സോഷ്യൽ മീഡിയ സജീവമായതോടെ മൃഗങ്ങളുടെ നിരവധി ദൃശ്യങ്ങൾ നമ്മൾ കാണാറുണ്ട്. എന്നാൽ കാണുന്നവരുടെ കണ്ണിനെ ഈറനണിയിക്കുന്ന ഒരു ചിത്രമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. തന്റെ കുഞ്ഞിനെ അടക്കം ചെയ്തിരിക്കുന്ന കുഴിമാടത്തിനരികിൽ നിൽക്കുന്ന അമ്മയുടെ ചിത്രമാണ് അത്. ഐഎഫ്എസ് ഓഫീസർ സുശാന്ത നന്ദയാണ് ചിത്രം എക്സിൽ പങ്കുവച്ചിരിക്കുന്നത്. ജനിച്ച് മണിക്കൂറുകൾക്കുള്ളിൽ തന്നെ കുട്ടിയാന ചെരിഞ്ഞെന്നും സംസ്കരിച്ച കുഞ്ഞിനെ തേടി അമ്മയാന എത്തിയെന്നും സുശാന്ത പറഞ്ഞു. ‘എനിക്ക് കണ്ണുനീർ വന്നു, ജനിച്ച് മണിക്കൂറുകൾക്കുള്ളിൽ ഈ ആനയുടെ കുഞ്ഞ് മരിച്ചു. പോസ്റ്റ്മോർട്ടത്തിന് ശേഷം സംസ്കരിച്ചു. അമ്മ ആ കുഞ്ഞിനെ തേടി വന്നു. ജീവിതവുമായി മുന്നോട്ട് പോകാനാവുന്നതുവരെ ഇനി ദിവസങ്ങളോളം അവൾ വിഷമിക്കും. അമ്മയ്ക്ക് മക്കളോടുള്ള സ്നേഹം പറഞ്ഞറിയിക്കാനാവാത്തതാണ്’എന്നും സുശാന്ത എക്സിൽ കുറിച്ചു. വൈറലായ പോസ്റ്റിന് നിരവധിപേരാണ് കമന്റുമായെത്തിയത്. പോസ്റ്റ് കാണാൻ ഇവിടെ ക്ലിക്ക് ചെയ്യുക
Read MoreCategory: Today’S Special
മഞ്ഞുമൂടി കാഷ്മീർ; ഹിമപാതം ഉണ്ടാകുമെന്നു മുന്നറിയിപ്പ്
ശ്രീനഗർ: കടുത്ത മഞ്ഞു വീഴ്ച തുടരുന്ന ജമ്മുകാഷ്മീരിലെ പല ജില്ലകളിലും ഹിമപാത മുന്നറിയിപ്പ്. ബന്ദിപ്പോർ, ബാരാമുള്ള, കുപ്വാര എന്നിവിടങ്ങളിൽ കുറഞ്ഞ അപകടസാധ്യതയുള്ള ഹിമപാതം ഉണ്ടാകാൻ സാധ്യതയുണ്ടെന്നു ഡിസാസ്റ്റർ മാനേജ്മെന്റ് അഥോറിറ്റി അറിയിച്ചു. 2,400 മീറ്ററിനു മുകളിലുള്ള പ്രദേശങ്ങളിലാണു ഹിമപാത സാധ്യത. ഡോഡ, കിഷ്ത്വാർ, പൂഞ്ച്, റംബാൻ, ഗന്ദർബാൽ ജില്ലകളിൽ 2,200 മീറ്ററിനു മുകളിൽ ഇടത്തരം അപകടനിലയുള്ള ഹിമപാതമുണ്ടാകാൻ സാധ്യതയുണ്ടെന്നും മുന്നറിയിപ്പുണ്ട്. ഈ പ്രദേശങ്ങളിൽ താമസിക്കുന്നവർ മുൻകരുതൽ എടുക്കാനും ഹിമപാത സാധ്യതയുള്ള പ്രദേശങ്ങളിലേക്ക് ഇറങ്ങുന്നത് ഒഴിവാക്കാനും നിർദേശമുണ്ട്. അതേസമയം, ജമ്മു കാഷ്മീരിലെ പല സ്ഥലങ്ങളിലും മഞ്ഞുവീഴ്ച തുടരുകയാണ്. ഇന്നലെ താപനില ഒൻപത് ഡിഗ്രി സെൽഷ്യസായി കുറഞ്ഞിരുന്നു. കാഷ്മീർ താഴ്വരയിലെ പല ജില്ലകളിലും ഇപ്പോൾ മഞ്ഞ് മൂടിയിരിക്കുകയാണ്. ജമ്മു-ശ്രീനഗർ ദേശീയപാതയിലെ ഗതാഗതത്തെയും വിമാന സർവീസുകളെയും മഞ്ഞ് ബാധിച്ചു.
Read Moreവന്ദേഭാരതില് വിളമ്പിയ ഭക്ഷണത്തില് ചത്ത പാറ്റ; പരാതിപ്പെട്ടാൽ പാറ്റയ്ക്കും കൂട്ടി ചാര്ജ് ഈടാക്കുമെന്ന് സോഷ്യൽ മീഡിയ
സാമൂഹിക മാധ്യമങ്ങളില് കഴിഞ്ഞ കുറച്ചേറെ വര്ഷങ്ങളായി ഇന്ത്യന് റെയില്വേ ഏറ്റവും വൃത്തിഹീനമായ സാഹചര്യങ്ങളാണ് യാത്രക്കാര്ക്കായി ഒരുക്കുന്നതെന്ന പരാതി ഉയര്ന്നു കേള്ക്കുന്നുണ്ട്. രാജ്യം ‘ശുചിത്വഭാരതം’ ആഘോഷിക്കുമ്പോഴും ഈ അവസ്ഥ തുടരുകയാണെന്നാണ് പരാതി. ഇതിനിടെയാണ് കേന്ദ്രസര്ക്കാർ വന്ദേഭാരതിനെ കളത്തിലിറക്കുന്നത്. വന്ദേഭാരതിന് ഗംഭീര വരവേൽപ്പാണ് ആദ്യം കിട്ടിയതെങ്കിലും മുന്നോട്ട് പോകെ പോകെ മറ്റ് ട്രെയിനുകളുടെ സമാന അവസ്ഥ തന്നെയാണ് വന്ദേഭാരതിനും. കഴിഞ്ഞ ദിവസം എക്സിൽ കുറച്ച് ചിത്രങ്ങൾ പങ്കുവച്ചുകൊണ്ട് ഒരു ഉപയോക്താവ് ഇങ്ങനെ എഴുതി ‘ ഞാൻ 1/02/2024 ട്രെയിൻ നമ്പർ 20173 ആർകെഎംപിയിൽ നിന്ന് ജെബിപിയിലേക്ക് (വന്ദേ ഭാരത് എക്സ്പ്രസ്) യാത്ര ചെയ്യുകയായിരുന്നു. അവർ നൽകിയ ഭക്ഷണപ്പൊതിയിൽ ചത്ത പാറ്റയെ കണ്ട് ഞാൻ ഞെട്ടിപ്പോയി.’ ഒപ്പം നരേന്ദ്രമോദി, അശ്വിനി വൈഷ്ണവ്, ജബല്പൂര് ജിആര്എം, സെട്രന്ല് റെയില്വെ റെയില് മന്ത്രാലയം ഐആര്സിടിസി എന്നുവരെയും അദ്ദേഹം ടാഗ് ചെയ്തു. ട്വീറ്റ് വളരെ പെട്ടെന്ന്…
Read Moreഗോ… ഗോ… ഗോബി; ഗോവന് നഗരത്തില് ഗോബി മഞ്ചൂരിയന് ‘ഔട്ട്’
കോഴിക്കോട്: വെജ് പ്രിയരാകട്ടെ, അല്ലാത്തവരാകട്ടെ ഗോബി മഞ്ചൂരിയന് എന്ന് കേട്ടാല് നാവില് കൊതിയൂറും. വീണ്ടും വീണ്ടും കഴിക്കാന് തോന്നുന്ന ഫ്ളേവറിലും രുചിയിലും നിറത്തിലുമാണ് ഗോബി മഞ്ചൂരിയന് മുന്നിലെത്തുന്നത്. രുചിയിലും ആരോഗ്യത്തിലും മുന്പിലെന്ന് നാം കരുതുന്ന ഗോബി മഞ്ജൂരിയന് നിരോധനം ഏര്പ്പെടുത്തിയിരിക്കുകയാണ് ഗോവയിലെ മപുസ മുന്സിപ്പല് കൗണ്സില്. ഹോട്ടലുകളില് ഗോബി മഞ്ചൂരിയന് ആകര്ഷകമാക്കാന് ഉപയോഗിക്കുന്ന സിന്തറ്റിക് നിറങ്ങളും മറ്റ് വൃത്തി പ്രശ്നങ്ങളും പറഞ്ഞാണ് മുന്സിപ്പല് കൗണ്സിലിന്റെ തീരുമാനം. സ്റ്റാളുകളിലും വിരുന്നുകളിലുമാണ് ഗോബി മഞ്ചൂരിയന് വിലക്കിയിരിക്കുന്നത്. ആദ്യമായല്ല ഒരു പ്രാദേശിക ഭരണകൂടം ഗോബി മഞ്ചൂരിയനെതിരേ കര്ശന നടപടി സ്വീകരിക്കുന്നത്. 2022ല്, ശ്രീ ദാമോദര് ക്ഷേത്രത്തിലെ വാസ്കോ സപ്താഹ മേളയില് ഗോബി മഞ്ചൂരിയന് വില്ക്കുന്ന സ്റ്റാളുകള് നിയന്ത്രിക്കാന് ഫുഡ് ആന്ഡ് ഡ്രഗ്സ് അഡ്മിനിസ്ട്രേഷന് മോര്മുഗാവോ മുനിസിപ്പല് കൗണ്സിലിന് നിര്ദേശം നല്കിയിരുന്നു. പാകം ചെയ്യുന്നതിലെ വൃത്തിയില്ലായ്മ, സോസുകളുടെ കാലപ്പഴക്കം നിര്ണയിക്കാനാകാത്തത്, ആരോഗ്യത്തിന് വളരെ…
Read Moreതള്ള് തള്ള് തള്ള് തള്ള് പോലീസ് വണ്ടി…പ്രതികളാണെന്നതു ശരി, പക്ഷേ ഇങ്ങനെ തള്ളിക്കാമോ ഏമാൻമാരേ!
ഭഗൽപുർ: ബിഹാർ പോലീസ് സേനയെ നാണംകെടുത്തിയ സംഭവം കഴിഞ്ഞദിവസം ഭഗൽപുരിലെ കച്ചഹാരി ചൗക്കിലുണ്ടായി. കോടതിയിലേക്കു കൊണ്ടുപോയ നാലു പ്രതികളെക്കൊണ്ട് ഇന്ധനം തീർന്ന പോലീസ് ജീപ്പ് തള്ളിച്ച സംഭവമാണു പോലീസിനെ വിവാദത്തിലാക്കിയത്. ഏറ്റവും അടുത്തുള്ള പെട്രോൾ പന്പിലേക്കാണു വാഹനം തള്ളിച്ചത്. വിലങ്ങണിയിച്ചിരുന്ന പ്രതികളെ കയർകൊണ്ടു കൂട്ടിക്കെട്ടിയശേഷമാണു പോലീസുകാർ ജീപ്പ് തള്ളാൻ ആവശ്യപ്പെട്ടത്. ബന്ധനാവസ്ഥയിൽ വളരെ പ്രയാസപ്പെട്ടാണു പ്രതികൾ വാഹനം തള്ളിയത്. 500 മീറ്ററിലേറെ ഈവിധം വാഹനം തള്ളി. ഇതിന്റെ വീഡിയോ ആയിരക്കണക്കിനാളുകളാണു കണ്ടത്. മദ്യനിരോധനം നിലനിൽക്കുന്ന സംസ്ഥാനത്ത് മദ്യം ഉപയോഗിച്ചു എന്ന കേസിലാണു നാലുപേരും അറസ്റ്റിലായത്. 2016 മുതൽ ബിഹാറിൽ സന്പൂർണമദ്യനിരോധനമാണ്. പ്രതികളെക്കൊണ്ടു വാഹനം തള്ളിച്ച സംഭവത്തിൽ പോലീസിനെതിരേ വിമർശനങ്ങളും പരാതികളും ഉയർന്നതോടെ വിശദമായ അന്വേഷണം ഇക്കാര്യത്തിൽ നടത്തുമെന്ന് അറിയിച്ചിരിക്കുകയാണു ഉന്നത പോലീസ് ഉദ്യോഗസ്ഥർ.
Read Moreവിമാനത്തിൽ കണ്ടതിൽ വച്ച് ഏറ്റവും വെറുപ്പുളവാക്കുന്ന കാര്യം എന്തായിരുന്നു? ഫ്ലൈറ്റ് അറ്റൻഡറുടെ ഉത്തരം കേട്ട് ഞെട്ടി സോഷ്യൽ മീഡിയ
അടുത്തിടെ റെഡ്ഡിറ്റിൽ യുഎസ്സിലെ ഒരു പ്രധാന എയർലൈൻസിലെ ജീവനക്കാരൻ ഒരു പോസ്റ്റിട്ടു.’നിങ്ങൾക്ക് അറിയാൻ തോന്നുന്നതെല്ലാം എന്നോട് ചോദിക്കൂ, ഞാൻ അതിന് ഉത്തരം തരാം’ എന്നതായിരുന്നു പോസ്റ്റ്. 25 വർഷമായി താൻ ഫ്ലൈറ്റ് അറ്റൻഡന്റായി ജോലി നോക്കുന്നുണ്ട് എന്നും ഇയാൾ റെഡ്ഡിറ്റിൽ കുറിച്ചിട്ടുണ്ട്. ഇതിനു പിന്നാലെ നിരവധി പേരാണ് പോസ്റ്റിന് മറുപടിയുമായെത്തിയത്. ചോദ്യത്തിനുള്ള ഉത്തരം നൽകുന്നതിനിടെ വിമാനത്തിൽ വച്ചുണ്ടായ വളരെ വിചിത്രമായ മോശപ്പെട്ട അനുഭവങ്ങളും അയാൾ പങ്കുവച്ചു. ‘വിമാനത്തിൽ നിങ്ങൾ കണ്ടതിൽ വച്ച് ഏറ്റവും വെറുപ്പുളവാക്കുന്ന കാര്യം എന്തായിരുന്നു’ എന്നാണ് ഒരാൾ ഇയാളോട് ചോദിച്ചത്. ‘അത് ഉപയോഗിച്ച് ഉപേക്ഷിച്ച കോണ്ടമാണ്’ എന്നാണ് അയാൾ നൽകിയ മറുപടി. അതുപോലെ സ്ത്രീകളുടേയും പുരുഷന്മാരുടേയും ഉപയോഗിച്ച അടിവസ്ത്രങ്ങൾ, ടാംപണുകൾ എന്നിവയും വിമാനത്തിൽ കണ്ടിട്ടുണ്ട് എന്നും ഇതൊക്കെയാണ് ഏറ്റവും വെറുപ്പുളവാക്കുന്ന കാഴ്ചകളിൽ ചിലത് എന്നും ഇയാൾ കൂട്ടിച്ചേർത്തു. വിമാനത്തിൽ വഴക്കുണ്ടാക്കുക, വിമാനത്തിൽ സീറ്റിൽ മലമൂത്ര…
Read Moreഇങ്ങനെയും വിശ്വാസമോ! ആശുപത്രിക്ക് മുന്നിലെ ഭാഗ്യപ്രതിമകൾ രോഗികൾക്ക് ദോഷമെന്ന് സോഷ്യൽ മീഡിയയിൽ പ്രചരണം; ഒടുവിൽ പ്രതിമക്ക് സ്ഥാന ചലനം
കമ്യൂണിസ്റ്റ് രാജ്യമാണെങ്കിലും ചൈനയിലെ ചില അന്ധവിശ്വാസങ്ങളെ കുറിച്ചുള്ള വാർത്തകൾ സോഷ്യൽ മീഡിയയിൽ ഇടയ്ക്കിടെ പ്രത്യക്ഷപ്പെടാറുണ്ട്. എന്നാൽ സെൻട്രൽ ചൈനയിലെ ഹെനാൻ പ്രവിശ്യയിലെ യുഷൗ സെക്കൻഡ് പീപ്പിൾസ് ഹോസ്പിറ്റലിലുണ്ടായ ഒരു സംഭവമാണ് സോഷ്യൽ മീഡിയയിൽ ഇപ്പോൾ ചർച്ചയാകുന്നത്. ഈ ആശുപത്രിയുടെ വാതില്ക്കല് രണ്ട് പതിറ്റാണ്ടായി ഉണ്ടായിരുന്ന ഭാഗ്യ ചിഹ്നമായ പ്രതിമ കഴിഞ്ഞ ദിവസം എടുത്ത് മാറ്റി. ചൈനീസ് സാമൂഹിക മാധ്യമങ്ങളില് ചിലര് നടത്തിയ പരാമര്ശത്തിന് പിന്നാലെയായിരുന്നു ഭാഗ്യ പ്രതിമയ്ക്ക് സ്ഥാനചലനമുണ്ടായത്. പിക്സിയു എന്ന ഭാഗ്യചിഹ്നം ഒരു ചൈനീസ് ഐതിഹ്യ മൃഗമാണ്. ഡ്രാഗൺ, ഫീനിക്സ്, ആമ, ക്വിലിൻ എന്നിവയ്ക്കൊപ്പം അഞ്ച് ശുഭകരമായ ചൈനീസ് പുരാണ ജീവികളിൽ ഒന്നാണ് ‘പിക്സിയു’ എന്ന് അറിയപ്പെടുന്ന ഭാഗ്യമൃഗം. ഇതിന്റെ ഭാഗ്യപ്രതിമയ്ക്ക് സമ്പത്ത് ആകർഷിക്കാനും അവ പുറത്ത് പോകാതെ നിലനിര്ത്താനും കഴിയുമെന്ന് ചൈനയിലെ ഫെങ് ഷൂയി വിശ്വാസം അവകാശപ്പെടുന്നു. ഈ മൃഗത്തിന് വലിയ വാ ഉണ്ട്.…
Read Moreപാതിരാത്രി ഡെലിവറി ചെയ്ത ഭക്ഷണത്തിന് ടിപ്പ്; സ്ക്രീൻഷോട്ട് പങ്കുവച്ച യുവതിക്ക് വിമർശനവുമായി സോഷ്യൽ മീഡിയ
ഓൺലൈൻ ഭക്ഷണ വിതരണ ആപ്പുകൾ ഉപയോഗിക്കാത്തവർ വളരെ കുറവാണ്. ഏത് സമയത്ത് ഓർഡർ ചെയ്താലും ഭക്ഷണം പെട്ടന്ന് തന്നെ അരികിലെത്തുമെന്നതാണ് ഇതിന്റെ പ്രത്യേകതയും. സൊമാറ്റോയും സ്വിഗ്ഗിയുമൊക്കെ ഫുഡ് ഡെലിവെറി രംഗത്ത് പ്രശസ്തമാണ്. സമൂഹ മാധ്യമങ്ങളിലാകട്ടെ ഇത്തരത്തിൽ ഫുഡ് ഡെലിവറിയുമായി ബന്ധപ്പെട്ട ചെറിയ കാര്യങ്ങൾ പോലും ആളുകൾ പങ്കുവയ്ക്കാറുണ്ട്. ഭക്ഷണം താമസിച്ചെത്തുന്നതും, ഓർഡർ ചെയ്തതിന് പകരം മാറ്റി ഭക്ഷണം നൽകുന്നതും, മോശപ്പെട്ട ഭക്ഷണം കൊടുക്കുന്നതുമൊക്കെ ആളുകൾ സോഷ്യൽ മീഡിയയിൽ പരാതിയായി പോസ്റ്റ് ചെയ്യാറുണ്ട്. ഇതിനിടെയാണ് പാതിരാത്രിയില് ഭക്ഷണം കൊണ്ടുവന്ന ഫുഡ് ഡെലിവെറി ഏജന്റ് ടിപ്പ് ചോദിച്ചതിന്റെ സ്ക്രീന് ഷോട്ടുമായി ഒരു യുവതി എത്തിയത്. പിന്നാലെ സോഷ്യൽ മീഡിയ ഉപയോക്താക്കള് യുവതിക്ക് നേരെ തിരിഞ്ഞു. ‘ഇത് വിചിത്രമാണ് ബ്രോ’, pri എന്ന എക്സ് ഉപയോക്ത സൊമാറ്റോ ഡെലിവറിയുടെ ചാറ്റിന്റെ സ്ക്രീന് ഷോട്ട് പങ്കുവച്ച് കൊണ്ട് ഇങ്ങനെ എഴുതി. എന്നാല് സോഷ്യൽ…
Read Moreഅമ്മയ്ക്കിഷ്ടം അനിയത്തിയോട്; കലിപ്പിൽ വീട് കൊള്ളയടിച്ച് യുവതി; മോഷ്ടിച്ച ആഭരണങ്ങൾ സഹോദരിയുടെ വിവാഹത്തിന് അമ്മ കരുതിവച്ചത്
ന്യൂഡൽഹി: അമ്മയോടുള്ള ദേഷ്യത്തിൽ വീട്ടിൽനിന്നു സ്വർണവും പണവും കവർന്ന യുവതിയെ അറസ്റ്റ് ചെയ്തു. ഉത്തംനഗർ സേവക് പാർക്കിൽ താമസിക്കുന്ന കമലേഷിന്റെ മകൾ ശ്വേതയാണു (31) പിടിയിലായത്. അമ്മയ്ക്കു കൂടുതൽ സ്നേഹം അനിയത്തിയോട് ആയതിനാലാണ് വീട്ടിൽനിന്നു പണവും ആഭരണങ്ങളും മോഷ്ടിച്ചതെന്നാണു ശ്വേത പോലീസിനോടു പറഞ്ഞത്. ലക്ഷങ്ങൾ വിലവരുന്ന സ്വർണം, വെള്ളി ആഭരണങ്ങൾ, 25,000 രൂപ എന്നിവ മോഷണം പോയെന്നാണു ശ്വേതയുടെ അമ്മ കമലേഷ് പോലീസിൽ പരാതി നൽകിയത്. വീട്ടിൽ അലമാരയുടെയും വാതിലുകളുടെയും പൂട്ടുകൾ തകർത്തിരുന്നില്ല. പോലീസ് സമീപത്തെ സിസി ടിവി ദൃശ്യങ്ങൾ പരിശോധിച്ചപ്പോൾ സംഭവദിവസം ബുർഖ ധരിച്ച ഒരു സത്രീ വീട്ടിനുള്ളിലേക്കു പോകുന്നതും കുറച്ചു സമയത്തിനകം തിരിച്ചു പോകുന്നതും ശ്രദ്ധയിൽപ്പെട്ടു. സംശയം തോന്നിയ പോലീസ് ശ്വേതയെ ചോദ്യം ചെയ്തപ്പോൾ കുറ്റം സമ്മതിക്കുകയായിരുന്നു. മോഷ്ടിച്ചതിൽ കുറച്ച് ആഭരണങ്ങൾ തന്റേതും ബാക്കി സഹോദരിയുടെ വിവാഹത്തിനു വേണ്ടി അമ്മ കരുതി വച്ചിരുന്നതുമാണെന്നു ശ്വേത…
Read Moreകുഴിയിലകപ്പെട്ട മാൻകുട്ടിയെ രക്ഷിച്ച് യുവാവ്; ഒരുമാസത്തിന് ശേഷം കുടുംബസമേതം നന്ദി പറയാൻ രക്ഷകന്റെ വീട് തേടിയെത്തി മാൻകുഞ്ഞ്; വിഡിയോ വൈറൽ
എപ്പോഴും നന്ദിയുള്ളവരാണ് മൃഗങ്ങൾ. അവയ്ക്ക് കിട്ടുന്ന സഹായങ്ങൾക്ക് എല്ലായ്പ്പോഴും അവർ കടപ്പെട്ടിരിക്കും. ഇപ്പോഴിതാ, ഒരു മാൻകുഞ്ഞിന്റെ വിഡിയോ സമൂഹമാധ്യമങ്ങളിൽ ശ്രദ്ധനേടുകയാണ്. ഐഎഫ്എസ് ഓഫീസർ സുശാന്ത നന്ദയാണ് ഹൃദയസ്പർശിയാ വിഡിയോ പങ്കുവച്ചിരിക്കുന്നത്. കൂട്ടംതെറ്റി കുഴിയിലകപ്പെട്ട ഒരു മാൻകുഞ്ഞിനെ ഒരു യുവാവ് രക്ഷപ്പെടുത്തുകയും ശേഷം അതിന്റെ കുടുംബത്തിന്റെ പക്കലേക്ക് കൊണ്ടെത്തിക്കുന്നതുമാണ് വീഡിയോ. കുഴിയിൽ വീണുകിടന്ന കുഞ്ഞു മാനിനെ അതീവ ശ്രദ്ധയോടെയും സുരക്ഷയോടെയും കൂടിയാണ് യുവാവ് പുറത്ത് എടുക്കുന്നതെന്ന് വീഡിയോയിൽ കാണാൻ സാധിക്കും. അതിനുശേഷം മാൻ കുട്ടി ആരോഗ്യവതിയാണെന്ന് ഉറപ്പുവരുത്തുന്നു. പിന്നീട് അമ്മയുടെ പക്കലേക്ക് അയാൾ മാൻ കുഞ്ഞിനെ കൊണ്ടുവിടുന്നതുമാണ് വീഡിയോയിലുള്ളത്. എന്നാൽ ഇവിടംകൊണ്ട് കാര്യങ്ങൾ കഴിഞ്ഞില്ല. ഇനിയാണ് അതിശയിപ്പിക്കുന്ന ട്വിസ്റ്റ് ഉണ്ടായത്. ഒരു മാസത്തിന് ശേഷം മാൻ കുഞ്ഞ് തന്നെ രക്ഷപെടുത്തിയ യുവാവിന്റെ വീട്ടിലേക്ക് മടങ്ങിഎത്തി. എന്നാൽ, ഇത്തവണ മാൻ കുഞ്ഞ് തനിച്ചായിരുന്നില്ല വന്നത്. ആ പെൺകുഞ്ഞിനെ അനുഗമിച്ചത് അതിന്റെ…
Read More