പരിചാരകനെ കടുവ കടിച്ചു തിന്നു. ചൈനയിലെ ഫുഷൗ നഗരത്തിലെ മൃഗശാലയിലാണ് സംഭവം. വൂ എന്നാണ് കൊല്ലപ്പെട്ടയാളുടെ പേര്. കടുവ കുഞ്ഞായിരിക്കുന്പോൾ മുതൽ വൂ ആയിരുന്ന കടുവയുടെ പരിചാരകൻ. പതിവ് പരിശീലനത്തിനായി വൂ കൂടിനുള്ളിൽ കയറിയപ്പോഴാണ് അപകടം നടന്നത്. അക്രമിച്ചു കൊല്ലുക മാത്രമല്ല വൂവിനെ കടുവ തിന്നുകയും ചെയ്തിരുന്നു. വൂവിന്റെ മൃതദേഹത്തിൽ ചവിട്ടി നിൽക്കുകയായിരുന്ന കടുവയെ കുറെ നേരത്തെ പരിശ്രമത്തിനു ശേഷമാണ് അവിടെ നിന്നും മാറ്റാനായത്. മനുഷ്യരുമായി നല്ല ഇണക്കമുള്ള കടുവ അക്രമാസക്തനായതിന്റെ കാരണം വ്യക്തമല്ല. സംഭവത്തെ തുടർന്ന് കിഴക്കൻ ചൈനയിലെ ലിൻഹുയി പ്രവശ്യയിൽ തീരുമാനിച്ചിരുന്ന പ്രദർശനം റദ്ദാക്കിയതായി മൃഗശാല അധികൃതർ അറിയിച്ചു.
Read MoreCategory: NRI
യേശുവിനെക്കുറിച്ചുള്ള ഗാന്ധിജിയുടെ കത്ത് ലേലത്തിൽ പോയത് 50,000 ഡോളറിന്
ന്യൂയോർക്ക്: യേശുക്രിസ്തുവിനെക്കുറിച്ച് പരാമർശിക്കുന്ന മഹാത്മാ ഗാന്ധിയുടെ കത്ത് 50,000 ഡോളറിന് ലേലത്തിൽ പോയി. വാങ്ങിയയാളുടെ പേരുവിവരങ്ങൾ പുറത്തുവിട്ടിട്ടില്ല. അമേരിക്കയിൽ ജീവിച്ചിരുന്ന മിൽട്ടൻ ന്യൂബെറി ഫ്രാന്റ്റ്സ് എന്ന ക്രിസ്ത്യൻ മതനേതാവിന് അയച്ചതാണ് കത്ത്. 1926 ഏപ്രിൽ 6 തീയതി വച്ചിരിക്കുന്ന കത്ത് ടൈപ്പ് ചെയ്തശേഷം ഗാന്ധിജി ഒപ്പിടുകയായിരുന്നു. മനുഷ്യകുലത്തിലെ മഹത്തായ ഗുരുക്കന്മാരിൽ ഒരാളാണ് യേശുവെന്ന് ഗാന്ധിജി ചൂണ്ടിക്കാട്ടുന്നു. എല്ലാ മതവിശ്വാസങ്ങളെയും ബഹുമാനിക്കേണ്ടതിന്റെ പ്രാധാന്യവും കത്തിൽ എടുത്തുപറയുന്നുണ്ട്. ഗാന്ധിജി യേശുവിനെക്കുറിച്ചു പരാമർശിക്കുന്ന ഒരു കത്ത് വില്പനയ്ക്കു വരുന്നത് ഇതാദ്യമാണെന്ന് ലേലം നടത്തിയ പെൻസിൽവേനിയയിലെ റാബ് കളക്ഷൻസ് പറഞ്ഞു.
Read Moreയുഎഇയിൽ മരിക്കുന്നവരുടെ മൃതദേഹം നാട്ടിലെത്തിക്കാൻ ഇനി തൂക്കിനോക്കില്ല
അബുദാബി: യുഎഇയിൽ മരിക്കുന്ന ഇന്ത്യക്കാരുടെ മൃതദേഹം ഇനി തൂക്കിനോക്കാതെ വിമാനത്തിൽ നാട്ടിലെത്തിക്കും. മൃതദേഹങ്ങളുടെ ഭാരം എടുക്കേണ്ടെന്ന് എയർ ഇന്ത്യയുടെ കാർഗോ വിഭാഗം തീരുമാനിച്ചു. അബുദാബി ഒഴികെയുള്ള എമിരേറ്റുകളിൽ പുതിയ തീരുമാനം ബാധകമാവും. എയർ ഇന്ത്യയിലും എയർ ഇന്ത്യ എക്സ്പ്രസിലും പുതിയ തീരുമാനപ്രകാരം മൃതദേഹങ്ങൾ ഇന്ത്യയിൽ എത്തിക്കുമെന്ന് എയർ ഇന്ത്യ അറിയിച്ചു. എയർ ഇന്ത്യയിൽ കാർഗോയുടെ ചുമതലയുള്ള അറേബ്യൻ ട്രാവൽസാണ് തീരുമാനം കൈക്കൊണ്ടത്. ഇതോടെ ദുബായിയിൽനിന്നു മൃതദേഹങ്ങൾ കൊച്ചിയിൽ എത്തിക്കാൻ 2000 ദിർഹത്തിൽ താഴെ മാത്രമേ ചെലവാകൂ.
Read Moreഒരു കുഞ്ഞിനോട് കാണിച്ച ക്രൂരത! അമ്മയാവാത്ത ഒരു സ്ത്രീ, സ്വന്തം മാറിടം വില്പനചരക്കാക്കി മാതൃത്വത്തെ അവഹേളിച്ചു; മാറേണ്ടത് സ്ത്രീകളുടെ കാഴ്ചപ്പാട് : ഷാഹിദ കമാല്
ദോഹ: സ്ത്രീകളുടെ കാഴ്ചപ്പാടുകൾക്കു മാറ്റം വേണമെന്നും സ്ത്രീകൾ അവർക്കു ലഭിച്ചിട്ടുള്ള അവകാശങ്ങൾ പരമാവധി ഉപയോഗിക്കാൻ ശ്രമിക്കമെന്നും കേരള വനിതാ കമ്മീഷൻ അംഗം ഷാഹിദ കമാൽ. “ഇന്ത്യൻ സ്ത്രീകൾ നേരിടുന്ന വെല്ലുവിളികൾ എന്ന വിഷയത്തിൽ സംസ്കൃതി വനിതാ വേദി സ്കിൽസ് ഡവലപ്മെന്റ് സെന്ററിൽ സംഘടിപ്പിച്ച പരിപാടിയിൽ മുഖ്യാതിഥിയായി പങ്കെടുത്തു സംസാരിക്കുകയായിരുന്നു അവർ. അവിവാഹിതയായ, അമ്മയാവാത്ത ഒരു സ്ത്രീ, സ്വന്തം മാറിടം വില്പനചരക്കാക്കി മാതൃത്വത്തെ അവഹേളിക്കുകയും നിഷ്കളങ്കയായ ഒരു കുഞ്ഞിനോട് കാണിച്ച ക്രൂരതയുമായി മാത്രമേ മാസികയുടെ മുഖചിത്രത്തെ കാണാൻ സാധിക്കുകയുള്ളൂവെന്നും അവർ അഭിപ്രായപ്പെട്ടു. മാതാപിതാക്കളുടെ അമിതമായ ഇടപെടൽ വിവാഹിതരായ പെണ്കുട്ടികളുടെ കുടുംബ ജീവിതത്തിൽ പ്രശ്നങ്ങൾ സൃഷ്ടിക്കുന്നുണ്ടെന്നു വനിതാ കമ്മീഷന് മുന്നിൽ വന്ന ചില പരാതികളുടെ അടിസ്ഥാനത്തിൽ ഷാഹിദ പറഞ്ഞു പ്രഫഷണൽ ബിരുദ ധാരികളായ പെണ്കുട്ടികൾ പോലും പ്രായോഗിക ജീവിതത്തിനു മുന്നിൽ പകച്ചു നിൽക്കുന്ന കാഴ്ചയാണ് കാണുന്നത്. ജീവിതത്തിന്റെ പരുക്കൻ യാഥാർഥ്യങ്ങൾ…
Read More132 വർഷങ്ങളെ അതിജീവിച്ച ഒരു കുപ്പി; അതിനുള്ളിൽ ഒരു സന്ദേശവും..!
വർഷങ്ങൾക്കു മുന്പ് കടലിന്റെ വ്യതിയാനങ്ങൾ തിരിറിയാൻ ഉപയോഗിച്ചിരുന്ന മാർഗമാണ് കടലാസിൽ സന്ദേശങ്ങൾ എഴുതി കുപ്പിയ്ക്കുള്ളിലാക്കി കടലിലേക്ക് വലിച്ചെറിയുക എന്നത്. അത്തരത്തിൽ 132 വർഷങ്ങൾക്കു മുന്പ് കടലിലെ ആഴങ്ങളിലേക്ക് വലിച്ചെറിഞ്ഞ ഒരു കുപ്പി കണ്ടെത്തി. ഓസ്ട്രേലിയയിലെ ഒരു കടൽത്തീരത്തു നിന്നും ടോണിയ ഇൽമാൻ എന്ന യുവതിക്കാണ് ഇത്തരത്തിൽ 1886ൽ നിക്ഷേപിച്ച ഒരു കുപ്പി ലഭിച്ചത്. കടൽത്തീരത്തുകൂടി നടക്കുന്നതിനിടെ ലഭിച്ച കുപ്പിക്കുള്ളിൽ സന്ദേശമുണ്ടെന്ന് തിരിച്ചറിഞ്ഞത് ഇവരുടെ മകന്റെ സുഹൃത്താണ്. 1886 ജൂണ് 12 എന്ന തിയതിയും പൗള എന്ന കപ്പലിന്റെ പേരുമാണ് ഇതിൽ എഴുതിയിരുന്നത്. ജർമൻ ഭാഷയിലാണ് ഇത് എഴുതിയിരുന്നത്. ഓസ്ട്രേലിയൻ മ്യൂസിയം അധികൃതരുടെ സഹായത്തോടെ നെതർലാൻഡിലും ജർമനിയിലും നടത്തിയ അന്വേഷണത്തിൽ നിന്ന് ഈ സന്ദേശം എഴുതിയത് ജർമൻ നാവിക പരീക്ഷണ പദ്ധതിയുടെ ഭാഗമായിരുന്ന പൗള കപ്പലിൽ നിന്നാണെന്ന് മനസിലാകുകയായിരുന്നു. മാത്രമല്ല ഈ കപ്പലിനെക്കുറിച്ചുള്ള ചരിത്രരേഖകളിൽ നിന്നും ഇത് എഴുതിയ…
Read Moreകഷ്ടപ്പെട്ട് മോഷ്ടിച്ച സ്വർണ്ണക്കട്ടികൾ വെറും വ്യാജം; ഫൂളായി മോഷ്ടാവ്
കഷ്ടപ്പെട്ട് മോഷണം നടത്തി സ്വന്തമാക്കിയ വസ്തു ഉപയോഗിക്കാൻ സാധിക്കില്ലെന്നു മനസിലാകുന്പോൾ ഏതൊരു മോഷ്ടാവും കടന്നു പോകുന്നത് മോശം മാനസികാവസ്ഥയിൽ കൂടിയാകാം. അത്തരമൊരു അനുഭവമാണ് ചൈനയിലെ സെയ്ജിയാംഗ് പ്രവശ്യയിലെ ഒരു ജൂവലറിയിൽ നിന്നും സ്വർണ്ണക്കട്ടികൾ മോഷ്ടിച്ച ഒരു മോഷ്ടാവിനുണ്ടായത്. കാരണം ഇതെല്ലാം വെറും വ്യാജ സ്വർണക്കട്ടികൾ മാത്രമായിരുന്നു. ജൂവലറിക്കുള്ളിൽ ഡിസ്പ്ലേ വെച്ചിരുന്ന ഏഴു സ്വർണ്ണക്കട്ടികളാണ് മോഷ്ടാവ് കടത്തിയത്. കടയ്ക്കുള്ളിലെ സിസിടിവിയിൽ ഈ മോഷണത്തിന്റെ ദൃശ്യങ്ങൾ പതിഞ്ഞിരുന്നു. ആവരണമായി വെച്ചിരിക്കുന്ന ചില്ല് ഗ്ലാസ് കഷ്ടപ്പെട്ട് തകർത്താണ് അദ്ദേഹം ഈ വ്യാജ സ്വർണക്കട്ടികൾ പുറത്തെടുത്തത്. താൻ മോഷ്ടിച്ച വസ്തുക്കൾ വ്യാജമായിരുന്നെന്നു മനസിലാക്കിയ മോഷ്ടാവിന്റെ മാനസികാവസ്ഥയെക്കുറിച്ചാണ് ഏവരെയും ചർച്ച ചെയ്യുന്നത്.
Read Moreനൂറ്റിയമ്പത് കിലോയോളം ഭാരം! ഓസ്ട്രേലിയന് കടല് തീരത്തടിഞ്ഞ അത്ഭുത മത്സ്യം
നൂറ്റിയന്പത് കിലോയോളം ഭാരമുള്ള ഭീമൻ മത്സ്യം കരയ്ക്കടിഞ്ഞു.ഓസ്ട്രേലിയായിലെ ക്വീൻസ്ലാൻഡിലുള്ള മൂർ പാർക്ക് ബീച്ചിലാണ് സംഭവം. ഇവിടെ നടക്കാനെത്തിയ രണ്ടു പേരാണ് ഈ അത്ഭുത മത്സ്യത്തെ ആദ്യം കണ്ടത്. സംഭവം കണ്ട് ഞെട്ടിപ്പോയ അദ്ദേഹം ഉടൻ തന്നെ ഈ മീനിന്റെ ചിത്രവും പകർത്തിയിരുന്നു. കുറയധികം സമയം അദ്ദേഹം ഇവിടെ ചിലവഴിച്ചതിനു ശേഷം അദ്ദേഹം ഇവിടെ നിന്നും മടങ്ങുകയായിരുന്നു. പിറ്റേ ദിവസം അദ്ദേഹം ഇവിടെ എത്തിയിരുന്നുവെങ്കിലും മീൻ അപ്രത്യക്ഷമായിരുന്നു. സംഭവമറിഞ്ഞ ആളുകൾ ഈ മീൻ പല വിഭാഗത്തിലുള്ളതാണെന്ന് പറയുന്നുണ്ടെങ്കിലും കൃത്യമായ നിർവചനം നൽകുവാൻ ആർക്കും സാധിച്ചിട്ടില്ല. ഈ മീനിന്റെ ചിത്രങ്ങൾ സോഷ്യൽമീഡിയായിൽ വ്യാപകമായി പ്രചരിക്കുകയാണ്.
Read Moreമൊബൈല് ഫോണ് പൊട്ടിത്തെറിച്ചു! കത്തിയമര്ന്ന കെട്ടിടത്തിലെ ആറാം നിലയില് നിന്നും യുവതികള് ചാടി; ഞെട്ടിക്കുന്ന ദൃശ്യങ്ങള് പുറത്ത്
കത്തിയമർന്ന ബഹുനില കെട്ടിടത്തിൽ നിന്നും രക്ഷപെടാൻ ശ്രമിക്കുന്നതിനിടയിൽ രണ്ടു യുവതികൾ ബാൽക്കണിയിൽ നിന്നും താഴേക്കു വീഴുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത്. തുർക്കിയിലെ വിനോദസഞ്ചാര കേന്ദ്രമായ ഇസ്മീറിലുള്ള ഒരു ഹോട്ടലിലായിരുന്നു തീപിടുത്തമുണ്ടായത്. കെട്ടിടത്തിന്റെ ആറാം നിലയിലെ ബാൽക്കണിയിലാണ് ഈ യുവതിയും മറ്റൊരു യുവതിയും കുടുങ്ങി പോയത്. ഈ സമയം ഇവർക്കു സമീപം തീ കത്തിയമരുന്നത് ദൃശ്യങ്ങളിൽ വ്യക്തമാണ്. തുടർന്ന് രക്ഷപെടാനുള്ള ശ്രമത്തിനിടയിൽ ഇവരിൽ ഒരാൾ താഴേക്കു വീഴുകയായിരുന്നു. താഴെ നിർത്തിയിട്ടിരുന്ന ഒരു കാറിനു മുകളിലേക്കാണ് ഇവർ വീണത്. ഇവർക്കു പിന്നാലെ അടുത്തയാളും ചാടി. ആശുപത്രിയിൽ പ്രവേശിപ്പിച്ച ഇരുവർക്കും ഗുരുതര പരിക്കുകളേറ്റിട്ടുണ്ട്. കെട്ടിടത്തിൽ ഉണ്ടായിരുന്ന എല്ലാവരെയും സുരക്ഷിതമായി രക്ഷിച്ചെങ്കിലും പുക ശ്വസിച്ച രണ്ടു പേരെയും ആശുപത്രിയിൽ പ്രവേശിപ്പിച്ചിട്ടുണ്ട്. ഒരു മൊബൈൽ ഫോണ് പൊട്ടിത്തെറിച്ചതാണ് അപകട കാരണം. സമീപം നിന്നയൊരാളാണ് അപകടത്തിന്റെ ദൃശ്യങ്ങൾ പകർത്തിയത്.
Read Moreപണിപാളി! തടാകത്തിനു മുകളിൽ കൂടി ഊഞ്ഞാലാടിയ യുവതി വീണത് മുതലയ്ക്ക് സമീപം; അപകടമൊഴിവായത് തലനാരിഴയ്ക്ക്…
ഊഞ്ഞാലാടുകയായിരുന്ന യുവതി മുതലയുള്ള തടാകത്തിലേക്കു വീഴുന്നതിന്റെ ഞെട്ടിക്കുന്ന ദൃശ്യങ്ങൾ വ്യാപകമായി പ്രചരിക്കുന്നു. ഫ്ളോറിഡയിലെ എവർഗ്ലേഡ്സിലുള്ള ഒരു നദിയുടെ സമീപമുള്ള വിനോദസഞ്ചാര കേന്ദ്രത്തിലാണ് സംഭവം. തടാകത്തിന്റെ കരയ്ക്കു സമീപം ഒരു മുതല കിടക്കുന്പോൾ സന്ദർശകരിലൊരാൾ മുതലയുടെ മുഖത്ത് തന്റെ കാലുകൊണ്ട് തട്ടുന്നതാണ് ദൃശ്യങ്ങളിലാദ്യം. ഈ സമയം ഒരു യുവതി തടാകത്തിൽ കൂടി നീന്തുന്നതു കാണാം. അൽപ്പ സമയത്തിനു ശേഷം ഈ മുതല തിരികെ പോകുന്പോൾ സന്ദർശകരിലൊരാളായ ഒരു യുവതി ഉൗഞ്ഞാലിൽ കയറി തടാകത്തിനു മുകളിൽ കൂടി ആടുവാൻ ശ്രമിക്കുകയായിരുന്നു. എന്നാൽ ഉടൻ തന്നെ ഇവർ പിടിവിട്ട് വെള്ളത്തിലേക്കു വീഴുകയും ചെയ്തു. മുതലയുടെ സമീപത്തേക്കാണ് ഇവർ വീണത്. പരിഭ്രാന്തിയിലായ ഇവർ പെട്ടന്നു തന്നെ മുതലയുടെ സമീപത്തു നിന്നും നീന്തി മാറി പോകുകയും ചെയ്തു. സമീപം നിന്നയൊരാളാണ് ഈ ദൃശ്യങ്ങൾ പകർത്തിയത്. മുതല അക്രമാസക്തനാകാതിരുന്നതിനാലാണ് വലിയ അപകടമൊഴാവായതെന്നാണ് ഏവരുടെയും അഭിപ്രായം.
Read Moreസിംഹത്തിനൊപ്പം കളിക്കാൻ കുട്ടികൾക്ക് അനുവാദം; പിന്നീട് നടന്നത്
സിംഹത്തിനൊപ്പം കളിക്കാൻ അനുവാദം ലഭിച്ച നിരവധി കുട്ടികളിൽ ഒരു പെൺകുട്ടിയെ സിംഹം ആക്രമിച്ചു. സൗദി അറേബ്യായിലെ ജിദ്ദയിലാണ് സംഭവം. ഇവിടെ സംഘടിപ്പിച്ച ഒരു ഫെസ്റ്റിവല്ലിൽ സിംഹത്തോടൊപ്പം കളിക്കാൻ കുട്ടികളെ അനുവദിച്ചിരുന്നു. കൂടിനുള്ളിൽ സിംഹത്തിനു ചുറ്റും കുട്ടികൾ നിൽക്കുന്പോൾ പെട്ടന്ന് സിംഹം അക്രമാസക്തനാകുകയായിരുന്നു. മാത്രമല്ല കുട്ടികളിലൊരാളെ ആക്രമിക്കുകയും ചെയ്തു. ഉടൻ തന്നെ ഇവിടേക്ക് ഓടിയെത്തിയ പരിശീലകൻ സിംഹത്തെ പിടിച്ചു കൊണ്ടു പോയതിനാൽ വലിയ അനിഷ്ടങ്ങളുണ്ടായില്ല. സംഭവം വിവാദമായതിനെ തുടർന്ന് അധികൃതർ ഈ ഫെസ്റ്റിവൽ നിർത്തലാക്കി. മാത്രമല്ല സംഭവത്തെപ്പറ്റി അന്വേഷണം പുരോഗമിക്കുകയാണെന്നും അധികൃതർ അറിയിച്ചു.
Read More