ദു​രി​താ​ശ്വാ​സ ക്യാ​ന്പു​ക​ളി​ലെ പ്ലാ​സ്റ്റിക് മാ​ലി​ന്യം; ശു​ചി​ത്വ സാ​ഗ​രം പ​ദ്ധ​തി​യ്ക്ക് ഉ​പ​യോ​ഗി​ക്കുമെന്ന് മ​ന്ത്രി

കൊല്ലം :പേ​മാ​രി​യും വെ​ള​ള​പ്പൊ​ക്ക​വും മ​നു​ഷ്യ​മ​ന​സ്സു​ക​ളി​ൽ സൃ​ഷ്ടി​ച്ച പ​രി​ഭ്രാ​ന്തി​ക്കും അ​നി​ശ്ചി​ത​ത്വ​ത്തി​നും പ​രി​ഹാ​ര​മാ​യി ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ൽ ആ​രം​ഭി​ച്ച ദു​രി​താ​ശ്വാ​സ ക്യാ​ന്പു​ക​ളി​ലെ​യും സാ​ധ​ന സ​മാ​ഹ​ര​ണ കേ​ന്ദ്ര​ങ്ങ​ളി​ലെ​യും പ്ലാ​സ്റ്റി​ക്ക് മാ​ലി​ന്യ​ങ്ങ​ൾ ജി​ല്ല​യി​ൽ പ്ര​വ​ർ​ത്തി​ക്കു​ന്ന ശു​ചി​ത്വ സാ​ഗ​രം പ​ദ്ധ​തി​യി​ൽ ഉ​പ​യോ​ഗി​ക്കു​മെ​ന്ന് മ​ന്ത്രി ജെ. ​മേ​ഴ്സി​ക്കു​ട്ടി അ​മ്മ അ​റി​യി​ച്ചു.

യു. ​എ​ൻ. ഒ ​യു​ടെ​യും വേ​ൾ​ഡ് എ​ക്ക​ണോ​മി​ക്ക് ഫോ​റ​ത്തി​ന്‍റെ​യും സ​വി​ശേ​ഷ ശ്ര​ദ്ധ പി​ടി​ച്ചു​പ​റ്റി​യ പ​ദ്ധ​തി​യാ​ണ് ഫി​ഷ​റീ​സ് വ​കു​പ്പി​ന്‍റെ നേ​തൃ​ത്വ​ത്തി​ൽ ന​ട​ന്നു​വ​രു​ന്ന ശു​ചി​ത്വ സാ​ഗ​രം പ​ദ്ധ​തി. ജി​ല്ല​യി​ലെ മ​ണ്‍​ട്രോ​തു​ര​ത്ത്, നെ​ടു​ന്പ​ന, പേ​രൂ​ർ മീ​നാ​ക്ഷി വി​ലാ​സം സ്ക്കൂ​ൾ മ​റ്റ് ദു​രി​താ​ശ്വാ​സ കേ​ന്ദ്ര​ങ്ങ​ൾ എ​ന്നി​വി​ട​ങ്ങ​ളി​ൽ നി​ന്നാ​ണ് പ്ലാ​സ്റ്റി​ക്ക് സ​മാ​ഹ​രി​ക്കു​ന്ന​ത്. പ്ലാ​സ്റ്റി​ക്ക് മാ​ലി​ന്യ​ങ്ങ​ൾ വൃ​ത്തി​യാ​ക്കി സ​മാ​ഹ​രി​ച്ചു വ​യ്ക്കു​ന്ന​തി​നു​ള​ള നി​ർ​ദേ​ശം ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ​ക്ക് ന​ൽ​കി​യി​ട്ടു​ണ്ടെ ന്ന് ​മ​ന്ത്രി വ്യ​ക്ത​മാ​ക്കി.

ജി​ല്ല​യി​ലെ പ​ഞ്ചാ​യ​ത്തു​ക​ൾ കേ​ന്ദ്ര​മാ​ക്കി വെ​ള​ള​പൊ​ക്ക​ത്തോ​ട് അ​നു​ബ​ന്ധി​ച്ചു​ള​ള പ്ലാ​സ്റ്റി​ക്ക് മാ​ലി​ന്യ​ങ്ങ​ൾ വൃ​ത്തി​യാ​ക്കി സ​മാ​ഹ​രി​ക്കു​ക​യാ​ണെ​ങ്കി​ൽ അ​വ​യും പ​ദ്ധ​തി​ക്കാ​യി ഉ​പ​യോ​ഗി​ക്കും. നീ​ണ്ട ക​ര, ശ​ക്തി​കു​ള​ങ്ങ​ര ഉ​ൾ​പ്പ​ടെ​യു​ള​ള ന​ഗ​ര​പ്ര​ദേ​ശ​ങ്ങ​ളി​ലെ പ​ഞ്ചാ​യ​ത്തു​ക​ളി​ൽ സ​മാ​ഹ​രി​ക്കു​ന്ന പ്ലാ​സ്റ്റി​ക്ക് പ​ദ്ധ​തി​യ്ക്കാ​യി നേ​രി​ട്ട് ശേ​ഖ​രി​ക്കും. ന​ഗ​ര​പ്ര​ദേ​ശ​ങ്ങ​ൾ​ക്ക് വെ​ളി​യി​ലു​ള​ള പ​ഞ്ചാ​യ​ത്തു​ക​ൾ നീ​ണ്ട ക​ര ഹാ​ർ​ബ​റി​ൽ പ്ലാ​സ്റ്റി​ക്ക് മാ​ലി​ന്യ​ങ്ങ​ൾ എ​ത്തി​ക്ക​ണം. പ്ലാ​സ്റ്റി​ക്ക് മാ​ലി​ന്യ​ങ്ങ​ൾ വൃ​ത്തി​യാ​ക്കി സ​മാ​ഹ​രി​ക്ക​ണം.

ന​ഗ​ര​പ്ര​ദേ​ശ​ങ്ങ​ളി​ലെ പ​ഞ്ചാ​യ​ത്തു​ക​ൾ സ​മാ​ഹ​രി​ക്കു​ന്ന പ്ലാ​സ്റ്റി​ക്ക് മാ​ലി​ന്യ​ങ്ങ​ൾ പ​ഞ്ചാ​യ​ത്തി​ലെ പൊ​തു​സ്ഥ​ല​ത്ത് ശേ​ഖ​രി​ച്ചു വ​യ്ക്കേ​ണ്ട താ​ണ്. അ​വി​ടെ നി​ന്നും പ​ദ്ധ​തി​ക്കാ​യി പ്ലാ​സ്റ്റി​ക്ക് ശേ​ഖ​രി​ക്കും ദു​രി​താ​ശ്വാ​സ ക്യാ​ന്പു​ക​ളി​ലെ പ്ലാ​സ്റ്റി​ക്ക് മാ​ലി​ന്യ​ങ്ങ​ളു​ടെ നി​ർ​മ്മാ​ർ​ജ​നം ഒ​രു പൊ​തു​പ്ര​ശ്ന​മാ​യി ഉ​യ​ർ​ന്നു വ​ന്ന സാ​ഹ​ച​ര്യ​ത്തി​ലാ​ണ് ഇ​ത്ത​ര​ത്തി​ലു​ള​ള തീ​രു​മാ​ന​മെ​ടു​ത്ത​തെ​ന്ന് മ​ന്ത്രി അ​റി​യി​ച്ചു.

കൊ​ല്ലം ജി​ല്ല​യി​ലെ ദു​രി​താ​ശ്വാ​സ ക്യാ​ന്പു​ക​ൾ സ​ന്ദ​ർ​ശി​ച്ച വേ​ള​യി​ലാ​ണ് അ​വി​ടെ കു​മി​ഞ്ഞു കൂ​ടു​ന്ന പ്ലാ​സ്റ്റി​ക്ക് മാ​ലി​ന്യ​ങ്ങ​ൾ​ക്ക് പ​രി​ഹാ​രം കാ​ണെ​ണ്ട തി​ന്‍റെ ആ​വി​ശ്യ​ക​ത മ​ന​സ്സി​ലാ​യ​ത്. ദു​രി​താ​ശ്വാ​സ ക്യാ​ന്പു​ക​ളി​ൽ കൊ​ണ്ട ുവ​രു​ന്ന ആ​ഹാ​ര​സാ​ധ​ന​ങ്ങ​ൾ ഉ​ൾ​പ്പ​ടെ​യു​ള്ള​വ​യു​ടെ ക​വ​ർ പ്ലാ​സ്റ്റി​ക്ക് നി​ർ​മ്മി​ത​മാ​ണ്. അ​ത് സ​മാ​ഹ​രി​ച്ച് സ​മൂ​ഹ ന​ൻ​മ​യ്ക്കാ​യി ഉ​പ​യോ​ഗി​ക്കു​ന്ന​തി​ലൂ​ടെ ദു​രി​താ​ശ്വാ​സ പ്ര​വ​ർ​ത്ത​ന​ത്തി​ന്‍റെ മ​റ്റൊ​രു മു​ഖം കൂ​ടി തു​റ​ക്കു​ക​യാ​ണെ​ന്നും ഇ​തി​നാ​യി ജ​ന​പ്ര​തി​നി​ധി​ക​ളും, ഉ​ദ്യോ​ഗ​സ്ഥ​രും, പൊ​തു​ജ​ന​ങ്ങ​ളും സ​ഹ​ക​രി​ക്ക​ണ​മെ​ന്നും മ​ന്ത്രി പ​റ​ഞ്ഞു.