കു​പ്ര​സി​ദ്ധ മോ​ഷ്ടാ​വ്  കാ​മാ​ക്ഷി ബി​ജു അങ്ങനെ കാ​മാ​ക്ഷി എ​സ്ഐ ആ​യി; മോഷ്ടിച്ച പണംകൊണ്ട് വസ്തുക്കൾ വാങ്ങിക്കൂട്ടും; ക​ട്ട​പ്പ​ന പോ​ലീ​സുകാരുടെ സ്ഥിരം തലവേദനയായ ബിജു ചില്ലറക്കാരനല്ല…

ഇ​ടു​ക്കി: ഇ​ന്ന​ലെ ക​ട്ട​പ്പ​ന പോ​ലീ​സ് പി​ടി​കൂ​ടി​യ കു​പ്ര​സി​ദ്ധ മോ​ഷ്ടാ​വ് കാ​മാ​ക്ഷി ബി​ജു പോ​ലീ​സി​ലും നാ​ട്ടു​കാ​ർ​ക്കി​ട​യി​ലും അ​റി​യ​പ്പെ​ട്ട​ത് കാ​മാ​ക്ഷി എ​സ്ഐ എ​ന്ന അ​പ​ര​നാ​മ​ത്തി​ൽ.

ഇ​തു​വ​രെ സം​സ്ഥാ​ന​ത്താ​കെ 500 ഓ​ളം ചെ​റു​തും വ​ലു​തു​മാ​യ മോ​ഷ​ണ​ക്കേ​സു​ക​ളി​ൽ പ്ര​തി​യാ​യ ബി​ജു എ​സ്ഐ​യു​ടെ യൂ​ണി​ഫോം മോ​ഷ്ടി​ച്ച് ഇ​തു ധ​രി​ച്ച് ക​വ​ർ​ച്ച​ക്കി​റ​ങ്ങി​യ​തോ​ടെ​യാ​ണ് കാ​മാ​ക്ഷി എ​സ്ഐ എ​ന്ന പേ​രി​ൽ കു​പ്ര​സി​ദ്ധ​നാ​യ​ത്.

യൂ​ണി​ഫോം ധ​രി​ച്ച് ക​വ​ർ​ച്ച​യും വാ​ഹ​ന​ങ്ങ​ൾ ത​ട​ഞ്ഞു നി​ർ​ത്തി പ​ണ​പ്പി​രി​വും ന​ട​ത്തി​യ​തോ​ടെ​യാ​ണ് നാ​ട്ടു​കാ​ർ​ക്കി​ട​യി​ൽ ഇ​യാ​ൾ​ക്ക് കാ​മാ​ക്ഷി എ​സ്ഐ എ​ന്ന പേ​രു വീ​ണ​ത്.

ക​ട്ട​പ്പ​ന പോ​ലീ​സി​നു സ്ഥി​രം ത​ല​വേ​ദ​ന​യാ​യി​രു​ന്നു ഈ ​കു​പ്ര​സി​ദ്ധ മോ​ഷ്ടാ​വ്. ഏ​താ​നും വ​ർ​ഷ​ങ്ങ​ളാ​യി ഇ​വി​ടെ ചാ​ർ​ജെ​ടു​ക്കു​ന്ന ഉ​ദ്യോ​ഗ​സ്ഥ​രെ​ല്ലാം​ത​ന്നെ ഇ​യാ​ളെ വി​വി​ധ കേ​സു​ക​ളി​ൽ അ​റ​സ്റ്റു ചെ​യ്തി​ട്ടു​ണ്ട്.

വാ​ഹ​ന മോ​ഷ​ണ​വും ക്ഷേ​ത്ര മോ​ഷ​ണ​വും
വാ​ഹ​ന മോ​ഷ​ണ​വും ക്ഷേ​ത്ര മോ​ഷ​ണ​വും ഭ​വ​ന​ഭേ​ദ​ന​വും കൂ​ടാ​തെ അ​ടി​പി​ടി​ക്കേ​സു​ക​ളി​ലും പ്ര​തി​യാ​ണ് ബി​ജു. ഏ​താ​നും മാ​സം മു​ന്പ് ആ​ടു​ക​ളെ മോ​ഷ്ടി​ച്ചു ക​ട​ത്തി​യ കേ​സി​ലും പോ​ലീ​സ് പി​ടി​കൂ​ടി​യി​രു​ന്നു.

അ​റ​സ്റ്റു ചെ​യ്യു​ന്ന പോ​ലീ​സ് ഉ​ദ്യോ​ഗ​സ്ഥ​ർ​ക്കു നേ​രെ വ​ധ​ഭീ​ഷ​ണി മു​ഴ​ക്കാ​നും ഇ​യാ​ൾ മ​ടി​ച്ചി​രു​ന്നി​ല്ല. ആ​ഡം​ബ​ര ജീ​വി​ത​ത്തി​നു വേ​ണ്ടി​യാ​ണ് ഇ​യാ​ൾ മോ​ഷ​ണം ന​ട​ത്തി​യി​രു​ന്ന​ത്.

വി​വി​ധ കേ​സു​ക​ളി​ലാ​യി 15 വ​ർ​ഷ​ത്തോ​ളം ജ​യി​ൽ​ശി​ക്ഷ അ​നു​ഭ​വി​ച്ചി​ട്ടു​ണ്ട്. ജ​യി​ലി​ൽ ക​ഴി​യു​ന്പോ​ൾ പ​രി​ച​യ​പ്പെ​ടു​ന്ന സ​ഹ​ത​ട​വു​കാ​രാ​യ മോ​ഷ്ടാ​ക്ക​ളു​മാ​യി ച​ങ്ങാ​ത്തം സ്ഥാ​പി​ച്ച് ഇ​വ​ർ​ക്കൊ​പ്പ​വും മോ​ഷ​ണ​ത്തി​നി​റ​ങ്ങും.

മോ​ഷ​ണം ന​ട​ത്തി ല​ഭി​ക്കു​ന്ന പ​ണം​കൊ​ണ്ട് ഒ​ട്ടേ​റെ വ​സ്തു​വ​ക​ക​ളും വാ​ങ്ങി​യി​ട്ടു​ണ്ട്. ക​ഴി​ഞ്ഞ ദി​വ​സം വാ​ങ്ങി​യ ഭൂ​മി​യു​ടെ പ​ണം ന​ൽ​കാ​നാ​ണ് വീ​ണ്ടും മോ​ഷ​ണ​ത്തി​നി​റ​ങ്ങി​യ​ത്.

മോ​ഷ്ടി​ച്ച​ത് ബു​ള്ള​റ്റു​ക​ൾ
ക​ഴി​ഞ്ഞ ഡി​സം​ബ​ർ മു​ത​ൽ ഇ​ടു​ക്കി​യി​ലെ മു​രി​ക്കാ​ശേ​രി, ത​ങ്ക​മ​ണി, ക​ട്ട​പ്പ​ന പോ​ലീ​സ് സ്റ്റേ​ഷ​ൻ പ​രി​ധി​ക​ളി​ൽ​നി​ന്ന് അ​ഞ്ചോ​ളം ബു​ള്ള​റ്റ് ബൈ​ക്കു​ക​ൾ മോ​ഷ​ണം ന​ട​ത്തി​യി​രു​ന്നു.

മോ​ഷ്ടി​ച്ച ര​ണ്ട് ബു​ള്ള​റ്റു​ക​ൾ പെ​ട്രോ​ൾ തീ​ർ​ന്ന​തി​നാ​ൽ വ​ഴി​യി​ൽ ഉ​പേ​ക്ഷി​ക്കു​ക​യും ചെ​യ്തി​രു​ന്നു. മോ​ഷ്ടി​ച്ച ബു​ള്ള​റ്റു​ക​ൾ ത​മി​ഴ്നാ​ട്ടി​ലെ വി​വി​ധ സ്ഥ​ല​ങ്ങ​ളി​ൽ വി​ല്പ​ന ന​ട​ത്തി.

നൂ​റോ​ളം സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച​തി​ൽ​നി​ന്നാ​ണ് പ്ര​തി​യെ പോ​ലീ​സ് തി​രി​ച്ച​റി​ഞ്ഞ​ത്.നി​ര​വ​ധി ക്ഷേ​ത്ര​ങ്ങ​ളി​ലെ​യും പ​ള്ളി​ക​ളി​ലെ​യും കാ​ണി​ക്ക​വ​ഞ്ചി കു​ത്തി​പ്പൊ​ളി​ച്ച് ക​വ​ർ​ച്ച ന​ട​ത്തി.

ഇ​ടു​ക്കി ജി​ല്ലാ പോ​ലീ​സ് മേ​ധാ​വി വി.​യു. കു​ര്യാ​ക്കോ​സി​ന്‍റെ നി​ർ​ദേ​ശ​പ്ര​കാ​രം ക​ട്ട​പ്പ​ന ഡി​വൈ​എ​സ്പി വി.​എ. നി​ഷാ​ദ് മോ​ന്‍റെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ​സം​ഘം രൂ​പീ​ക​രി​ച്ച് അ​ന്വേ​ഷി​ച്ചു​വ​രി​ക​യാ​യി​രു​ന്നു.

പോ​ലീ​സി​നും ഭീ​ഷ​ണി
പോ​ലീ​സി​നെ ആ​ക്ര​മി​ച്ച വി​വി​ധ കേ​സു​ക​ളി​ലും പ്ര​തി​യാ​ണ് ഇ​യാ​ൾ. പി​ടി​കൂ​ടാ​ൻ ശ്ര​മി​ക്കു​ന്ന​തി​നി​ട​യി​ൽ പോ​ലീ​സി​നെ ആ​ക്ര​മി​ക്കു​ക​യും പി​ടി​കൂ​ടി​യാ​ൽ പോ​ലീ​സു​മാ​യി സ​ഹ​ക​രി​ക്കാ​തി​രി​ക്കു​ക​യാ​ണ് പ​തി​വ്.

വ​ർ​ഷ​ങ്ങ​ൾ​ക്കു മു​ന്പ് ഇ​യാ​ളെ സാ​ഹ​സി​ക​മാ​യി പി​ടി കൂ​ടി​യ അ​ന്ന​ത്തെ ക​ട്ട​പ്പ​ന എ​സ്ഐ ടി.​ഡി.​സു​നി​ൽ​കു​മാ​റി​നു നേ​രെ ഇ​യാ​ൾ വ​ധ​ഭീ​ഷ​ണി മു​ഴ​ക്കി​യി​രു​ന്നു. പോ​ലീ​സ് പ​ല​പ്പോ​ഴും വ​ള​രെ സാ​ഹ​സി​ക​മാ​യാ​ണ് പ്ര​തി​യെ പി​ടി​കൂ​ടു​ന്ന​ത് .

വീ​ടി​നു​ചു​റ്റും നാ​യ്ക്ക​ളെ അ​ഴി​ച്ചു​വി​ട്ടി​രി​ക്കു​ന്ന​തി​നാ​ൽ ഇ​യാ​ളെ പി​ടി​കൂ​ടു​ക ദു​ഷ്ക​ര​മാ​ണ്. നാ​ട്ടു​കാ​ർ​ക്കും ഇ​യാ​ളെ ഭ​യ​മാ​യ​തി​നാ​ൽ ആ​രും​ത​ന്നെ ഇ​യാ​ളെ​ക്കു​റി​ച്ചു​ള്ള വി​വ​ര​ങ്ങ​ൾ ഒ​ന്നും പോ​ലീ​സി​ന് കൈ​മാ​റാ​ൻ ത​യാ​റാ​കി​ല്ല.

ആ​രെ​ങ്കി​ലും ഇ​യാ​ൾ​ക്കെ​തി​രെ സാ​ക്ഷി പ​റ​യു​ക​യോ മ​റ്റോ ചെ​യ്താ​ൽ അ​വ​രെ പ്ര​തി​യും വീ​ട്ടു​കാ​രും ചേ​ർ​ന്ന് ഭീ​ഷ​ണി​പ്പെ​ടു​ത്തും.

നി​ല​വി​ൽ ഇ​ടു​ക്കി ജി​ല്ല​യി​ൽ ഉ​ൾ​പ്പെ​ടെ വി​വി​ധ ജി​ല്ല​ക​ളി​ൽ വി​വി​ധ കോ​ട​തി​ക​ളി​ൽ ഇ​യാ​ളെ പി​ടി​കി​ട്ടാ​പ്പു​ള്ളി​യാ​യി പ്ര​ഖ്യാ​പി​ച്ചി​ട്ടു​ള്ള​താ​ണ്. പ്ര​തി​യു​ടെ മ​ക​നും മോ​ഷ​ണ​ക്കേ​സു​ക​ളി​ൽ പ്ര​തി​യാ​ണ്.