കണ്ണൂർ: കണ്ണൂർ കളക്ടറുടെ ഫെയ്സ്ബുക്ക് പോസ്റ്റിലൂടെ ചോദ്യം ചോദിച്ച ചോദ്യകർത്താവിന് കളക്ടർ കൊടുത്ത മറുപടി വൈറലാകുന്നു. ജില്ലാ കളക്ടർ ടി.വി.സുഭാഷാണ് തന്നോട് ചോദിച്ച ചോദ്യത്തിന് കുറിക്ക്കൊള്ളുന്ന മറുപടി നല്കിയത്.
കൊറോണയുമായി ബന്ധപ്പെട്ട് കണ്ണൂർ നഗരത്തിൽ ഏർപ്പെടുത്തിയ നിയന്ത്രണങ്ങളെക്കുറിച്ച് കളക്ടർ ഫെയ്സ്ബുക്കിൽ പോസ്റ്റ് ചെയ്തിരുന്നു. ഇതിന്‍റെ താഴെയായി ഒരാൾ ചോദിച്ച ചോദ്യം ഇങ്ങനെയായിരുന്നു –
“കൊറോണ എന്ന മഹാമാരി ലോകത്തിൽ നിന്നു പോവുകയില്ല, ഒരു വർഷം എങ്കിലും എടുക്കും. അതുകൊണ്ട് കണ്ണൂരിൽ ഇപ്പോൾ ഉള്ള ഒരു നിയന്ത്രണമൊന്നും വേണ്ടാ. എല്ലാം പഴയതുപോലെ ആക്കുക. ഐപിഎസും ഐഎഎസും കളി നിർത്തുക’.
കളക്ടർ കൊടുത്ത മറുപടി
“ഉപദേശം സ്വീകരിക്കുന്നു. നേരിട്ടു വന്നാൽ താങ്കളെ ചുമതല ഏല്പിക്കാം. നന്പർ തന്നാൽ എസ്പിക്കും നല്കാം. ആ സ്ഥാനവും താങ്കൾക്ക് തരാൻ പറ്റിയാലോ.?’
