­­ കോട്ടയം കഞ്ഞിക്കുഴിയിൽ ഹോം ​ക്വാ​റ​ന്‍റൈ​യി​ൻ നി​ർ​ദേ​ശി​ച്ച യു​വാ​വ് കറങ്ങി നടന്നു; വാ​ഹ​ന പ​രി​ശോ​ധ​ന​യ്ക്കി​ടെ പോലീസിന്‍റെ വലയിൽ; ഒടുവിൽ…

കോ​ട്ട​യം: ഹോം ​ക്വാ​റ​ന്‍റ​യി​നി​ൽ നി​ർ​ദേ​ശി​ച്ച യു​വാ​വി​നെ വാ​ഹ​ന പ​രി​ശോ​ധ​ന​യ്ക്കി​ടെ പോ​ലീ​സ് പി​ടി​കൂ​ടി. ഇ​ന്നു രാ​വി​ലെ ക​ഞ്ഞി​ക്കു​ഴി​യി​ലാ​ണ് സം​ഭ​വം. ബം​ഗ​ളൂ​രു​വി​ൽ നി​ന്നെ​ത്തി​യ യു​വാ​വി​നെ ഹോം ​ക്വാ​റ​ന്‍റ​യി​നി​ൽ ക​ഴി​യാ​ൻ ആ​രോ​ഗ്യ​വ​കു​പ്പ് അ​ധി​കൃ​ത​ർ നി​ർ​ദേ​ശം ന​ൽ​കി​യി​രു​ന്നു.

എ​ന്നാ​ൽ ഇ​യാ​ൾ ന​ഗ​ര​ത്തി​ലൂ​ടെ ബൈ​ക്കി​ൽ ചു​റ്റി​ത്തി​രി​ഞ്ഞു ന​ട​ക്കു​ക​യാ​യി​രു​ന്നു. വാ​ഹ​ന പ​രി​ശോ​ധ​ന സ​മ​യ​ത്ത് ഇ​യാ​ളെ പോ​ലീ​സ് പി​ടി​കൂ​ടി. ക​ഴി​ഞ്ഞ 23നാ​ണ് യു​വാ​വ് ബം​ഗ​ളൂ​രു​വി​ൽ​നി​ന്നും നാ​ട്ടി​ലെ​ത്തി​യ​ത്.

ര​ണ്ടാ​ഴ്ച ഹോം ​ക്വാ​റ​ന്‍റ​യി​നി​ൽ ക​ഴി​യ​ണ​മെ​ന്നാ​യി​രു​ന്നു ആ​രോ​ഗ്യ​വ​കു​പ്പ് അ​ധി​കൃ​ത​ർ ന​ൽ​കി​യ നി​ർ​ദേ​ശം. ഇ​ന്നു രാ​വി​ലെ ഒ​ന്പ​തോ​ടെ ഇ​യാ​ൾ നി​ർ​ദേ​ശം ലം​ഘി​ച്ച് വീ​ട്ടി​ൽ​നി​ന്നും പു​റ​ത്തി. ക​ഞ്ഞി​ക്കു​ഴി​യി​ൽ ഇ​യാ​ളെ ആ​ദ്യം പോ​ലീ​സ് ത​ട​ഞ്ഞു.

അ​ച്ഛ​നെ വി​ളി​ക്കാ​നാ​യി ന​ഗ​ര​ത്തി​ലേ​ക്കു പോ​കു​ക​യാ​ണെ​ന്നാ​ണ് ഇ​യാ​ൾ പോ​ലീ​സി​നോ​ടു പ​റ​ഞ്ഞ​ത് . തി​രി​ച്ച​റി​യ​ൽ കാ​ർ​ഡും, സ​ത്യ​വാം​ഗ​മൂ​ല​വും വേ​ണ​മെ​ന്നു പ​റ​ഞ്ഞു പോ​ലീ​സ് തി​രി​ച്ച​യ​ച്ചു. തി​രി​ച്ച​റി​യ​ൽ കാ​ർ​ഡും സ​ത്യ​വാം​ഗ് മൂ​ല​വു​മാ​യി മ​ട​ങ്ങി​യെ​ത്തി​യ ഇ​യാ​ളെ പോ​ലീ​സ് വി​ശ​ദ​മാ​യി ചോ​ദ്യം ചെ​യ്തു.

തി​രി​ച്ച​റി​യ​ൽ കാ​ർ​ഡ് പ​രി​ശോ​ധി​ച്ചു പോ​ലീ​സ് കാ​ര്യ​ങ്ങ​ൾ അ​ന്വേ​ഷി​ച്ച​തോ​ടെ​യാ​ണ് ബം​ഗ​ളൂ​രു​വി​ൽ​നി​ന്നും എ​ത്തി​യ​താ​ണെ​ന്നു തി​രി​ച്ച​റി​ഞ്ഞ​ത്. ആ​രോ​ഗ്യ​വ​കു​പ്പ് അ​ധി​കൃ​ത​രെ വി​ളി​ച്ചു വ​രു​ത്തി ആം​ബു​ല​ൻ​സി​ൽ ഇ​യാ​ളെ ആ​ശു​പ​ത്രി​യി​ലേ​ക്കു മാ​റ്റി.

ആ​രോ​ഗ്യ വ​കു​പ്പ് അ​ധി​കൃ​ത​ർ ത​ന്നെ ഇ​യാ​ളെ വൈ​ദ്യ പ​രി​ശോ​ധ​ന​യ്ക്കും വി​ധേ​യ​നാ​ക്കി. വീ​ണ്ടും ഹോം ​ക്വാ​റ​ന്‍റ​യി​നി​ൽ പ്ര​വേ​ശി​പ്പി​ച്ചു. ഇ​യാ​ൾ​ക്കെ​തി​രെ പോ​ലീ​സ് കേ​സ് എ​ടു​ത്തു.