ധാക്ക: ബംഗ്ലാദേശ് പ്രീമിയർ ലീഗിൽ വെസ്റ്റ്ഇൻഡീസ് ക്രിക്കറ്റ് താരം ക്രിസ് ഗെയിലിന്റെ താണ്ഡവം. ധാക്ക ഡൈനാമിറ്റ്സിനെതിരായ ലീഗ് ഫൈനലിൽ റെക്കോഡ് സെഞ്ചുറിയാണ് ഗെയിൽ അടിച്ചുകൂട്ടിയത്. രംഗ്പുർ റൈഡേഴ്സിനായി 69 പന്തിൽനിന്നു 146 റണ്സ് അടിച്ചുകൂട്ടിയ ഗെയിൽ 18 സിക്സറുകൾ പറത്തി. ഗെയിലിന്റെ മികവിൽ ടീം ഒരു വിക്കറ്റ് നഷ്ടത്തിൽ 206 റണ്സാണെടുത്തത്. ബ്രണ്ടൻ മക്കല്ലത്തിനൊപ്പം രണ്ടാം വിക്കറ്റിൽ 201 റണ്സ് ഗെയിൽ കൂട്ടിച്ചേർത്തു. ഒരു ട്വന്റി 20 ലീഗ് ഫൈനലിൽ ഇത് റിക്കാർഡാണ്. മറുപടി ബാറ്റിംഗിനിറങ്ങിയ ധാക്കയെ 149/9 എന്ന സ്കോറിൽ എറിഞ്ഞൊതുക്കി 57 റണ്സിന്റെ വിജയം നേടാനും രംഗ്പുർ റൈഡേഴ്സിനായി. നേരത്തെ ഖുൽനാ ടൈറ്റൻസിനെതിരെയും ഗെയിൽ ശതകം കണ്ടെത്തിയിരുന്നു. സെഞ്ചുറി നേട്ടത്തോടെ ട്വന്റി 20 ക്രിക്കറ്റിൽ 11,000 റണ്സ് എന്ന നാഴികക്കല്ലും ഗെയിൽ പിന്നിട്ടു. ഈ നേട്ടം സ്വന്തമാക്കുന്ന ആദ്യ കളിക്കാരനാണു ഗെയിൽ. 309 മത്സരങ്ങളിൽനിന്ന്…
Read MoreCategory: Sports
ദുബായ് ഓപ്പൺ: ആത്മവിശ്വാസത്തോടെ സിന്ധു
ദുബായ്: ഇന്നാരംഭിക്കുന്ന ദുബായ് സൂപ്പര് സീരിസ് ടൈറ്റിലില് കണ്ണും മനസുമുറപ്പിച്ച് ബാഡ്മിന്റണ് സൂപ്പര്താരങ്ങളായ പി.വി. സിന്ധുവും കിഡംബി ശ്രീകാന്തും. വിജയത്തോടെ ആരംഭിക്കുകയാണ് ലക്ഷ്യമെന്ന് താരങ്ങള് അറിയിച്ചു. പത്തുലക്ഷം യുഎസ് ഡോളറാണ് സമ്മാനത്തുക. ടോപ് എട്ടില് വരുന്ന താരങ്ങള്ക്കാണ് ടൂര്ണമെന്റിലേക്ക് നേരിട്ടു പ്രവേശനം ലഭിക്കുന്നത്. റാങ്കിംഗില് മൂന്നാമതുള്ള സിന്ധു ഒമ്പതാം റാങ്ക് താരം ഹൈ ബിംഗ് ജിയാവോയോടും നാലാം റാങ്കിലുള്ള ശ്രീകാന്ത് ഒന്നാം നമ്പര് താരം വിക്ടര് അക്സല്സെനിനോടും ആദ്യ റൗണ്ടില് ഏറ്റുമുട്ടും. ദുബായിലെ ഷെയ്ഖ് ഹംദാന് ഇന്ഡോര് സ്റ്റേഡിയത്തിലാണ് ടൂര്ണമെന്റ് നടക്കുന്നത്. വ്യക്തിപരമായി ഏറെ വിജയങ്ങള് നേടിയ ഒരു വര്ഷത്തിനൊടുവിലാണ് ഇരുവരും ദുബായ് സൂപ്പര് സീരിസിലേക്കെത്തുന്നത്. ഇന്ത്യന് ഓപ്പണ്, കൊറിയന് ഓപ്പണ് എന്നിവയ്ക്കു പുറമേ ലോകചാമ്പ്യന്ഷിപ്പ് വെള്ളിയും സിന്ധു സ്വന്തമാക്കി. ശ്രീകാന്തിന് ഇന്തോനേഷ്യ, ഓസ്ട്രേലിയ, ഡെന്മാര്ക്ക്, ഫ്രഞ്ച് ഓപ്പണുകൾ ലഭിച്ചു.
Read Moreഹൈവോള്ട്ടേജില് വാട്സണ് 53 പന്തില് സെഞ്ചുറി
സിഡ്നി: ആരാ പറഞ്ഞേ വാട്സന്റെ ഫോം നഷ്ടമായെന്നും പ്രായം അദ്ദേഹത്തെ തളര്ത്തിയെന്നും. ആ വിമര്ശനം ആംഗീകരിക്കാന് താന് തയാറല്ലെന്ന് വാട്സൻ ഇതാ പ്രഖ്യാപിച്ചിരിക്കുന്നു. സിഡ്നി പ്രീമിയര് ലീഗില് ഷെയ്ന് വാട്സൻ വെടിക്കെട്ട് പ്രകടനവുമായി ഇതാ. 53 പന്തില് സെഞ്ചുറി നേടിയ വാട്സൻ താന് ഇപ്പോഴും മിന്നുന്ന ഫോമിലാണെന്നു തെളിയിച്ചിരിക്കുന്നു. 16 സിക്സുകളും ഒരു ഫോറും അടങ്ങിയതായിരുന്നു ഓസീസ് താരത്തിന്റെ തീപ്പൊരി ബാറ്റിംഗ് പ്രകടനം. മത്സരത്തില് 114 റണ്സാണ് വാട്സൻ അടിച്ചെടുത്തത്. ബൗണ്ടറികളില് നിന്ന് മാത്രം 100 റണ്സാണ് വാട്സന് സ്വന്തമാക്കിയത്. മോസ്മാന് ടീമിനെതിരെ സതര്ലന്ഡ് ടീമിനായാണ് വാട്സൻ കർപ്പൻ പ്രകടനം കാഴ്ചവച്ചത്. വാട്സന്റെ വെടിക്കെട്ട് പ്രകടനത്തോടെ 16ാം ഓവറില് വിജയലക്ഷ്യം മറികടക്കാനും സതര്ലന്ഡിനായി. വാട്സന്റെ ഈ പ്രകടനത്തോടെ സതര്ലന്ഡ് ടീം കിംഗ്സ് ഗ്രോവ് സ്പോര്ട്സ് ടി20 കപ്പിന്റെ ഫൈനലിലേക്കും യോഗ്യത നേടി. ഈ വര്ഷത്തെ ബിഗ് ബാഷ്…
Read More2023 ഏകദിന ക്രിക്കറ്റ് ലോകകപ്പിന് ഇന്ത്യ ഒറ്റയ്ക്കു വേദിയൊരുക്കും
ന്യൂഡൽഹി: 2023 ഏകദിന ക്രിക്കറ്റ് ലോകകപ്പിന് ഇന്ത്യ വേദിയാകും. ഇന്ത്യ ഒറ്റയ്ക്ക് ആതിഥേയരാകുന്ന ആദ്യ ഏകദിന ലോകകപ്പാണിത്. തിങ്കളാഴ്ച ചേർന്ന ബിസിസിഐ യോഗത്തിലാണ് തീരുമാനം കൈക്കൊണ്ടത്. നേരത്തെ ഇന്ത്യ ലോകകപ്പിനു വേദിയായിരുന്നെങ്കിലും അത് മറ്റു രാജ്യങ്ങളുടെ പങ്കാളിത്തത്തോടെയായിരുന്നു. മറ്റ് രാജ്യങ്ങളുടെ 2021 ചാന്പ്യൻസ് ട്രോഫിക്കും ഇന്ത്യ വേദിയാകുമെന്നു ബിസിസിഐ അറിയിച്ചു. അഫ്ഗാനിസ്ഥാന്റെ ആദ്യ ടെസ്റ്റിനും ഇന്ത്യ ആതിഥ്യമരുളും. 2019-20 കാലയളവിലാണ് മത്സരം നടക്കുന്നത്. ഇക്കഴിഞ്ഞ ജൂണിലാണ് അഫ്ഗാനിസ്ഥാന് ടെസ്റ്റ് പദവി ലഭിച്ചത്. ടെസ്റ്റ് പദവിയുള്ള പതിനൊന്നാമത്തെയും പന്ത്രണ്ടാമത്തെയും അംഗങ്ങളായി അന്താരാഷ്ട്ര ക്രിക്കറ്റ് കൗണ്സിൽ അഫ്ഗാനിസ്ഥാനെയും അയർലൻഡിനെയും അംഗീകരിച്ചിരുന്നു. അഫ്ഗാനിസ്ഥാന്റെ ആദ്യ ടെസ്റ്റ് ഓസ്ട്രേലിയക്കെതിരേ നടത്താനാണ് ആദ്യം തീരുമാനിച്ചിരുന്നത്. എന്നിരുന്നാലും ഇന്ത്യയും അഫ്ഗാനിസ്ഥാനും തമ്മിലുള്ള ബന്ധം ചരിത്രപ്രാധാന്യമർഹിക്കുന്നതിനാൽ നമ്മൾ വേദിയൊരുക്കുകയാണെന്ന് ബിസിസിഐ ആക്ട്ിംഗ് സെക്രട്ടറി അമിതാഭ് ചൗധരി അറിയിച്ചു.
Read Moreകൊച്ചി ടസ്ക്കേഴ്സിന് 850 കോടി രൂപ നൽകാനാവില്ലെന്നു ബിസിസിഐ
ന്യൂഡൽഹി: കൊച്ചി ടസ്ക്കേഴ്സിന് 850 കോടി രൂപ നൽകണമെന്ന ആർബിട്രേഷൻ വിധി അംഗീകരിക്കില്ലെന്നു ബിസിസിഐ. ഇത്രയും പണം കണ്ടെത്താനാവില്ലെന്നും ഫയൽ ഇടപാടുകളും ശന്പളവർധനവും മാത്രമാണ് ബിസിസിഐ ജനറൽ ബോഡിയിൽ പാസാക്കാൻ കഴിയില്ലെന്നും ബിസിസിഐയിലെ ഒരു മുതിർന്ന ഉദ്യോഗസ്ഥൻ പ്രതികരിച്ചു. ഐപിഎല്ലിൽനിന്ന് പുറത്താക്കിയതിന് നഷ്ടപരിഹാരമായാണ് ബിസിസിഐ ഈ തുക നൽകേണ്ടത്. 460 കോടി രൂപ നൽകാമെന്ന് കൊച്ചി ടസ്ക്കേഴ്സിനോട് ബിസിസിഐ നേരത്തേ അറിയിച്ചിരുന്നു. എന്നാൽ, ആ വാഗ്ദാനം ടസ്ക്കേഴ്സ് നിരസിക്കുകയായിരുന്നു. 2011 സീസണിൽ മാത്രം കളിച്ച കൊച്ചി ടസ്ക്കേഴ്സിനെ വ്യവസ്ഥകൾ ലംഘിച്ചുവെന്ന കുറ്റത്തിനാണ് പുറത്താക്കിയത്. 1560 കോടി രൂപയ്ക്കാണ് കൊച്ചി ടീമിനെ വ്യവസായികളുടെ കൂട്ടായ്മയായ റെണ്ഡേവ്യൂ കണ്സോർഷ്യം 2010ൽ സ്വന്തമാക്കിയത്.
Read Moreഅന്താരാഷ്ട്ര മെഡലുകൾ നേടിയവരെ ആരോഗ്യപദ്ധതിയിൽ പെടുത്തണം: സച്ചിൻ
ന്യൂഡല്ഹി: അന്താരാഷ്ട്ര മെഡല് സ്വന്തമാക്കിയ എല്ലാ കായികതാരങ്ങളെയും കേന്ദ്ര ഗവണ്മെന്റിന്റെ ആരോഗ്യപദ്ധതിയില് ഉള്പ്പെടുത്തണമെന്നഭ്യര്ഥിച്ച് ക്രിക്കറ്റ് ഇതിഹാസം സച്ചിന് തെണ്ടുൽക്കര് പ്രധാനമന്ത്രി നരേന്ദ്രമോദിക്ക് കത്തയച്ചു. രാജ്യത്തിന്റെ അഭിമാനമുയര്ത്തിയ പല താരങ്ങളും ഇപ്പോള് രോഗാവസ്ഥയില് കഴിയുന്നതായി സച്ചിന് തന്റെ കത്തില് പരാമര്ശിച്ചിട്ടുണ്ട്. ഉദാഹരണമായി, ഇന്ത്യക്ക് ഹോക്കി ഒളിമ്പിക് സ്വര്ണം നേടിത്തന്ന മുഹമ്മദ് ശഹീദിന്റെ വിയോഗവും ചൂണ്ടിക്കാട്ടി. മരണത്തിനു തൊട്ടുമുമ്പുള്ള ദിവസങ്ങളില് മാത്രമാണ് കരള് രോഗബാധിതനായിരുന്ന അദ്ദേഹത്തിനു ചികിത്സ ലഭിച്ചത്. അത് ഗുണകരമായതുമില്ല. കേന്ദ്രഗവണ്മെന്റ് ജീവനക്കാരായ എല്ലാ താരങ്ങള്ക്കും ഈ പദ്ധതിയുടെ പ്രയോജനം ഇപ്പോള് തന്നെ ലഭിക്കുന്നുണ്ട്. അങ്ങനെയല്ലാത്തവര്ക്കു കൂടി പദ്ധതിയുടെ ഗുണം ലഭ്യമാക്കണമെന്നാണ് സച്ചിന്റെ അഭ്യര്ഥന. കായിക, ആരോഗ്യ മന്ത്രാലയങ്ങളുമായി ഈ വിഷയം നേരത്തേതന്നെ ചര്ച്ച ചെയ്തിരുന്നു.
Read Moreകേരളം തകർന്നടിഞ്ഞു; വിദർഭ സെമിയിൽ
സൂററ്റ്: രഞ്ജി ട്രോഫി ക്വാർട്ടർ ഫൈനലിൽ വിദർഭയോട് കനത്ത തോൽവി ഏറ്റുവാങ്ങി കേരളം പുറത്തായി. 413 റണ്സിന്റെ തകർപ്പൻ വിജയം നേടിയാണ് വിദർഭ രഞ്ജിയിൽ അവസാന നാല് സ്ഥാനക്കാരിൽ അംഗമായത്. അവസാന ദിനം കേരളം രണ്ടാം ഇന്നിംഗ്സിൽ 165 റണ്സിന് പുറത്തായി. വിജയം വിദൂര സ്വപ്നത്തിൽ പോലുമില്ലാതിരുന്ന കേരളം രണ്ടാം ഇന്നിംഗ്സിൽ അലക്ഷ്യമായി ബാറ്റിംഗിനെ സമീപിച്ചതാണ് തോൽവിയിലേക്ക് തള്ളിയിട്ടത്. 64 റണ്സ് നേടിയ സൽമാൽ നിസാറാണ് രണ്ടാം ഇന്നിംഗ്സിലെ ടോപ്പ് സ്കോറർ. സച്ചിൻ ബേബി 26 റണ്സും മുഹമ്മദ് അസ്ഹറുദ്ദീൻ 28 റണ്സും നേടി. വിദർഭയ്ക്ക് വേണ്ടി സർവാതേ ആറ് വിക്കറ്റ് വീഴ്ത്തി. നേരത്തെ വിദർഭ രണ്ടാം ഇന്നിംഗ്സ് 507/9 എന്ന നിലയിൽ ഡിക്ലയർ ചെയ്തിരുന്നു. 577 റണ്സിന്റെ കൂറ്റൻ വിജയലക്ഷ്യം കേരളത്തിന് നൽകിയ വിദർഭ സെമി ബർത്ത് ഉറപ്പിച്ചാണ് ഇന്നിറങ്ങിയത്. മത്സരം സമനിലയിലായാലും ആദ്യ ഇന്നിംഗ്സിലെ…
Read Moreഹോക്കി വേൾഡ് ലീഗ്: ജർമനിയെ പരാജയപ്പെടുത്തി ഇന്ത്യക്കു വെങ്കലം
ഭുവനേശ്വർ: ഹോക്കി വേൾഡ് ലീഗിൽ ഇന്ത്യക്കു വെങ്കലം. ജർമനിയെ ഒന്നിനെതിരേ രണ്ടു ഗോളുകൾക്കു കീഴടക്കിയായിരുന്നു ഇന്ത്യയുടെ വിജയം. രണ്ടാം ക്വാർട്ടറിന്റെ 10-ാം മിനിറ്റിൽ എസ്.വി.സുനിൽ ഇന്ത്യക്കു ലീഡ് നൽകി. തൊട്ടുപിന്നാലെ ജർമനി സമനില നേടി. എന്നാൽ മത്സരം അവസാനിക്കാൻ ആറു മിനിറ്റ് ബാക്കിനിൽക്കെ ഹർമൻപ്രീത് സിംഗിലൂടെ ഇന്ത്യ ലീഡും വിജയവും പിടിച്ചെടുക്കുകയായിരുന്നു. നേരത്തെ, സെമിയിൽ അർജന്റീനയോടു പരാജയപ്പെട്ടതോടെ ഇന്ത്യക്കു ഫൈനൽ നിഷേധിച്ചിരുന്നു. എതിരില്ലാത്ത ഒരു ഗോളിനായിരുന്നു ഇന്ത്യയുടെ തോൽവി.
Read Moreകളി പഠിപ്പിച്ചു ലങ്ക; ധർമശാലയിൽ ഇന്ത്യ നാണംകെട്ടു
ധർമശാല: അനായാസ വിജയം സ്വപ്നം കണ്ടു ധർമശാലയിൽ കളിക്കാനിറങ്ങിയ ഇന്ത്യയെ കളിപഠിപ്പിച്ച് ശ്രീലങ്ക ഏകദിന പരന്പരയിലെ ആദ്യ വിജയം സ്വന്തമാക്കി. ഇന്ത്യ ഉയർത്തിയ 113 റണ്സ് വിജയലക്ഷ്യം 29.2 ഓവർ ബാക്കിനിൽക്കെ മൂന്നു വിക്കറ്റ് നഷ്ടത്തിൽ ലങ്ക അടിച്ചുകൂട്ടി. ഇതോടെ മൂന്നു മത്സര പരമ്പരയില് ലങ്ക 1-0ന് മുന്നിലെത്തി. ഇന്ത്യൻ ബാറ്റിംഗ് നിര നിലയുറപ്പിക്കാൻ പെടാപ്പാടുപെട്ട പിച്ചിൽ 49 റണ്സുമായി ഉപുൽ തരംഗ ലങ്കയുടെ മുന്നേറ്റത്തിനു ചുക്കാൻ പിടിച്ചു. 19 റണ്സിനിടെ രണ്ടു വിക്കറ്റ് വീഴ്ത്തി ബൗളർമാർ ഇന്ത്യക്കു പ്രതീക്ഷ നൽകിയെങ്കിലും തരംഗ പിടിച്ചുനിന്നതോടെ ഇന്ത്യൻ പ്രതീക്ഷകൾ പൊലിച്ചു. താരംഗ പുറത്തായശേഷം അഞ്ചലോ മാത്യൂസ്(25), നിരോഷൻ ഡിക്വെല്ല(26) എന്നിവർ ചേർന്നു ലങ്കയെ വിജയത്തിലേക്കു നയിച്ചു. ഇന്ത്യക്കായി ഭുവനേശ്വർ കുമാർ, ഹാർദിക് പാണ്ഡ്യ, ജസ്പ്രീത് ബുംറ എന്എനിവർ ഓരോവിക്കറ്റ് നേടി. നേരത്തെ, പുകൾപ്പെറ്റ ഇന്ത്യൻ ബാറ്റിംഗ് നിരയെ ഇന്ത്യൻ…
Read Moreഐഎസ്എല്: പൂനയ്ക്കും മുംബൈയ്ക്കും ജയം
ജംഷഡ്പുര്/ മുംബൈ: ഇന്ത്യന് സൂപ്പര് ലീഗില് മഹാരാഷ് ട്ര ടീമുകള്ക്ക് ജയം. ഇന്നലെ നടന്ന ആദ്യ മത്സരത്തില് പൂന സിറ്റി എഫ്സി ഏകപക്ഷീയമായ ഒരു ഗോളിന് ജംഷഡ്പുര് എഫ്സിയെ കീഴടക്കി. രണ്ടാം മത്സരത്തില് ഇതേ സ്കോറിനു തന്നെ മുംബൈ സിറ്റി എഫ്സി മുന് ചാമ്പ്യന്മാരായ ചെന്നൈയിന് എഫ്സിയെ തകര്ത്തു. ഗോള് വഴങ്ങാതെ ഇതുവരെ കളിച്ച ജംഷഡ്പുരിന്റെ വലയില് ആദ്യ പകുതിയില് അദില് ഖാന് (30) പന്തെത്തിച്ചു. മത്സരത്തിന്റെ തുടക്കത്തില് പൂന കളിയുടെ നിയന്ത്രണമേറ്റെടുത്തു. ആറാം മിനിറ്റില് സുബ്രത പാല് പൂനയുടെ ഫ്രീകിക്ക് തട്ടിയകറ്റിക്കൊണ്ട് ജംഷഡ്പുരിന്റെ രക്ഷകനായി. 16-ാം മിനിറ്റില് പൂന ഗോള്കീപ്പര് മികച്ചൊരു സേവിംഗ് നടത്തി. 30-ാം മിനിറ്റില് പൂന ആദില് ഖാന്റെ ഗോളില് ലീഡ് നേടി. ജംഷഡ്പുര് വഴങ്ങിയ ആദ്യ ഗോളായിരുന്നു. 44-ാം മിനിറ്റില് പൂനയുടെ ഇസു അസുകയുടെ വെടിയുണ്ടപോലുള്ള ഹെഡര് പൂനയുടെ വല തുളച്ചുവെന്നു…
Read More