അയോധ്യയിൽ പൂജിച്ച അക്ഷതം സ്വീകരിക്കുന്ന വാർത്തകൾ വന്നതോടെ അക്ഷതം എന്താണെന്ന ചോദ്യമാണ് ഉയർന്ന് വന്നത്. അക്ഷതമെന്നാൽ ക്ഷതമില്ലാത്തത് പൊട്ടാത്തത് എന്നിങ്ങനെയാണ് അർഥം. ഹിന്ദുക്കളുടെ പല പൂജകൾക്കും അനുഷ്ഠാനങ്ങളിലും അക്ഷതം ഉപയോഗിക്കാറുണ്ട്. ഷോഡശോപചാരങ്ങളിൽ വസ്ത്രം, ആഭരണം, ഉത്തരീയം മുതലായ ദ്രവ്യങ്ങൾ ഇല്ലാത്ത അവസരങ്ങളിൽ ആ സ്ഥാനത്ത് അക്ഷതം സമർപ്പിക്കാറുണ്ട്. ധവളമെന്നും, ദിവ്യമെന്നും, ശുഭമെന്നും അക്ഷതത്തെ വിശേഷിപ്പിക്കുന്നു. വിവാഹങ്ങളിൽ വധൂ വരന്മാരുടെ ശിരസിൽ അക്ഷതം വച്ച് അനുഗ്രഹിക്കുന്ന പതിവുമുണ്ട്. അക്ഷതം കൈയിലെടുത്ത് ധ്യാനിക്കുകയോ ജപിക്കുകയോ ചെയ്ത ശേഷം ആളുകളിലേക്ക് വിതറിയാണ് അനുഗ്രഹിക്കുന്നത്. ഏത് തരത്തിലുള്ള ധാന്യം കൊണ്ടും അക്ഷതം തയാറാക്കാം. എന്നാൽ ഏത് ധാന്യമായാലും പൊട്ടാൻ പാടില്ല എന്നതാണ് അടിസ്ഥാനകാര്യം. പൊട്ടുകയോ പൊടിയുകയോ ചെയ്യാത്ത ധാന്യമാണ് അക്ഷതം. കേരളീയ സമ്പ്രദായത്തിൽ സാധാരണ ഉണക്കലരിയും നെല്ലും 2:1 എന്ന അനുപാദത്തിൽ കൂട്ടിച്ചേർത്താണ് അക്ഷതം തയാറാക്കുന്നത്. എന്നാൽ അരിക്ക് പകരമായി കടുകും എള്ളും…
Read MoreCategory: Today’S Special
മസനഗുഡി വഴി ഊട്ടിയിലേക്കൊരു യാത്ര! ആ വൈറൽ ശബ്ദത്തിനുടമ ഇവിടെയുണ്ട്; സോഷ്യൽ മീഡിയയിൽ റീലായും ട്രോളായും ഊട്ടി യാത്ര
മസനഗുഡി വഴി ഊട്ടിയിലേക്കൊരു യാത്ര… അതൊരു വല്ലാത്ത എക്സ്പീരിയൻസാണ്…ഈ ഡയലോഗ് കൊണ്ട് ഇൻസ്റ്റഗ്രാം തുറക്കാൻ പറ്റാത്ത അസ്ഥയാണ്. ഇപ്പോഴത്തെ വൈറൽ റീലാണ് മസനഗുഡി വഴിയുള്ള ഊട്ടി യാത്ര. ഇൻസ്റ്റഗ്രാം റീലിനു പുറമേ ട്രോളൻമാരും ഈ ഡയലോഗ് ഏറ്റെടുത്തിരിക്കുകയാണ്. പരസ്യ കമ്പനികളും ടാഗ് ലൈനായി മസനഗുഡി യാത്രയെ തെരഞ്ഞെടുത്ത് കഴിഞ്ഞു. കുറച്ച് ദിവസങ്ങളായി സോഷ്യൽ മീഡിയയിൽ നിറഞ്ഞ് നിൽക്കുന്ന ഈ ശബ്ദത്തിനുടമ കണ്ണൂർ സ്വദേശിയായ അസ്ലമാണ്. ഒന്നര വർഷത്തിന് മുമ്പ് അസ്ലം ചെയ്ത വീഡിയോയാണ് ഇപ്പോൾ വൈറലായിരിക്കുന്നത്. മസനഗുഡി വഴിയുള്ള മനോഹരമായ യാത്രയെ വർണിക്കുന്ന അസ്ലത്തിന്റെ വാക്കുകളാണിത്. എന്നാൽ ഈ ഡയലോഗ് കേട്ട് മസനഗുഡി വഴി പോയിട്ട് ഈ പറയുന്നത് പോലെ ഒന്നും കണ്ടില്ലന്നാണ് സോഷ്യൽ മീഡിയയിൽ വരുന്ന ട്രോളുകൾ. എന്നാൽ തന്റെ യാത്രയിലെ മനോഹരമായ കാഴ്ചകളെയാണ് താൻ വർണിച്ചതെന്നും അസ്ലം പറയുന്നു. ഏതായാലും മസനഗുഡി വഴി ഊട്ടിയിലേക്കുള്ള…
Read Moreവിമാനയാത്രയ്ക്കിടെ ശ്വാസതടസം: സഹയാത്രികന്റെ ജീവൻ രക്ഷിച്ച് മലയാളി ഡോക്ടർ; കൈയടിച്ച് സോഷ്യൽ മീഡിയ
യാത്രകൾ ചെയ്യാറുള്ളവരാണ് നമ്മളെല്ലാവരും. ഒറ്റക്ക് യാത്ര ചെയ്യുമ്പോൾ പെട്ടന്നൊരു ആപത്ത് സംഭവിച്ചാൽ എന്തുണ്ടാകും? ആശുപത്രിയിൽ കൊണ്ടു പോകുമെന്നാകും എല്ലാവരുടേയും മറുപടി. എന്നാൽ അത് ആകാശത്ത് വച്ചാണെങ്കിലോ? വിമാന യാത്രയ്ക്കിടെ അപകടങ്ങൾ സംഭവിച്ചാൽ പലപ്പോഴും നിസഹായരായി നോക്കി നിൽക്കാൻ മാത്രമേ സാധിക്കു. എന്നാൽ കഴിഞ്ഞ ദിവസം വിമാന യാത്രയ്ക്കിടെ ദേഹാസ്വാസ്ത്യം അനുഭവപ്പെട്ട സഹയാത്രികന്റെ ജീവൻ രക്ഷിച്ച മലയാളി ഡോക്ടറാണ് ഇപ്പോൾ ശ്രദ്ധനേടുന്നത്. ആകാശാ എയർ വിമാനത്തിലാണ് സംഭവം. ജനുവരി 14ന് കൊച്ചിയിൽ നിന്ന് മുംബൈയിലേക്കുള്ള യാത്രയിലാണ് യാത്രികന് ദേഹാസ്വാസ്ത്യം അനുഭവപ്പെട്ടത്. ഉയർന്ന രക്തസമ്മർദ്ദവും ഓക്സിജന്റെ അളവിലുണ്ടായ വ്യത്യാസവും മൂലം ശ്വാസതടസം നേരിട്ടയാൾക്ക് കൊച്ചി സ്വദേശി ഡോക്ടർ സിറിയക് എബി ഫിലിപ്സിന്റെ അവസരോചിതമായ ഇടപെടലിൽ ജീവൻ തിരികെ ലഭിച്ചു.സംഭവത്തെ കുറിച്ച് ഡോക്ടർ സിറിയക് എക്സിൽ പോസ്റ്റ് പങ്കുവച്ചിട്ടുണ്ട്. ഡോക്ടറെ പ്രശംസിച്ച് നിരവധി ആളുകളാണ് രംഗത്തെത്തിയിരിക്കുന്നത് .ചിലസമയങ്ങളിൽ ദൈവം മനുഷ്യരുടെ രൂപത്തിൽ…
Read Moreദാഹിക്കുന്നോ? പ്ലാസ്റ്റിക്ക് കുപ്പിവെള്ളം വാങ്ങി കുടിക്കാൻ വരട്ടെ; പുതിയ പഠനങ്ങൾക്ക് ചിലത് പറയാനുണ്ട്
വേനൽകാലമാണ് വരുന്നത്. ധാരാളം വെള്ളം കുടിക്കണ്ട സമയം. തിളപ്പിച്ച് ആറ്റിയ വെള്ളം കുടിക്കുന്നതാണ് ആരോഗ്യത്തിന് ഉത്തമമെന്ന് നമ്മൾ ചെറുപ്പം മുതലേ കേൾക്കുന്നതാണ്. എന്നാൽ ഇത് ഭൂരിപക്ഷം ആളുകളും പിന്തുടരാറില്ല. ചൂട് കൂടിവരുമ്പോൾ കടയിൽ നിന്ന് ശീതളപാനീയങ്ങളോ അല്ലെങ്കിൽ തണുത്ത കുപ്പിവെള്ളമോ ആണ് എല്ലാവരും കുടിക്കുന്നത്. ഇനി ശീതളപാനീയങ്ങൾ വാങ്ങി കുടിച്ചാൽ തന്നെ ദാഹം മാറിയില്ലെങ്കിൽ ഉടൻ തന്നെ തണുത്ത കുപ്പിവെള്ളത്തെ ആണ് ആശ്രയിക്കുന്നത്. എന്നാൽ നമ്മൾ വാങ്ങി കുടിക്കുന്ന പ്ലാസ്റ്റിക്ക് കുപ്പിവെള്ളം ശുദ്ധമാണോ? പ്ലാസ്റ്റിക്ക് കുപ്പിവെള്ളത്തിൽ നമ്മൾ ഒരിക്കൽപോലും പ്രതീക്ഷിക്കാത്ത അളവിലുള്ള പ്ലാസ്റ്റിക്കിന്റെ അംശമാണ് ഉള്ളതെന്ന് പുതിയ പഠനം സൂചിപ്പിക്കുന്നു. അതായത് ഒരു ലിറ്റർ പ്ലാസ്റ്റിക്ക് കുപ്പിവെള്ളത്തിൽ 24,0000 ഓളം പ്ലാസ്റ്റിക്ക് കണങ്ങളാണ് അടങ്ങിയിരിക്കുന്നത്. നാഷണൽ അക്കാഡമി ഓഫ് സയൻസ് പ്രസിദ്ധീകരിച്ച പഠനത്തിലാണ് ഇക്കാര്യം വ്യക്തമായിരിക്കുന്നത്. ഇവ നാനോ പ്ലാസ്റ്റിക്ക് ആയതിനാലാണ് നേരത്തെ നടത്തിയ ഗവേഷണങ്ങളിലും കണ്ടുപിടിക്കാൻ സാധിക്കാഞ്ഞത്.…
Read Moreമാലദ്വീപ് ട്രിപ്പ് റദ്ദാക്കിയോ? എങ്കിൽ ഈ റെസ്റ്റോറന്റിലേക്ക് വരൂ, സൗജന്യമായി ചോള ബട്ടൂര ആസ്വദിക്കൂ….
ഇന്ത്യയ്ക്കും മാലദ്വീപിനും ഇടയിലെ പ്രശ്നങ്ങൾ രൂക്ഷമായിരിക്കെ, നോയിഡയിലെ ഒരു റെസ്റ്റോറന്റ് ഇന്ത്യയ്ക്ക് ഐക്യദാർഢ്യം പ്രകടിപ്പിക്കാൻ കണ്ടെത്തിയിരിക്കുന്നത് ഒരു വ്യത്യസ്ത മാർഗമാണ്. മാലദ്വീപ് യാത്രകൾ റദ്ദാക്കിയതിന്റെയോ അല്ലെങ്കിൽ ലക്ഷദ്വീപിലേക്കുള്ള അവധിക്കാല ബുക്കിംഗുകൾ നടത്തിയതിന്റെയോ തെളിവ് നൽകുന്നവർക്ക് ഈ റെസ്റ്റോറന്റിൽ നിന്ന് സൗജന്യമായി ചോള ബട്ടൂര ലഭിക്കുന്നതാണ്. “ദേശസ്നേഹത്തിന്റെ രുചിയുമായി തലയുയർത്തി നിൽക്കൂ! എന്നാണ് റെസ്റ്റോറന്റ് ഇറക്കിയ പ്രസ്താവനയിൽ പറയുന്നത്. മാലദ്വീപ് മാറ്റി ലക്ഷദ്വീപ് തെരഞ്ഞെടുത്തവരെ ഞങ്ങൾ ഹൃദയപൂർവ്വം സ്വാഗതം ചെയ്യുന്നു! ലക്ഷദ്വീപിലേക്കുള്ള നിങ്ങളുടെ യാത്ര ബുക്ക് ചെയ്യുകയും കൂടാതെ മാലദ്വീപിലേക്കുള്ള നിങ്ങളുടെ യാത്ര റദ്ദാക്കുകയും ചെയ്തിട്ടുണ്ടെങ്കിൽ, സ്ഥിരീകരണ ഇമെയിലുകളോ സന്ദേശങ്ങളോ സഹിതം നിങ്ങളുടെ ടിക്കറ്റുകൾ കാണിക്കുമ്പോൾ ഞങ്ങളുടെ ആകർഷകമായ ചോള ബട്ടൂര സൗജന്യ പ്ലേറ്റ് ആസ്വദിക്കാം! എന്നാണ് ഹോട്ടൽ പറഞ്ഞിരിക്കുന്നത്. ഓഫർ 2024 ജനുവരി 5 മുതൽ ജനുവരി 22 വരെയാണ്. നോയിഡയിലും ഗാസിയാബാദിലും ഉള്ളവർക്ക് മാത്രമേ ഇത്…
Read Moreതല്ലല്ലേ സാറേയെന്ന് കേണിട്ടും അടി തുടർന്നു: യാത്രക്കാരനെ തല്ലിയ ടിടിഇക്ക് സസ്പെന്ഷന്; മികച്ച തീരുമാനമെന്ന് സോഷ്യൽ മീഡിയ
ന്യൂഡൽഹി: ട്രെയിനില് യാത്രക്കാരനെ തല്ലുന്ന വീഡിയോ സോഷ്യല് മീഡിയയില് വൈറലായതിന് പിന്നാലെ ടിടിഇയെ സസ്പെന്ഡ് ചെയ്തു. ബറൗണി-ലക്നൗ എക്സ്പ്രസിലായിരുന്നു സംഭവം. സീറ്റിലിരിക്കുന്ന യാത്രക്കാരനെ ടിടിഇ ആവര്ത്തിച്ച് തല്ലുന്നത് സഹയാത്രികരില് ഒരാളാണ് ചിത്രീകരിച്ചത്. പരിശോധനക്കിടെ ടിടിഇ പ്രകാശ് യാത്രക്കാരനായ നീരജിനെ ക്രൂരമായി മർദിക്കുകയായിരുന്നു. മർദനമേറ്റ യാത്രക്കാരന്റെ കൈയിൽ ടിക്കറ്റ് ഉണ്ടായിരുന്നുവെന്നും സൂചനയുണ്ട്. അതേസമയം, താൻ തെറ്റൊന്നും ചെയ്തിട്ടില്ലെന്ന് മർദനമേൽക്കുന്നതിനിടെ യാത്രക്കാരൻ പറഞ്ഞിട്ടും ടിടിഇ അടി തുടർന്നു. സംഭവത്തിന്റെ വീഡിയോ വൈറലായിരുന്നു. വീഡിയോ കാണാൻ ഇവിടെ ക്ലിക് ചെയ്യുക. മര്ദിക്കുന്നതിന്റെ കാരണം യാത്രക്കാരന് ടിടിഇയോട് ചോദിക്കുന്നതും വീഡിയോയില് കാണാമായിരുന്നു. വീഡിയോ എക്സില് വൈറലായതോടെ ഉദ്യോഗസ്ഥനെതിരേ നടപടിക്ക് ആവശ്യമുയര്ന്നിരുന്നു. ഇയാൾക്കെതിരേ നടപടിയെടുത്തതായി റെയില്വേ മന്ത്രി അശ്വിനി വൈഷ്ണവാണ് അറിയിച്ചത്. കഴിഞ്ഞ വര്ഷം സമാനമായ സംഭവം ബംഗളൂരുവില് നടന്നിരുന്നു. കൃഷ്ണരാജപുരം റെയില്വേ സ്റ്റേഷന് സമീപം ഒരു സ്ത്രീ യാത്രക്കാരിയെ മദ്യപിച്ചെത്തിയ ടിടിഇ ശല്യപ്പെടുത്തുകയായിരുന്നു.…
Read Moreപാർലെ-ജി മന്ദിർ; രാമക്ഷേത്രം ബിസ്ക്കറ്റിൽ നിർമിച്ച് യുവാവ്; കൈയടിച്ച് സോഷ്യൽ മീഡിയ
കോൽക്കത്ത: അയോധ്യയിൽ പ്രതിഷ്ഠാ ചടങ്ങ് നടക്കാനിരിക്കുന്ന രാമക്ഷേത്രത്തിന്റെ മാതൃക ബിസ്ക്കറ്റ് ഉപയോഗിച്ചു നിർമിച്ചിരിക്കുകയാണു പശ്ചിമബംഗാളിലെ ദുർഗാപുർ സ്വദേശി ഛോട്ടൻ ഘോഷ്. ഇരുപതു കിലോഗ്രാം പാർലെ-ജി ബിസ്ക്കറ്റ് ഉപയോഗിച്ചാണു ക്ഷേത്രത്തിന്റെ നിർമാണം. അഞ്ചു ദിവസമെടുത്താണ് സുഹൃത്തുക്കൾക്കൊപ്പം ചേർന്നു ഘോഷ് രാമക്ഷേത്രത്തിന്റെ 4×4 അടി മോഡൽ പൂർത്തിയാക്കിയത്. ബിസ്ക്കറ്റിനെ കൂടാതെ തെർമോകോൾ, പ്ലൈവുഡ്, പശ എന്നിവയും കുറഞ്ഞ അളവിൽ ഉപയോഗിച്ചിട്ടുണ്ട്. ബിസ്ക്കറ്റ് മാതൃക ശ്രദ്ധേയമായതോടെ ഘോഷും സുഹൃത്തുക്കളും ഇപ്പോൾ സമൂഹമാധ്യമങ്ങളിൽ താരങ്ങളാണ്. കൗതുകവും അദ്ഭുതവും നിറഞ്ഞ മാതൃകകൾ ഘോഷ് ഇതിനും മുമ്പും നിർമിച്ചിട്ടുണ്ട്. ചന്ദ്രയാൻ-3 മാതൃക നിർമിച്ച് ഘോഷ് ശ്രദ്ധ നേടിയിരുന്നു. വീഡിയോ കാണാൻ ഇവിടെ ക്ലിക് ചെയ്യുക. പശ്ചിമബംഗാളിലെ സിലിഗുരി സ്വദേശിയായ പ്രിയങ്ക ദേ രാമക്ഷേത്ര മാതൃകയിലുള്ള കേക്ക് നിർമിച്ചതും വലിയ വാർത്ത ആയിരുന്നു. ഏറെക്കാലമായി വീട്ടിലിരുന്ന് കേക്ക് തയ്യാറാക്കുന്ന പ്രിയങ്കയുടെ രാമക്ഷേത്ര മാതൃകയിലുള്ള കേക്കിന് വലിയ തോതിലുള്ള…
Read Moreവിമാനജീവനക്കാരി മാനത്ത് കണ്ടത് എന്തായിരിക്കും..? അമ്പരപ്പിൽ ഗവേഷകരും
“പിങ്ക് നിറത്തിൽ മിന്നിമറയുന്ന വൃത്തംപോലെ തോന്നിക്കുന്ന വിചിത്രമായ രൂപമുള്ള പറക്കുന്ന വസ്തുവായിരുന്നു അത്…’ ഹംഗേറിയൻ വിമാനക്കമ്പനിയായ വിസ് എയറിലെ ഫ്ളൈറ്റ് അറ്റൻഡന്റ് ഡെനിസ തനാസെ എന്ന യുവതി വീഡിയോ സഹിതം പങ്കുവച്ച അനുഭവം കേട്ട് ലോകം ജിജ്ഞാസയുടെ മുൾമുനയിലായി. ഈ മാസം പോളണ്ടിലെ ലൂട്ടണിൽനിന്നു സിസ്മാനിയിലേക്കുള്ള പറക്കലിനിടെയാണ് അന്യഗ്രഹ ബഹിരാകാശ പേടകമെന്നു സംശയിക്കുന്ന വീഡിയോ തനാസെ ചിത്രീകരിക്കുന്നത്. “അജ്ഞാത’ വസ്തുവിനു വിചിത്രമായ ആകൃതിയാണുണ്ടായിരുന്നത്. മാത്രമല്ല, പിങ്ക് പ്രകാശത്തിൽ മിന്നുന്നുമുണ്ടായിരുന്നു. വിമാനയാത്രയ്ക്കിടെ രാത്രിയാണു ജാലകത്തിലൂടെ വിചിത്രമായ കാഴ്ച അവർ കണ്ടത്. ഉടൻതന്നെ ഡെനിസ അത് തന്റെ മൊബൈൽ ഫോണിൽ പകർത്തുകയായിരുന്നു. വിമാനത്തിന്റെ ജാലകത്തിൽ പതിഞ്ഞ തനാസെയുടെ പിങ്ക് നിറത്തിലുള്ള യൂണിഫോമിന്റെ പ്രതിഫലനമാകാം ഇതെന്ന് അഭിപ്രായമുയർന്നെങ്കിലും അങ്ങനെയല്ലെന്നു പിന്നീടു വ്യക്തമായി. പറക്കുന്ന അജ്ഞാതവസ്തുക്കളെപ്പറ്റി ഗവേഷണം നടത്തുന്നവർപോലും വീഡിയോ കണ്ട് അമ്പരന്നിരിക്കുകയാണെന്നാണു റിപ്പോർട്ട്.
Read Moreമോദിക്ക് സമ്മാനമായി ഉണ്ണിക്കണ്ണന്റെ ചിത്രം: ഗുരുവായൂരിൽ മോദിക്ക് പെയിന്റിംഗ് സമ്മാനിച്ചത് ജസ്ന സലിം; ചിത്രം പങ്കുവച്ച് പ്രധാനമന്ത്രി
കൊച്ചി: ഗുരുവായൂർ ക്ഷേത്രത്തിലെത്തിയ പ്രധാനമന്ത്രി നരേന്ദ്ര മോദിക്ക് ഉണ്ണിക്കണ്ണന്റെ പെയിന്റിംഗ് സമ്മാനിച്ച് യുവതി. കൊയിലാണ്ടി സ്വദേശി ജസ്ന സലിമാണ് താൻ വരച്ച വെണ്ണ തിന്നുന്ന ഉണ്ണിക്കണ്ണന്റെ പെയിന്റിംഗ് നരേന്ദ്ര മോദിക്ക് സമ്മാനിച്ചത്. തുടർന്ന് തനിക്ക് ലഭിച്ച ഈ സമ്മാനത്തെ കുറിച്ച് നരേന്ദ്ര മോദി സോഷ്യൽ മീഡിയയിൽ പോസ്റ്റിടുകയും ചെയ്തു. ‘ഗുരുവായൂർ സന്ദർശനത്തിനിടെ ജസ്ന സലീം എനിക്ക് കൃഷ്ണ ഭഗവാന്റെ പെയിന്റിംഗ് സമ്മാനിച്ചു’ എന്നാണ് ചിത്രം പങ്കുവച്ച് മോദി എക്സിൽ കുറിച്ചത്. കൃഷ്ണന്റെ കടുത്ത ആരാധികയായ ജസ്ന സലിം, ഇതുവരെ കൃഷ്ണന്റെ 500 ഓളം ചിത്രങ്ങളാണ് വരച്ചത്. ഗുരുവായൂർ ക്ഷേത്രത്തിന് നിരവധി ചിത്രങ്ങൾ നൽകുകയും ചെയ്തു. കണ്ണനോടുള്ള ആരാധനയ്ക്ക് പിന്നിൽ മറ്റൊരു കാര്യവുമുണ്ട്. ചെറുപ്പം മുതൽ ജസ്നയെ ഉമ്മ കണ്ണനെന്നാണ് വിളിച്ചിരുന്നത്. പിന്നീട് സഹോദരങ്ങളും ഭർത്താവും ജസ്നയെ അങ്ങനെതന്നാണ് വിളിച്ചതെന്നും മാധ്യമങ്ങളോട് ജസ്ന പറഞ്ഞു. ആദ്യമായി 24-ാം വയസിലാണ്…
Read Moreപിടിവിടില്ലടാ കള്ളാ…. ട്രെയിനിൽ ജനലിലൂടെ ഫോൺ മോഷ്ടിക്കാനെത്തിയ കള്ളനെ കൈയോടെ പൊക്കി യാത്രക്കാർ; പിടിവിടാതെ വലിച്ചുകൊണ്ടുപോയത് ഒരു കിലോ മീറ്ററോളം
ട്രെയിൻ യാത്രയിൽ സാധനങ്ങൾ കളവ് പോകുന്നത് സാധാരണ സംഭവമാണ്. കൺമുന്നിൽ നിന്ന് തട്ടിയെടുത്താലും തിരക്കുള്ള ട്രെയിനിൽ നിന്നോ റെയിൽ വേ സ്റ്റേഷനിൽ നിന്നോ കള്ളനെ പിടിക്കുക അത്ര എളുപ്പമല്ല. അതിനാൽ തന്നെ ട്രെയിൻ യാത്രകളിൽ അതീവ ശ്രദ്ധ പുലർത്തേണ്ടതുണ്ട്. എന്നാൽ സോഷ്യൽ മീഡിയയിൽ ഇത്തരമൊരു സംഭവത്തിന്റെ വീഡിയോ കഴിഞ്ഞ ദിവസങ്ങളിൽ വൈറലായിരുന്നു. ട്രെയിനിൽ ജനലിന്റെ വശത്ത് ഇരിക്കുന്ന യാത്രക്കാരന്റെ മൊബൈൽ ഫോൺ മോഷ്ടിക്കാനെത്തിയ കള്ളൽ വിചാരിച്ചത് എളുപ്പത്തിൽ കാര്യം നടത്തി മുങ്ങാമെന്നാണ്. എന്നാൽ കള്ളന്റെ പണി ഏറ്റില്ല. ഫോൺ മോഷ്ടിക്കാൻ ജനലിലൂടെ കൈകളിട്ടതും യാത്രക്കാർ കള്ളന്റെ കൈയ്ക്ക് കയറി പിടിച്ചു. എക്സിൽ പങ്കുവച്ച ദൃശ്യങ്ങളിൽ ഓടുന്ന ട്രെയിനിലൂടെ കള്ളൻ തൂങ്ങിക്കിടന്ന് പോകുന്നത് വ്യക്തമായി കാണാം. ഒരു കിലോ മീറ്ററോളമാണ് കള്ളനെ ജനലിലൂടെ വലിച്ചിഴച്ചത്. ഇതിനിടെ മറ്റ് യാത്രക്കാർ സംഭവത്തിന്റെ വീഡിയോ പകർത്തി സോഷ്യൽ മീഡിയയിൽ പങ്കുവെച്ചു. ബിഹാറിലെ…
Read More