കൊച്ചി: സി.കെ വിനീതിന്റെ ഏക ഗോളിൽ കേരള ബ്ലാസ്റ്റേഴ്സിന് സീസണിലെ ആദ്യ വിജയം. നോര്ത്ത് ഈസ്റ്റ് യുണൈറ്റഡിനെ ഏകപക്ഷീയമായ ഒരു ഗോളിനാണ് ബ്ലാസ്റ്റേഴ്സ് പരാജയപ്പെടുത്തിയത്. ഇതോടെ പോയിന്റ് പട്ടികയിൽ ബ്ലാസ്റ്റേഴ്സ് ഏഴാം സ്ഥാനത്തേക്ക് ഉയർന്നു. ആദ്യ പകുതിയിലെ 24 ാം മിനിറ്റിലായിരുന്നു ബ്ലാസ്റ്റേഴ്സിന്റെ വിജയ ഗോൾ പിറന്നത്. പൂർണമായും മലയാളി ടച്ചുള്ള ഗോൾ. സ്വന്തം ബോക്സിൽനിന്ന് മൈതാന മധ്യത്തിലേക്ക് ക്യാപ്റ്റൻ ജിങ്കാൻ ഉയർത്തി നൽകിയ പന്ത് പിടിച്ചെടുത്ത് വലതു പാർശ്വത്തിലൂടെ ശരവേഗം മുന്നേറിയ റിനോ ആന്റോയ്ക്ക് അവകാശപ്പെട്ടതാണ് ഗോളിന്റെ പകുതി ക്രെഡിറ്റും. നോര്ത്ത് ഈസ്റ്റിന്റെ പ്രതിരോധ നിരയെ പിളർത്തി ബോക്സിലേക്ക് റിനോയുടെ സുന്ദരൻ ക്രോസ്. നെഞ്ചൊപ്പമെത്തിയ പന്തിനെ വിനീത് വായുവിൽ ഉയർന്ന് ചാടി ഹെഡ് ചെയ്തു. ടി.പി രഹനേഷിനെ മറികടന്ന് പന്ത് വലയിലേക്ക്. ഗാലറികൾ പൊട്ടിത്തെറിച്ചു. മഞ്ഞയലകൾ വീശിയടിച്ചു. എന്നാൽ ബ്ലാസ്റ്റേഴ്സിന്റെ പോരാട്ടം ഏതാണ്ട് ഇതോടെ അവസാനിച്ചു.…
Read MoreCategory: Sports
ദുബായ് ഓപ്പൺ: സിന്ധുവിന് തുടർച്ചയായ മൂന്നാം ജയം
ദുബായ്: ദുബായ് ഓപ്പൺ ബാഡ്മിന്റൺ സൂപ്പർ സീരീസിൽ ഇന്ത്യയുടെ പി.വി. സിന്ധുവിന് തുടർച്ചയായ മൂന്നാം ജയം. കഴിഞ്ഞ രണ്ടു മത്സരങ്ങളിൽ ജയിച്ച് സെമിയിൽ കടന്ന സിന്ധു അവസാന ഗ്രൂപ്പ് മത്സരത്തിലും വിജയിച്ചു. ടോപ്പ് സീഡ് ജപ്പാന്റെ അകാനെ യാമാഗുച്ചിയെയാണ് സിന്ധു പരാജയപ്പെടുത്തിയത്. നേരിട്ടുള്ള ഗെയിമുകൾക്കായിരുന്നു സിന്ധുവിന്റെ ജയം. സ്കോർ: 21-9, 21-13. യാമാഗുച്ചിയെ അനായാസമായാണ് സിന്ധു മറികടന്നത്. 36 മിനിറ്റുകൾക്കുള്ളിൽ ജപ്പാൻ താരത്തിന്റെ കാര്യത്തിൽ സിന്ധു തീരുമാനംകണ്ടു.
Read Moreഇന്ത്യൻ ക്രിക്കറ്റ് താരങ്ങൾക്ക് “ലോട്ടറി’; ശന്പളം ഇരട്ടിയാക്കി
ന്യൂഡൽഹി: പൂ ചോദിച്ചപ്പോൾ പൂക്കാലം കിട്ടിയ അവസ്ഥയിലാണ് ഇന്ത്യൻ ക്രിക്കറ്റ് താരങ്ങൾ. വേതനം വർധിപ്പി ക്കണമെന്ന് ക്യാപ്റ്റൻ വിരാട് കോഹ്ലിയുടെ നേതൃത്വത്തിൽ വെറുതെ ഒന്ന് ആവശ്യപ്പെട്ടപ്പോൾ ബിസിസിഐ സമ്മാനിച്ചത് ഇരട്ടി ശന്പള വർധന. രാജ്യാന്തര താരങ്ങൾക്കും പ്രാദേശിക താരങ്ങൾക്കും ഉൾപ്പടെയുള്ള മുഴുവൻ കളിക്കാർക്കും ബോർഡ് നൂറു ശതമാനമാണ് ശന്പളം കൂട്ടിയത്. അടുത്ത സീസണ് മുതൽ പുതുക്കിയ ശന്പളം ലഭിച്ചു തുടങ്ങും. സുപ്രീംകോടതി നിയോഗിച്ച ബിസിസിഐ ഭരണസമിതി അടുത്ത സീസണിലെ ശന്പള വർധനവിനായി 200 കോടി രൂപ കൂടി അനുവദിച്ചു. ഇപ്പോൾ നൽകുന്ന 180 കോടിക്ക് പുറമേയാണിത്. സീനിയർ-ജൂണിയർ ടീമുകൾക്ക് എത്ര പണം നൽകുമെന്ന കാര്യത്തിലുള്ള പരിശോധന ബിസിസിഐ തുടങ്ങിക്കഴിഞ്ഞു. ബിസിസിഐയുടെ വാർഷിക വരുമാനത്തിന്റെ 26 ശതമാനമാണ് കളിക്കാർക്ക് വേതനമായി വീതിച്ച് നൽകുന്നത്. മൂന്ന് തട്ടായാണ് വേതനം നൽകുന്നത്. രാജ്യാന്തര താരങ്ങൾക്ക് 13 ശതമാനവും ആഭ്യന്തര താരങ്ങൾക്ക് 10.6…
Read Moreഗോവന് ദുരന്തം മറക്കണം! കേരള ബ്ലാസ്റ്റേഴ്സ് അഞ്ചാം പോരാട്ടത്തിന്
കൊച്ചി: കലിപ്പടക്കാനും കപ്പടിക്കാനും വിജയിക്കണമെന്നുള്ള പാഠം ഗോവയില്നിന്നു പഠിച്ചതിന്റെ ഞെട്ടലില് കേരള ബ്ലാസ്റ്റേഴ്സ് ഐഎസ്എല് നാലാം സീസണിലെ അഞ്ചാം പോരാട്ടത്തിനിറങ്ങുന്നു. മികച്ച പ്രകടനം പുറത്തെടുക്കാനാവാതെ വിഷമിക്കുന്ന നോര്ത്ത് ഈസ്റ്റ് യുണൈറ്റഡാണ് മഞ്ഞപ്പടയുടെ എതിരാളികള്. സ്വന്തം സ്റ്റേഡിയത്തില് ആദ്യ മൂന്നു മത്സരങ്ങളും കളിക്കാനായതിന്റെ ആനുകൂല്യം മുതലാക്കാനാവാത്തതിന്റെ നിരാശയാണു ബ്ലാസ്റ്റേഴ്സിന്റെ ആത്മവിശ്വാസത്തെ ചോര്ത്തിക്കളയുന്നത്. അതിന്റെ കൂടെ ഗോവയില് നിന്നേറ്റ കനത്ത പ്രഹരത്തിന്റെ ഓര്മകളും ടീമിനെ തളര്ത്തുന്നു. കൊച്ചിയിലെ മഞ്ഞക്കടലിനെ സാക്ഷിയാക്കി സീസണിലെ ആദ്യ വിജയം തേടിയാണു സന്ദേശ് ജിങ്കനും കൂട്ടരും വടക്കന് ശക്തിയെ നേരിടാനിറങ്ങുന്നത്. ഇത് എന്തു ടീം? ഐഎസ്എല് നാലാം സീസണ് ആരംഭിക്കുന്നതിനു മുന്പ് ആരെയും ഭയപ്പെടുത്തുന്ന ലൈനപ്പ് ആയിരുന്നു ബ്ലാസ്റ്റേഴ്സിന്റേത്. മുന്നേറ്റ നിരയില് ദിമിതര് ബെര്ബറ്റോവ് എന്ന ഇതിഹാസ താരം. ഒപ്പം ഐഎസ്എല് ഹീറോ ഇയാന് ഹ്യൂം, സി.കെ. വിനീത് എന്നിങ്ങനെ പേരുകേട്ട നീണ്ട നിര തന്നെയുണ്ടായിരുന്നു…
Read Moreഅന്തർ സർവകലാശാലാ അത്ലറ്റിക് മീറ്റ്: വനിതകളിൽ എംജി
ഗുണ്ടൂര്: അന്തര് സര്വകലാശാലാ അത്ലറ്റിക് മീറ്റില് കേരളത്തില്നിന്നുള്ള സര്വകലാശാലകളെ ബഹുദൂരം പിന്നിലാക്കി മംഗളൂരു യൂണിവേഴ്സിറ്റി കുതിക്കുന്നു. മീറ്റ് രണ്ടു ദിനം പിന്നിടുമ്പോള് അവര് 74 പോയിന്റുമായി മുന്നിലാണ്. രണ്ടാം സ്ഥാനത്തുള്ള കാലിക്കട്ട് യൂണിവേഴ്സിറ്റിക്ക് 37 പോയിന്റാണുള്ളത്. മൂന്നാം സ്ഥാനത്ത് 36 പോയിന്റുള്ള എംജി യൂണിവേഴ്സിറ്റിയാണ്. അതേസമയം, വനിതാ വിഭാഗത്തില് എംജി യൂണിവേഴ്സിറ്റി 24 പോയിന്റോടെ ഒന്നാമതുണ്ട്. മംഗളൂരു യൂണിവേഴ്സിറ്റിയാണ് രണ്ടാമത്; 22 പോയിന്റ്. പുരുഷവിഭാഗത്തില് 52 പോയിന്റോടെ മംഗളൂരു യൂണിവേഴ്സിറ്റി ബഹുദൂരം മുന്നിലാണ്. 24 പോയിന്റോടെ കാലിക്കട്ട് യൂണിവേഴ്സിറ്റിയാണ് രണ്ടാമത്. 110 മീറ്റർ ഹർഡിൽസിൽ കാലിക്കട്ടിന്റെ മെയ്മോൻ പൗലോസ് മീറ്റ് റിക്കാർഡോടെ സ്വർണം നേടി. സമയം 14.19 സെക്കൻഡ്. തൃശൂർ സെന്റ് തോമസ് കോളജിലെ ബിരുദ വിദ്യാർഥിയാണ് മെയ്മോൻ. എം.സി. വർഗീസിന്റെ കീഴിലാണ് മെയ്മോൻ പരിശീലനം നേടുന്നത്.ഈ ഇനത്തിൽ എംജി യൂണിവേഴ്സിറ്റിയുടെ സച്ചിൻ ബിനു (14.30) വെള്ളി…
Read Moreദുബായ് സൂപ്പര് സീരിസ്: സിന്ധു സെമിയിൽ
ദുബായ്: റിയോ ഒളിമ്പിക്സ് വെള്ളിമെഡൽ ജേതാവ് ഇന്ത്യയുടെ പി.വി സിന്ധു ദുബായ് സൂപ്പര് സീരിസ് സെമിയിൽ കടന്നു. ഗ്രൂപ്പിലെ രണ്ടാം മത്സരത്തിൽ ജപ്പാന്റെ സയാകോ സാറ്റോയെ പരാജയപ്പെടുത്തിയാണ് സിന്ധുവിന്റെ മുന്നേറ്റം. നേരിട്ടുള്ള ഗെയിമുകൾക്കാണ് സിന്ധു വിജയിച്ചത്. സ്കോർ: 21-12, 21-12. നേരത്തെ രണ്ടാം മത്സരത്തിലും പരാജയപ്പെട്ട ഇന്ത്യയുടെ കിഡംബി ശ്രീകാന്ത് ടൂർമെന്റിൽനിന്നും പുറത്തായിരുന്നു. ചൈനീസ് തായ്പേയുടെ ചോവു ടീൻ ചെന്നിനോടാണ് ശ്രീകാന്ത് പരാജയപ്പെട്ടത്. നേരിട്ടുള്ള സെറ്റുകൾക്കായിരുന്നു ശ്രീകാന്തിന്റെ പരാജയം. സ്കോർ: 18-21, 18-21.
Read Moreവിവാഹ വാര്ഷികത്തിൽ റിതികയ്ക്കു രോഹിതിന്റെ സമ്മാനം
മൊഹാലി: രോഹിതിന്റെ മൂന്നാം ഡബിൾ സെഞ്ചുറി വിവാഹ വാര്ഷികദിനത്തില്. ഇന്ത്യയുടെ താത്കാലിക നായകന് രോഹിത് ശര്മയുടെ രണ്ടാം വിവാഹ വാര്ഷികമായിരുന്നു ഇന്നലെ. ഏറെ വിമർശനങ്ങൾക്കു നടുവിലായിരുന്നു രോഹിത് ബാറ്റ് ചെയ്യാനിറങ്ങിയത്. അതുകൊണ്ടുതന്നെ ഭാര്യ റിതികയും അതി സമ്മർദത്തിലായിരുന്നു ഗാലറഇയിലിരുന്നത്. ഡബിൾ സെഞ്ചുറിയിലേക്കു കുതിച്ചപ്പോൾ മെഹാലിയിലെ ഗാലറിയിലിരുന്നു ആനന്ദക്കണ്ണീര് പൊഴിക്കുകയായിരുന്നു. ഡബിൾ തികച്ച ശേഷം ഫ്ളൈയിംഗ് കിസ് നൽകിയാണ് രോഹിത് തന്റെ സന്തോഷം റിതികയുമായി പങ്കുവച്ചത്. ഇരുവരും വിവാഹിതരായിട്ട് രണ്ട് വര്ഷമാവുന്ന ദിവസമായിരുന്നു ഇന്നലെ ഡബിള് സെഞ്ചുറി നേടിയതിന്റെ ആഹ്ലാദപ്രകടനം നടത്തുന്നതിനിടയില് രോഹിത്ത് തന്റെ മോതിരവിരലില് ചുംബിച്ചുകൊണ്ടാണ് റിതികയോടുള്ള സ്നേഹം പ്രകടിപ്പിച്ചത്. ഒരുപക്ഷേ, റിതികയ്ക്കു ലഭിച്ച ഏറ്റവും മികച്ച വിവാഹ സമ്മാനവും ഇതുതന്നെയാകും.
Read Moreലോക ചെസ് ഒളിമ്പ്യാഡ് മത്സരങ്ങള് നിയന്ത്രിക്കാന് മലയാളി
അഹമ്മദാബാദ്: ലോക യൂത്ത് ചെസ് ഒളിമ്പ്യാഡിലെ മത്സരങ്ങള് നിയന്ത്രിക്കാന് ഡെപ്യൂട്ടി ആര്ബിറ്റര് ആയി ,ചെസ് അസോസിയേഷന് കേരളയുടെ ജിസ്മോനും. ആദ്യമായാണ് ചെസ് അസോസിയേഷന് കേരളയിൽനിന്ന് ഒരാള്ക്ക് ഈ അവസരം കിട്ടുന്നത്. അഞ്ചു വർഷം മുമ്പ് ലോക ചെസ് ഫെഡറേഷനിൽ നിന്നും ഫിഡെ ആര്ബിറ്റര് ടൈറ്റില് നേടുമ്പോള് ഈ പദവിനേടുന്ന ആദ്യ ചെസ് അസോസിയേഷന് കേരളം അംഗം ജിസ്മോന് ആയിരുന്നു. പിന്നീട് കേരളത്തിന്റെ അകത്തും പുറത്തും ആയി ഒട്ടനവധി അന്താരാഷട്ര മത്സരങ്ങള് ജിസ്മോന് നിയന്ത്രിച്ചു. ലോക ചെസ് ഫെഡറേഷന് കഴിഞ്ഞ മാസമാണ് ജിസ്മോന് ഫിഡെ ആര്ബിറ്റര് സി സര്ട്ടിഫിക്കറ്റ് നല്കിയത്.
Read Moreഅന്തർസർവകലാശാലാ അത്ലറ്റിക്സ്: എംജി കുതിക്കുന്നു
ഗുണ്ടൂർ: അന്തര് സര്വകലാശാല അത്ലറ്റിക് മീറ്റ് രണ്ടാം ദിനം പിന്നിട്ടപ്പോള് മംഗളൂരു യൂണിവേഴ്സിറ്റി 31 പോയിന്റുമായി ഒന്നാം സ്ഥാനത്ത്. 24 പോയിന്റുമായി കോട്ടയം മഹാത്മാഗാന്ധി യൂണിവേഴ്സിറ്റിയാണ് രണ്ടാം സ്ഥാനത്ത്. 19 പോയിന്റുള്ള പഞ്ചാബ് യൂണിവേഴ്സിറ്റിയാണ് മൂന്നാമത്. കാലിക്കട്ട് യൂണിവേഴ്സിറ്റി 11 പോയിന്റുമായി അഞ്ചാം സ്ഥാനത്തുണ്ട്. പുരുഷവിഭാഗത്തില് 20 പോയിന്റുമായി മംഗളൂരു യൂണിവേഴ്സിറ്റി ഒന്നാമതും 16 പോയിന്റുള്ള പഞ്ചാബ് യൂണിവേഴ്സിറ്റി രണ്ടാം സ്ഥാനത്തും. വനിതാ വിഭാഗത്തില് കോട്ടയം മഹാത്മാഗാന്ധി യൂണിവേഴ്സിറ്റിയാണ് 20 പോയിന്റുമായി ഒന്നാമത്. 11 പോയിന്റുമായി മംഗളൂരു യൂണിവേഴ്സിറ്റി രണ്ടാമതും 8 പോയിന്റുള്ള കാലിക്കട്ട് യൂണിവേഴ്സിറ്റി മൂന്നാം സ്ഥാനത്തും. കേരളത്തിൽനിന്നുള്ള യൂണിവേഴ്സി റ്റികൾക്ക് ഇന്നലെ രണ്ടു സ്വർണമാണു ലഭിച്ചത്. മീറ്റിലെ വേഗമേറിയ താരങ്ങളായി മംഗളൂരു യൂണിവേഴ്സിറ്റിയിലെ വി.കെ. എലക്യ ദാസനെയും ഗുജര് ചൈത്രാലി കാളിദാസിനെയും തെരഞ്ഞെടുത്തു. പുരുഷവിഭാഗത്തില് എലക്യ ദാസന് പുതിയ മീറ്റ് റിക്കാര്ഡ് (10.49) സ്ഥാപിച്ചു.…
Read Moreരോഹിത് ശർമയ്ക്ക് മൂന്നാം ഏകദിന ഡബിൾ
മൊഹാലി: രോഹിത് ശർമയ്ക്ക് ഏകദിനത്തിൽ മൂന്നാം ഡബിൾ സെഞ്ചുറി. ശ്രീലങ്കയ്ക്കെതിരായ രണ്ടാം ഏകദിനത്തിലാണ് രോഹിത് ചരിത്ര നേട്ടം കുറിച്ചത്. ഏകദിന ചരിത്രത്തിൽ മൂന്ന് ഡബിൾ സെഞ്ചുറി നേടുന്ന ഏക താരമാണ് രോഹിത്. 153 പന്തിൽ 208 റൺസോടെ രോഹിത് പുറത്താകാതെ നിന്നു. 13 ഫോറും 12 സിക്സും അടങ്ങിയതായിരുന്നു ഇന്ത്യൻ നായകൻ ഇന്നിംഗ്സ്.
Read More