ഭീമൻ പെരുമ്പാമ്പ് മുതലയെ വിഴുങ്ങുന്നതിന്റെ ചിത്രങ്ങൾ അമ്പരപ്പുണർത്തുന്നു. പ്രശസ്ത തുഴച്ചിൽക്കാരനായ മാർട്ടിൻ മുള്ളറാണ് ഈ ചിത്രങ്ങൾ പകർത്തിയത്. ക്വീൻസ്ലാൻഡിൽ നിന്നുള്ളതാണ് ഈ ചിത്രങ്ങൾ. ഓസ്ട്രേലിയയിലെ ഏറ്റവും വലിയ രണ്ടാമത്തെ പാമ്പായ ഒലിവ് പൈത്തണാണ് ഈ മുതലയെ വിഴുങ്ങിയത്. മുതലയെ വിഴുങ്ങിക്കൊണ്ടിരിക്കുന്നതും വിഴുങ്ങിയതിനു ശേഷവുമുള്ള ചിത്രങ്ങളാണ് അദ്ദേഹം പകർത്തിയത്.
Read MoreCategory: NRI
മുങ്ങിക്കപ്പലിൽ പാഞ്ഞ മയക്കുമരുന്ന് മാഫിയയെ പിടികൂടാൻ കോസ്റ്റ്ഗാർഡിന്റെ സാഹസികത
മുങ്ങിക്കപ്പലിൽ മയക്കുമരുന്ന് കടത്തുവാൻ ശ്രമിച്ചവരെ കോസ്റ്റ്ഗാർഡ് സാഹസികമായി പിടികൂടുന്നതിന്റെ അമ്പരപ്പിക്കുന്ന ദൃശ്യങ്ങൾ പുറത്ത്. അമേരിക്കയിലാണ് സംഭവം. പസഫിക് സമുദ്രത്തിലെ അന്താരാഷ്ട്ര അതിർത്തിയിൽ വച്ചാണ് മുങ്ങിക്കപ്പലിൽ മയക്കു മരുന്ന് കടത്താൻ ശ്രമിച്ച മാഫിയയെ അമേരിക്കൻ കോസ്റ്റ് ഗാർഡ് പിടികൂടിയത്. കടലിൽ പെട്രോളിംഗ് നടത്തുന്നതിനിടെയാണ് മുങ്ങിക്കപ്പൽ കോസ്റ്റ്ഗാർഡിന്റെ ശ്രദ്ധയിൽപ്പെടുന്നത്. മുങ്ങിക്കപ്പലിന്റെ പിന്നാലെ കോസ്റ്റ്ഗാർഡ് ഉദ്യോഗസ്ഥർ ബോട്ടിൽ പാഞ്ഞെങ്കിലും അവർ മുങ്ങിക്കപ്പൽ അതിവേഗം പായിച്ചു. ഏറെ ദൂരം പിറകെ പോയി കോസ്റ്റ്ഗാർഡ് ഉദ്യോഗസ്ഥർ മുങ്ങിക്കപ്പലിന്റെ മുകളിലേക്ക് സാഹസികമായി എടുത്ത് ചാടി കുറ്റവാളികളെ പിടികൂടുകയായിരുന്നു. ഏകദേശം 17,000 പൗണ്ട് കൊക്കൈയ്നാണ് ഇവരുടെ പക്കൽ നിന്നും പിടികൂടിയത്. അന്താരാഷ്ട്ര വിപണിയിൽ ഇതിന് 1590 കോടിയലധികം വില വരും.
Read Moreവീട്ടിൽ അതിക്രമിച്ചു കയറിയ കരടിയെ തുരത്തിയോടിച്ച് വളർത്തു നായ
വീടിന് സമീപം അതിക്രമിച്ചു കടന്നെത്തിയ കരടിയെ സമീപവാസിയുടെ വളർത്തു നായ നേരിടുന്നതിന്റെ ദൃശ്യങ്ങൾ വൈറലാകുന്നു. ന്യൂജേഴ്സിയിലാണ് സംഭവം. ഒരു വീടിനു മുമ്പിലെത്തിയ കരടി ഇവിടെ പക്ഷികൾക്ക് ഭക്ഷണം ഇട്ട് വച്ചിരുന്ന വസ്തു കടിച്ച് താഴെയിടുകയും ഇതിനുള്ളിൽ വച്ചിരുന്ന ഭക്ഷണം കഴിക്കുകയായിരുന്നു. പെട്ടന്ന് ഇവിടെയെത്തിയ അയൽവാസിയുടെ വളർത്തുനായ കരടിയെ നേരിടുകയായിരുന്നു. പ്രതിരോധിക്കുവാനായി കരടി ശ്രമിച്ചുവെങ്കിലും വിജയിച്ചില്ല. തുടർന്ന് കരടി ഇവിടെ നിന്ന് ഓടി രക്ഷപെടുകയായിരുന്നു. വീടിനു മുമ്പിലെ സിസിടിവിയിലാണ് ഈ ദൃശ്യങ്ങൾ പതിഞ്ഞത്. സോഷ്യൽമീഡിയയിൽ പങ്കുവച്ചിരിക്കുന്ന ദൃശ്യങ്ങൾ വൈറലാകുകയാണ്.
Read Moreസ്വന്തം മുട്ടകൾ രക്ഷിക്കാൻ ട്രാക്ടറിനു മുമ്പിൽ ചിറകുവിരിച്ച് അമ്മപ്പക്ഷി
ട്രാക്ടറിന്റെ ടയർ കയറാതെ അമ്മ പക്ഷി മുട്ടകൾ സംരക്ഷിക്കുന്നതിന്റെ കണ്ണീരണിയിക്കുന്ന ദൃശ്യങ്ങൾ വൈറലാകുന്നു. ചൈനയിലെ ഉലൻക്വാബ് സിറ്റിലിയിൽ നിന്നുള്ളതാണ് ഈ ദൃശ്യങ്ങൾ. ഒരാൾ കൃഷി സ്ഥലത്ത് ട്രാക്ടർ ഉപയോഗിച്ച് നിലം ഉഴുതുകൊണ്ടിക്കുമ്പോഴാണ് ഒരു പക്ഷി പെട്ടന്ന് ട്രാക്ടറിന്റെ മുമ്പിലേക്ക് ഓടി വന്നത്. ഇയാൾ പെട്ടന്ന് വാഹനം നിർത്തി നോക്കിയപ്പോൾ കാണുന്നത് തന്റെ മുട്ടകളെ സംരക്ഷിച്ച് ഈ പക്ഷി നിൽക്കുന്നതായിരുന്നു. തുടർന്ന് വാഹനം ഇവിടെ നിന്നും മാറ്റിയ ഇയാൾ പക്ഷിക്ക് കുടിക്കാൻ വെള്ളവും ഇവിടെ വച്ചു നൽകി. ഇദ്ദേഹം തന്നെയാണ് ഈ ദൃശ്യങ്ങൾ പകർത്തിയതും. സോഷ്യൽമീഡിയയിൽ ഈ ദൃശ്യങ്ങൾ വൈറലായതിനെ തുടർന്ന് ഇദ്ദേഹത്തെ അഭിനന്ദിച്ച് നിരവധിയാളുകളാണ് രംഗത്തെത്തിയിരിക്കുന്നത്. Mother bird stops moving tractor to protect eggs pic.twitter.com/CWyA28rbvI — CGTN (@CGTNOfficial) July 10, 2019
Read Moreറോഡിൽ നോട്ടുമഴ, വാരിയെടുത്ത് വഴിയാത്രികർ; തിരികെവാങ്ങാൻ പോലീസ്
ബാങ്കിലേക്ക് പണവുമായി പോകുകയായിരുന്ന വാഹനത്തിനുള്ളിൽ നിന്നും കറൻസികൾ പുറത്ത് പോയി റോഡിൽ നിറഞ്ഞു. അമേരിക്കയിലെ ജോർജിയയിലുള്ള ഇന്റർസ്റ്റേറ്റ് ഹൈലെ 285ലാണ് ഏറെ ആശ്ചര്യകരമായ സംഭവം നടന്നത്. വാഹനത്തിന്റെ വാതിൽ അബദ്ധത്തിൽ തുറന്നു പോയതാണ് സംഭവത്തിന് കാരണമായത്. റോഡിൽ നിറഞ്ഞ കറൻസികൾ വഴിയാത്രികർ പെറുക്കിയെടുത്തിരുന്നു. പണം എടുത്ത ആളുകളിൽ നിന്നും അത് തിരികെ വാങ്ങുവാനുള്ള ശ്രമത്തിലാണ് പോലീസ്. ഏകദേശം ഒരു ലക്ഷം ഡോളറോളം വഴിയിൽ ചിതറിയെന്നാണ് റിപ്പോർട്ടുകൾ സൂചിപ്പിക്കുന്നത്. Dunwoody Police tell me it is possible well over $100,000 in cash covered 285 West last night after a door on an armored truck came open. If you picked up any of the cash police are asking you to return it or…
Read Moreപതിനഞ്ച് ഷർട്ടുകൾ വിമാനത്തിൽ കൊണ്ടുപോകണം; പണം ലാഭിക്കുവാൻ ഒരാൾ ചെയ്തത് കാണു..
വിമാനയാത്രക്കിടയിൽ ലഗേജുകൾ കൊണ്ടു പോകുന്നതിന് വിമാനകമ്പനികൾ പണം ഈടാക്കാറുണ്ട്. എന്നാൽ ഈ ഫീസ് നൽകാതെ തന്റെ കുറയധികം വസ്ത്രങ്ങൾ വിമാനത്തിൽ കൊണ്ടുപോകുവാൻ ഒരാൾ ഉപയോഗിച്ച വ്യത്യസ്തമായ മാർഗത്തിന്റെ ദൃശ്യങ്ങൾ വൈറലാകുന്നു. സ്കോട്ട്ലൻഡ് സ്വദേശിയായ 46 വയസുകാരനായ ഇദ്ദേഹത്തിന്റെ പേര് ജോണ് ഐർവിൻ എന്നാണ്. കുറയധികം ഷർട്ടുകളാണ് അദ്ദേഹം ഫ്രാൻസിൽ നിന്നും വിമാനത്തിൽ കൊണ്ടു പോകുവാൻ തീരുമാനിച്ചത്. എന്നാൽ കൈയിൽ നിന്നും ഒരുപാട് പണം പോകുമെന്ന് മനസിലാക്കിയ അദ്ദേഹം ഈ ഷർട്ടുകളെല്ലാം ധരിച്ചുകൊണ്ട് വിമാനത്തിൽ യാത്ര ചെയ്യുകയാണുണ്ടായത്. ഇദ്ദേഹം ഷർട്ടുകൾ ധരിക്കുന്നതിന്റെ വീഡിയോ മകൻ ജോഷ് ആണ് പകർത്തിയത്. സോഷ്യൽമീഡിയയിൽ ഈ ദൃശ്യങ്ങൾ വൈറലായി മാറിയിരിക്കുകയാണ്. ഈ വീഡിയോയ്ക്ക് പ്രതികരണവുമായി നിരവധിയാളുകളാണ് രംഗത്തെത്തിയിരിക്കുന്നത്.
Read Moreആനയും സിംഹവും ഉഗ്ര പോരാട്ടം; അവസാനം വിജയിച്ചത്….
ആനയും സിംഹവും തമ്മിൽ നടന്ന ഉഗ്രപോരാട്ടത്തിന്റെ ദൃശ്യങ്ങൾ പുറത്ത്. സിംബാവേയിലെ ഹോങ്കേ നാഷണൽ പാർക്കിലാണ് സംഭവം. ആനയുടെ മസ്തകത്തിൽ കടിച്ചു തൂങ്ങിയ സിംഹം ആനയെ കീഴ്പ്പെടുത്തുവാൻ ആകുന്നത്ര പരിശ്രമിച്ചുവെങ്കിലും വിജയിച്ചില്ല. ആന കുടഞ്ഞെറിഞ്ഞതോടെ സിംഹം ജീവനും കൊണ്ടോടി. സിംഹത്തിനു പിന്നാലെ ആന പാഞ്ഞെങ്കിലും സിംഹം പിടികൊടുത്തില്ല. ഇവിടെ സന്ദർശനത്തിനെത്തിയ വിനോദ സഞ്ചാരികളാണ് ഈ ദൃശ്യങ്ങൾ പകർത്തിയത്.
Read Moreമീൻ പിടിക്കാൻ ചൂണ്ടയിട്ടു; കിട്ടിയത് മീനിനൊപ്പം പെരുമ്പാമ്പിനെയും
മീൻ പിടിച്ചുകൊണ്ടിരുന്നയാളുടെ ചൂണ്ടയിൽ കുടുങ്ങിയത് മീനും പെരുമ്പാമ്പും. ടെക്സസിലാണ് ഏറെ വിചിത്രമായ സംഭവം നടന്നത്. ചൂണ്ടയിൽ മീൻ കൊളുത്തിയെന്ന് കരുതിയ ഒരു യുവാവ് അത് മീനാണെന്ന് കരുതി ഉയർത്തിയപ്പോഴാണ് മീനിനൊപ്പം പെരുമ്പാമ്പും വെള്ളത്തിന് അടിയിൽ നിന്നും ഉയർന്നു വന്നത്. ഇദ്ദേഹം തന്നെ പകർത്തിയ ദൃശ്യങ്ങൾ സോഷ്യൽമീഡിയയിൽ വൈറലായി മാറുകയാണ്. മീനിനെയും പെരുമ്പാമ്പിനെയും എന്തു ചെയ്തെന്ന് അറിയാൻ ആകാംക്ഷയോടെയാണ് ആളുകൾ വിവരങ്ങൾ ആരായുന്നത്. The things I go through with bayou fishing 😂😂🎣🐍 pic.twitter.com/5E5qqg6Ira — TEXAS WILD BOY🎣🐍 (@ChaseThePlayBoy) July 8, 2019
Read Moreകടയിൽ കയറി ഐസ്ക്രീം നക്കി ഫ്രീസറിൽ തിരികെവച്ച് യുവാവ്; അവസാനം അറസ്റ്റിൽ
കടയിൽകയറി ഐസ്ക്രീം നക്കിയ ശേഷം ഫ്രീസറിൽ തിരികെവച്ച യുവാവ് അറസ്റ്റിൽ. അമേരിക്കയിലെ ലൂയിസിയാനയിലാണു സംഭവം. ലെനിസ് മാർട്ടിൻ എന്ന മുപ്പത്താറുകാരനാണു ശനിയാഴ്ച അറസ്റ്റിലായത്. കടയിലെ ഐസ്ക്രീം കേടുവരുത്തിയതിനും കുറ്റകൃത്യം പരസ്യപ്പെടുത്തിയതിനുമാണ് അറസ്റ്റ്. കടയിൽകയറി ഐസ്ക്രീം നക്കിയ ശേഷം ഫ്രീസറിൽ തിരികെവയ്ക്കുന്ന വീഡിയോ ലെനിസ് ഫേസ്ബുക്കിലും ട്വിറ്ററിലും പോസ്റ്റ് ചെയ്തിരുന്നു. ബ്ലൂ ബെൽ എന്ന കന്പനിയുടെ ഐസ്ക്രീം ബോക്സ് തുറന്നു നക്കുന്നതും തിരികെ അവിടെതന്നെ വയ്ക്കുന്നതുമായ വീഡിയോ 13 ദശലക്ഷം ആളുകളാണു കണ്ടത്. ഇതു വിവാദമായതിനെ തുടർന്നു പോലീസ് അറസ്റ്റിലേക്കു കടക്കുകയായിരുന്നു. ഐസ്ക്രീമിന്റെ ബില്ലടച്ചിരുന്നുവെന്ന പ്രതിയുടെ വാദം അംഗീകരിച്ചുവെങ്കിലും കേസുമായി മുന്നോട്ടു പോകാനാണു പോലീസിന്റെ തീരുമാനം. ലെനിസിനു കോടതി ബോണ്ടിന്റെ അടിസ്ഥാനത്തിൽ ജാമ്യം അനുവദിച്ചെങ്കിലും ജയിൽമോചിതനായോ എന്നു വ്യക്തമല്ല. അടുത്തിടെ വ്യാപകമായി പ്രചരിച്ച വീഡിയോയുടെ ചുവടുപിടിച്ചാണ് ലെനിസും വീഡിയോ പങ്കുവച്ചതെന്നാണു സൂചന. റീട്ടയ്ൽ സ്റ്റോറിനുള്ളിൽ കയറി ഐസ്ക്രീം നക്കിയശേഷം…
Read Moreഅമ്മയുടെ മൃതദേഹത്തിനൊപ്പം മകളും കൊച്ചുമകളും താമസിച്ചതു മൂന്നു വർഷം !
ടെക്സസ്: അമ്മയുടെ മൃതദേഹത്തിനൊപ്പം മകളും കൊച്ചുമകളും കഴിച്ചുകൂട്ടിയതു മൂന്നു വർഷം. യുഎസിലെ ടെക്സസിലാണു സംഭവം. രണ്ടുമുറി വീട്ടിൽ മൃതദേഹത്തിന്റെ അവശിഷ്ടങ്ങൾ കണ്ടെത്തിയതിനെ തുടർന്ന് നടത്തിയ അന്വേഷണത്തിലാണ് വിചിത്രകഥ വെളിപ്പെട്ടത്. എഴുപത്തൊന്നുകാരിയായ വയോധികയ്ക്കു 2016-ൽ വീണതിനെ തുടർന്ന് പരിക്കേറ്റിരുന്നു. ഒപ്പം താമസിച്ചിരുന്ന മകൾ അമ്മയ്ക്ക് ആവശ്യമായ ചികിത്സ നൽകിയില്ല. കുറച്ചുദിവസത്തിനുശേഷം വൃദ്ധ മരിച്ചു. മൃതദേഹം നീക്കാൻ മകൾ തയാറായില്ലെന്നു പോലീസ് പറയുന്നു. ഒരു മുറിയിൽ മൃതദേഹം കിടക്കുന്പോൾ തൊട്ടടുത്ത മുറിയിലാണ് മകളും മകളുടെ കുട്ടിയും ഉറങ്ങിയിരുന്നത്. വൃദ്ധ മരിക്കുന്പോൾ കൊച്ചുമകൾക്ക് 15 വയസായിരുന്നു പ്രായം. ഇതിന്റെ അടിസ്ഥാനത്തിൽ കുട്ടിയുടെ അമ്മയെ പോലീസ് അറസ്റ്റ് ചെയ്തു. കുട്ടിയെ പിന്നീട് ബന്ധുക്കളുടെ സംരക്ഷണയിലേക്കു മാറ്റി. കുട്ടിക്ക് അപകടം വരുത്തിയ കുറ്റമാണ് അമ്മയ്ക്കെതിരേ ചുമത്തിയിരിക്കുന്നത്. കുറ്റം തെളിഞ്ഞാൽ 20 വർഷം തടവോ 10,000 ഡോളർ പിഴയോ ലഭിച്ചേക്കാം.
Read More