കൊച്ചി: സംസ്ഥാനത്ത് സ്വര്ണവിലയില് വന് ഇടിവ്. ഇന്ന് രാവിലെ ഗ്രാമിന് 830 രൂപയും പവന് 6,640 രൂപയുമാണ് കുറഞ്ഞത്. ഇതോടെ സ്വര്ണവില ഗ്രാമിന് 13,890 രൂപയും പവന് 1,11,120 രൂപയുമായി. റിക്കാര്ഡ് വിലയില് നിന്ന് ഗ്രാമിന് 2,505 രൂപയും പവന് 20,040 രൂപയുമാണ് ദിവസങ്ങള്ക്കുള്ളില് കുറഞ്ഞത്. അന്താരാഷ്ട്ര സ്വര്ണവില ഏറ്റവും ഉയര്ന്ന വിലയായ ട്രോയ് ഔണ്സിന് 5,500 ഡോളറില് എത്തിയതിനു ശേഷം വിലയിടിവ് തുടരുകയാണ്.
അന്താരാഷ്ട്ര സ്വര്ണവില ട്രോയ് ഔണ്സിന് 4,640 ഡോളര് വരെ താഴ്ന്നശേഷം തിരിച്ചു കയറുന്ന ഒരു പ്രവണതയാണ് ഇപ്പോള് കാണുന്നത്.അന്താരാഷ്ട്ര സംഘര്ഷങ്ങളും യുദ്ധസാഹചര്യങ്ങളും ഒക്കെ നിലനില്ക്കുകയാണ്.
ഫെഡറല് റിസര്വിന്റെ പുതിയ ചെയര്മാനായി കെവിന് വാര്ഷിനെ നാമനിര്ദ്ദേശം ചെയ്തതോടെ സ്വര്ണവില കുറഞ്ഞതായാണ് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നത്. എന്നാല് ഡോളറിനെ കരുത്ത് ആര്ജിപ്പിക്കാന് ഇദ്ദേഹത്തിന്റെ വരവോടെ കഴിയുമോ എന്ന ആശങ്ക നിലനില്ക്കുകയാണെന്ന് ഗോള്ഡ് ആന്ഡ് സില്വര് മര്ച്ചന്റ്സ് അസോസിയേഷന് സംസ്ഥാന ജനറല് സെക്രട്ടറി അഡ്വ. എസ്. അബ്ദുള് നാസര് പറഞ്ഞു.
