വയ്യാത്ത മുത്തശ്ചനെ സ്കൂട്ടറിൽ ഇരുത്തി ആശുപത്രിയിലാക്കുന്ന ചെറുമകൻ. ഈ കാഴ്ച കണ്ടു നിൽക്കുന്നവർ യുവാവിനെ ചീത്ത പറയുന്നു. അതൊന്നും വക വയ്ക്കാതെ സ്കൂട്ടർ ആശുപ്തിക്കുള്ളിൽ അതി സാഹസികമായി ഓടിച്ചു കയറ്റി അത്യാഹിത വിഭാഗത്തിലേക്ക് മുത്തശ്ചനെ കൊണ്ടുചെന്നാക്കുന്നു. കേൾക്കുന്പോൾ ഇതൊരു സിനിമാ കഥ ആണെന്ന് തോന്നുന്നോ? എന്നാൽ തെറ്റി. ഭോപ്പാലിൽ നിന്ന് ഏകദേശം 450 കിലോമീറ്റർ അകലെയുള്ള സത്നയിലെ സർദാർ വല്ലഭായ് പട്ടേൽ ജില്ലാ ആശുപത്രിയിൽ സിനിമയ്ക്ക് സമാനമായ നാടകീയ സംഭവം അരങ്ങേറിയതാണ് സോഷ്യൽ മീഡിയയിൽ ഇപ്പോൾ ചർച്ച. കഴിഞ്ഞ ശനിയാഴ്ച രാത്രി നീരജ് ഗുപ്ത എന്ന ചെറുപ്പക്കാരന്റെ മുത്തശ്ചന് അസുഖം കടുത്തതിനെ തുടർന്ന് മുത്തച്ഛനെ ബൈക്കിന് പിന്നിലിരുത്തി ആശുപത്രിയിലേക്ക് പോയി. ബൈക്കിൽ നീരജ് മുത്തച്ഛനൊപ്പം തന്റെ മറ്റൊരു സുഹൃത്തിനെ കൂടി കൂട്ടിയിരുന്നു. ചെറുപ്പക്കാരൻ ആശുപത്രിയിൽ എത്തുന്നതും അത്യാഹിത വിഭാഗത്തിലേക്ക് ബൈക്ക് ഓടിച്ചു കയറ്റുന്നതിന്റെയുമെല്ലാം വീഡിയോ സോഷ്യൽ മീഡിയയിൽ…
Read MoreCategory: Today’S Special
സണ് ഗ്ലാസിന് ഓര്ഡര് ചെയ്തു; എന്നാൽ ലഭിച്ചത് നാപ്കിന്, പക്ഷേ നാപ്കിന് മാറ്റിയപ്പോള് കണ്ടത്… യുവതിയുടെ അനുഭവം വൈറൽ
ഓൺലൈനിൽ സാധനങ്ങൾ വാങ്ങാത്തവർ കുറവാണ്. എന്നാൽ ചില സമയങ്ങളിൽ ഓൺലൈനിൽ ഓർഡർ ചെയ്ത സാധനങ്ങൾക്ക് പകരം മറ്റൊന്ന് കയ്യിൽ കിട്ടിയാൽ എന്താകും അവസ്ഥ. അത്തരത്തിൽ അബദ്ധം നിങ്ങൾക്ക് പറ്റിയിട്ടുണ്ടോ… എന്നാല് അങ്ങനെയൊന്നും സംഭവിക്കാതെ തങ്ങളുടെ ഉപഭോക്താക്കൾക്ക് അവരുടെ സാധനങ്ങൾ സുരക്ഷിതമായും വിശ്വസ്തതയോടെയും ഡെലിവറി ചെയ്യുന്ന ഒരു സ്ഥാപനമുണ്ട്. ലിത്വാനിയന് ഓൺലൈൻ മാർക്കറ്റ്പ്ലേസ് കമ്പനിയായ വിന്റെഡ് എന്നാണ് അതിന്റെ പേര്. വിന്റെഡിന്റെ വിചിത്രമായ പാര്സല് രീതി ഇപ്പോള് സാമൂഹിക മാധ്യമങ്ങളില് വൈറലാണ്. യാതൊരു വിൽപന ഫീസും വാങ്ങാതെ തന്നെ എന്തും വിൽക്കാനും വാങ്ങാനുമുള്ള ഇടമായി വിന്റെഡ് മാറി. വിന്റെഡിലൂടെ ഓർഡർ ചെയ്ത സാധനം സുരക്ഷിതമായി തന്റെ കയ്യിലെത്തിയ മജന്ത ലീ എന്ന യുവതിയുടെ കുറിപ്പാണ് ഇപ്പോൾ വാറലാകുന്നത്. വിന്റെഡിലൂടെ ഇവർ ഒരു സണ് ഗ്ലാസിന് ഓര്ഡര് നല്കി. വൃത്തിയായി ഏറെ സുരക്ഷിതത്വത്തോടെയായിരുന്നു ആ പാര്സല് ലീയുടെ കൈകളിൽ എത്തിയത്.…
Read Moreമീൻ പിടിക്കുന്നതിനിടെ യുവാവിന്റെ കാൽ സ്രാവ് കടിച്ചെടുത്തു
മുംബൈ: മീൻ പിടിക്കുന്നതിനിടെ യുവാവിന്റെ കാൽ സ്രാവ് കടിച്ചെടുത്തു. മഹാരാഷ്ട്രയിലെ പാൽഘറിലെ വൈതർന പുഴയിലാണു സംഭവം. സുഹൃത്തുക്കൾക്കൊപ്പം മീൻപിടിത്തത്തിൽ ഏർപ്പെട്ടിരുന്ന യുവാവിന്റെ കാൽ ബുൾ ഷാർക്ക് കടിച്ചെടുക്കുകയായിരുന്നു. സ്രാവിന്റെ ആക്രമണത്തിൽ ഇടതു കാൽമുട്ടിനുതാഴെ പൂർണമായും അറ്റുപോയി. ഗുരുതരമായി പരിക്കേറ്റ യുവാവ് ആശുപത്രിയിൽ ചികിത്സയിലാണ്. ഉഷ്ണമോഖലാ കടൽത്തീരങ്ങളിലും നദികളിലും കാണപ്പെടുന്ന ആക്രമണകാരിയായ ഒരിനം സ്രാവുകളാണ് ബുൾ ഷാർക്ക്. കാളയുടേതുപോലുള്ള മുഖവും ആക്രമണ സ്വഭാവവും കാരണമാണ് ഇവയ്ക്ക് ബുൾ ഷാർക്ക് എന്നു പേരുവീണത്. വംശനാശഭീഷണി നേരിടുന്ന ജീവവർഗം കൂടിയാണ് ബുൾ ഷാർക്ക്.
Read Moreകുഞ്ഞേ നിനക്ക് വേണ്ടി… മകന് വേണ്ടി അമ്മയുടെ അവസാന ഗാനം; കാൻസർ രോഗിയായ അമ്മയുടെ പാട്ട് വൈറൽ !
താരാട്ട് പാടി അമ്മമാർ മക്കളെ ഉറക്കാറുണ്ട്. അമ്മയുടെ മാധുര്യമുള്ള ശബ്ദത്തിൽ പാടുന്ന പാട്ട് കേട്ടാൽ അറിയാതെ ഉറക്കത്തിലേക്ക് നമ്മൾ വഴുതി വീഴും. ജീവിതകാലം മുഴുവൻ അമ്മയുടെ പാട്ട് കേട്ട് ഉറങ്ങണമെന്നാണ് എല്ലാ മക്കളും ആഗ്രഹിക്കുന്നത്. എന്നാൽ അമ്മ താരാട്ട്പാട്ട് നമുക്ക് വേണ്ടി പാടുന്പോൾ അത് അമ്മയുടെ അവസാന പാട്ടാണെന്നറിഞ്ഞാൽ എന്താകും അവസ്ഥ. അത്തരത്തിൽ ഒരമ്മയുടെ അവസാന താരാട്ട് പാട്ടാണ് യൂട്യൂബിൽ വൈറലാകുന്നത്. ക്യാറ്റ് ജാനിസ് എന്ന 31 കാരിയായ അമ്മയുടെ പാട്ടാണിത്. 2021ൽ ജാനിസിന് കഴുത്തില് ഒരു മുഴ കണ്ടെത്തി. പരിശോധനയില് അത് സാർക്കോമ കാന്സറാണെന്ന് തിരിച്ചറിഞ്ഞു. അസ്ഥിയെയും ടിഷ്യുവിനെയും ബാധിക്കുന്ന അപൂർവ ട്യൂമറാണ് സാര്ക്കോമ. തുടർന്ന് ചികിത്സയുമായി മുന്നോട്ട് പോയി. എന്നാൽ 2023 ജൂണില് ഇവരെ തേടി മറ്റൊരു ദുരന്ത വാർത്തയെത്തി. ശ്വാസകോശത്തിലും ജാനിസിന് കാന്സര് ലക്ഷണങ്ങള് കണ്ടുതുടങ്ങി. അതിനു പിന്നാലെ ക്യാറ്റ് ജാനിസ് പാട്ടുകളില്…
Read Moreസ്കൂട്ടറിൽ ഹെൽമറ്റ് ഇല്ലാതെ യാത്ര: ചോദ്യം ചെയ്ത പോലീസുകാരന്റെ കൈയിൽ കടിച്ച് യുവാവ്; വീഡിയോ വൈറൽ
ഹെൽമറ്റ് ധരിക്കാതെ സ്കൂട്ടർ ഓടിച്ചെത്തുന്നവർ പോലീസിനെ കാണുമ്പോൾ പല അടവുകളും പയറ്റാറുണ്ട്. എന്നാൽ ഇവിടെ സംഭവം അല്പം വ്യത്യസ്തമാണ്. ഹെൽമറ്റ് ധരിക്കാതെ എത്തിയയാൾ പോലീസ് ഉദ്യോഗസ്ഥനെ കടിച്ച് പരിക്കേൽപ്പിച്ചിരിക്കുകയാണ്. ബംഗളൂരുവിലെ വിൽസൺ ഗാർഡൻ പത്താം ക്രോസിന് സമീപത്താണ് സംഭവം. വാഹനങ്ങൾ നിറഞ്ഞ റോഡിലൂടെ ഹെൽമറ്റ് ധരിക്കാതെ അലഷ്യമായി സ്കൂട്ടർ ഓടിച്ചെത്തിയ യുവാവാണ് പോലിസിന് നേരെ ആക്രമണത്തിന് തുനിഞ്ഞത്. തുടർന്ന് ഇയാളെ കൃത്യനിർവഹണം തടസ്സപ്പെടുത്തിയതുൾപ്പെടെയുള്ള കുറ്റങ്ങൾ ചുമത്തി പോലീസ് അറസ്റ്റ് ചെയ്തു. സാമൂഹിക മാധ്യമങ്ങളില് പോലീസ് ഉദ്യോഗസ്ഥർ പകർത്തിയ സംഭവത്തിന്റെ ദൃശ്യങ്ങൾ ഇപ്പോൾ വൈറലാണ്. വിൽസൺ ഗാർഡൻ പത്താം ക്രോസിന് സമീപത്തായി ഡ്യൂട്ടിയിലുണ്ടായിരുന്ന ട്രാഫിക് പോലീസ് ഉദ്യോഗസ്ഥനാണ് ഹെൽമറ്റ് ഇല്ലാതെ തൊപ്പി മാത്രം തലയിൽ വെച്ച് സ്കൂട്ടർ ഓടിച്ചെത്തിയ യുവാവിനെ തടഞ്ഞത്. എന്നാൽ പോലീസ് തടഞ്ഞത് വകവയ്ക്കാതെ ഇയാൾ വാഹനം മുൻപോട്ടെടുത്ത് പോകാൻ ശ്രമിച്ചു. ഈ സമയം പോലീസ്…
Read More1700 വർഷം പഴക്കമുള്ള മുട്ട; എന്നാൽ ഗവേഷകരെ അത്ഭുതപ്പെടുത്തിയത് മറ്റൊന്ന്…
നൂറ്റാണ്ടുകൾ പഴക്കമുള്ള ഒരു മുട്ട കണ്ടെത്തിയിരിക്കുന്ന ഞെട്ടിക്കുന്ന വാർത്തയാണ് ഇപ്പോൾ പുറത്തുവരുന്നത്. യുകെയിലെ ബക്കിംഗ്ഹാംഷെയറിൽ നിന്നാണ് 1700 വര്ഷം പഴക്കമുള്ള മുട്ടകളുടെ ഒരു ശേഖരം കണ്ടെത്തിയത്. എന്നാൽ സംഭവത്തിൽ ഗവേഷകരുടെ അത്ഭുതം ഈ മുട്ട കണ്ടെത്തിയതിലല്ല, മറിച്ച് ഇത്രയും വർഷമായിട്ടും ഈ മുട്ടയ്ക്കുള്ളിലെ ജലാംശം വറ്റിപ്പോയിട്ടില്ല എന്നതിലാണ്. ചില ഗവേഷകരാകട്ടെ ഇത് കോഴിമുട്ടകളാണോ എന്ന സംശയവും പ്രകടിപ്പിച്ചു. ബക്കിംഗ്ഹാംഷെയറിൽ എയ്ലസ്ബറിയുടെ വടക്കുപടിഞ്ഞാറുള്ള ബെറിഫീൽഡിൽ 1,700 വർഷം പഴക്കമുള്ള പുള്ളികളുള്ള മുട്ടകളുടെ ഒരു ശേഖരം കണ്ടെത്തിയതായാണ് പുറത്ത് വരുന്ന റിപ്പോർട്ട്. പുരാവസ്തു ഗവേഷകരെയും പ്രകൃതി ശാസ്ത്രജ്ഞരെയും ഒരുപോലെ അത്ഭുതപ്പെടുത്തുകയാണ് ഈ കണ്ടെത്തൽ. മഞ്ഞക്കരു, ആൽബുമിൻ എന്നിവയുടെ മിശ്രിതമാണെന്ന് വിശ്വസിക്കപ്പെടുന്ന ദ്രാവക ഉള്ളടക്കങ്ങളോട് കൂടിയ മുട്ടകളാണ് കേടുകൂടാതെ കണ്ടെത്തിയത്. ഏത് പക്ഷിയുടേതാണ് കണ്ടെത്തിയ മുട്ടകളെന്ന് തിരിച്ചറിയാനും നൂറ്റാണ്ടുകൾക്കുമുമ്പ് ജീവിച്ചിരുന്ന ആ പക്ഷികളെ കുറിച്ച് കൂടുതലറിയാനും ഈ ദ്രാവകത്തെ കുറിച്ചുള്ള പഠനം…
Read Moreവധുവിനൊപ്പം ഓപ്പറേഷൻ തിയറ്ററിൽ ഫോട്ടോഷൂട്ട്..! ഡോക്ടറെ സർവീസിൽനിന്നു പിരിച്ചുവിട്ടു
വിവാഹത്തിനു മുന്നോടിയായുള്ള വരന്റെയും വധുവിന്റെയും ഫോട്ടോഷൂട്ട് ഇക്കാലത്ത് ട്രെൻഡ് ആണ്. ലക്ഷങ്ങൾ മുടക്കിയാണു ചിലർ ഫോട്ടോഷൂട്ട് നടത്തുന്നത്. ഇത്തരത്തിൽ കഴിഞ്ഞ ദിവസം ബംഗളൂരുവിൽ നടന്ന ഫോട്ടോഷൂട്ട് വൻ വിവാദമായി. ചിത്രദുർഗ സർക്കാർ ആശുപത്രിയിലെ ഓപ്പറേഷൻ തിയറ്ററിലായിരുന്നു ഫോട്ടോഷൂട്ട്. വരൻ ആശുപത്രിയിലെ ഡോക്ടറും. അപ്പോൾ വിവാദമാകാതെ തരമില്ലല്ലോ! ചിത്രദുർഗ ജില്ലയിലെ ഭരമസാഗർ ആശുപത്രിയിൽ കരാറടിസ്ഥാനത്തിൽ ജോലിചെയ്യുന്ന ഡോക്ടറും പ്രതിശ്രുതവധുവും ശസ്ത്രക്രിയ നടത്തുന്നതായി അഭിനയിച്ചായിരുന്നു ഫോട്ടോഷൂട്ട്. തിയറ്ററിനുള്ളിലെ മെഡിക്കൽ ഉപകരണങ്ങൾ ചിത്രീകരണത്തിനായി ഇവർ ഉപയോഗിച്ചു. ഫോട്ടോഷൂട്ട് വീഡിയോ വിവിധ സമൂഹമാധ്യമങ്ങളിൽ വൈറലായതോടെ ഡോക്ടറെ സർവീസിൽനിന്നു പിരിച്ചുവിട്ടു. ഒരു മാസം മുമ്പാണ് ഇയാൾ നാഷണൽ മെഡിക്കൽ ഓഫീസറായി കരാർ നിയമനം നേടിയത്. ഡോക്ടർമാരുടെ ഇത്തരം അച്ചടക്കമില്ലായ്മ സഹിക്കാനാവില്ലെന്നു കർണാടക ആരോഗ്യമന്ത്രി പറഞ്ഞു. സർക്കാർ ആശുപത്രികൾ നിലകൊള്ളുന്നത് ജനങ്ങളുടെ ആരോഗ്യസംരക്ഷണത്തിനാണ്, അല്ലാതെ അവിടത്തെ ജീവനക്കാർക്ക് അഴിഞ്ഞാടാനല്ലെന്നും ആരോഗ്യമന്ത്രി പറഞ്ഞു.
Read Moreവാലന്റെൻസ് ഡേ: റെക്കോർഡിട്ട് റോസാപ്പൂ വിൽപന; ആഘോഷങ്ങൾ പൊടിപൊടിക്കുന്നു
ഇന്ന് വാലന്റെൻസ് ഡേ ആണ്. ലോകമെങ്ങും കഴിഞ്ഞ ഒരാഴ്ചയായി വാലന്റെൻസ് ദിന ആഘോഷങ്ങൾ നടക്കുന്നുണ്ട്. റോസ് ഡേ, ചോക്ലേറ്റ് ഡേ, ടെഡി ബിയർ ഡേ തുടങ്ങി ഓരോ ദിനത്തിനും പ്രത്യേകതകളുണ്ട്. അവയൊക്കെ ആ രീതിയിൽ ആഘോഷിക്കപ്പെടുന്നു. പ്രണയദിനത്തിൽ കമിതാക്കൾ പരസ്പരം റോസാപ്പൂവും ചോക്ലേറ്റുമൊക്കെ സമ്മാനമായി നൽകുന്നത് പതിവാണ്. എന്നാൽ ഇന്ത്യയിൽ ഇത്തവണ ഈ ആഘോഷങ്ങൾക്കൊക്കെയായി റെക്കോർഡ് അളവിൽ റോസാപ്പൂക്കളും ചോക്കലേറ്റുകളും ഹാംപറുകളും ആണ് വിറ്റുപോയത്. ഇന്ത്യൻ ഗിഫ്റ്റിംഗ് പ്ലാറ്റ്ഫോമായ എഫ് എൻ പി വാലൻ്റൈൻസ് ഡേയ്ക്ക് മുന്നോടിയായി ഒരു മിനുറ്റിൽ 350 റോസാപ്പൂക്കൾ വിതരണം ചെയ്തതായി ഡൽഹി ആസ്ഥാനമായുള്ള കമ്പനി അറിയിച്ചു. ഫുഡ് ഡെലിവറി പ്ലാറ്റ്ഫോമായ സൊമാറ്റോ ഫെബ്രുവരി 9-ന് മിനിറ്റിൽ 406 ചോക്ലേറ്റുകൾ ഡെലിവറി ചെയ്തതായി ചീഫ് എക്സിക്യൂട്ടീവ് ഓഫീസർ അൽബിന്ദർ ദിൻഡ്സ ട്വീറ്റ് ചെയ്തിരുന്നു.
Read Moreഅവിടെ ആരെങ്കിലും മൂത്രം ഒഴിച്ചിട്ടുണ്ടാവില്ലേ? മഞ്ഞ് മലയിൽ നിന്നൊരു ചൂട് ചായ; വൈറൽ വീഡിയോയ്ക്ക് താഴെ സംശയങ്ങളുമായി സോഷ്യൽ മീഡിയ
മഞ്ഞുകാലം തുടങ്ങുമ്പോൾ എല്ലാവർക്കും നല്ല സന്തോഷമാണ്. എന്നാൽ കുറച്ച് ദിവസം മുന്നോട്ട് പോയിക്കഴിയുമ്പോൾ കുറച്ച് ചൂട് കിട്ടിയിരുന്നെങ്കിൽ എന്നാകും പറയുക. പുറത്ത് നല്ല മഞ്ഞ് വീഴുന്ന സമയത്ത് ഒരു ചൂട് ചായ കുടിക്കാൻ ആരാണ് ആഗ്രഹിക്കാത്തത്. അങ്ങനെയെങ്കിൽ കാഷ്മീർ പോലുള്ള സ്ഥലത്ത് മഞ്ഞിൽ ഇരുന്ന് നല്ലൊരു ചൂട് ചായ കുടിക്കുന്നതിനെ കുറിച്ച് ഒന്ന് ആലോചിച്ച് നോക്കൂ. വെള്ള പുതച്ചത് പോലെ ചുറ്റും മഞ്ഞ്, അതിനിടയിലിരുന്ന് ചൂട് ചായ കുടിക്കാൻ നല്ല രസമായിരിക്കും. ഒരു കൂട്ടം ചെറുപ്പക്കാർ കാഷ്മീരിലെ മഞ്ഞിലിരുന്ന് ഒരു ചായ ഉണ്ടാക്കി കുടിക്കുന്ന വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. മൂന്നംഗ സംഘം രണ്ട് പര്വ്വതങ്ങള്ക്കിടയിലെ ഒരു ചരുവിലാണ് ഇരിക്കുന്നത്. തുടര്ന്ന് ചായ തിളപ്പിക്കാനായി ഒരു പോര്ട്ടബിള് അടുപ്പ് ഒരുക്കുന്നു. തുടര്ന്ന് വെള്ളത്തിനായി മഞ്ഞ് ഗ്ലാസില് കോരിയെടുത്ത് പാത്രത്തിലിടുന്നു. പിന്നാലെ ചായ പൊടി, പഞ്ചസാര പാക്കറ്റ്…
Read Moreഅടുക്കളയിൽ നിന്ന് അരങ്ങത്തേക്കല്ല..അരങ്ങിൽ നിന്ന് അടുക്കളയിലേക്ക്; രുചി വൈവിധ്യങ്ങൾ തീർത്ത് കുടുംബശ്രീ കഫേ
തൃശൂർ: അടുക്കളയിൽനിന്ന് അരങ്ങത്തേക്കല്ല.. അരങ്ങിൽനിന്ന് അടുക്കളയിലേക്കാണ് അന്താരാഷ്ട്ര നാടകോത്സവത്തിലെ ഭക്ഷണപ്രിയരുടെ സഞ്ചാരം. വേദിയുടെ പരിസരത്ത് വൈവിധ്യമാർന്ന ഭക്ഷ്യവിഭവങ്ങൾ ഒരുക്കി കുടുംബശ്രീ കഫേ നാടക നഗരിയിൽ എത്തുന്നവരുടെ രുചിമനം കവർന്നിരിക്കുകയാണ്. ലോക നാടകക്കാഴ്ചകൾ ആസ്വദിക്കാൻ എത്തുന്നവർക്ക് വിവിധ ജില്ലകളിലെ കുടുംബശ്രീ പ്രവർത്തകരുടെ നേതൃത്വത്തിലാണ് ഭക്ഷണശാല നടത്തുന്നത്. ഓരോ ജില്ലയിലെയും തനത് രുചികൾ ആസ്വദിക്കാൻ നാടകപ്രേമികൾക്കൊപ്പം ഭക്ഷണപ്രിയരും ഇറ്റ്ഫോക്ക് നഗരിയിൽ എത്തുന്നുണ്ട്.വിവിധതരം ബിരിയാണികളും, നാടൻ രുചിക്കൂട്ടുകളായ കപ്പയും പിടിയും ചിക്കനും, വിവിധതരം പുട്ടുകൾ, മത്സ്യ വിഭവങ്ങൾ, ജ്യൂസുകൾ, പായസങ്ങൾ എന്നിവയും കുറഞ്ഞ നിരക്കിൽ നൽകി കുടുംബശ്രീ കഫേ കൈയടി നേടുന്നു. നാടകോത്സവത്തിന്റെ അവസാന ദിനമായ 16 വരെ കുടുംബശ്രീ ഭക്ഷ്യമേള ഉണ്ടാകും.
Read More