കൊ​ച്ചിയിലെ ല​ഹ​രി​ക്ക​ട​ത്തിന് മറ​യാ​ക്കി​യ​ത് ഹോം ​ഡെ​ലി​വ​റി; പരസ്യം കണ്ട് ജോലി തേടിയെത്തിയ ത്വയ്ബ സംഘത്തിൽപ്പെട്ടത് ഒരു പ്രണയ സിനിമയെ വെല്ലുന്ന സംഭവകഥകൾ…

ആ​ലു​വ: കൊ​ച്ചി ന​ഗ​ര​ത്തി​ല​ട​ക്കം ല​ഹ​രി​മ​രു​ന്നു​ക​ളു​ടെ വി​ത​ര​ണ​ത്തി​നാ​യി മാ​ഫി​യ മ​റ​യാ​ക്കി​യ​ത് ടോ​ർ ടു ​ടോ​ർ ഡെ​ലി​വ​റി ഡി​ജി​റ്റ​ൽ സം​വി​ധാ​നം. കാ​ക്കാ​നാ​ടു​ള്ള ഫ്ലാ​റ്റി​ൽനി​ന്നും അ​ടു​ത്തി​ടെ കോ​ടി​ക​ളു​ടെ എം​ഡി​എം​എ പി​ടി​ച്ചെ​ടു​ത്ത കേ​സിന്‍റെ അ​ന്വേ​ഷ​ണ​ത്തി​ൽ ല​ഹ​രി​മ​രു​ന്ന് ക​ട​ത്തി​ന്‍റെ പു​ത്ത​ൻ രീ​തി​ക​ൾ എ​ക്സൈ​സ് ക​ണ്ടെ​ത്തു​ക​യാ​യി​രു​ന്നു.

കേ​സി​ലെ മു​ഖ്യ​പ്ര​തി​ക​ളും ക​മി​താ​ക്ക​ളു​മാ​യ ശ്രീ​മോ​നേ​യും ത്വയ്​ബ​യേ​യും വി​ശ​ദ​മാ​യി ചോ​ദ്യം ചെ​യ്ത​തി​ൽനി​ന്നാ​ണ് ഞെ​ട്ടി​ക്കു​ന്ന വി​വ​ര​ങ്ങ​ൾ എ​ക്സൈ​സ് ക്രൈം​ബ്രാ​ഞ്ചി​ന് ല​ഭി​ച്ച​ത്.

പരസ്യം കണ്ട് ത്വയ്ബ എത്തി
കേ​സി​ൽ റി​മാ​ൻ​ഡി​ൽ ക​ഴി​യു​ന്ന തി​രു​വ​ല്ല സ്വ​ദേ​ശി ത്വയ്​​ബ ഔ​ലാ​ദെ​ന്ന യു​വ​തി ആ​ദ്യ ഭ​ർ​ത്താ​വു​മാ​യി പി​രി​ഞ്ഞു ക​ഴി​യു​ക​യാ​യി​രു​ന്നു.​ ജോ​ലി തേ​ടി​യാ​ണ് ഇ​വ​ർ കൊ​ച്ചി​യി​ലെ​ത്തി​യ​ത്.​

ല​ഹ​രി ഇ​ട​പാ​ടു​മാ​യി ബ​ന്ധ​മു​ള്ള കേ​സി​ലെ ര​ണ്ടാം പ്ര​തി കോ​ഴി​ക്കോ​ട് സ്വ​ദേ​ശി ശ്രീ​മോ​ൻ ന​ൽ​കി​യ ക​ട​ലാ​സ് സ്ഥാ​പ​ന​ത്തി​ന്‍റെ പ​ര​സ്യ​മാ​ണ് റാ​ക്ക​റ്റു​മാ​യി ത്വയ്​ബ​യെ ബ​ന്ധ​പ്പെ​ടു​ത്തി​യ​ത്.​

കാ​ക്ക​നാ​ട് “ബു​ക്ക് മൈ ​ട്രേ​ഡ് ‘ എ​ന്ന സ്ഥാ​പ​ന​ത്തി​ന്‍റെ പേ​രി​ൽ ന​ൽ​കി​യ പ​ര​സ്യം ക​ണ്ട് റി​സ​പ്ഷ​നി​സ്റ്റ് ത​സ്തി​ക​യി​ലാ​ണ് യു​വ​തി അ​പേ​ക്ഷി​ച്ച​ത്.​ എ​ച്ച്ആ​ർ മാ​നേ​ജ​രെ​ന്ന പേ​രി​ൽ ശ്രീ​മോ​ൻ ഇ​വ​രെ ജോ​ലി​ക്കാ​യി കൊ​ച്ചി​യി​ലേ​ക്ക് ക്ഷ​ണി​ച്ചു വ​രു​ത്തു​ക​യാ​യി​രു​ന്നു.

എ​ന്നാ​ൽ, സ്ഥാ​പ​നം തു​ട​ങ്ങാ​ൻ ഒ​രാ​ഴ്ച്ച താ​മ​സ​മു​ണ്ടെ​ന്ന് പ​റ​ഞ്ഞ് യു​വ​തി​യെ ശ്രീ​മോ​ൻ ലേ​ഡീ​സ് ഹോ​സ്റ്റ​ലി​ലാ​ക്കി.​ ഇ​തി​നി​ട​യി​ൽ സൗ​ഹൃ​ദ​ത്തി​ലാ​യ ഇ​രു​വ​രും പി​ന്നീ​ട് ശ്രീ​മോ​ന്‍റെ ഫ്ലാ​റ്റി​ൽ ഒ​ന്നി​ച്ചാ​യി​രു​ന്നു താ​മ​സം.​

ഹോം ഡെലിവറി
അ​ന്താ​രാ​ഷ്ട്ര മാ​ഫി​യ​യു​മാ​യി ബ​ന്ധ​മു​ള്ള ശ്രീ​മോ​ൻ യു​വ​തി​യെ ല​ഹ​രി​ക്ക​ട​ത്തി​നും ഹോം ​ഡെ​ലി​വ​റി​ക്കും ഉ​പ​യോ​ഗ​പ്പെ​ടു​ത്തു​ന്ന​തി​നി​ട​യി​ലാ​ണ് പി​ടി​യി​ലാ​കു​ന്ന​ത്.​

പോ​ലീ​സി​നോ എ​ക്സൈ​സി​നോ യാ​തൊ​രു സം​ശ​യം തോ​ന്നാ​ത്ത ത​ര​ത്തി​ലാ​യി​രു​ന്നു ഇ​വ​രു​ടെ ഡെ​ലി​വ​റി സം​വി​ധാ​നം. ഫ്ലാ​റ്റു​ക​ൾ കോ​ള​ജു​ക​ൾ ഹോ​സ്റ്റ​ലു​ക​ൾ ഓ​ഫീ​സു​ക​ൾ തു​ട​ങ്ങി​യ​യി​ട​ങ്ങ​ളി​ൽ ല​ഹ​രി വ​സ്തു​ക്ക​ൾ എ​ത്തി​ച്ചു കൊ​ടു​ക്കു​ന്ന ഡെ​ലി​വ​റി റാ​ക്ക​റ്റി​ലെ കേ​ര​ള​ത്തി​ലെ പ്ര​ധാ​ന ക​ണ്ണി​ക​ളാ​ണ് കൊ​ച്ചി​യി​ൽ പി​ടി​യി​ലാ​യ​ത്.​

സ്പെ​യി​ന​ട​ക്ക​മു​ള്ള വി​ദേ​ശ രാ​ജ്യ​ങ്ങ​ളി​ൽനി​ന്നും കൊ​റി​യ​ർ വ​ഴി ഇ​ന്ത്യ​യി​ലെ​ത്തു​ന്ന മാ​ര​ക മ​യ​ക്കു​മ​രു​ന്നു​ക​ൾ യു​വ​തി​ക​ള​ട​ങ്ങു​ന്ന റാ​ക്ക​റ്റ് അ​തി​വി​ദ​ഗ്ധ​മാ​യി​ട്ടാ​ണ് കൊ​ച്ചി​യി​ലെ​ത്തി​ച്ച് വി​ല്പ​ന ന​ട​ത്തി​യി​രു​ന്ന​ത്.

അജ്മലിനായി അന്വേഷണം
അ​തേസ​മ​യം, കാ​ക്ക​നാ​ട് ഫ്ലാ​റ്റി​ൽനി​ന്നും ല​ഹ​രി​മ​രു​ന്ന് പി​ടി​കൂ​ടി​യ കേ​സി​ൽ ഒ​ളി​വി​ൽ ക​ഴി​യു​ന്ന കാ​സ​ർ​ഗോ​ഡ് സ്വ​ദേ​ശി അ​ജ്മ​ലി​നു വേ​ണ്ടി അ​ന്വേ​ഷ​ണം ഊ​ർ​ജ്ജി​ത​മാ​ക്കി​യ​താ​യി എ​ക്സൈ​സ് ക്രൈം​ബ്രാ​ഞ്ച് അ​സി. ക​മ്മീ​ഷ​ണ​ർ സി.​എം. കാ​സിം രാ​ഷ്‌ട്രദീ​പി​ക​യോ​ട് പ​റ​ഞ്ഞു.

സം​ഭ​വദി​വ​സം ത​ന്നെ അ​ജ്മ​ലി​നെ ക​സ​റ്റ​ഡി​യി​ലെ​ടു​ത്തെ​ങ്കി​ലും പി​ന്നീ​ട് വി​ട്ട​യ​ച്ച​ത് എ​ക്സൈ​സി​ൽ ഏ​റെ വി​വാ​ദ​ങ്ങ​ൾ​ക്ക് വ​ഴി​വ​ച്ചി​രു​ന്നു.