കേപ് ടൗൺ: ദക്ഷിണാഫ്രിക്കയ്ക്കെതിരായ ട്വന്‍റി-20 പരമ്പര 3-0ന് തൂത്തുവാരി ഇംഗ്ലണ്ട്. ടോസ് നേടി ആദ്യം ബാറ്റ് ചെയ്ത ദക്ഷിണാഫ്രിക്ക 20 ഓവറിൽ മൂന്നു വിക്കറ്റ് നഷ്ടത്തിൽ 191 റൺസ് നേടി. 17.4 ഓവറിൽ ഒരു വിക്കറ്റ് നഷ്ടത്തിൽ ഇംഗ്ലണ്ട് ലക്ഷ്യം മറികടന്നു.
വാന്‍ ഡെര്‍ ഡൂസെൻ(32 പന്തിൽ 74), ഫാഫ് ഡുപ്ലെസി(37 പന്തിൽ 52), ബാവുമ(26 പന്തിൽ 32) എന്നിവരുടെ മികവിലാണ് ദക്ഷിണാഫ്രിക്ക മികച്ച സ്കോർ പടുത്തുയർത്തിയത്.’
47 പന്തിൽ 99 റണ്‍സ് നേടി പുറത്താകാതെ നിന്ന ദാവിദ് മലന്‍റെ ഇന്നിംഗ്സ് ഇംഗ്ലണ്ടിനെ വിജയത്തിൽ എത്തിക്കുകയായിരുന്നു. ജോസ് ബട്‌ലർ 46 പന്തിൽ 67 നേടി.
ദാവിദ് മലനാണ് ടൂര്‍ണമെന്‍റിലെ താരം. പരമ്പര വിജയത്തോടെ ഇംഗ്ലണ്ട് ലോക ട്വന്‍റി-20 റാങ്കിംഗിൽ ഒന്നാമതെത്തി. ഓസ്ട്രേലിയയെ മറികടന്നാണ് ഇംഗ്ലണ്ടിന്‍റെ മുന്നേറ്റം.
