രണ്ടു പതിറ്റാണ്ടിനടുത്ത് നായകന്, വില്ലന്, മെയിന് ലീഡ്, സപ്പോര്ട്ടിംഗ് ആക്ടര് എന്നിങ്ങനെ വേറിട്ട വേഷപ്പകര്ച്ചകളില് തിളങ്ങുന്ന സൈജു കുറുപ്പ് നായകനും സഹനിര്മാതാവുമായ “ഭരതനാട്യം’ തിയറ്ററുകളിൽ. പുതുമുഖം കൃഷ്ണദാസ് മുരളി തിരക്കഥയെഴുതി സംവിധാനം ചെയ്ത ഭരതനാട്യം, ഫാമിലി കോമഡി ഫീല്ഗുഡ് എന്റര്ടെയ്നറാണ്. തോമസ് തിരുവല്ല ഫിലിംസും സൈജു കുറുപ്പ് എന്റര്ടെയ്ന്മെന്റ്സുമാണ് നിര്മാണം. എന്താണു ഭരതനാട്യം എന്നതു സസ്പെന്സാണ്. ചില കുടുംബങ്ങളില് ദുരഭിമാനം കാത്തു സൂക്ഷിക്കുന്ന കുറേയാളുകളുണ്ട്. രഹസ്യം സൂക്ഷിക്കുന്ന ചിലരുണ്ട്. ഉച്ചത്തില് സംസാരിക്കേണ്ട, അയലത്തുകാർ കേട്ടാല് നാണക്കേടാവും എന്ന വിചാരമുള്ളവരുമുണ്ട്. അത്തരം കഥാപാത്രങ്ങളുടെ കഥയാണു ഭരതനാട്യം- സൈജു കുറുപ്പ് രാഷ്്ട്ര ദീപികയോടു പറഞ്ഞു. പ്രൊഡ്യൂസറായത്… സംവിധാനം എനിക്കു വര്ക്ക് ഔട്ട് അല്ലെന്നറിയാം. പക്ഷേ, ഒരു പടമെങ്കിലും പ്രൊഡ്യൂസ് ചെയ്യണമെന്ന് ആഗ്രഹമുണ്ടായിരുന്നു. കൃത്യമായ പ്രോജക്ടിനു വേണ്ടി കാത്തിരുന്നു. ഓസ്ലറിന്റെ ഷൂട്ടിംഗിനിടെ കൃഷ്ണദാസ് പറഞ്ഞ ഭരതനാട്യത്തിന്റെ കഥ എനിക്കിഷ്ടമായി. പിന്നീടു ദുബായില്…
Read More
