പൂച്ചയെ പിടിക്കാൻ വെച്ച കെണിയിൽ കുടുങ്ങിയ സിംഹത്തെ രക്ഷിച്ചു. അമേരിക്കയിലെ ഉട്ടയിലാണ് സംഭവം. ബോബ്ക്യാറ്റ് എന്നയിനത്തിൽപെട്ട പൂച്ചയും ചെന്നായുടെ വർഗത്തിൽപ്പെട്ട കൊയോട്ട്സും ധാരാളമായി ഉള്ള പ്രദേശമാണിത്. ഇവയെ പിടികൂടാൻ സെക്യൂരിറ്റി ജീവനക്കാർ വെച്ച കെണിയിലാണ് സിംഹം കുടുങ്ങിയത്. കുടുക്കിൽപ്പെട്ട സിംഹം രക്ഷപെടാൻ പരാക്രമം കാണിച്ചിരുന്നു മാത്രമല്ല അക്രമാസക്തമാകുകയും ചെയ്തിരുന്നു. തുടർന്ന് ഇവിടെ എത്തിയ സെക്യൂരിറ്റി ജീവനക്കാരിലൊരാൾ ഒരു ഉപകരണം സിംഹത്തിന്റെ തലയിൽ ഇട്ടതിനു ശേഷം ഈ കുടുക്കിൽ നിന്നും സിംഹത്തെ രക്ഷപെടുത്തുകയായിരുന്നു. തുടർന്ന് സിംഹം വനത്തിലേക്ക് ഓടിപോകുകയും ചെയ്തു. സെക്യൂരിറ്റി ജീവനക്കാരനു ഒപ്പമുണ്ടായിരുന്ന ഒരാളാണ് ഈ വീഡിയോ പകർത്തിയത്. സോഷ്യൽമീഡിയായിൽ വീഡിയോ പങ്കുവെച്ചതിനെ തുടർന്ന് സെക്യൂരിറ്റി ജീവനക്കാരന്റെ ധൈര്യത്തെ അഭിനന്ദിച്ച് നിരവധിയാളുകൾ രംഗത്തെത്തിയിട്ടുണ്ട്.
Read MoreCategory: NRI
കിം കണ്ണിറുക്കി, ട്രംപ് വീണു! കിം – ട്രംപ് കൂടിക്കാഴ്ച നടത്തും
വാഷിംഗ്ടണ്: ഉത്തരകൊറിയൻ ഏകാധിപതി കിം ജോംഗ് ഉന്നുമായി കൂടിക്കാഴ്ച നടത്തുമെന്ന് യുഎസ് പ്രസിഡന്റ് ഡോണൾഡ് ട്രംപ്. ട്രംപിനെ കൂടിക്കാഴ്ചയ്ക്കു ക്ഷണിച്ച് ഉത്തരകൊറിയൻ ഏകാധിപതി കിം ജോംഗ് ഉൻ രംഗത്ത് എത്തിയിരുന്നു. കിമ്മിന്റെ സന്ദേശം ദക്ഷിണ കൊറിയ പ്രതിനിധികൾ ട്രംപിന് കൈമാറി. കിമ്മിന്റെ ക്ഷണം ട്രംപ് സ്വീകരിക്കുമെന്ന് വൈറ്റ് ഹൗസ് വക്താവ് സാറാ സാൻഡേഴ്സ് പറഞ്ഞു. ഇതിന്റെ പിന്നാലെ കിം ജോംഗുമായി കൂടിക്കാഴ്ച നടത്തുമെന്ന് ട്രംപ് ട്വിറ്ററിൽ കുറിച്ചു. കൂടിക്കാഴ്ച നടത്തുന്നതുവരെ ആണവ, മിസൈൽ പരീക്ഷണങ്ങൾ നിർത്താമെന്ന് കിം ഉറപ്പു നൽകിട്ടുണ്ടെന്ന് ട്രംപ് അറിയിച്ചു. ഇരുനേതാക്കളും തമ്മിലുള്ള കൂടിക്കാഴ്ച മേയിൽ നടത്താനാകുമെന്നാണ് പ്രതീക്ഷിക്കുന്നതെന്ന് ദക്ഷിണ കൊറിയ ദേശീയ സുരക്ഷാ ഉപദേഷ്ടാവ് ചുംഗ് ഇയൂയി-യംഗ് പറഞ്ഞു. കൂടിക്കാഴ്ച എവിടെവച്ചാണെന്ന് അന്തിമ തീരുമാനമായിട്ടില്ല. നയതന്ത്രബന്ധം മെച്ചപ്പെടും അമേരിക്കയും ദക്ഷിണ കൊറിയയും സംയുക്തമായി നടത്തി വരുന്ന സൈനിക സഹകരണങ്ങളും അഭ്യാസങ്ങളും തുടരുന്നതിൽ ഉത്തര…
Read Moreലൈംഗിക ബന്ധത്തില് ഏര്പ്പെട്ടു! ട്രംപിനെതിരേ നീലച്ചിത്രനടിയുടെ ഹർജി; 2006 ല് ആയിരുന്നു കഥയുടെ തുടക്കം
വാഷിംഗ്ടൺ: അമേരിക്കൻ പ്രസിഡന്റ് ഡോണൾഡ് ട്രംപിനെതിരേ നീലച്ചിത്ര നടി കോടതിയിൽ ഹർജി നൽകി. സ്റ്റെഫാനി ക്ലിഫോർഡെന്ന സ്റ്റോമി ഡാനിയേലാണ് ട്രംപിനെതിരേ ഹർജി നൽകിയത്. 2006ൽ ഒരു ഗോൾഫ് മൽസരത്തിനിടെയാണ് ട്രംപും സ്റ്റോമിയുമായി കണ്ടുമുട്ടിയത്. പിന്നീട് ട്രംപ് താനുമായി ലൈംഗിക ബന്ധത്തിൽ ഏർപ്പെട്ടെന്നു സ്റ്റോമി വെളിപ്പെടുത്തി. തുടർന്ന് 2016ൽ തെരഞ്ഞെടുപ്പ് അടുത്തപ്പോൾ ട്രംപുമായുള്ള ബന്ധത്തെക്കുറിച്ച് “എബിസി ന്യൂസി’നോടു സംസാരിക്കാൻ സ്റ്റോമി തയാറായി. എന്നാൽ ട്രംപ് പ്രസിഡന്റ് പദത്തിലേക്ക് മത്സരിക്കാൻ തീരുമാനിച്ചപ്പോൾ ബന്ധം മറച്ചുപിടിക്കുന്നതിനായി പണം നൽകാമെന്ന വ്യവസ്ഥയിൽ നടിയുമായി രഹസ്യ കരാർ ഒപ്പുവച്ചിരുന്നു. ട്രംപിന്റെ ബന്ധം തെരഞ്ഞെടുപ്പു വിവാദമായി എതിർക്യാന്പ് ഉയർത്തിക്കൊണ്ടുവന്നപ്പോൾ കരാർ പ്രകാരം നടി വാർത്ത നിഷേധിക്കുകയും അഭിമുഖത്തിൽ പറഞ്ഞതെല്ലാം കള്ളമായിരുന്നു എന്നു പ്രഖ്യാപിക്കുകയും ചെയ്തിരുന്നു. ഈ കരാർ റദ്ദ് ചെയ്യണമെന്ന് ആവശ്യപ്പെട്ടാണ് നടി ഇപ്പോൾ കോടതിയിൽ ഹർജി നൽകിയിരിക്കുന്ന്ത്. കരാറിൽ ട്രംപ് ഒപ്പിട്ടിട്ടില്ലെന്നാണ് സ്റ്റോമിയുടെ വാദം.…
Read Moreമരം ഒരു വരം ! പങ്കാളിയെ തേടുന്നവർക്കു താങ്ങായി, തണലായി ഒരു മാമരം
മരം ഒരു വരം എന്നാണല്ലോ പഴമൊഴി. എന്നാൽ, ജർമനിയിലെ ഇയുറ്റിനുള്ള 500 വർഷം പഴക്കമുള്ള ഈ വൃക്ഷം സത്യത്തിൽ ജീവിതപങ്കാളിയെ തേടുന്നവർക്കാണു വരമാകുന്നത്. ആഗ്രഹിക്കുന്ന പങ്കാളിയെ കണ്ടെത്താൻ വരമരുളുന്ന മാമരം! ഓക്മരം പ്രണയത്തിന്റെ മരമായതിനു പിന്നിൽ ഒരു കഥയുണ്ട്. 1891ൽ നടന്ന ആ സംഭവമാണ് ഈ മരത്തിന്റെ ചരിത്രം മാറ്റിയെഴുതിയതെന്നു പറയാം. ആ കഥ ആദ്യം… മിന്ന എന്ന പെണ്കുട്ടി ചോക്ലേറ്റ് നിർമാണത്തൊഴിലാളിയായിരുന്ന വിഹെല്മുമായി അടുപ്പത്തിലായി. എന്നാൽ, മിന്നയുടെ പിതാവ് ഈ ബന്ധത്തെ എതിർത്തു. ഇരുവരും തമ്മിലുള്ള കൂടിക്കാഴ്ചകൾക്കുള്ള എല്ലാ സഹാചര്യങ്ങളും ഇല്ലാതാക്കി. എന്നാൽ, മിന്നയുടെയും വിഹെൽമിന്റെയും അടുപ്പം അവിടെത്തീർന്നില്ല. കത്തുകളിലൂടെ അവർ ആശയ വിനിമയം തുടർന്നു. ഇന്നിപ്പോൾ താരമായിമാറിയിരിക്കുന്ന അതേ ഓക് മരത്തിന്റെ പൊത്തിലായിരുന്നു അവർ തങ്ങളുടെ കത്തുകൾ സൂക്ഷിച്ചിരുന്നത്. എന്നാൽ, അപ്രതീക്ഷിതമായി മിന്നയുടെ പിതാവ് മരപ്പൊത്തിൽനിന്ന് കത്തുകൾ കണ്ടെത്തി. പക്ഷേ, വലിയ പ്രശ്നമുണ്ടാകുമെന്നു കരുതിയവരെയെല്ലാം…
Read Moreകോടികളുടെ തട്ടിപ്പുകേസുകളിൽ പ്രതികൾ പാന്പും കുരങ്ങനും..! സംഭവം ഇങ്ങനെ..
കോടികൾ തട്ടിപ്പു കേസുകളിൽ പഴികേട്ടത് പാമ്പും കുരങ്ങന്മാരും. നൈജീരിയയിലാണ് വിചിത്ര സംഭവം നടന്നത്. ആദ്യത്തെ സംഭവത്തിൽ പണം തട്ടിയെടുത്തത് പാന്പ് ആണെന്നു പറഞ്ഞപ്പോൾ രണ്ടാമത്തെ സംഭവത്തിൽ പ്രതിക്കൂട്ടിൽ നിർത്തിയത് കുരങ്ങനെയാണ്. നൈജീരിയൻ എക്സാമിനേഷൻ ബോർഡിലെ ഉദ്യോഗസ്ഥയായിരുന്ന ഒരു യുവതിക്ക് പരീക്ഷാർഥികളിൽ നിന്നും ഫീസ് കൈപ്പറ്റുവാനുള്ള ചുമതലയുണ്ടായിരുന്നു. ഈ പണം തട്ടിയെടുത്ത ഇവർ അധികാരികൾക്കു നൽകിയ വിശദീകരണത്തിലാണ് പണം പാന്പ് വിഴുങ്ങിയെന്ന് പറഞ്ഞത്. മുപ്പത്തിയാറ് മില്യണ് നൈറ (നൈജീരിയൻ കറൻസി) പാന്പ് വിഴുങ്ങിയതെന്നാണ് ഇവർ പറഞ്ഞത്. ഈ ഉദ്യോഗസ്ഥയെ അന്വേഷണ വിധേയമായി ജോലിയിൽ നിന്നും സസ്പെൻഡ് ചെയ്തിരിക്കുകയാണ്. കൂടാതെ നൈജീരിയയിലെ ഒരു ഫാംഹൗസിൽ നിന്നും എഴുപത് മില്യണ് നൈറ കാണാതായ കേസിനെക്കുറിച്ചുള്ള വിശദീകരണത്തിൽ പണം മുഴുവൻ കുരങ്ങന്മാർ തട്ടിയെടുത്തെന്ന വിശദീകരണമാണ് ഒരു സെനറ്റർ അറിയിച്ചത്. അതേസമയം, ഈ പണം തട്ടിയെടുത്ത കുരങ്ങന്മാർ അത് കൊണ്ട് എന്ത് ചെയ്തെന്ന് ഇദ്ദേഹത്തിന്…
Read Moreപ്രമേഹം ഒന്നല്ല, അഞ്ച്! പ്രമേഹം യഥാര്ഥത്തില് ഒരു രോഗമല്ല; അഞ്ച് രോഗങ്ങളുടെ കൂട്ടമാണെന്നു പുതിയ പഠന റിപ്പോര്ട്ട്
സ്റ്റോക്ക്ഹോം: പ്രമേഹം യഥാർഥത്തിൽ ഒരു രോഗമല്ലെന്നും അഞ്ച് രോഗങ്ങളുടെ കൂട്ടമാണെന്നും പുതിയ പഠന റിപ്പോർട്ട്. സ്വീഡനിൽനിന്നും ഫിൻലൻഡിൽനിന്നുമുള്ള ഗവേഷകർ ചേർന്നാണ് പഠനം നടത്തിയത്. പ്രമേഹത്തിനുള്ള ചികിത്സയിൽ പുതിയ കണ്ടെത്തൽ നിർണായകമാകുമെന്നാണ് പ്രതീക്ഷിക്കുന്നത്. ലോകവ്യാപകമായി മുതിർന്നവരിൽ പതിനൊന്നിൽ ഒരാൾക്ക് വീതം പ്രമേഹം ബാധിക്കുന്നു. ഹൃദയാഘാതം, പക്ഷാഘാതം, അന്ധത, വൃക്ക രോഗം, കൈകാലുകൾ മുറിച്ചു മാറ്റൽ തുടങ്ങിയ അവസ്ഥകളിലേക്ക് ഇതു നയിക്കാം. 14,775 രോഗികളിൽ നടത്തിയ പഠനത്തിന്റെ വെളിച്ചത്തിലാണ് പുതിയ കണ്ടെത്തൽ. നിലവിൽ ടൈപ്പ് 1, ടൈപ്പ് 2 എന്നിങ്ങനെയാണ് ഡയബറ്റിസിനെ തരംതിരിച്ചിരിക്കുന്നത്. അതിനു പകരം ക്ലസ്റ്റർ ഒന്നു മുതൽ അഞ്ച് വരെയാണ് പുതിയ തരംതിരിവ്. റിപ്പോർട്ട്: ജോസ് കുന്പിളുവേലിൽ
Read Moreഇരുട്ടി വെളുത്തപ്പോള് നദിക്കു നിറം ചുവപ്പ്; നാട്ടുകാര്ക്ക് അദ്ഭുതം
ന്യൂയോർക്ക്: നേരം ഇരുട്ടി വെളുത്തപ്പോൾ നദിയിലെ വെള്ളത്തിന്റെ നിറത്തിലൊരു മാറ്റം. ജലം ചുവപ്പായിരിക്കുന്നു. സൈബീരിയയിലെ മൊഹാങ് എന്ന നദിയാണ് നിറം മാറി നാട്ടുകാർക്ക് അദ്ഭുതമുളവാക്കിയത്. ട്യൂമെൻ നഗരത്തിലെ പ്രധാന ജല സ്രോതസായ മൊഹാങ് നദിയിൽ പെട്ടെന്നുണ്ടായ നിറം മാറ്റം അധികൃതരെ ഞെട്ടിച്ചിരിക്കുകയാണ്. നദിയിലെ ജലത്തിന്റെ സാന്പിളുകൾ എടുത്തു പരിശോധിച്ചുവെങ്കിലും നിറം മാറ്റത്തിനുള്ള കാരണം ഇതുവരെയും കണ്ടെത്താനായിട്ടില്ല. എന്നാൽ സമീപത്തെ വ്യവസായ ശാലകളിൽനിന്നുള്ള മാലിന്യ നിക്ഷേപമാകാം നിറം മാറ്റത്തിന് പിന്നിലെന്നാണ് നാട്ടുകാർ കരുതുന്നത്. അതുകൊണ്ടുതന്നെ വിവിധ ആവശ്യങ്ങൾക്കായി നദിയിൽനിന്ന് വെള്ളമെടുക്കുന്നത് ആളുകൾ നിർത്തിവച്ചിരിക്കുയാണ്. മഞ്ഞിനിടയിലൂടെ ഒഴുകുന്ന നദിയുടെ നിറം മാറ്റം കാണാൻ നിരവധി സഞ്ചാരികൾ ഇവിടേക്ക് എത്തുന്നുണ്ട്. ആകാശകാഴ്ചയിൽ ഇത് ചോരനിറമൊഴുകുന്ന ഒരു പുഴയായി മാത്രമേ തോന്നൂ. അതേസമയം പരിസ്ഥിതിയെ നശിപ്പിച്ചു കൊണ്ടുള്ള വ്യാവസായിക വിപ്ലവത്തിനെതിരേ ഈ പുഴയെ സാക്ഷിയാക്കി ലോകമെന്പാടും സമരമുഖങ്ങൾ തുറക്കാനൊരുങ്ങുകയാണ് പ്രകൃതി സ്നേഹികൾ. റിപ്പോർട്ട്:…
Read More2300 ഓളം തസ്തികകള് ഒഴിഞ്ഞുകിടക്കുന്നു… വിദേശ നഴ്സുമാരെ മാടി വിളിച്ച് ജർമൻ ആരോഗ്യ മന്ത്രി;
ബർലിൻ: ജർമനിയിലെ ഹെൽത്ത് മേഖലയിലെ നഴ്സുമാരുടെ അപര്യാപ്ത തുറന്നു പറഞ്ഞ് വെസ്റ്റ് ഫാളിയ ആരോഗ്യമന്ത്രി കാൾ ജോസഫ് ലൗമാൻ(സിഡിയു). തന്റെ സംസ്ഥാനം മാത്രമല്ല രാജ്യമൊട്ടാകെ നഴ്സുമാരുടെ ദൗർലഭ്യം ഈ മേഖലയെ ആകെ പിടിച്ചു കുലുക്കിയെന്നും ആരോഗ്യപരിപാലനത്തിന്റെ വിശ്വാസ്യതയെ തന്നെ തകർക്കുമെന്നും അദ്ദേഹം തുറന്നടിച്ചു. ആശുപത്രികളിൽ വേണ്ടത്ര നഴ്സുമാരും ഒപ്പം ഡോക്ടർമാരും ഇല്ലെങ്കിൽ രോഗികൾ ആശുപത്രികൾ ഉപേക്ഷിയ്ക്കുക തന്നെ ചെയ്യുമെന്നാണ് സിഡിയുക്കാരനായ മന്ത്രിയുടെ പക്ഷം. അതിനുള്ള പുതിയ പദ്ധതി മെർക്കലിന്റെ നേതൃത്വത്തിലുള്ള പുതിയ സർക്കാർ മുന്നണി കരാറനുസരിച്ച് നടപ്പാക്കുമെന്നും മന്ത്രി ലൗമാൻ പറഞ്ഞു. ഡ്യൂയിസ്ബുർഗ് ഫാർനർ ആശുപത്രിയുടെ കീഴിലുള്ള നഴ്സിംഗ് സ്കൂൾ സന്ദർശിച്ച് അധികൃതരുമായി കൂടിക്കണ്ട ശേഷം മാധ്യമങ്ങളുമായി സംസാരിക്കുകയായിരുന്നു അദ്ദേഹം. മെർക്കലിന്റെ പാർട്ടിയായ സിഡിയുവാണ് വെസ്റ്റ് ഫാളിയ സംസ്ഥാനം ഭരിക്കുന്നത്. നഴ്സിംഗ് ജോലിയിൽ താത്പര്യമില്ലാത്ത ജർമൻ ജനതയെ ഈ മേഖലയിലേയ്ക്ക് ആകർഷിക്കാൻ സർക്കാർ ആവും വിധം പ്രവർത്തിക്കുമെന്നും…
Read Moreമകളെയും മരുമകനെയും വൈറ്റ്ഹൗസിൽനിന്നു ട്രംപ് പുറത്താക്കുമെന്ന്
വാഷിംഗ്ടൺ ഡിസി: മകൾ ഇവാങ്കയെയും ഭർത്താവ് ജാരെദ് കുഷ്നറെയും വൈറ്റ്ഹൗസിൽ നിന്നു പുറത്താക്കാൻ പ്രസിഡന്റ് ഡോണൾഡ് ട്രംപ് ആലോചിക്കുന്നതായി ന്യൂയോർക്ക് ടൈംസ് റിപ്പോർട്ട് ചെയ്തു. ഇരുവരും ട്രംപിന്റെ ഉപദേഷ്ടാക്കളായി സേവനം അനുഷ്ഠിക്കുകയാണ്. കുഷ്നറുടെ പ്രവർത്തനങ്ങളിൽ ട്രംപ് ഒട്ടും തൃപ്തനല്ല. അതീവ പ്രാധാന്യമുള്ള രഹസ്യങ്ങൾ അറിയുന്നതിൽനിന്നു കുഷ്നറെ വിലക്കിക്കൊണ്ട് ഈയിടെ ഉത്തരവു വന്നിരുന്നു. ഇവാങ്കയും വൈറ്റ് ഹൗസ് ചീഫ് ഓഫ് സ്റ്റാഫ് ജോൺ കെല്ലിയും തമ്മിൽ അത്ര രസത്തിലല്ല. ഈയിടെ വിന്റർ ഒളിന്പിക്സിന് ഇവാങ്കയെ അയച്ചതിൽ കെല്ലി അതൃപ്തി പ്രകടിപ്പിച്ചിരുന്നു. മുൻസൈനികനായ കെല്ലി വൈറ്റ്ഹൗസിൽ അച്ചടക്കം കൊണ്ടുവരാനുള്ള ശ്രമത്തിലാണ്. പ്രസിഡന്റിന്റെ പുത്രിയെന്ന നിലയിൽ ഇവാങ്ക കൂടുതൽ സ്വാതന്ത്ര്യം എടുക്കുന്നതു കെല്ലിക്ക് രസിക്കുന്നില്ല. ഇവാങ്കയെയും കുഷ്നറെയും പുറത്താക്കാൻ രഹസ്യമായി ട്രംപ് കെല്ലിയുടെ സഹായം തേടിയിരിക്കുകയാണെന്നു മാധ്യമങ്ങൾ പറയുന്നു.
Read More99-ാം വയസിൽ നീന്തലിൽ റിക്കാർഡിട്ട് കൊറോണസ്
സിഡ്നി: ഓസ്ട്രേലിയയിലെ ക്യൂൻസ് ലാൻഡിൽ 99 വയസുള്ളയാൾ നീന്തലിൽ റിക്കാർഡ് തിരുത്തിക്കുറിച്ചു. 100-104 വയസുകാരുടെ വിഭാഗത്തിൽ മത്സരിച്ച ജോർജ് കൊറോണസാണ് അന്പതു മീറ്റർ ഫ്രീ സ്റ്റൈ ലിൽ റിക്കാർഡ് കുറിച്ചത്. 56.12 സെക്കൻഡിൽ അദ്ദേഹം ലക്ഷ്യസ്ഥാനത്തെത്തി. 2014ലെ റിക്കാർഡാണു അദ്ദേഹം തിരുത്തിയത്. ബ്രിസ്ബെയിൻ നഗരവാസിയായ ജോർജ് ചെറുപ്പത്തിൽ നല്ല നീന്തൽകാരനായിരുന്നെങ്കിലും ഇടക്കാലത്ത് നീന്തലിൽനിന്നു വിട്ടുനിന്നു. എൺപതാം വയസിലാണു വീണ്ടും വ്യായാമം ലക്ഷ്യമിട്ട് നീന്തൽ പുനരാരംഭിച്ചത്.
Read More