മാഡ്രിഡ്: നികുതി വെട്ടിപ്പ് കേസില് ഫുട്ബോള് താരം ലയണല് മെസിക്കു തടവുശിക്ഷ. മുമ്പ് വിധിച്ച ശിക്ഷയ്ക്കെതിരേ മെസി സമര്പ്പിച്ച അപ്പീല് സ്പാനിഷ് സുപ്രീം കോടതി തള്ളി. 21 മാസം തടവാണ് കഴിഞ്ഞ ജൂലൈയില് മെസിക്കു വിധിച്ചിരുന്നത്. കേസില് മെസിയുടെ പിതാവ് ജോര്ജ് മെസിക്കും 21 മാസം ജയില്ശിക്ഷ വിധിച്ചിട്ടുണ്ട്. 53 ലക്ഷം ഡോളര് (മുപ്പതു കോടി രൂപ) ഇരുവരും ചേര്ന്നു വെട്ടിച്ചതായി നികുതി വകുപ്പ് കുറ്റപ്പെടുത്തിയിരുന്നു. 2006-09 കാലയളവില് തെറ്റായ വിവരങ്ങളടങ്ങുന്ന റിട്ടേണുകളാണ് ഇവര് സമര്പ്പിച്ചതെന്നും പ്രോസിക്യൂഷന് വാദിച്ചു. 21 മാസത്തെ തടവിന് മെസിയെ ശിക്ഷിച്ചെങ്കിലും അദ്ദേഹത്തിന് ജയില്വാസം അനുഭവിക്കേണ്ടി വരില്ല. സ്പെയിനിലെ നിയമപ്രകാരം അക്രമരഹിത കേസുകള്ക്ക് രണ്ടു വര്ഷത്തില് താഴെ തടവ് വിധിച്ചാല് ജയിലില് പോകേണ്ട ആവശ്യമില്ല. വിചാരണ വേളയില് ഹാജരായ മെസിയോട് നികുതി വെട്ടിപ്പിനെ കുറിച്ച് കോടതി ആരാഞ്ഞപ്പോള് തനിക്ക് ഫുട്ബോള് കളിക്കാന് മാത്രമേ…
Read MoreCategory: Sports
സെജിനും ശ്രീകലയും ഇന്ത്യന് ടീമില്
കോട്ടയം: അണ്ടര് 18 ത്രീ ഓണ് ത്രീ ഏഷ്യാ കപ്പ് ബാസ്കറ്റ്ബോള് ചാമ്പ്യന്ഷിപ്പിനുള്ള ഇന്ത്യന് ടീമില് രണ്ടു മലയാളികള്. പുരുഷവിഭാഗത്തില് തിരുവല്ല സ്വദേശി സെജിന് മാത്യുവും വനിതാ വിഭാഗത്തില് തിരുവനന്തപുരത്തുനിന്നുള്ള ശ്രീകലയുമാണ് ടീമിലെത്തിയത്. മലേഷ്യയില് 26മുതല് 28 വരെയാണ് ചാമ്പ്യന്ഷിപ്പ്. ബംഗളൂരുവില് പരിശീലനം നടത്തുന്ന ഇന്ത്യന് ടീമിന്റെ ലീഡര് മലയാളിയായ ജീന സക്കറിയയാണ്. പുരുഷ,വനിതാ വിഭാഗങ്ങളിലായി 32 ടീമുകള് മാറ്റുരയ്ക്കും. ആദ്യമായാണ് ഇരുവരും ഇന്ത്യന് ടീമിലെത്തുന്നത്. ഗ്രൂപ്പ് സിയില് തുര്ക്മെനിസ്ഥാന്, ചൈനീസ് തായ്പേയി, ജപ്പാന് എന്നീ ടീമുകള്ക്കൊപ്പമാണ് വനിതാ വിഭാഗത്തില് ഇന്ത്യ.പുരുഷവിഭാഗത്തില് തുര്ക്മെനിസ്ഥാന്, ലബനന്, ബഹറിന്, ഖത്തര് എന്നീ ടീമുകളാണ് ഇന്ത്യക്കൊപ്പമുള്ളത്.
Read Moreസുദിർമൻ കപ്പ്: ഇന്ത്യക്കു ജയം
ഗോള്ഡ്കോസ്റ്റ്(ഓസ്ട്രേലിയ): സുദിര്മാന് കപ്പ് ബാഡ്മിന്റണില് ഇന്ത്യ ഉജ്വല ജയത്തോടെ തുടങ്ങി. നിലവിലെ ചാമ്പ്യന്മാരായ ഇന്തോനേഷ്യയെ 4-1നാണ് പി.പി. സിന്ധു അടങ്ങിയ ഇന്ത്യന് ടീം കെട്ടുകെട്ടിച്ചത്. ആദ്യ റൗണ്ടില് ഡെന്മാര്ക്കിനോട് 1-4നു തോറ്റ ഇന്ത്യ രണ്ടാം പോരാട്ടങ്ങളില് ഉജ്വല പ്രകടനമാണ് പുറത്തെടുത്തത്. കെ. ശ്രീകാന്ത്, പി.വി. സിന്ധു എന്നിവര് സിംഗിള്സിലും അശ്വിനി പൊന്നപ്പ ഉള്പ്പെട്ട ടീം വനിതാ ഡബിള്സിലും മിക്സഡ് ഡബിള്സിലും വിജയിച്ചു. സിക്കി റെഡ്ഡിക്കൊപ്പമാണ് അശ്വിനി ഡബിള്സിനിറങ്ങിയത്. ഇന്നു നടക്കുന്ന ഇന്തോനേഷ്യ, ഡെന്മാര്ക്ക് പോരാട്ടത്തിനു ശേഷമേ ഇന്ത്യ നോക്കൗട്ട് ഘട്ടത്തില് കടക്കുമോ എന്നറിയാന് സാധിക്കൂ. ഡെന്മാര്ക്ക് ജയിച്ചാല് ഇന്ത്യയും ഡെന്മാര്ക്കും നോക്കൗട്ടിലെത്തും. മുന് ലോക ഒന്നാം നമ്പര് താരം ശ്രീകാന്ത് ജൊനാഥന് ക്രിസ്റ്റിയെ 21-15, 21-16നു പരാജയപ്പെടുത്തിയപ്പോള് ഒളിമ്പിക് വെള്ളി മെഡല് ജേതാവ് പി.വി. സിന്ധു ഫിട്രിയാനിയെ 21-9, 21-19നു പരാജയപ്പെടുത്തി. അശ്വിനി- സിക്കി റെഡ്ഡി സഖ്യം…
Read Moreആഫ്രിക്കയുമെത്തി, ഇനി ലോകകപ്പിലേക്ക്
ന്യൂഡല്ഹി: ഒടുവില് ആഫ്രിക്കയില്നിന്നുള്ള ടീമുകളുമായി. ഇനി ലോകകപ്പിന്റെ ആരവങ്ങളിലേക്ക്. ഒക്ടോബറില്
Read Moreറയല് മാഡ്രിഡിനുവേണ്ടി റൊണാള്ഡോയ്ക്കു റിക്കാര്ഡ്
മാഡ്രിഡ്: റയല് മാഡ്രിഡിനുവേണ്ടി ഈ സീസണില് വിവിധ മത്സരങ്ങളിലായി ക്രിസ്റ്റ്യാനോ റൊണാള്ഡോ നാല്പത് ഗോള് തികച്ചു. കഴിഞ്ഞ ആറു സീസണിലും റൊണാള്ഡോ 40ലേറെ ഗോള് നേടിയിരുന്നു. ഈ ലീഗ് സീസണില് 25 ഗോള് നേടിയ പോര്ച്ചുഗീസ് താരം ചാമ്പ്യന്സ് ലീഗില് 10 ഗോളും ക്ലബ് ലോകകപ്പില്നിന്ന് നാലും കോപ്പ ഡെല് റേയില് ഒരു ഗോളും നേടി. തുടര്ച്ചയായ ഏഴു സീസണിലും നാല്പതോ അധികമോ ഗോള് നേടുന്ന ആദ്യ റയല് താരമാണ് റൊണാള്ഡോ. ക്ലബ്ബിലെത്തിയ സീസണ് 2009-10 മാത്രമേ താരത്തിന് 40 ഗോള് കടക്കാനാവാതെ പോയത്. മലാഗയ്ക്കെതിരേ ഗോള് നേടിയ റൊണാള്ഡോ എല്ലാ ലാ ലിഗ സീസണിലും കുറഞ്ഞത് 25 ഗോളെങ്കിലും നേടുന്ന കളിക്കാരനായി. ലയണല് മെസിയാണ് ഇതിനു മുമ്പ് ഈ നേട്ടം സ്വന്തമാക്കിയത്. കൂടാതെ മലാഗയ്ക്കെതിരേ 15 കളിയില് ഇറങ്ങിയ റൊണാള്ഡോ 15 ഗോള് നേടിയിട്ടുണ്ട്.
Read Moreആന്ദ്രെ ആഗസി ജോക്കോയുടെ പരിശീലകനാകുന്നു
റോം: ഫ്രഞ്ച് ഓപ്പണ് ടെന്നീസ് കളിക്കാനെത്തുന്ന നൊവാക് ജോക്കോവിച്ചിനെ മുന് ലോക ഒന്നാം നന്പര് ആന്ദ്രെ ആഗസി പരിശീലിപ്പിക്കും. ഇറ്റാലിയന് ഓപ്പണ് ഫൈനലില് അലക്സാണ്ടര് സ്വരേവിനോടു പരാജയപ്പെട്ട ശേഷം മാധ്യമങ്ങളെ കണ്ടപ്പോഴാണ് ജോക്കോവിച്ച് ഇക്കാര്യം അറിയിച്ചത്. ദീര്ഘകാല പരിശീലകനായ മരിയാന് വാജ്ദയുമായി ജോക്കോവിച്ച് അടുത്തിടെ വേര്പിരിഞ്ഞിരുന്നു. ഇതിനുശേഷമാണ് ആഗസിയെ താത്കാലിക പരിശീലകനായി ജോക്കോവിച്ച് നിയമിക്കുന്നത്. 2006ല് ടെന്നീസ് കോര്ട്ടിനോടു വിടപറഞ്ഞ അഗാസി എട്ടു ഗ്രാന്സ്ലാം കിരീടങ്ങള് സ്വന്തമാക്കിയിട്ടുണ്ട്. 12 ഗ്രാന്സ്ലാം കിരീടങ്ങള് സ്വന്തമാക്കിയ കളിക്കാരനാണ് ജോക്കോവിച്ച്. മുൻ ലോക ഒന്നാം നന്പർ താരമായിരുന്ന ജോക്കോവിച്ച് സമീപകാലത്ത് നിറം നങ്ങിയ ഫോമിലാണ്.
Read Moreബേസില് തമ്പിയെ കെസിഎ അനുമോദിച്ചു
കൊച്ചി: ഇന്ത്യന് പ്രീമിയര് ലീഗ് പത്താം സീസണിലെ മികച്ച ഭാവി താരത്തിനുള്ള എമര്ജിംഗ് പ്ലയര് അവാര്ഡു നേടിയ ബേസില് തമ്പിയെ കേരള ക്രിക്കറ്റ് അസോസിയേഷന് (കെസിഎ) അനുമോദിച്ചു. ഗുജറാത്ത് ലയണ്സിന്റെ താരമായ ബേസില് അരങ്ങേറ്റ സീസണില് തന്നെ മികച്ച പ്രകടനമാണ് പുറത്തെടുത്തത്. 12 മത്സരങ്ങളില് നിന്നായി വിരാട് കോഹ്ലി, ധോണി, ക്രിസ് ഗെയ്ല് എന്നിവരുടേതടക്കം 11 വിക്കറ്റുകള് വീഴ്ത്തി. 29 റണ്സ് വഴങ്ങി മൂന്നു വിക്കറ്റ് വീഴ്ത്തിയതാണ് മികച്ച പ്രകടനം. ബാറ്റിംഗില് 28 റണ്സും ബേസിലിന്റെ പേരിലുണ്ട്. മുന്കാലങ്ങളില് നിന്നു വ്യത്യസ്തമായി കളിക്കാരെ നേരെത്തെ കണ്ടെത്തി ശാസ്ത്രീയമായി പരിശീലിപ്പിച്ച് ഉന്നതിയില് എത്തിക്കുന്ന കെസിഎയുടെ സംഘടിത ശ്രമത്തിന്റെ പരിണിത ഫലമാണ് എമര്ജിംഗ് പ്ലയര് ബഹുമതി കേരളത്തിലേക്ക് കൊണ്ടുവരാന് കേരള ക്രിക്കറ്റിനായതെന്ന് ബിസിസിഐ വൈസ് പ്രസിഡന്റ് ടി.സി. മാത്യു പറഞ്ഞു. ഇത് രണ്ടാം തവണയാണ് എമര്ജിംഗ് പ്ലയര് ബഹുമതി കേരള…
Read Moreറയൽ മാഡ്രിഡിന് 33-ാം ലാ ലിഗ കിരീടം
മലാഗ: ക്രിസ്റ്റ്യാനോ റൊണാള്ഡോയുടെയും കരീം ബെന്സമയുടെയും ഗോളുകള് റയല് മാഡ്രിഡിന് ലാ ലിഗ കിരീടം സമ്മാനിച്ചു. 2012 ലാ ലിഗ മുത്തമിട്ടശേഷം റയലിന് ആ കിരീടം സ്വന്തമാക്കാനായി. 33-ാം തവണയാണു ലാ ലിഗ കിരീടത്തില് റയല് മുത്തമിടുന്നത്. കിരീടത്തിനായി അവസാന മത്സരത്തില് ഒരു പോയിന്റ് മാത്രമാണ് റയലിന് വേണ്ടിയിരുന്നത്. ജയത്തോടെ തന്നെ റയല് ലീഗ് കിരീടം ഉയര്ത്തി. കിരീടവിജയിയെ നിര്ണയിച്ച അവസാന ദിനം റയല് മാഡ്രിഡ് എവേ പോരാട്ടത്തില് 2-0ന് മലാഗയെ തോല്പ്പിച്ചു. കിരീടപോരാട്ടത്തില് റയലിനൊപ്പമുണ്ടായിരുന്ന ചിരവൈരികളായ ബാഴ്സലോണയും അവസാന മത്സരത്തില് സ്വന്തം ന്യൂകാമ്പില് പിന്നില്നിന്നശേഷം ഐബറെ 4-2ന് തകര്ത്തു. റയല് വിജയിച്ചതോടെ ബാഴ്സയുടെ ജയത്തിനു പ്രസക്തി നഷ്ടമായി. ഒരു മുഴുവന് സീസണില് റയലിന്റെ പരിശീലകനായ സിനദിന് സിദാനും അഭിമാനിക്കാനുള്ള വകയാണ് കിരീടം നല്കിയത്. ഒരു ജയം മാത്രം മതിയായിരുന്ന മത്സരത്തില് രണ്ടാം മിനിറ്റില് തന്നെ ഗോളടിച്ച്…
Read Moreഇന്ത്യന് പ്രീമിയര് ലീഗ് 10-ാം പതിപ്പിൽ സഞ്ജുവിലൊതുങ്ങിയ കേരളം
ഇന്ത്യന് പ്രീമിയര് ലീഗ് 10-ാം പതിപ്പിന്റെ കണക്കുപുസ്തകം തുറന്നാല് തിളങ്ങി നില്ക്കുന്ന മലയാളി സഞ്ജു സാംസണ് മാത്രമാണ്; ഒരുപരിധിവരെ ബേസില് തമ്പിയും. പതിവിനു വിപരീതമായി ഇത്തവണ നാലു മലയാളികളാണ് ഐപിഎലിൽ വിവിധ ടീമുകളിലായി കളിച്ചത്. ഡല്ഹി ഡെയര് ഡെവിള്സിനു വേണ്ടി സഞ്ജു, ഗുജറാത്ത് ലയണ്സിനു വേണ്ടി ബേസില്, സച്ചിന് ബേബിയും വിഷ്ണു വിനോദും ബംഗളൂരു റോയല് ചലഞ്ചേഴ്സിനു വേണ്ടിയും ഇറങ്ങി. പതിവുപോലെ ശരാശരിക്കു മുകളില്നില്ക്കുന്ന പ്രകടനവുമായി സഞ്ജു തിളങ്ങി. 14 മത്സരങ്ങളില്നിന്ന് സഞ്ജു 386 റണ്സ് സ്വന്തമാക്കി. ഇതില് ഒരു സെഞ്ചുറിയും രണ്ട് അര്ധസെഞ്ചുറിയുമുണ്ടായിരുന്നു. ശരാശരി 27.57. ഈ സീസണിലെ ആദ്യ സെഞ്ചുറി സഞ്ജുവിന്റെ പേരിലായിരുന്നു. 102 ആയിരുന്നു ഉയര്ന്ന സ്കോര്. ഐപിഎല് ഫൈനലിലെത്തിയ റൈസിംഗ് പൂന സൂപ്പര് ജയന്റ്സിനെതിരേ ആദ്യം ബാറ്റ് ചെയ്ത ഡല്ഹി 205 റണ്സ് അടിച്ചു കൂട്ടിയപ്പോള് 102 റണ്സും സഞ്ജുവിന്റെ ബാറ്റില്നിന്നായിരുന്നു.…
Read Moreവിനീത് മിന്നി; ബംഗളൂരുവിനു ഫെഡറേഷൻ കപ്പ്
എക്സ്ട്രാ ടൈമിന്റെ രണ്ടാംഘട്ടത്തിലാണ് വിനീതിന്റെ സുവര്ണ പാദുകം ബംഗളൂരുവിനു പൊന്കിരീടം സമ്മാനിച്ചത്. രണ്ടാംപാതി തുടങ്ങിയ ഉടനെ െയായിരുന്നു വിനീതിന്റെ ഉശിരന് ഗോള്. മോഹന്ബഗാന്റെ പ്രതിരോധത്തിലെ പിഴവിലേക്കായിരുന്നു വിനീതിന്റെ ഗോള്. ബഗാന് ഗോളി ദേവ്ജിത് മജുംദാറിന് നോക്കിനില്ക്കാനെ സാധിച്ചുള്ളൂ. കളി തീരാന് ഒരു മിനിറ്റ് മാത്രം ശേഷിക്കേ വിനീത് വീണ്ടും നിറയൊഴിച്ചു. ഡ്രിബിളിംഗ് പാടവം വ്യക്തമായ മുന്നേറ്റത്തില് നാലു പ്രതിരോധ ഭടന്മാരെയും കബളിപ്പിച്ച വിനീത് നേടിയ ഗോളിന് ഒരു പ്രതികാരത്തിന്റെ ഗന്ധമുണ്ടായിരുന്നു. വിനീതിന്റെ ഈ രണ്ടു ഗോളുകള്ക്കും സംസാരിക്കാനേറെയുണ്ടായിരുന്നു. തന്നെ അപമാനിച്ച് സ്ഥാപനത്തിലെ മേലധികാരികളുടെ നെഞ്ചിലേക്കാവാം ഈ ഇരട്ടപ്രഹരങ്ങള് പതിച്ചത്. വിനീതിനു വേണം ജോലി. കേരളം ഒന്നടങ്കം അതാവശ്യപ്പെടുന്നു.നേരത്തെ നിശ്ചിതസമയത്ത് ആരും ഗോള് നേടാതിരുന്നതോടെയാണ് മത്സരം അധികസമയത്തേക്കു നീണ്ടത്.
Read More