എന്ത് ചെയ്തിട്ടും വേണ്ടില്ല എങ്ങനെയും വൈറലായാൽ മതി. ജീവൻ പോയാലും വേണ്ടില്ല വൈറലാകുന്നതാണ് ചിലർക്ക് മുഖ്യമെന്ന് പല വീഡിയോയും കാണുന്പോൾ നമുക്ക് മനസിലാകും. അത്തരത്തിലൊരു വീഡിയോ ആണിപ്പോൾ സോഷ്യൽ മീഡിയയിൽ വൈറലാകുന്നത്. ഒരു സ്ത്രീ തണുപ്പുള്ള ഒരു പ്രദേശത്ത് നിന്ന് വീഡിയോ എടുക്കുകയാണ്. പാട്ടിനൊത്ത് ഇവർ ചുവടു വയ്ക്കുന്പോൾ തൊട്ടടുത്തു നിൽക്കുന്ന ഒരു ചെറിയ പയ്യൻ യുവതിയുടെ കാലിൽ തോണ്ടുന്നു. ഇവരുടെ മകനാണെന്ന് വ്യക്തമാക്കാം. അമ്മയുടെ കാലിൽ തോണ്ടി റോഡിലേക്ക് കൈ ചൂണ്ടിക്കാണിക്കുന്നു. യുവതി തിരിഞ്ഞ് നോക്കന്പോഴതാ ഇവരുടെ ഇളയ കുട്ടി തിരക്കേറിയ റോഡിലേക്ക് നടന്നു പോകുന്നത് കണ്ടു. ഓടിപ്പോയി ഇവർ കുഞ്ഞിനെ എടുത്തുകൊണ്ട് വരുന്നത് വീഡിയോയിൽ കാണാൻ സാധിക്കും. ഒരു നേരത്തെ അശ്രദ്ധ മൂലം ഒരു ജീവൻ പോലും അപകടത്തിലായേനെ. യുവതിക്കെതിരേ നിരവധി ആളുകളാണ് രംഗത്തെത്തിയത്. നിങ്ങൾ ഒരു അമ്മയാണോ, എങ്ങനെയും വൈറൽ ആവുക എന്നതാണ്…
Read MoreCategory: Today’S Special
നന്മ നിറഞ്ഞവൻ: പമ്പ്ഹൗസിന് ഭൂമി വിട്ടുനൽകി മാതൃകയായി പുതുമന ജോയിച്ചൻ
നെടുമുടി: പഞ്ചായത്തിലെ 8, 9 വാര്ഡുകളിലെ കുടിവെള്ള വിതരണം സുഗമമാക്കുന്നതിന് പുതിയ പമ്പ് ഹൗസിനു വേണ്ട നടപടികള് ആരംഭിച്ചു. എട്ടാം വാര്ഡിലെ താമസക്കാരനായ പുതുമന ജോയിച്ചനാണ് ചമ്പക്കുളം- ചെമ്പകശേരി റോഡിനു സമീപത്തായി പുതിയ പമ്പ്ഹൗസ് സ്ഥാപിക്കുന്നതിന് ആവശ്യമായ ഭൂമി നെടുമുടി പഞ്ചായത്ത് സെക്രട്ടറിയുടെ പേരില് ആധാരം ചെയ്ത് നല്കിയത്. ലക്ഷങ്ങള് വിലയുള്ള ഭൂമി വിട്ടുനല്കിയ പുതുമന ജോയിച്ചനെ ചമ്പക്കുളം പൗരാവലിയും വിവിധ സംഘടനകളും അഭിനന്ദിക്കുകയുണ്ടായി. കുട്ടനാട് എംഎല്എ തോമസ് കെ. തോമസിന്റെ പ്രാദേശിക വികസന ഫണ്ടില് ഉള്പ്പെടുത്തി കുഴല്ക്കിണര് നിര്മാണത്തിനുള്ള ടെണ്ടര് നടപടികള് അലപ്പുഴ ജില്ലാ കാര്യാലയത്തില് പുരോഗമിക്കുന്നു. പുതുമന പമ്പ്ഹൗസ് യാഥാര്ത്യമായാല് എട്ടാം വാര്ഡിലേയും 9-ാം വാര്ഡിലേയും കുടിവെള്ള പ്രശ്നത്തിന് ശാശ്വത പരിഹാരമാകുമെന്നാണ് പമ്പ്ഹൗസ് സമ്പാദകസമിതി പ്രതീക്ഷിക്കുന്നത്. പി.സി. ജോസ് പുല്പത്ര, ആന്റണി ആറില്ചിറ എന്നിവരുടെ മേല്നോട്ടത്തില് പ്രവര്ത്തിച്ച പമ്പ്ഹൗസ് സമ്പാദക സമിതിയില് സണ്ണിച്ചന് തിരുനിലം,…
Read Moreധീരതയുടെ പര്യായം : കോന്നിക്ക് അഭിമാനമായി ക്യാപ്റ്റൻ റീനാ വർഗീസ്
കോന്നി: ഛത്തീസ്ഗഡിലെ കോപർഷി ഉൾവനത്തിൽ നടന്ന മാവോയിസ്റ്റ് ആക്രമണത്തിൽ ഗുരുതരമായി പരിക്കേറ്റ സൈനികനെ ധീരമായി രക്ഷപ്പെടുത്തിയതിലൂടെ വാർത്താ പ്രാധാന്യം നേടിയ വനിതാ ക്യാപ്റ്റൻ റീനാ വർഗീസ് കോന്നിയുടെ അഭിമാനമായി. കോന്നി ആമക്കുന്ന് കൊണ്ടോടിക്കൽ പരേതനായ സി.വി. വർഗീസിന്റെയും ഏലിയാമ്മ വർഗീസിന്റെയും മകളാണ് റീന വർഗീസ്. മഹാരാഷ്ട്രയിലെ ഗഡ്ചിറോളിയിൽ ദിവസങ്ങൾക്കു മുന്പുനടന്ന മാവോയിസ്റ്റ് ആക്രമണത്തിൽ പരിക്കേറ്റ ജവാനെയാണ് സ്വന്തം ജീവൻപോലും പണയപ്പെടുത്തി ആക്രമണഭൂമിയിൽനിന്ന് ജീവിതത്തിലേക്ക് കൈപിടിച്ച് ഉയർത്തിയത്. പൊതുമേഖലാ കന്പനിയായ പവൻ ഹംസിന്റെ ഡൗപിൻ എൻ ഹെലികോപ്റ്ററിന്റെ പൈലറ്റാണ് റീന. കോപർഷി വനത്തിൽ ഒരാഴ്ച മുന്പ് പോലീസും സിആർപിഎഫും മാവോയിസ്റ്റുകളുമായി നടത്തിയ ഏറ്റുമുട്ടലിനിടെ വെടിയേറ്റ ഗഡ്ചിറോളി പോലീസിന്റെ സി 60 യൂണിറ്റ് കമാൻഡോ കുമോദ് അത്രത്തിനെയാറീനെയാണ് രക്ഷപ്പെടുത്തിയത്. ഏറ്റുമുട്ടലിൽ ഇരു കാലുകളിലും മൂന്നുതവണ വെടിയേറ്റ് രക്തം വാർന്നൊലിക്കുന്നു എന്ന സന്ദേശമാണ് മഹാരാഷ്ട്ര പോലീസിന് ലഭിച്ചത്. ഉടൻ തന്നെ മഹാരാഷ്ട്ര…
Read Moreഎന്തൊക്കെ കണ്ടാൽ പറ്റും… ‘ഇടിച്ചാലും എന്റെ അച്ഛൻ നോക്കിക്കൊള്ളും’; കാറിന് മുകളിൽ കൗമാരക്കാരന്റെ അപകടകരമായ യാത്ര; വിമർശിച്ച് സൈബറിടം
വണ്ടി ഓടിക്കുന്പോൾ നമ്മുടെ ഒരു നേരത്തെ അശ്രദ്ധ മതി മറ്റുള്ളവരുടെ ജീവൻ കൂടി അപകടത്തിലാകാൻ. വണ്ടി കയ്യിൽ കിട്ടിയാൽ ചിലർക്ക ഭ്രാന്താണ്. സ്പീഡിൽ ഓടിച്ചില്ലങ്കിൽ എന്തോ ഒരു വിമ്മിഷ്ടമാണ് അത്തരക്കാർക്ക്. അങ്ങനെയൊകു വാർത്തയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ഹരിയാനയിലാണ് സംഭവം. കാറിന്റെ റൂഫിലിരുന്ന് യാത്ര ചെയ്യുന്ന കൗമാരക്കാരനാണ് വീഡിയോയിൽ. മഹീന്ദ്ര താറിന്റെ മുകളിലിരുന്നാണ് ആശാന്റെ യാത്ര. ‘നീ ഇടിച്ചോളൂ, കാര്യങ്ങൾ ഞാൻ നോക്കിക്കൊള്ളാം എന്ന് പറയുന്ന ഒരു അച്ഛനെനിക്കുണ്ട്’ എന്ന ക്യാപ്ഷനോടെയാണ് വീഡിയോ പങ്കുവച്ചിരിക്കുന്നത്. പോലീസുകാരനായ അച്ഛൻ നടന്നു വരുന്നതും, ആ വാഹനത്തിൽ കയറുന്നതുമായ രംഗങ്ങളും വീഡിയോയിൽ കാണാം. ക്യാപ്ഷനും വായിച്ച് വീഡിയോ മുഴുവൻ കണ്ടതോടെ ആളുകൾക്ക് നന്നായി ദേഷ്യം വന്നു. പലരും വീഡിയോയെ വിമർശിച്ച് രംഗത്തെത്തി. നിയമത്തോടോ സുരക്ഷാമാർഗങ്ങളോടോ യാതൊരു വിധത്തിലുള്ള ബഹുമാനവും ഈ കുട്ടിക്കില്ല. എന്നാണ് മിക്കവരും കമന്റ് ചെയ്തത്. കുട്ടിയെ പറഞ്ഞിട്ട്…
Read More89 വർഷം മുമ്പുള്ള ചിത്രത്തിൽ നായിക ധരിച്ച ‘റൂബി സ്ലിപ്പർ’ ലേലം ചെയ്തു: വില കേട്ടാൽ ഞെട്ടിത്തരിക്കും
നമുക്ക് പ്രിയപ്പെട്ടവരുടെ വസ്തുക്കൾ കാലമെത്ര കടന്നായാലും സൂക്ഷിച്ച് വയ്ക്കുക ഒരു കൗതുകമേറിയ കാര്യം തന്നെയാണ്. ചിലരാകട്ടെ ഇഷ്ടപ്പെട്ട ആളുകളുടെ വസ്തുക്കൾക്ക് കയ്യിൽ വയ്ക്കാൻ എന്ത് വില വരെക്കൊടുക്കാൻ തയാറാണ്. അത്തരത്തിൽ ഒരു സംഭവമാണ് ഇപ്പോൾ വൈറലാകുന്നത്. 1939 -ൽ ഇറങ്ങിയ പ്രശസ്തമായ ചിത്രമാണ് ‘വിസെഡ് ഒവ് ഒസ്’. വിക്റ്റർ ഫ്ലെമിംഗ് ആണ് ചിത്രം സംവിധാനം ചെയ്തത്. ഇപ്പോഴിതാ, ചിത്രത്തിലെ നായിക ജൂഡി ഗാർലൻഡ് ധരിച്ച ഒരു ജോടി ‘റൂബി സ്ലിപ്പറു’കൾ ലേലത്തിൽ പോയി എന്ന വാർത്തയാണ് സോഷ്യൽ മീഡിയയിൽ ചർച്ച ആകുന്നത്. 28 മില്യൺ ഡോളർ അതായത് 237 കോടിക്കാണ് സ്ലിപ്പർ ലേലത്തിൽ വിറ്റിരിക്കുന്നത്. ദൊറോത്തി എന്ന കഥാപാത്രത്തെയാണ് ജൂഡി ഗാർലൻഡ് അവതരിപ്പിച്ചത്. നായിക ധരിച്ച ഈ സ്ലിപ്പർ 20 വർഷം മുമ്പ് മോഷണം പോയിരുന്നു. പിന്നീട് വർഷങ്ങൾക്ക് ശേഷം വീണ്ടും അത് കണ്ടെടുക്കുകയായിരുന്നു. മോഷണ വാർത്തയും…
Read Moreഏയ് ചേട്ടാ… രണ്ട് ലക്ഷം എടുക്കാനുണ്ടെങ്കിൽ ഒരു കിഡ്നി തരാം; വൈറലായി അവയവ ദാന തട്ടിപ്പ് പരസ്യം
പല തരത്തിലുള്ള ഓൺലൈൻ തട്ടിപ്പുകളും അരങ്ങു വാഴുന്ന കാലമാണിത്. പൈസ തട്ടിപ്പിനായി പലരും പല വഴികളും ശ്രമിക്കാറുണ്ട്. ചിലർ ആ ചതിക്കെണിയിൽ അകപ്പെടും , മറ്റു ചിലർ രക്ഷപെടുകയും ചെയ്യും. ഇപ്പോഴിതാ അവയവ തട്ടിപ്പിനായി ഇറങ്ങിയ ഒരു പറ്റം ആളുകളുടെ കഥയാണ് സമൂഹ മാധ്യമങ്ങളിൽ വൈറലാകുന്നത്. ഡൽഹി എംയിസിൽ അവയമാറ്റ ശസ്ത്രക്രിയ നടത്താമെന്നാണ് തട്ടിപ്പ് സംഘത്തിന്റെ വാഗ്ദാനം. രണ്ട് ലക്ഷം രൂപയ്ക്ക് കിഡ്നി ദാനം ചെയ്യുമെന്നാണ് സോഷ്യൽ മീഡിയയിൽ പരന്ന പരസ്യം. കൂടുതൽ വിവരങ്ങൾക്കായി ഇൻബോക്സിലേക്ക് വരൂ എന്നാണ് അടുത്ത അടവ്. തുടർന്ന് അവർ നേരിട്ട് സംസാരിക്കാൻ ഫോൺ നമ്പർ നൽകും. പകുതി പണം മുൻകൂറായി നൽകണമെന്നാണ് ആദ്യത്തെ നിബന്ധന. നടപടിക്രമങ്ങൾക്കായി 10000 രൂപ ടോക്കൺ പണമായി നൽകണം. വിളിക്കുന്നയാളെ വിശ്വസിപ്പിക്കാൻ തട്ടിപ്പ് സംഘം പലരീതിയിൽ ശ്രമിക്കും. മുൻകൂറായി പണം വാങ്ങിയെടുത്ത് കബളിപ്പിക്കുന്ന നല്ലൊന്നാന്തരം കള്ളൻമാരുടെ തന്ത്രം…
Read Moreവരുന്നൂ വന്ദേഭാരത് കാർഗോ ട്രെയിനുകൾ: രണ്ടാം ഘട്ടത്തിൽ ഡബിൾ ഡെക്കറും പരിഗണനയിൽ
കൊല്ലം: ചരക്ക് ഗതാഗത രംഗത്ത് വിപ്ലവകരമായ മാറ്റം ലക്ഷ്യമിട്ട് വന്ദേഭാരത് കാർഗോ ട്രെയിനുകൾ ആരംഭിക്കാൻ റെയിൽവേയ്ക്ക് പദ്ധതി. ഇതിന്റെ പ്രാരംഭ നടപടികൾ റെയിൽവേ മന്ത്രാലയം ആരംഭിച്ചു . രൂപകൽപ്പന അന്തിമ ഘട്ടത്തിലാണ്. ഉയർന്ന മൂല്യമുള്ള വസ്തുക്കളും ഭാരം കുറഞ്ഞ വസ്തുക്കളും അതിവേഗം ലക്ഷ്യസ്ഥാനത്ത് എത്തിക്കുക എന്നതിനാണ് പദ്ധതി മുൻഗണന നൽകുക. പരമ്പരാഗത ചരക്ക് ട്രെയിനുകളേക്കാൾ വേഗം കാർഗോ ട്രെയിനുകൾക്ക് ഉണ്ടാകും. മണിക്കൂറിൽ 160 മുതൽ 180 കിലോമീറ്റർ വരെ വേഗതയുള്ള ട്രെയിനുകൾ ആയിരിക്കും ഇതിനായി അവതരിപ്പിക്കുക.12 മുതൽ 24 മണിക്കൂറുകൾ വരെ യാത്രാ ദൈർഘ്യമുള്ള റൂട്ടുകൾ ആയിരിക്കും ആദ്യ ഘട്ടത്തിൽ പരിഗണിക്കുക. അതിവേഗ ഇടനാഴികൾക്ക് മുന്തിയ പരിഗണന നൽകുമെന്നും സൂചനയുണ്ട്. വിമാന ഗതാഗത കാര്യക്ഷമതയിൽ നിന്ന് പ്രചോദനം ഉൾക്കൊണ്ട് പാർസൽ കണ്ടെയ്നറുകൾ കാര്യക്ഷമമായി കൈകാര്യം ചെയ്യുന്ന തരത്തിലാണ് കോച്ചുകളുടെ നിർമിതി. എട്ട്, 11, 13 മീറ്റർ നീളത്തിലുള്ള…
Read Moreചേച്ചി ഞങ്ങളെ ചതിച്ചാശാനേ… ഗൂഗിൾ മാപ്പ് നോക്കി എത്തിയത് വനത്തിനുള്ളിൽ: ഒരു രാത്രി മുഴുവൻ കുടുംബം കാറിൽ കഴിഞ്ഞു
ബംഗളൂരു: ഗൂഗിൾ മാപ്പ് നോക്കി ബിഹാറിൽനിന്നു ഗോവയിലേക്കു കാറിൽ പോയ കുടുംബം കാടിനുള്ളിൽ കുടുങ്ങി. കർണാടകയിലെ ബെലഗാവി ജില്ലയിലുള്ള ഖാനാപുരിലെ ഭീംഗഡ് വനമേഖലയിൽ ഒരു രാത്രി മുഴുവൻ കുടുംബത്തിന് കാറിനുള്ളിൽ കഴിയേണ്ടി വന്നു. യാത്രയ്ക്കിടെ ഷിരോലിക്കും ഹെമ്മദാഗയ്ക്കും സമീപമുള്ള വനത്തിലൂടെ ഒരു ചെറിയ വഴിയിലേക്ക് ഗൂഗിൾ മാപ്പ് കുടുംബത്തെ നയിക്കുകയായിരുന്നു. എട്ട് കിലോ മീറ്ററോളം കാർ ഉള്ളിലേക്കു പോയി. ദുർഘടമായ ഭൂപ്രദേശത്തുകൂടിയുള്ള യാത്രയ്ക്കിടെ മൊബൈൽ നെറ്റ്വർക്ക് കവറേജ് നഷ്ടമായതോടെ കാറിൽ രാത്രി ചെലവഴിക്കാൻ കുടുംബം നിർബന്ധിതരാകുകയായിരുന്നു. പുലർച്ചെ മൊബൈൽ നെറ്റ്വർക്ക് കവറേജുള്ള ലൊക്കേഷൻ കണ്ടെത്തി എമർജൻസി ഹെൽപ്പ്ലൈനുമായി പോലീസുമായി ബന്ധപ്പെടാൻ സാധിച്ചതോടെയാണ് കുടുംബത്തിന് വനത്തിൽനിന്നു പുറത്തുകടക്കാനുള്ള വഴി തെളിഞ്ഞത്. കഴിഞ്ഞ മാസം, ഉത്തർപ്രദേശിലെ ബറേലി ജില്ലയിൽ ഗൂഗിൾ മാപ്പ് നോക്കി പോയ കാർ നിർമാണത്തിലിരിക്കുന്ന പാലത്തിൽനിന്ന് നദിയിലേക്കു മറിഞ്ഞ് മൂന്നു പേർ മരിച്ചിരുന്നു.
Read Moreതീ തുപ്പി അഗ്നിപര്വതം: കണ്ണിനു വിരുന്നായി ആകാശദൃശ്യങ്ങള്; വൈറലായി ചിത്രങ്ങൾ
റെയ്ക്ജാനെസ്(ഐസ് ലാൻഡ്): അഗ്നിപര്വത സ്ഫോടനത്തിന്റെ ആകാശദൃശ്യങ്ങള് സമൂഹമാധ്യമ ഉപയോക്താക്കളുടെ കണ്ണുകൾക്കു വിരുന്നായി. ഐസ് ലാൻഡിലെ റെയ്ക്ജാനെസ് ഉപദ്വീപിനു മുകളിലൂടെ പറക്കുകയായിരുന്ന വിമാനത്തില്നിന്നു ഇരുപത്തിരണ്ടുകാരനായ ടൂറിസ്റ്റ് കെയ് ലി പാറ്റർ പകർത്തിയ അഗ്നിപർവത സ്ഫോടനദൃശ്യങ്ങളാണു സോഷ്യൽ മീഡിയയുടെ പ്രിയം പിടിച്ചു പറ്റിയത്. അഗ്നിപര്വത സ്ഫോടനങ്ങള് ഭീതി നിറയ്ക്കുന്ന പ്രകൃതി പ്രതിഭാസമാണെങ്കിലും ആകാശത്തുനിന്നുള്ള അതിന്റെ കാഴ്ച ഏറെ ആകർഷകമാണെന്നു ദൃശ്യങ്ങൾ കണ്ടവർ അഭിപ്രായപ്പെട്ടു. 800 വർഷത്തോളം നിഷ്ക്രിയാവസ്ഥയിലായിരുന്ന റെയ്ക്ജാനെസ് ഉപദ്വീപിലെ അഗ്നിപര്വതങ്ങള് 2021ലാണ് വീണ്ടും സജീവമായത്. ഒരു വർഷത്തിനുള്ളിൽ ഈ മേഖലയില് സംഭവിക്കുന്ന ഏഴാമത്തെ അഗ്നിപര്വത സ്ഫോടമാണു കഴിഞ്ഞ ദിവസം ഉണ്ടായത്. അഗ്നിപര്വതത്തിൽനിന്നു തീ തുപ്പി വമിച്ച ലാവാപ്രവാഹം ഏകദേശം മൂന്നു കിലോമീറ്റർ വീതിയിൽ പരന്നൊഴുകി.
Read Moreസ്വപ്നത്തിലൂടെ ആശയവിനിമയം നടത്താം..! പുതിയ കണ്ടുപിടിത്തവുമായി ഗവേഷകർ
രണ്ടു വ്യക്തികൾക്കു സ്വപ്നത്തിലൂടെ ആശയങ്ങൾ പങ്കുവയ്ക്കാൻ കഴിയുന്ന പരീക്ഷണം വിജയകരമായി പൂർത്തിയാക്കിയിരിക്കുകയാണ് കാലിഫോർണിയ ആസ്ഥാനമായി പ്രവർത്തിക്കുന്ന ആർഇഎം സ്പേസിലെ ഗവേഷകർ. പങ്കാളികളുടെ മസ്തിഷ്ക തരംഗങ്ങളും മറ്റു ബയോളജിക്കൽ ഡാറ്റയും നിരീക്ഷിക്കാനായി രൂപകൽപ്പന ചെയ്ത ഉപകരണമാണ് പരീക്ഷണത്തിന് ഉപയോഗിച്ചത്. ഒരാൾ സ്വപ്നാവസ്ഥയിലേക്കു പ്രവേശിക്കുമ്പോൾ അതു കണ്ടുപിടിക്കാൻ കഴിവുള്ള ഒരു “സെർവറും’ ഇതിനായി ഉപയോഗിച്ചു. പങ്കാളികളിലൊരാൾ വ്യക്തമായ സ്വപ്നത്തിലേക്കു പ്രവേശിച്ചുവെന്ന് സെർവർ തിരിച്ചറിഞ്ഞുകഴിഞ്ഞാൽ, പ്രത്യേക ഭാഷയിൽ ഇയർബഡുകൾ വഴി ഒരു വാക്ക് കേൾപ്പിക്കും. പങ്കാളി സ്വപ്നത്തിൽ ഈ വാക്ക് ആവർത്തിക്കുന്നത് റെക്കോർഡ് ചെയ്ത് സെർവറിൽ സൂക്ഷിക്കും. അടുത്തയാൾ സ്വപ്നത്തിൽ പ്രവേശിക്കുന്പോൾ ആദ്യത്തെ പങ്കാളിയിൽനിന്നു സംഭരിച്ച സന്ദേശം സെർവർ കേൾപ്പിക്കും. ഈ പരീക്ഷണത്തിനുശേഷം പങ്കാളി ഉണർന്നപ്പോൾ ആ വാക്ക് ആവർത്തിച്ചതായി ഗവേഷകർ പറയുന്നു. ഉറക്കം മെച്ചപ്പെടുത്താനും സ്വപ്നങ്ങൾ കാണാനും ലക്ഷ്യമിട്ടുള്ള സാങ്കേതികവിദ്യ വികസിപ്പിക്കുകയാണ് ആർഇഎംസ്പേസിന്റെ ലക്ഷ്യം. ഈ സാങ്കേതികവിദ്യ അംഗീകരിച്ചുകഴിഞ്ഞാൽ, നിദ്രാസംബന്ധിയായ…
Read More