എല്ലാം ബോധ്യപ്പെട്ടു..! സി.​കെ. ജാ​നു​വി​നെ ജെ​ആ​ർ​പി സ​സ്പെ​ൻ​ഡ് ചെ​യ്തു; ആരോപണം ശരിയല്ലെന്നു ജാനു; തെ​ര​ഞ്ഞെ​ടു​പ്പു​കാ​ല​ത്തു നടന്ന കാര്യങ്ങളെക്കുറിച്ച് പറയുന്നത് ഇങ്ങനെ…

ക​ൽ​പ്പ​റ്റ: സ്ഥാ​പ​ക അ​ധ്യ​ക്ഷ സി.​കെ. ജാ​നു​വി​നെ ജ​നാ​ധി​പ​ത്യ രാ​ഷ്ട്രീ​യ പാ​ർ​ട്ടി പ്രാ​ഥ​മി​കാം​ഗ​ത്വ​ത്തി​ൽ​നി​ന്നു ആ​റു​മാ​സ​ത്തേ​ക്കു സ​സ്പെ​ൻ​ഡ് ചെ​യ്തു.

നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ബ​ത്തേ​രിയിൽ എ​ൻ​ഡി​എ സ്ഥാ​നാ​ർ​ഥി​യാ​യി മ​ത്സ​രി​ച്ച ജാ​നു ബി​ജെ​പി​യി​ലെ ചി​ല നേ​താ​ക്ക​ൾ​ക്കൊ​പ്പം ചേ​ർ​ന്നു പാ​ർ​ട്ടി​യു​ടെ സ​ത്പേ​ര് ക​ള​ങ്ക​പ്പെ​ടു​ത്തു​ന്ന വി​ധ​ത്തി​ൽ സാ​ന്പ​ത്തി​ക ഇ​ട​പാ​ടു​ക​ളും വോ​ട്ട് തി​രി​മ​റി​യും ന​ട​ത്തി​യ​താ​യി ബോ​ധ്യ​പ്പെ​ടു​ക​യും പാ​ർ​ട്ടിനി​ല​പാ​ടു​ക​ളെ ത​ള്ളി​പ്പ​റ​യു​ക​യും ചെ​യ്ത സാ​ഹ​ച​ര്യ​ത്തി​ലാ​ണ് ന​ട​പ​ടി​യെ​ന്നു സം​സ്ഥാ​ന സെ​ക്ര​ട്ട​റി പ്ര​കാ​ശ​ൻ മൊ​റാ​ഴ അ​റി​യി​ച്ചു.

ജാ​നു​വി​നെ​തി​രെ പാ​ർ​ട്ടി​ക്കു​ള്ളി​ൽ ഉയർന്ന പ​രാ​തി​ക​ൾ അ​ന്വേ​ഷി​ക്കു​ന്ന​തി​നു നി​യോ​ഗി​ച്ച ക​മ്മീ​ഷ​ൻ സ​മ​ർ​പ്പി​ച്ച റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ജാ​നു​വി​നെ സം​സ്ഥാ​ന അ​ധ്യ​ക്ഷ സ്ഥാ​ന​ത്തു​നി​ന്നു നേ​ര​ത്തേ മാ​റ്റി​നി​ർ​ത്തി​യ​താ​ണ്.

പാ​ർ​ട്ടി​ക്കു വി​ധേ​യ​മാ​കാമെന്ന ഉ​റ​പ്പിന്‍റേയും മു​തി​ർ​ന്ന നേ​താ​വെ​ന്ന പ​രി​ഗ​ണ​നയിലുമാ​ണ് നി​യ​മ​സ​ഭാ തെ​ര​ഞ്ഞെ​ടു​പ്പി​ൽ സ്ഥാ​നാ​ർ​ഥി​യാ​ക്കി​യ​ത്.

പാ​ർ​ട്ടി​ക്കു ഹി​ത​ക​ര​മ​ല്ലാ​ത്ത നീ​ക്ക​ങ്ങ​ളാ​ണ് ജാ​നു തെ​ര​ഞ്ഞെ​ടു​പ്പു​കാ​ല​ത്തു ന​ട​ത്തി​യ​തെന്നും സെ​ക്ര​ട്ട​റി പ​റ​ഞ്ഞു.

സം​സ്ഥാ​ന ക​മ്മി​റ്റി ചേ​ർ​ന്നു ത​ന്നെ പാ​ർ​ട്ടി​യു​ടെ പ്രാ​ഥ​മി​കാം​ഗ​ത്വ​ത്തി​ൽ​നി​ന്നു സ​സ്പെ​ൻ​ഡ് ചെ​യ്തെ​ന്ന പ്ര​ചാ​ര​ണം പ​രി​ഹാ​സ്യ​മാ​ണെ​ന്നു സി.​കെ. ജാ​നു പ്ര​തി​ക​രി​ച്ചു.

പാ​ർ​ട്ടി സം​സ്ഥാ​ന ക​മ്മി​റ്റി ചേ​രു​ക​യോ ത​നി​ക്കെ​തി​രെ അ​ച്ച​ട​ക്ക​ന​ട​പ​ടി സ്വീ​ക​രി​ക്കു​ക​യോ ചെ​യ്തി​ട്ടി​ല്ല. നി​യ​മ​സ​ഭാ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ടു​ത്തി ചി​ല​ർ ത​നി​ക്കെ​തി​രെ ഉ​ന്ന​യി​ക്കു​ന്ന ആ​രോ​പ​ങ്ങ​ളി​ൽ ക​ഴ​ന്പി​ല്ലെ​ന്നും ജാ​നു പ​റ​ഞ്ഞു.

മു​ത്ത​ങ്ങ ഭൂ​സ​മ​ര നാ​യി​ക​യു​മാ​യ സി.​കെ. ജാ​നു​വി​ന്‍റെ നേ​തൃ​ത്വ​ത്തി​ൽ 2016ൽ ​രൂ​പീ​ക​രി​ച്ച​താ​ണ് ജെആർപി.