ് മെഷിൻ ഉപയോഗിച്ചാണ് കയറ്റുന്നത്. തൊഴിലാളികൾക്ക് ട്യൂബുകൾ വഴി ഓക്സിജനും ഭക്ഷണവും വെള്ളവും മരുന്നുകളും നൽകുന്നുണ്ട്. ഇവരെ ഇന്ന് രക്ഷപ്പെടുത്താനാകുമെന്നാണ് കണക്കുകൂട്ടുന്നത്. ഇതിനിടെ തൊഴിലാളികളിൽ ഒരാളായ ഗബ്ബർ സിംഗ് നേഗി മകനുമായി സംസാരിച്ചു. ബ്രഹ്മഖൽ-യമുനോത്രി ദേശീയപാതയിൽ സിൽക്യാരയ്ക്കും ദണ്ഡൽഗാവിനും ഇടയിലുള്ള തുരങ്കത്തിൽ ഞായറാഴ്ച രാവിലെ ഏഴോടെയാണ് മണ്ണിടിച്ചിലുണ്ടായത്. ചാർധാം റോഡുപദ്ധതിയുടെ ഭാഗമായാണ് തുരങ്കം നിർമിക്കുന്നത്. യാഥാർഥ്യമായാൽ ഉത്തരകാശിയിൽനിന്ന് യമുനോത്രിയിലേക്കുള്ള യാത്രയിൽ 26 കിലോമീറ്റർ ദൂരം കുറയും.
Read Moreമണിപ്പുരിൽ സ്വതന്ത്രരാജ്യം സൃഷ്ടിക്കാൻ ശ്രമം; മെയ്തെയ് ഗ്രൂപ്പുകളെ നിരോധിച്ചു; ഇന്റർനെറ്റ് നിരോധനം അഞ്ച് ദിവസത്തേക്ക് കൂടി നീട്ടി
ന്യൂഡൽഹി: മണിപ്പുർ കലാപത്തിന്റെ പശ്ചാത്തലത്തിൽ മെയ്തെയ് സംഘടനയുടെ ഒന്പത് വ്യത്യസ്ത ഗ്രൂപ്പുകൾക്കും അനുബന്ധസംഘടനകൾക്കും കേന്ദ്രസർക്കാർ വിലക്കേർപ്പെടുത്തി. മണിപ്പുർ കേന്ദ്രമായി പ്രവർത്തിക്കുന്ന ഈ സംഘടനകളുടെ ദേശവിരുദ്ധപ്രവർത്തനങ്ങൾക്കൊപ്പം സുരക്ഷാസേനയ്ക്കു നേരേ അടിക്കടി നടത്തുന്ന ആക്രമണങ്ങളും കണക്കിലെടുത്താണ് കേന്ദ്ര ആഭ്യന്തരമന്ത്രാലയത്തിന്റെ നടപടി. സായുധസംഘർഷത്തിലൂടെ ഇന്ത്യയിൽനിന്ന് വേർപ്പെട്ട് സ്വതന്ത്രരാജ്യം സൃഷ്ടിക്കാനാണു സംഘടനകളുടെ ശ്രമമെന്നു കേന്ദ്രം പറയുന്നു. തിനിടെ തെരഞ്ഞെടുത്ത ജില്ലകളിൽ മൊബൈൽ ഇന്റർനെറ്റ് നിരോധനം അഞ്ച് ദിവസത്തേക്ക് കൂടി നീട്ടിയതായി സംസ്ഥാന സർക്കാർ അറിയിച്ചു. പിഎൽഎ എന്നറിയപ്പെടുന്ന പീപ്പിൾസ് ലിബറേഷൻ ആർമി, രാഷ്ട്രീയവിഭാഗമായ റവലൂഷനറി പീപ്പിൾസ് ഫ്രണ്ട് (ആർപിഎഫ്), യുണൈറ്റഡ് നാഷണൽ ലിബറേഷൻ ഫ്രണ്ട് (യുഎൻഎൽഎഫ്), സായുധവിഭാഗമായ മണിപ്പുർ പീപ്പിൾസ് ആർമി (എംപിഎ), പീപ്പിൾസ് റവലൂഷനറി പാർട്ടി ഓഫ് കംഗ്ലിപാക് (പിആർഇപിഎകെ) ഇവരുടെ സായുധവിഭാഗമായ റെഡ് ആർമി, കംഗ്ലിപാക് കമ്യൂണിസ്റ്റ് പാർട്ടി, ഇവരുടെയും സായുധവിഭാഗമായ റെഡ് ആർമി, കംഗ്ലി യോൽ കൻബ ലുപ്…
Read Moreപലസ്തീൻ ഐക്യദാർഢ്യ റാലിക്ക് അനുമതി നിഷേധിച്ചത് സിപിഎമ്മിന്റെ രാഷ്ട്രീയക്കളി; രമേശ് ചെന്നിത്തല
കണ്ണൂർ: കോഴിക്കോട് നടക്കുന്ന പലസ്തീൻ ഐക്യദാർഢ്യ റാലിക്ക് അനുമതി നിഷേധിച്ചത് സിപിഎമ്മിന്റെ രാഷ്ട്രീയക്കളിയാണെന്ന് മുൻ പ്രതിപക്ഷ നേതാവ് രമേശ് ചെന്നിത്തല. കണ്ണൂരിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. ഞങ്ങളല്ലാതെ ആരും പലസ്തീൻ ഐക്യദാർഢ്യം നടത്തരുതെന്ന ധാർഷ്ട്യമാണ് സിപിഎമ്മിന്. അത് ഒരു കാരണവശാലും അംഗീകരിച്ചുകൊടുക്കില്ല. ഞങ്ങൾ അവിടെ റാലി നടത്തുകതന്നെ ചെയ്യും. ഇപ്പോൾ നിഷേധിച്ച വേദിയിൽതന്നെ നടത്തണോയെന്ന കാര്യത്തിൽ ചർച്ചകൾ നടന്നുകൊണ്ടിരിക്കുകയാണെന്നും അദ്ദേഹം പറഞ്ഞു. സർക്കാരും മാർക്സിസ്റ്റ് പാർട്ടിയും ഇങ്ങനെ ഒരു തീരുമാനം എടുത്തത് ദൗർഭാഗ്യകരമാണ്. പലസ്തീനിൽ നടക്കുന്ന കൂട്ടക്കൊലയ്ക്കെതിരായി കേരളത്തിലെ ജനങ്ങളെ അണിനിരത്തുന്ന കാര്യമാണ് കെപിസിസി ആവിഷ്കരിച്ചത്. അതിനെ എന്തിന് എതിർക്കുന്നതെന്തിനെന്ന് മനസിലാകുന്നില്ലെന്നും അദ്ദേഹം പറഞ്ഞു. സർക്കാരിന്റെ പരിപാടി നടക്കുന്നത് 25നാണ്. അതിന് ഇനിയും ഒത്തിരി സമയമുണ്ട്. എന്നിട്ടും ഈ റാലി വിലക്കുന്നത് വലിയ രാഷ്ട്രിയ ലക്ഷ്യത്തോടെയാണ്.അതൊന്നും നടക്കാൻ പോകുന്നില്ല. പലസ്തീൻ വിഷയത്തിൽ ആശയക്കുഴപ്പമുള്ള പാർട്ടി സിപിഎമ്മാണ്. അങ്ങനെ…
Read Moreകോഴിക്കോട്ടെ കോണ്ഗ്രസ് റാലി ആരോപണങ്ങള് ജാള്യത മറയ്ക്കാനെന്ന് മന്ത്രി റിയാസ്; അനുമതി നിഷേധിച്ചാലും റാലി നടത്തുമെന്ന് കോണ്ഗ്രസ്
കോഴിക്കോട്: കോഴിക്കോട് കടപ്പുറത്തെ കോണ്ഗ്രസിന്റെ പലസ്തീന് ഐക്യദാര്ഢ്യറാലിക്ക് അനുമതി നിേഷധിച്ചതിന്റെ പേരിലുള്ള ആരോപണങ്ങള് കോണ്ഗ്രസിന്റെ ജാള്യത മറയ്ക്കാനാണെന്ന് മന്ത്രി പി.എ. മുഹമ്മദ് റിയാസ്. അതേസമയം, സര്ക്കാര് അനുമതി നിഷേധിച്ചാലും കോണ്ഗ്രസിന്റെ റാലി കോഴിക്കോട് കടപ്പുറത്തു 23നുതന്നെ നടക്കുമെന്ന് കോണ്ഗ്രസ് നേതാക്കള് പറഞ്ഞു. കോണ്ഗ്രസ് റാലിക്ക് ജില്ലാ കളക്ടര് അനുമതി നിഷേധിച്ചതാണ് വിവാദത്തിനു കാരണം. 25ന് കടപ്പുറത്ത് നടക്കുന്ന മുഖ്യമന്ത്രിയുടെ നവകേരള സദസ് കുളമാക്കാനുള്ള ശ്രമമാണ് േകാണ്ഗ്രസിന്റേതെന്ന് മന്ത്രി മുഹമ്മദ് റിയാസ് കോഴിക്കോട്ടു പറഞ്ഞു. നവകേരള സദസിന്റെ േവദിയായാി കടപ്പുറം േനരത്തെ തീരുമാനിച്ചിരുന്നതാണ്. 25 ദിവസം മുമ്പ് ബുക്കിംഗ് നടത്തുകയും ചെയ്തു. ഒരു പരിപാടിക്ക് രണ്ടു ദിവസം മുമ്പല്ല വേദി നശ്ചയിക്കേണ്ടതെന്ന് കോണ്ഗ്രസിനെ വിമര്ശിച്ച് മന്ത്രി പറഞ്ഞു. കോണ്ഗ്രസിനു വേണമെങ്കില് മറ്റെവിടെയെങ്കിലും പരിപാടി നടത്താമെന്നു മന്ത്രി പറഞ്ഞു. പലസ്തീന് വിഷയത്തില് കോണ്ഗ്രസിന് ആത്മാര്ഥതയില്ല എന്ന് തെളിയിക്കുന്നതാണ് ഈ സംഭവമെന്ന്…
Read Moreകണ്ണൂർ ഉരുപ്പുംകുറ്റി വനത്തിൽ വെടിവയ്പ് തുടരുന്നു; മാവോയിസ്റ്റുകൾ കൊല്ലപ്പെട്ടെന്നും ഇല്ലെന്നും; അടിമുടി ദുരൂഹത
ഇരിട്ടി(കണ്ണൂർ): ഉരുപ്പുംകുറ്റി വനത്തിൽ പോലീസും മാവോയിസ്റ്റുകളും തമ്മിലുള്ള ഏറ്റുമുട്ടൽ തുടരുന്നു. വനത്തിൽനിന്ന് ഇന്നലെ അർധരാത്രി അഞ്ച് റൗണ്ടോളം വെടിയൊച്ച കേട്ടതായും ഇന്നു പുലർച്ചയും വെടിയൊച്ച ഉയർന്നതായും പ്രദേശവാസികൾ പറഞ്ഞു. ഉരുപ്പുംകുറ്റി, എടപ്പുഴ, വാളത്തോട് പ്രദേശങ്ങൾ രാത്രിയിലും പോലീസിന്റെ നിയന്ത്രണത്തിൽതന്നെ ആയിരുന്നു. ഉരുപ്പുംകുറ്റി ടൗണിൽ മാത്രം 50 ഓളം പോലീസുകാരെ ഇന്നലെ രാത്രി വിന്യസിച്ചു. പുലർച്ചെ ടാപ്പിംഗ് ജോലിക്ക് പോകുന്നവരെപോലും പോലീസ് തടഞ്ഞിരുന്നു. നാലിന് തുടങ്ങേണ്ട ടാപ്പിംഗ് ജോലികൾ ആറിനുശേഷമാണ് ആരംഭിച്ചത്. ഇന്നലെ രാവിലെ 9.30 തോടെയാണ് ഏറ്റുമുട്ടൽ ആരംഭിച്ചത്. ഇരുകൂട്ടരും പരസ്പരം വെടി ഉതിർത്തെങ്കിലും ആർക്കെങ്കിലും പരിക്ക് പറ്റിയതായി പോലീസ് സ്ഥിരീകരിക്കുന്നില്ല. സ്ഥലത്തു ണ്ടായിരുന്ന എട്ടുപേരും രക്ഷപ്പെട്ടതായാണ് പോലീസ് വാർത്താ സമ്മേളനത്തിൽ പറഞ്ഞതെങ്കിലും വെടിവയ്പ് നടന്ന സ്ഥലങ്ങളിൽ രക്തത്തുള്ളികൾ കണ്ടെന്നു പറയുന്നതു ദുരൂഹതയുണർത്തുന്നു. മാവോയിസ്റ്റുകൾ തിരിച്ചെത്തി ആക്രമണം നടത്താനുള്ള സാധ്യതകൾ കണക്കിലെടുത്ത് ഉരുപ്പുംകുറ്റി ടൗണിലും മലമുകളിലെ വനാതിർത്തിയോട്…
Read Moreകണ്ടല സഹകരണ ബാങ്ക് കേസ്;അന്വേഷണം വ്യാപിപ്പിക്കാന് ഇഡി
കൊച്ചി: തിരുവനന്തപുരം കണ്ടല സഹരണ ബാങ്ക് തട്ടിപ്പ് കേസില് കൂടുതല്പ്പേരെ ചോദ്യം ചെയ്യാനൊരുങ്ങി എന്ഫോഴ്സ്മെന്റ് ഡയറക്ടറേറ്റ് (ഇഡി). കണ്ടല ബാങ്ക് പ്രസിഡന്റും സിപിഐ മുന് നേതാവുമായിരുന്ന എന്. ഭാസുരാംഗനെ ചോദ്യം ചെയ്തതിന് പിന്നാലെയാണ് ഇഡിയുടെ നീക്കം. ബാങ്കില് ദുരൂഹ നിക്ഷേപങ്ങള് നടത്തിയവരെ ചോദ്യം ചെയ്യും. കഴിഞ്ഞ ദിവം ബാങ്കില് നടത്തിയ പരിശോധനയുടെ പശ്ചാത്തലത്തിലാണിത്. പരിശോധനയില് നിര്ണായക വിവരങ്ങള് ലഭിച്ചിരുന്നു. ബാങ്ക് ഭരണസമിതി അംഗങ്ങളെയും ഭാസുരാംഗന്റെ മകനെയും വൈകാതെ ചോദ്യം ചെയ്യുമെന്നാണ് വിവരം. കണ്ടലയിലെ രണ്ടര പതിറ്റാണ്ടുകാലത്തെ വിവരങ്ങളാണ് ഇഡി പരിശോധിക്കുന്നത്. കഴിഞ്ഞ ദിവസം കൊച്ചിയില് ഓഫീസില് വിളിച്ചുവരുത്തി ഭാസുരാംഗനില്നിന്നും ഇഡി മൊഴി രേഖപ്പെടുത്തിയിരുന്നു. ബാങ്കില് തട്ടിപ്പല്ല ക്രമക്കേടാണ് നടന്നതെന്നാണ് ഇയാള് മൊഴി നല്കിയിരിക്കുന്നത്. ഇതില് പാര്ട്ടി നേതാക്കള്ക്കും അറിവുള്ളതായാണ് ഭാസുരാംഗന് ഇഡിയോട് വെളിപ്പെടുത്തിയിരിക്കുന്നത് തനിക്കെതിരേ ഗൂഡാലോചന നടന്നിട്ടുണ്ടെന്നും. ഇതില് സിപിഎം സിപിഐ നേതാക്കള്ക്ക് പങ്കുള്ളതായും ഭാസുരാംഗന് കഴിഞ്ഞദിവസം…
Read Moreഡോണള്ഡ് ട്രംപിന്റെ സഹോദരി മരിച്ചനിലയില്
വാഷിംഗ്ടണ്: അമേരിക്കന് മുന് പ്രസിഡന്റ് ഡോണള്ഡ് ട്രംപിന്റെ മൂത്ത സഹോദരി മരിയാനെ ട്രംപ് ബാരി(86) അന്തരിച്ചു. തിങ്കളാഴ്ച രണ്ടരയോടെ ന്യൂയോര്ക്ക് സിറ്റിയിലെ അപ്പാര്ട്ട്മെന്റില് ഇവരെ മരിച്ചനിലയില് കണ്ടെത്തുകയായിരുന്നു. മരണകാരണം വ്യക്തമല്ല. 1983 മുതല് ന്യൂജഴ്സിയിലെ ഫെഡറല് ജഡ്ജിയായി സേവനമനുഷ്ടിച്ച മരിയാനെ 2019ലാണ് വിരമിച്ചത്. ട്രംപിന്റെ നാലു സഹോദരങ്ങളില് മരണപ്പെടുന്ന മൂന്നാമത്തെയാളാണ് മരിയാനെ. സഹോദരിയുടെ മരണം സംബന്ധിച്ച് മാധ്യമങ്ങള് ട്രംപിന്റെ പ്രതികരണം ആരാഞ്ഞെങ്കിലും പ്രതികരിക്കാന് അദ്ദേഹം തയാറായില്ല.
Read Moreവായു മലിനീകരണം;ഡല്ഹിയില് സ്വകാര്യ വാഹനങ്ങളുടെ പാര്ക്കിംഗ് ഫീസ് ഇരട്ടിയാക്കി
ന്യൂഡല്ഹി: രാജ്യതലസ്ഥാനത്ത് വായുമലിനീകരണത്തിന്റെ തോത് അപകടകരമാംവിധം ഉയരുന്ന സാഹചര്യത്തില് സ്വകാര്യ വാഹനങ്ങളുടെ പാര്ക്കിംഗ് ഫീസ് ഇരട്ടിയാക്കി ന്യൂഡല്ഹി മുനിസിപ്പല് കൗണ്സില് (എന്ഡിഎംസി). വാഹനങ്ങളുമായി നിരത്തിലിറങ്ങുന്നതില്നിന്ന് ആളുകളെ പിന്തിരിപ്പിക്കാനാണ് ഈ നടപടി. അടുത്ത ജനുവരി 24വരെ നിയന്ത്രണം തുടരുമെന്നും അറിയിപ്പില് പറയുന്നു. മൊത്തത്തില് 91 പാര്ക്കിംഗ് സൈറ്റുകളാണ് എന്ഡിഎംസിയുടെ പരിധിയില് വരുന്നത്. അതില് 41 എണ്ണം നിയന്ത്രിക്കുന്നത് എന്ഡിഎംസിയാണ്. ശേഷിക്കുന്നവയുടെ നടത്തിപ്പു പുറത്തുള്ള ഏജന്സികളെ ഏല്പ്പിച്ചിരിക്കുകയാണ്. സരോജിനി നഗര് മാര്ക്കറ്റ്, ഖാന് മാര്ക്കറ്റ്, ലോധി റോഡ്, ഐഎന്എ, എയിംസ്, സഫ്ദര്ജംഗ് എന്നിങ്ങനെ രാജ്പത്തിനും എയിംസിനും ഇടയില് വരുന്ന പാര്ക്കിംഗ് സൈറ്റുകളില് എപ്പോഴും വലിയ തിരക്കാണ് അനുഭവപ്പെടുന്നത്.
Read More