റോം: കോപ്പ ഇറ്റാലിയ ഫുട്ബോള് കിരീടം ലാസിയോയ്ക്ക്. റോമിലെ ഒളിമ്പികോ സ്റ്റേഡിയത്തില് നടന്ന ഫൈനലില് ലാസിയോ 2-0ന് അറ്റ്ലാന്റെയെ തകര്ത്തു. ഏഴാം തവണയാണ് ലാസിയ കോപ്പ ഇറ്റാലിയ ജേതാക്കളാകുന്നത്. 2013നുശേഷം ആദ്യത്തേതുമാണ്. ജയത്തോടെ ലാസിയോ അടുത്ത സീസണിലെ യൂറോപ്പ ലീഗിനു യോഗ്യത നേടി. കഴിഞ്ഞ നാലു വര്ഷവും യുവന്റസായിരുന്നു ചാമ്പ്യന്മാര്. മത്സരം അധിക സമയത്തേക്കു നീളുമെന്നു തോന്നിയ അവസരത്തില് അവസാന മിനിറ്റുകളില് നേടിയ ഗോളുകളാണ് ലാസിയോയ്ക്ക് ജയമൊരുക്കിയത്. ആവേശകരമായ മത്സരത്തിന്റെ 82-ാം മിനിറ്റില് കോര്ണറില്നിന്നുവന്ന പന്ത് ഹെഡ് ചെയ്തു വലയിലാക്കിയ സെര്ജെ മിലിന്കോവിച്ച് സാവിച്ച് ലാസിയോയക്ക് ലീഡ് നല്കി. തിരിച്ചടിക്കാനുള്ള അറ്റ്ലാന്റയുടെ എല്ലാ സാധ്യതകളും തകര്ത്തുകൊണ്ട് 90-ാം മിനിറ്റില് യോവാക്വിം കൊറേയ ലാസിയോയുടെ ജയം ഉറപ്പിച്ചു.
Read MoreCategory: Sports
വന് സ്കോര് കാത്ത് ലോകകപ്പ്
ക്രിക്കറ്റിലെ ഏറ്റവും വിലയേറിയ ടൂര്ണമെന്റിന്റെ 12-ാം എഡിഷന് ലോകകപ്പിന് മേയ് 30ന് ഇംഗ്ലണ്ടില് തുടക്കമാകും. ടൂര്ണമെന്റിലെ ഫേവറിറ്റുകളായ ഇംഗ്ലണ്ട് ഉദ്ഘാടന മത്സരത്തില് ദക്ഷിണാഫ്രിക്കയെ നേരിടും. ഇംഗ്ലണ്ടിന് വെല്ലുവിളി ഉയര്ത്താന് ഇന്ത്യ, ദക്ഷിണാഫ്രിക്ക, ഓസ്ട്രേലിയ, ന്യൂസിലന്ഡ് ടീമുകളുണ്ട്. ഇവര്ക്കു വെല്ലുവിളിയാകാന് പാക്കിസ്ഥാന്, വെസ്റ്റ് ഇന്ഡീസ്, ശ്രീലങ്ക, അഫ്ഗാനിസ്ഥാന്, ബംഗ്ലാദേശ് ടീമുകളുമുണ്ട്. എന്തുതന്നെയായാലും ഇത്തവണത്തെ ടൂര്ണമെന്റ് ലോകകപ്പ് ക്രിക്കറ്റ് ചരിത്രത്തിലെ തന്നെ ഏറ്റവും വാശിയേറിയതും ആവേശകരവുമാകും. കഴിഞ്ഞ ലോകകപ്പിനുശേഷമുള്ള കണക്കുനോക്കിയാല് ഈ പത്തുടീമുകള്ക്കും മികച്ച വിജയം അവകാശപ്പെടാനുണ്ട്. ഇതില് ഇംഗ്ലണ്ടിന്റെ പ്രകടനമാണ് ഗംഭീരമായിരിക്കുന്നത്. ബാറ്റിംഗില് ടീം തകര്പ്പന് പ്രകടനമാണ് പുറത്തെടുക്കുന്നത്. 2015 ലോകകപ്പിനുശേഷം ഇതുവരെയുള്ള കണക്കില് ജയ, തോല്വി അനുപാതത്തില് ഇംഗ്ലണ്ടാണ് മുന്നില്. നാട്ടില് നടക്കുന്ന മത്സരങ്ങൾ ഇംഗ്ലണ്ടിനെ കൂടുതല് കരുത്തരാക്കുമെന്നാണ് കഴിഞ്ഞ നാലു വര്ഷത്തെ കണക്കുകള് സൂചിപ്പിക്കുന്നത്. പാക്കിസ്ഥാനെതിരേ നടന്നുകൊണ്ടിരിക്കുന്ന ഏകദിന പരമ്പരയിലെ മൂന്നാം മത്സരത്തില് റണ്സ് പിന്തുടര്ന്ന്…
Read Moreഇംഗ്ലണ്ടിനെ പേടിക്കണം
ബ്രിസ്റ്റോള്: ഏതു വലിയ സ്കോറും അനായാസം പിന്തുടര്ന്നു ജയിക്കാനാകുമെന്ന് തെളിയിച്ചുകൊണ്ട് ഇംഗ്ലണ്ട് എതിരാളികള്ക്കെല്ലാം പേടി സ്വപ്നമായിരിക്കുകയാണ്.ഇംഗ്ലണ്ട് മണ്ണിലാണ് ഇത്തവണത്തെ ഏകദിന ലോകകപ്പ് നടക്കുന്നത് എന്ന കാരണംകൊണ്ട് ഈ പേടി കൂടും. പാക്കിസ്ഥാനെതിരേയുള്ള അഞ്ചു മത്സരങ്ങളുടെ ഏകദിന പരമ്പരയിലെ മൂന്നാമത്തെ മത്സരത്തില് 359 റണ്സ് ലക്ഷ്യത്തിലേക്കു ബാറ്റ് ചെയ്ത ഇംഗ്ലണ്ട് അഞ്ച് ഓവര് ബാക്കിയിരിക്കേ ലക്ഷ്യം കണ്ടെത്തി. പാക്കിസ്ഥാന്റെ ബൗളിംഗ് അത്ര മികച്ചതല്ലെങ്കിലും വന് സ്കോര് ഒട്ടും പേടിയില്ലാതെ പിന്തുടര്ന്ന് കീഴടക്കാനാകുമെന്ന് ഇംഗ്ലണ്ട് വ്യക്തമാക്കി. ഇംഗ്ലണ്ടിന്റെ ആദ്യ ഏഴുപേരും അതിനായി കാര്യമായി എന്തെങ്കിലും ചെയ്യാന് കഴിവുള്ളവരുമാണ്. റണ്സ് പിന്തുടര്ന്നുള്ള ഏറ്റവും വലിയ രണ്ടാമത്തെ ജയമാണ് ഇംഗ്ലണ്ട്് പാക്കിസ്ഥാനെതിരേ നേടിയത്. ഫെബ്രുവരിയില് വെസ്റ്റ് ഇന്ഡീസിനെതിരേ നേടിയ ജയമാണ് ഏറ്റവും വലുത് (വെസ്റ്റ് ഇന്ഡീസ് 360; ഇംഗ്ലണ്ട് 364) സ്വന്തം നാട്ടില് റണ്സ് പിന്തുടര്ന്ന തുടര്ച്ചയായ 15 കളിയിലും ഇംഗ്ലണ്ട് ജയിച്ചു.…
Read Moreഗാര്ഡിയോള പ്രീമിയര് ലീഗ് മാനേജര് ഓഫ് ദ സീസണ്
തുടര്ച്ചയായ രണ്ടാം സീസണിലും മാഞ്ചസ്റ്റര് സിറ്റിയെ ഇംഗ്ലീഷ് പ്രീമിയര് ലീഗ് ചാമ്പ്യന്മാരാക്കിയ പെപ് ഗാര്ഡിയോളയ്ക്ക് പ്രീമിയര് ലീഗ് മാനേജര് ഓഫ് ദ സീസണ് അവാര്ഡ്. തുടര്ച്ചയായ രണ്ടാം തവണയാണ് ഗാര്ഡിയോളയ്ക്ക് ഈ അവാര്ഡ് ലഭിക്കുന്നത്. ഈ സീസണില് മൂന്നു കിരീടം ലക്ഷ്യമിടുന്ന ഗാര്ഡിയോളയുടെ സിറ്റി രണ്ടെണ്ണം നേടിക്കഴിഞ്ഞു. ലീഗ് കപ്പിലും പ്രീമിയര് ലീഗിലും മുത്തമിട്ട സിറ്റി ഇനി എഫ്എ കപ്പ് ഫൈനലില് ശനിയാഴ്ച വാറ്റ്ഫര്ഡിനെ വെംബ്ലിയില് നേരിടും. ഇതും നേടിയാല് സിറ്റിക്ക് ആദ്യമായി ഇംഗ്ലീഷ് ഫുട്ബോളില് ട്രിപ്പിള് കിരീടം നേടാം. ലിവര്പൂളിന്റെ യര്ഗന് ക്ലോപ്പ്, ടോട്ടനത്തെ ആദ്യമായി ചാമ്പ്യന്സ് ലീഗ് ഫൈനലിലെത്തിച്ച മൗറിസിയോ പോചെറ്റിനോ, വൂള്വര്ഹാംടണെ ആദ്യ പ്രീമിയര് ലീഗ് സീസണില് ഏഴാം സ്ഥാനത്തെത്തിച്ച നുനോ എസ്പിരിറ്റോ സാന്റോ എന്നിവരെ പിന്തള്ളിയാണ് ഗാര്ഡിയോള രണ്ടാം തവണയും അവാര്ഡ് നേടിയത്.
Read Moreതോളിന് പരിക്ക്; ഷറപ്പോവ ഫ്രഞ്ച് ഓപ്പണിനില്ല
പാരീസ്: മുൻ ചാമ്പ്യൻ റഷ്യയുടെ മരിയ ഷറപ്പോവ ഇത്തവണ ഫ്രഞ്ച് ഓപ്പണിനില്ല. നാളുകളായി തുടരുന്ന തോളിലെ പരിക്കിനെ തുടർന്നാണ് ഫ്രഞ്ച് ഓപ്പണിൽനിന്ന് താരം പിൻമാറിയത്. ഈ വർഷം ജനുവരിക്കു ശേഷം ഷറപ്പോവ കളത്തിലിറങ്ങിയിട്ടില്ല. ഫെബ്രുവരിയിൽ പരിക്കിനെ തുടർന്ന് ചെറിയ ശസ്ത്രക്രിയ നടത്തിയിരുന്നു. ഫ്രഞ്ച് ഓപ്പൺ മേയ് 26 മുതൽ ജൂൺ ഒമ്പത് വരെയാണ് നടക്കുന്നത്. 2012, 2014 എന്നീ വർഷങ്ങളിൽ ഷറപ്പോവയായിരുന്നു ഫ്രഞ്ച് ഓപ്പൺ ചാമ്പ്യനായത്. കഴിഞ്ഞ വർഷം ക്വാർട്ടറിൽ പുറത്തായി. ഗാർബിനെ മുഗുരസയായിരുന്നു ഷറപ്പോവയെ പരാജയപ്പെടുത്തിയത്.
Read Moreകുറഞ്ഞ ഓവർ നിരക്ക്: എയിൻ മോർഗന് വിലക്ക്
ദുബായി: പാക്കിസ്ഥാനെതിരായ മൂന്നാം ഏകദിനത്തിൽ കുറഞ്ഞ ഓവർനിരക്കിന്റെ പേരിൽ ഇംഗ്ലണ്ട് നായകൻ എയിൻ മോർഗന് ഒരു മത്സരത്തിൽ വിലക്ക്. വിലക്കിനു പുറമേ മാച്ച് ഫീയുടെ 40 ശതമാനം പിഴയും ഐസിസി മോർഗന് വിധിച്ചു. ഇതോടെ പാക്കിസ്ഥാനെതിരായ നാലാം ഏകദിനം മോർഗനു നഷ്ടമാകും. വെള്ളിയാഴ്ചയാണ് മത്സരം. അതേസമയം മൂന്നാം ഏകദിനത്തിൽ ഇംഗ്ലണ്ട് ആറ് വിക്കറ്റിന് വിജയിച്ചിരുന്നു. പാക്കിസ്ഥാന് മുന്നോട്ടുവെച്ച 359 റണ്സിന്റെ കൂറ്റന് വിജയലക്ഷ്യം 31 പന്ത് ബാക്കിനില്ക്കെ ഇംഗ്ലണ്ട് മറികടന്നത്.
Read Moreഡാനിയല് ഡി റോസി റോമ വിടുന്നു
റോം: ഇറ്റാലിന് ക്ലബ് റോമയുടെ നായകന് ഡാനിയല് ഡി റോസി ക്ലബ്ബിനൊപ്പമുള്ള 18 വര്ഷത്തെ കരിയര് അവസാനിപ്പിക്കുന്നു. ഈ സീസണ് അവസാനത്തോടെ താരം ക്ലബ് വിടുമെന്ന് എഎസ് റോമ ഇന്നലെ അറിയിച്ചു. മുപ്പത്തിയഞ്ചുകാരാനായ ഡി റോസി ഇറ്റലി ഫിഫ ലോക ചാമ്പ്യന്മാരായ 2006 ലെ ടീമില് അംഗമായിരുന്നു. ഡിഫന്സിവ് മിഡ്ഫീല്ഡറായ താരത്തിന്റെ റോമയ്ക്കൊപ്പമുള്ള അവസാന ഹോം മത്സരം 26ന് പാര്മയ്ക്കെതിരേയാണ്. റോമയില്നിന്നു മാറുകയാണെങ്കിലും ഡി റോസി ഫുട്ബോളിനോട് വിടപറഞ്ഞിട്ടില്ലെന്ന് ക്ലബ് അറിയിച്ചു. ഡി റോസി ക്ലബ് വിടുന്നതോടെ ഒരു യുഗമാണ് അവസാനിക്കുന്നതെന്നും ക്ലബ് അറിയിച്ചു. കഴിഞ്ഞ ചാമ്പ്യന്സ് ലീഗ് സീസണില് ഡി റോസിയുടെ നേതൃത്വത്തിലുള്ള റോമ ചാമ്പ്യന്സ് ലീഗ് കാലഘട്ടത്തില് ആദ്യമായി സെമി ഫൈനലിലെത്തുകയും ചെയ്തു. ക്വാര്ട്ടര് ഫൈനലില് ബാഴ്സലോണയെ പരാജയപ്പെടുത്താന് ഡി റോസിയുടെ പങ്ക് വലുതായിരുന്നു. ആദ്യപാദത്തില് ബാഴ്സലോണയുടെ ഗ്രൗണ്ടില് 4-1ന് തോറ്റ റോമ സ്വന്തം…
Read Moreആദ്യ വനിതാ ക്രിക്കറ്റ് മാച്ച് റഫറിയാകാൻ ജി.എസ്. ലക്ഷ്മി
ന്യൂഡല്ഹി: അന്താരാഷ്ട്ര ക്രിക്കറ്റ് മത്സരങ്ങളുടെ നിയന്ത്രണം കൈയാളാന് ഇനി വനിതയും; ചരിത്രത്തിലാദ്യമായി ഐസിസി മാച്ച് റഫറി പാനലിലേക്കു വനിതാ അംഗത്തെ തെരഞ്ഞെടുത്തു. ഇന്ത്യയില്നിന്നുള്ള ജി.എസ്. ലക്ഷ്മിയാണ്(51) ആദ്യ വനിത മാച്ച് റഫറിയായി നിയമിതയായത്. ഇതോടെ ഐസിസിയുടെ അന്താരാഷ്ട്ര മത്സരങ്ങളില് മാച്ച് റഫറിയാകാന് ലക്ഷ്മിക്കാകും. ഐസിസിയുടെ പാനലിലേക്ക് തെരഞ്ഞെടുക്കപ്പെട്ടതിലൂടെ താന് ആദരിക്കപ്പെട്ടിരിക്കുകയാണെന്നും പുതിയ ചുമതല ഏറ്റം ഭംഗിയായി നിര്വഹിക്കുമെന്നും മുന്ക്രിക്കറ്റ് താരം കൂടിയായ ലക്ഷ്മി പറഞ്ഞു. ലക്ഷ്മിക്ക് ആശംസകള് നേരുന്നെന്നും ഐസിസിയുടെ സുപ്രധാന ചുമതലകളിലേക്ക് കൂടുതല് വനിതകളെത്തുന്നതിനു തുടക്കമാണിതെന്നും ഐസിസി സീനിയര് മാനേജര് (അംപയേഴ്സ് ആന്ഡ് മാച്ച് റഫറീസ്) അഡ്രിയാന് ഗ്രിഫിത് പറഞ്ഞു. 1986 മുതല് 2004 വരെയുള്ള കാലഘട്ടത്തില് സൗത്ത് സെന്ട്രല് റയില്വേസുള്പ്പെടെയുള്ള വിവിധ ക്രിക്കറ്റ് ടീമുകളില് അംഗമായിരുന്ന ലക്ഷ്മി വിരമിച്ചശേഷവും കായിക രംഗത്ത് സജീവമായിരുന്നു. 2008 മുതല് 2009വരെ ഇന്ത്യയില് നടന്ന ആഭ്യന്തര വനിതാ ക്രിക്കറ്റ്…
Read Moreലോകകപ്പിന് ഇനി 16 ദിനം
ഇന്ത്യന് പ്രീമിയര് ലീഗ് ഉയര്ത്തിയ ആവേശത്തിനുശേഷം ലോകവും ഇന്ത്യയും അടുത്ത ക്രിക്കറ്റ് ആവേശത്തിലേക്കു കടക്കുകയാണ്. ഐസിസി ഏകദിന ക്രിക്കറ്റ് ലോകകപ്പിന് ഇനി ദിവസങ്ങള് മാത്രമാണുള്ളത്. ലോകകപ്പിനായി പത്തു ടീമുകളും തയാറായിക്കൊണ്ടിരിക്കുകയാണ്. ഇനി പതിനാറു ദിവസം മാത്രമാണ് ആദ്യ മത്സരത്തിന്. മേയ് 30 മുതല് ജൂലൈ 14 വരെ നീണ്ടുനില്ക്കുന്ന ടൂര്ണമെന്റിന് ഇംഗ്ലണ്ടും വെയ്ൽസുമാണ് വേദിയാകുന്നത്. മേയ് 30ന് ഇംഗ്ലണ്ട്-ദക്ഷിണാഫ്രിക്ക മത്സരത്തോടെ 2019 ഐസിസി ലോകകപ്പിനു തുടക്കമാകും. ടീമുകൾ അവസാന തയാറെടുപ്പിൽ ഒന്നര മാസത്തിലേറെ നീണ്ട ഇന്ത്യന് പ്രീമിയര് ലീഗ് ട്വന്റി 20 ഉള്പ്പെടെ തുടര്ച്ചയായ മത്സരങ്ങളുടെ ക്ഷീണമകറ്റാന് ഇന്ത്യന് ടീമിന് രണ്ടാഴ്ചയാണ് ലഭിക്കുന്നത്. നിലവിലെ ചാമ്പ്യന്മാരായ ഓസ്ട്രേലിയ ന്യൂസിലന്ഡുമായി പരിശീലന മത്സരം നടത്തി. ഇനി ലോകകപ്പിനു മുമ്പുള്ള സന്നാഹ മത്സരങ്ങള്ക്ക് ഇറങ്ങും. നേരത്തെ തന്നെ ഇംഗ്ലണ്ടിലെത്തിയ പാക്കിസ്ഥാന് ലോകകപ്പിന്റെ ആതിഥേയരായ ഇംഗ്ലണ്ടുമായി ഏകദിന, ട്വന്റി 20 പരമ്പരകളില്…
Read Moreപന്തിനെ ഉൾപ്പെടുത്താത്ത ഇന്ത്യ ലോകകപ്പില് “വിവരമറിയും’; മുന്നറിയിപ്പുമായി ഗാംഗുലി
ന്യൂഡൽഹി: ഏകദിന ക്രിക്കറ്റ് ലോകകപ്പിനുള്ള ഇന്ത്യൻ ടീമിലെ ഋഷഭ് പന്തിന്റെ അസാന്നിധ്യം വീണ്ടും ചൂണ്ടിക്കാട്ടി മുൻ ഇന്ത്യൻ ക്യാപ്റ്റൻ സൗരവ് ഗാംഗുലി. ലോകകപ്പിൽ ഋഷഭ് പന്തിന്റെ അഭാവം ഇന്ത്യ അറിയുമെന്ന് ഗാംഗുലി പറഞ്ഞു. ഇത്തവണത്തെ ഐപിഎലിൽ മികച്ച ഫോമിലായിരുന്നു പന്ത്. 16 കളിയിൽ 162.66 സ്ട്രൈക്ക് റേറ്റിൽ 37.53 ശരാശരിയിൽ മൂന്ന് അർധ സെഞ്ചുറികളടക്കം 488 റണ്സാണ് താരം അടിച്ചുകൂട്ടിയത്. പന്ത് ലോകകപ്പ് ടീമിൽ ഇടംപിടിക്കുമെന്നു കരുതിയെങ്കിലും രണ്ടാം വിക്കറ്റ് കീപ്പറായി സെലക്ടർമാർ പരിചയസന്പന്നനായ ദിനേഷ് കാർത്തിക്കിനെ പരിഗണിക്കുകയായിരുന്നു. എന്നാൽ പകരക്കാരുടെ നിരയിൽ പന്തിനെ ഉൾപ്പെടുത്തിയിട്ടുണ്ട്. ഐപിഎലിൽ മത്സരത്തിനിടെ ലോകകപ്പ് ടീമിലുള്ള കേദാർ ജാദവിന് തോളിനു പരിക്കേറ്റിരുന്നു. ഇന്ത്യയുടെ ആദ്യ മത്സരത്തിനു മുന്പ് ജാദവിന്റെ പരിക്ക് ദേഭമാകുമോ എന്നറിയാനായി കാത്തിരിക്കുകാണ്. ജാദവ് ആരോഗ്യം വീണ്ടെടുക്കുമെന്നാണ് പ്രതീക്ഷിക്കുന്നതെന്ന് ഗാംഗുലി പറഞ്ഞു.
Read More