മോഷണം നടന്ന സ്ഥാപനത്തിന്‍റെ മുന്നിലൂടെ ബൈക്കിൽ പോയെന്ന കാരണം; മൊ​ഴി എ​ടു​ക്കാ​ൻ കൊണ്ടുപോകും വഴി ജീപ്പിൽവെച്ച് ക്രൂരമർദനം; കൊടുമൺ പോലീസിനെതിരേ പരാതിയുമായി യുവാവ്

പ​ത്ത​നം​തി​ട്ട: മൊ​ഴി എ​ടു​ക്കാ​നെന്ന് പറഞ്ഞ് കൂട്ടിക്കൊണ്ടുവന്ന യു​വാ​വി​നെ പോ​ലീ​സ് മ​ർ​ദി​ച്ച​താ​യി പ​രാ​തി. അടൂർ ത​ട്ട സ്വ​ദേ​ശി മ​നു​വാ​ണ് കൊ​ടു​മ​ൺ പോ​ലീ​സ് മ​ർ​ദി​ച്ചു എ​ന്ന് കാണിച്ച് എ​സ്പി​ക്ക് പ​രാ​തി ന​ൽ​കി​യ​ത്.

ആ​രോ​പ​ണം അ​ടി​സ്ഥാ​ന ര​ഹി​ത​മെ​ന്നാ​ണ് കൊ​ടു​മ​ൺ പോ​ലീ​സി​ന്‍റെ വി​ശ​ദീ​ക​ര​ണം. ക​ഴി​ഞ്ഞ ദി​വ​സം പ്ര​ദേ​ശ​ത്തെ ഒ​രു സ്ഥാ​പ​ന​ത്തി​ൽ ന​ട​ന്ന മോ​ഷ​ണ കേ​സി​ന്‍റെ അ​ന്വേ​ഷ​ണ​ത്തി​നാ​യി ആ​ണ് മ​നു​വി​നേ​യും ഇ​യാ​ളു​ടെ പി​താ​വ് മു​ര​ളീ​ധ​ര​നേ​യും കൊ​ടു​മ​ൺ പോലീ​സ് സ്റ്റേ​ഷ​നി​ലേ​ക്ക് കൊ​ണ്ടു​വ​ന്ന​ത്.

സ്ഥാ​പ​ന​ത്തി​ന്‍റെ തൊ​ട്ട​ടു​ത്തു​ള്ള സി​സിടിവി കാമറയി​ൽ സം​ഭ​വം ന​ട​ക്കു​ന്ന​തി​ന് കുറച്ച് മു​മ്പ് മ​നു​വും മു​ര​ളീ​ധ​ര​നും ഉ​പ​യോ​ഗി​ക്കു​ന്ന വാ​ഹ​നം ക​ട​ന്നു​പോ​കു​ന്ന​തി​ന്‍റെ ദൃ​ശ്യ​ങ്ങ​ൾ ക​ണ്ടെ​ത്തി​യി​രു​ന്നു.

ഇ​തി​ൽ സം​ശ​യം തോ​ന്നി​യ​തോ​ടെ​യാ​ണ് പോ​ലീ​സ് ഇ​രു​വ​രെ​യും സ്റ്റേ​ഷ​നി​ലെ​ത്തി​ച്ച​ത്. മു​ര​ളീ​ധ​ര​നെ വൈ​കി​ട്ട് അ​ഞ്ച് മ​ണി​ക്കും മ​നു​വി​നെ എ​ട്ട് മ​ണി​ക്കു​മാ​ണ് പോ​ലീ​സ് സ്റ്റേ​ഷ​നി​ലേ​ക്ക് കൊ​ണ്ടു​വ​ന്ന​ത്. ഈ സമയം ജീ​പ്പി​ൽ വ​ച്ച് മ​ർ​ദി​ച്ചെ​ന്നാ​ണ് മ​നു​വി​ന്‍റെ പ​രാ​തി.