ലിസ്ബണ്: യുവേഫ നേഷൻസ് ലീഗ് ഫുട്ബോൾ ഫൈനൽസിൽ പോർച്ചുഗലിനെ സൂപ്പർ താരം ക്രിസ്റ്റ്യാനോ റൊണാൾഡോ നയിക്കും. ജൂണ് അഞ്ചിന് സ്വിറ്റ്സർലൻഡിനെതിരേയാണ് പോർച്ചുഗലിന്റെ സെമി പോരാട്ടം. ഇംഗ്ലണ്ടും ഹോളണ്ടും തമ്മിലാണ് മറ്റൊരു സെമി ഫൈനൽ. ജൂണ് ഒന്പതിനാണ് ഫൈനൽ. പോർച്ചുഗീസ് ടീമിൽ ബെൻഫിക്കയുടെ ജാവൊ ഫെലിക്സ് ഉൾപ്പെട്ടിട്ടുണ്ട്. ബെൻഫിക്കയ്ക്കായി ഈ സീസണിൽ കൗമാര താരം മികച്ച പ്രകടനമാണ് കാഴ്ചവച്ചത്.
Read MoreCategory: Sports
ഇന്ത്യ സെമിയിലെത്തും: സച്ചിൻ
മുംബൈ: പന്ത്രണ്ടാമത് ഏകദിന ലോകകപ്പിൽ ഇന്ത്യ സെമി ഫൈനലിൽ എത്തുമെന്ന് ക്രിക്കറ്റ് ഇതിഹാസം സച്ചിൻ തെണ്ടുൽക്കർ. ഇന്ത്യക്കൊപ്പം ഇംഗ്ലണ്ട്, ഓസ്ട്രേലിയ എന്നിവയും സെമിയിലെത്തും. സെമിയിലെ നാലാമത് ടീമാകാൻ പാക്കിസ്ഥാനും ന്യൂസിലൻഡും തമ്മിൽ ശക്തമായ പോരാട്ടം നടക്കുമെന്നും സച്ചിൻ പറഞ്ഞു. ദക്ഷിണാഫ്രിക്ക, വെസ്റ്റ് ഇൻഡീസ് എന്നിവയ്ക്ക് സച്ചിൻ സാധ്യത കൽപ്പിച്ചിട്ടില്ലെന്നതാണ് ശ്രദ്ധേയം. സ്റ്റീവ് സ്മിത്ത്, ഡേവിഡ് വാർണർ എന്നിവർ വിലക്കിനുശേഷം തിരിച്ചെത്തിയത് ഓസ്ട്രേലിയൻ ടീമിന് ഉത്തേജകദായകമാണെന്നും സച്ചിൻ പറഞ്ഞു. എം.എസ്. ധോണി ഫാക്ടറാണ് ഇന്ത്യയുടെ ശക്തിയെന്നും അദ്ദേഹം കൂട്ടിച്ചേർത്തു.
Read Moreരഹാനെയ്ക്ക് അരങ്ങേറ്റ സെഞ്ചുറി
ഇംഗ്ലീഷ് കൗണ്ടി ക്രിക്കറ്റ് അരങ്ങേറ്റ മത്സരത്തിൽ സെഞ്ചുറി നേടുന്ന മൂന്നാമത് ഇന്ത്യൻ താരമെന്ന നേട്ടം അജിങ്ക്യ രഹാനെയ്ക്കു സ്വന്തം. ഹാംഷെയറിനായാണ് സെഞ്ചുറി നേടിയത്. ഹാംഷെയറിനായി അരങ്ങേറ്റത്തിൽ സെഞ്ചുറി നേടുന്ന ആദ്യ ഇന്ത്യക്കാരനായി രഹാനെ. നോട്ടിംങാംഷെയറിനെതിരായ രണ്ടാം ഇന്നിംഗ്സിലാണ് ഇന്ത്യൻ താരത്തിന്റെ സെഞ്ചുറി. ആദ്യ ഇന്നിംഗ്സിൽ 10 റണ്സ് ആയിരുന്നു സന്പാദ്യം. രണ്ടാം ഇന്നിംഗ്സിൽ 197 പന്തിൽനിന്ന് 119 റണ്സ് ഇന്ത്യൻ ടെസ്റ്റ് ടീം ഉപ നായകൻ നേടി. സസെക്സിനായി പീയൂഷ് ചൗള (2009), എസെക്സിനായി മുരളി വിജയ് (2018) എന്നിവരാണ് മുന്പ് അരങ്ങേറ്റ കൗണ്ടി പോരാട്ടത്തിൽ സെഞ്ചുറി നേടിയ ഇന്ത്യക്കാർ.
Read Moreനൂറുകോടി സ്വപ്നങ്ങളുമായി കോഹ്ലിയും സംഘവും ഇംഗ്ലണ്ടിലേക്ക് പറന്നു
മുംബൈ: നൂറുകോടി സ്വപ്നങ്ങളും പേറി ഇന്ത്യൻ ക്രിക്കറ്റ് ടീം ഇംഗ്ലണ്ടിലേക്കു പറന്നു. ഈ മാസം 30ന് ആരംഭിക്കുന്ന ഏകദിന ലോകകപ്പ് പോരാട്ടത്തിനായി ഇന്ന് പുലർച്ചെ 2.30ഓടെയാണ് ഇന്റ്ത്യൻ ടീം പുറപ്പെട്ടത്. ഐപിഎൽ പോരാട്ടത്തിനു ശേഷം ഇത്രയും ദിവസം ടീം അംഗങ്ങൾക്ക് വിശ്രമം അനുവദിച്ചിരുന്നു. ചൊവ്വാഴ്ചയാണ് താരങ്ങൾ വീണ്ടും മുംബൈയിൽ ഒത്തു ചേർന്നത്. മൂന്ന് ലോകകപ്പ് കളിച്ച പരിചയമുള്ള വിരാട് കോഹ്ലിക്ക് ക്യാപ്റ്റനായുള്ള അദ്ദേഹത്തിന്റെ ആദ്യ ലോകകപ്പ് പോരാട്ടമാണിത്. ദക്ഷിണാഫ്രിക്കയ്ക്കെതിരേ ജൂണ് അഞ്ചിനാണ് ലോകകപ്പിൽ ഇന്ത്യയുടെ ആദ്യ മത്സരം. ഇതിന് മുന്നേ മേയ് 25ന് ന്യൂസിലൻഡിനെതിരേയും 28ന് ബംഗ്ലാദേശിനെതിരേയും പരിശീലന മത്സരങ്ങളുണ്ട്.
Read Moreആദ്യം ഉല്ലാസം, പിന്നെ മത്സരം
ഏകദിന ലോകകപ്പ് ക്രിക്കറ്റിന് 11 ദിനങ്ങൾ മാത്രം ശേഷിക്കേ ഇന്ത്യൻ ടീം അംഗങ്ങൾ ഉല്ലാസത്തിൽ. ഐപിഎൽ ട്വന്റി-20യുടെ തീച്ചൂളയിൽനിന്ന് പുറത്തുകടന്ന താരങ്ങൾക്കായി ടീം ക്യാന്പും ഫിറ്റ്നസ് ട്രെയ്നിംഗും ആവശ്യമില്ലെന്ന് ബിസിസിഐ തീരുമാനിച്ചതോടെയാണിത്. ഇന്ത്യൻ ക്യാപ്റ്റൻ വിരാട് കോഹ്ലി ചെക് റിപ്പബ്ലിക്കിലെ പ്രാഗിൽനിന്നുള്ള ചിത്രങ്ങൾ കഴിഞ്ഞ ദിവസം സമൂഹമാധ്യങ്ങളിൽ പങ്കുവച്ചിരുന്നു. വൈസ് ക്യാപ്റ്റനായ രോഹിത് ശർമയും ഭാര്യയും മാലദ്വീപിലാണെന്ന് അദ്ദേഹത്തിന്റെ സമൂഹമാധ്യമ അക്കൗണ്ടിലെ ചിത്രങ്ങൾ വ്യക്തമാക്കി. സ്പിന്നറായ യുസ്വേന്ദ്ര ചാഹൽ ഗോവയിലാണ്. ഐപിഎൽ കഴിഞ്ഞുള്ള സമയം റിലാക്സ് ചെയ്യാനാണ് താരങ്ങളോട് ഇന്ത്യൻ ടീം അധികൃതർ ആവശ്യപ്പെട്ടത്. കാരണം, വീണ്ടുമൊരു ക്യാന്പ് നടത്തി കളിക്കാരെ മാനസികമായി സമ്മർദത്തിലാക്കേണ്ടെന്നതുതന്നെ. ബുധനാഴ്ചയാണ് ഇന്ത്യൻ ടീം ലണ്ടനിലേക്ക് യാത്രതിരിക്കുന്നത്. ഉല്ലാസദിനങ്ങൾക്കുശേഷം 21ന് മുംബൈയിൽ ടീം അംഗങ്ങൾ ഒത്തുചേരും. ഇന്നത്തോടെ കളിക്കാർ ഉല്ലാസവേള കഴിഞ്ഞ് തങ്ങളുടെ വീടുകളിൽ എത്തുമെന്നാണ് ടീം മാനേജ്മെന്റിൽനിന്നുള്ള റിപ്പോർട്ട്. അതേസമയം, ലോകകപ്പിന്…
Read Moreടീം പറയുന്നിടത്ത് ബാറ്റ് ചെയ്യും: രാഹുല്
ടീം മാനേജ്മെന്റ് തീരുമാനിക്കുന്ന സ്ഥാനത്ത് താന് ബാറ്റ് ചെയ്യുമെന്ന് ഇന്ത്യയുടെ ലോകകപ്പ് ടീമില് റിസര്വ് ഓപ്പണറായി ഉള്പ്പെടുത്തിയിരിക്കുന്ന കെ.എല്. രാഹുല്. നിലവിലെ സാഹചര്യത്തില് രാഹുല് നാലാമനായി ഇറങ്ങാനാണ് സാധ്യതകള്. വിജയ് ശങ്കറാണോ രാഹുലാണോ നാലാം നമ്പറില് ഇറങ്ങുകയെന്ന സംസാരം ഉയര്ന്ന സാഹചര്യത്തിലാണ് കര്ണാടകതാരത്തിന്റ ഈ വാക്കുകള്. ഇംഗ്ലണ്ടിലെ സാഹചര്യം കണ്ടിട്ടാകും ടീം കോമ്പിനേഷന് തീരുമാനിക്കുകയെന്ന് പരിശീലകന് രവി ശാസ്ത്രി പറഞ്ഞു. ഇന്ത്യയുടെ ഓസ്ട്രേലിയന് പര്യടനത്തിനിടെ ടീമില്നിന്നു പുറത്തായ രാഹുല് ഇന്ത്യ എയ്ക്കുവേണ്ടി മികച്ച ബാറ്റിംഗ് കാഴ്ചവച്ചു. ഐപിഎലില് തകര്പ്പന് ഫോമിലായിരുന്നു. ഓസ്ട്രേലിയയ്ക്കെതിരേ ട്വന്റി 20യില് 50 ഉം 47 ഉം റണ്സ് എടുത്ത താരം ഈ ഫോം ഐപിഎലിലും തുടരുകയായിരുന്നു.
Read Moreഇറ്റാലിയൻ ഓപ്പണ്: റോജർ ഫെഡറർ പിൻമാറി
റോം: ഇറ്റാലിയൻ ഓപ്പണ് ടെന്നീസിൽനിന്ന് ലോക മൂന്നാം നന്പർ താരം റോജർ ഫെഡറർ പിൻമാറി. കാലിന് പരിക്കേറ്റതിനെ തുടർന്നാണ് ഫെഡറർ പിൻമാറിയത്. മത്സരം പൂർത്തിയാക്കാൻ തനിക്കു സാധിക്കില്ല. നൂറ് ശതമാനം താൻ ആരോഗ്യവാനല്ലെന്നും ഫെഡറർ പറഞ്ഞു.ഇറ്റാലിയൻ ഓപ്പണിലെ രണ്ടാം റൗണ്ടിൽ ജോവോ സോസെയെ തോൽപ്പിച്ച് ഫെഡറർ മുന്നേറിയിരുന്നു.
Read Moreധോണിയെ വിളിച്ചിരുന്നത് ഭീകരനെന്ന്; മുൻ സഹകളിക്കാരന്റെ വെളിപ്പെടുത്തൽ
മുംബൈ: മുതിർന്ന ഇന്ത്യൻ ക്രിക്കറ്റ് താരം മഹേന്ദ്ര സിംഗ് ധോണിയെ തങ്ങൾ ഭീകരൻ എന്നാണു വിളിച്ചിരുന്നെന്ന് ബിഹാർ ടീമിൽ അദ്ദേഹത്തിനൊപ്പം കളിച്ചിരുന്ന താരം സത്യ പ്രകാശ്. സ്പോർട്സ്സ്റ്റാറിനു നൽകിയ അഭിമുഖത്തിലാണ് സത്യ പ്രകാശിന്റെ വെളിപ്പെടുത്തൽ. 2000ന്റെ തുടക്ക കാലത്താണ് ധോണി ബിഹാർ ടീമിൽ കളിച്ചത്. അദ്ദേഹം 20 പന്തിൽ 40-50 റണ്സ് അടിച്ചിരുന്നു. ആ സമയത്ത് ഞങ്ങൾ ധോണിയെ ഭീകരൻ എന്നാണു വിളിച്ചിരുന്നത്. എന്നാൽ രാജ്യത്തിനു വേണ്ടി കളിച്ചുതുടങ്ങിയപ്പോൾ അദ്ദേഹം സമീപനത്തിൽ മാറ്റം വരുത്തുകയും ശാന്തനാകുകയും ചെയ്തു. അദ്ദേഹം മികച്ച ഒരു വിദ്യാർഥിയാണ്- സത്യ പ്രകാശ് പറയുന്നു. ധോണിയുടെ നായകത്വത്തെയും ഇംഗ്ലീഷ് ഭാഷ സംസാരിക്കുന്നതിലെ പ്രാവീണ്യത്തെയും സത്യ പ്രകാശ് പ്രകീർത്തിച്ചു. മുന്പ് ധോണി വിരളമായേ നായകന്റെ ചുമതല വഹിച്ചിരുന്നുള്ളുവെന്നും അന്ന് ഒപ്പം കളിച്ചവരിൽ ആർക്കും വലിയ നിലയിൽ എത്താൻ കഴിഞ്ഞില്ലെന്നും സത്യപ്രകാശ് പറയുന്നു. ധോണിയുടെ ജീവചരിത്രം പറയുന്ന…
Read Moreഹാരി കെയ്ന് നേഷന് ലീഗിനുള്ള ഇംഗ്ലണ്ട് ടീമില്
നേഷന്സ് ലീഗിനുള്ള ഇംഗ്ലണ്ട് ടീമിലേക്ക് പരിക്കേറ്റ നായകന് ഹാരി കെയ്നെ ഉള്പ്പെടുത്തി. ചാമ്പ്യന്സ് ലീഗ് ആദ്യപാദ ക്വാര്ട്ടര് ഫൈനലില് കാലിനു പരിക്കേറ്റശേഷം ഇതുവരെ കെയ്ന് കളിക്കളത്തില് മടങ്ങിയെത്താനായിട്ടില്ല. പ്രാഥമിക നേഷന്സ് ലീഗിന്റെ സെമി ഫൈനലില് നെതര്ലന്ഡ്സാണ് ഇംഗ്ലണ്ടിന്റെ എതിരാളികള്. യുവേഫ ചാമ്പ്യന്സ് ലീഗ് ഫൈനലില് കളിക്കുന്ന ലിവര്പൂള്-ടോട്ടനം ടീമിലെ ഒമ്പത് പേരാണ് ഇംഗ്ലണ്ടിന്റെ 27 അംഗ ടീമിലുള്ളത്. ചെല്സിയുടെ മധ്യനിരതാരം റൂബന് ലോഫ്റ്റസ് ചീക്കിന് ടീമില് സ്ഥാനം നഷ്ടമായി. പരിക്കാണ് താരത്തിന് തിരിച്ചടിയായത്. ചാമ്പ്യന്സ് ലീഗ് ഫൈനല് കളിക്കാനുള്ള ഒരുക്കത്തിലാണ് കെയ്നെന്നും അദ്ദേഹത്തിനായി ഇംഗ്ലണ്ട് ടീമിന്റെ വാതിലുകള് തുറന്നിട്ടിരിക്കുകയാണെന്നും പരിശീലകന് ഗാരത് സൗത്ഗേറ്റ് പറഞ്ഞു. ഇതിനുശേഷം മാത്രമേ കൂടുതല് എന്തെങ്കിലും പറയാനാകൂവെന്നും പരിശീലകന് പറഞ്ഞു. ചാമ്പ്യന്സ് ലീഗ് ഫൈനലിനു പുറമെ യൂറോപ്പ ലീഗ് ഫൈനലില് ചെല്സിയും ആഴ്സണലും ഏറ്റുമുട്ടുന്നതുകൊണ്ട് സൗത്ത്ഗേറ്റിന് ഇംഗ്ലീഷ് ടീമിലേക്കു കളിക്കാരെ ലഭിക്കാന് കുറച്ചു…
Read Moreജോക്കോവിച്ച്, നദാല്, ഫെഡറര് മൂന്നാം റൗണ്ടില്
റോം: ഇറ്റാലിയന് ഓപ്പണ് ടെന്നീസില് ലോക ടെന്നീസിലെ മുന്നിരക്കാരായ നൊവാക് ജോക്കോവിച്ച്, റഫേല് നദാല്, റോജര് ഫെഡറര് എന്നിവര് മൂന്നാം റൗണ്ടില്. ബുധനാഴ്ച നടക്കേണ്ടിയിരുന്ന ഇവരുടെ മത്സരങ്ങള് മഴമൂലം തടസപ്പെട്ടതിനെത്തുടര്ന്ന് ഇന്നലെയാണ് നടന്നത്. ഇതുകൊണ്ട് ഇന്നലെ ഇവര്ക്ക് രണ്ടു മത്സരങ്ങളില് ഇറങ്ങേണ്ടിവന്നു. അതുകൊണ്ടുതന്നെ മൂവരും കൂടുതല് ആയാസപ്പെടാതെയാണ് രണ്ടാം റൗണ്ടില് എതിരാളികളെ കീഴടക്കിയത്. ലോക ഒന്നാം നമ്പര് ജോക്കോവിച്ച് 6-1, 6-3ന് ഡെനിസ് ഷാപോവ് ലോവിനെ പരാജയപ്പെടുത്തി. രണ്ടാം നമ്പര് നദാല് 6-0, 6-1ന് ജര്മി ചാര്ഡിയെ തോല്പ്പിച്ചു. മൂന്നാം നമ്പര് ഫെഡറര് 6-4,6-3ന് ജോവോ സോസെയെ തോല്പ്പിച്ചു. സ്റ്റെഫാനോസ് സിറ്റ്സിപാസ് 6-3, 6-2ന് ജാനിക് സിന്നറെ തോല്പിച്ച് മൂന്നാം റൗണ്ടില് കടന്നു. കെയ് നിഷികോരി 6-2, 6-4ന് ടെയ്ലര് ഫ്രിറ്റ്സിനെ തോല്പിച്ചു. യുവാന് മാര്ട്ടിന് ഡെല് പൊട്രോ 6-4, 6-2ന് ഡേവിഡ് ഗോഫിനെ പരാജയപ്പെടുത്തി. മാരിന്…
Read More