ന​ല്ല വേ​ന​ൽ​മ​ഴ​ക​ൾ​ക്ക് പി​ന്നാ​ലെ അ​നു​കൂ​ല​മാ​യ കാ​ല​വ​ർ​ഷ​വും; ക​ർ​ഷ​ക​ർ​ക്കു പ്ര​തീ​ക്ഷ ന​ൽ​കി കൊ​ടി​ക​ളി​ൽ കു​രു​മു​ള​കു തിരികൾ നി​റ​ഞ്ഞു

 

വ​ട​ക്ക​ഞ്ചേ​രി : ക​ർ​ഷ​ക​ർ​ക്ക് പ്ര​തീ​ക്ഷ ന​ൽ​കി കൊ​ടി​ക​ളി​ൽ കു​രു​മു​ള​ക് ഉ​ണ്ടാ​കു​ന്ന​തി​നു​ള്ള തി​രി (പൂ​ക്കു​ല​ക​ൾ) നി​റ​ഞ്ഞു. ന​ല്ല വേ​ന​ൽ​മ​ഴ​ക​ൾ​ക്ക് പി​ന്നാ​ലെ അ​നു​കൂ​ല​മാ​യ കാ​ല​വ​ർ​ഷ​വും കു​രു​മു​ള​കി​ൽ വ​ലി​യ പ്ര​തീ​ക്ഷ​യാ​ണ് ക​ർ​ഷ​ക​രെ​ല്ലാം പ്ര​ക​ടി​പ്പി​ക്കു​ന്ന​ത്.

നീ​ർ​വാ​ർ​ച്ച കു​റ​ഞ്ഞ ചി​ല​യി​ട​ങ്ങ​ളി​ൽ കൊ​ടി വാ​ട്ടം ഉ​ണ്ടെ​ങ്കി​ലും പൊ​തു​വെ തു​ട​ക്കം ത​ര​ക്കേ​ടി​ല്ലെ​ന്ന് ത​ന്നെ​യാ​ണ് ക​ർ​ഷ​ക​ർ പ​റ​യു​ന്ന​ത്.ക​ഴി​ഞ്ഞ ഒ​രാ​ഴ്ച​യാ​യി മ​ഴ​വി​ട്ട് നി​ന്ന് വെ​യി​ൽ കി​ട്ടി​യ​തും ഗു​ണം ചെ​യ്യും. വ​രും ദി​വ​സ​ങ്ങ​ളി​ൽ ശ​ക്തി​പ്പെ​ടാ​ൻ സാ​ധ്യ​ത​യു​ള്ള മ​ഴ​ക്കാ​ലം ച​തി​ക്കാ​തെ വി​ള​വു​ണ്ടാ​ക​ണം.

ആ​റ് മാ​സ​ക്കാ​ലം ക​ണ​ക്കു​കൂ​ട്ട​ലു​ക​ൾ പി​ഴ​ക്ക​രു​ത്. വി​ള​വി​നൊ​പ്പം വി​ല​യും ഉ​യ​ർ​ന്നു നി​ൽ​ക്ക​ണം. എ​ങ്കി​ൽ മാ​ത്ര​മെ ഇ​പ്പോ​ൾ തി​രി​ക​ളി​ലെ പ്ര​തീ​ക്ഷ വ​രു​മാ​ന​മാ​യി മാ​റു. മേ​ഖ​ല​യി​ലെ ക​ർ​ഷ​ക കു​ടും​ബ​ങ്ങ​ളി​ൽ പ്ര​ത്യേ​കി​ച്ച് മ​ല​യോ​ര​ങ്ങ​ളി​ൽ ഒ​രു വ​ർ​ഷ​ത്തെ കു​ടും​ബ ബ​ജ​റ്റ് ത​യ്യാ​റാ​ക്കു​ന്ന​ത് ഈ ​പ​ച്ച വ​ള്ളി​ക​ളി​ലെ ക​റു​ത്ത പൊ​ന്നി​നെ ആ​ശ്ര​യി​ച്ചാ​ണ്.

വി​ള​വി​ലും വി​ല​യി​ലും ഏ​റ്റ​ക്കു​റ​ച്ചി​ലു​ക​ളു​ണ്ടാ​യാ​ൽ എ​ല്ലാം ത​കി​ടം മ​റി​യും. റ​ബ​ർ വി​ല​യി​ലെ ചാ​ഞ്ചാ​ട്ട​ങ്ങ​ൾ ബാ​ല​ൻ​സ് ചെ​യ്ത് പോ​കു​ന്ന​ത് കു​രു​മു​ള​കി​ൽ നി​ന്നു​ള്ള വ​രു​മാ​നം കൊ​ണ്ടാ​ണെ​ന്ന് കു​ഞ്ചി​യാ​ർ​പ​തി മ​ല​യ​ടി​വാ​ര​ത്തെ ക​ർ​ഷ​ക​നാ​യ കൊ​ട്ടാ​ര​ത്തി​ൽ ജെ​യിം​സ് പ​റ​യു​ന്നു. രാ

​സ​വ​ള​പ്ര​യോ​ഗ​മി​ല്ലാ​തെ കു​രു​മു​ള​ക് കൃ​ഷി ന​ട​ത്തു​ന്ന മം​ഗ​ലം​ഡാം മ​ല​യോ​ര മേ​ഖ​ല​യി​ലെ മു​ള​കി​ന് മ​റ്റു പ്ര​ദേ​ശ​ങ്ങ​ളി​ലെ മു​ള​കി​നേ​ക്കാ​ൾ കി​ലോ​ക്ക് 20 രൂ​പ മു​ത​ൽ 50 രൂ​പ വ​രെ കൂ​ടു​ത​ൽ കി​ട്ടും. ഗു​ണ​മേന്മയി​ൽ മു​ന്നി​ൽ നി​ൽ​ക്കു​ന്ന​തി​നൊ​പ്പം ഇ​വി​ടു​ത്തെ കു​രു​മു​ള​ക് കാ​ണാ​നും ച​ന്ത കൂ​ടു​ത​ലു​ണ്ട്.

ഉ​രു​ണ്ട് ന​ല്ല ക​റു​ത്ത വ​ലി​യ മ​ണി​യാ​കും. വ​ന​ത്തി​ന​ക​ത്തെ ത​ളി​ക​ക​ല്ലി​ലെ ആ​ദി​വാ​സി​ക​ളും കു​രു​മു​ള​ക് തോ​ട്ടം ഉ​ട​മ​ക​ളാ​യു​ണ്ട്. കാ​ട്ടി​ലെ ക​റു​ത്ത മ​ണ്ണി​ൽ സ്വാ​ഭാ​വി​ക പ​രി​ച​ര​ണ​ത്തി​ൽ വ​ള​ർ​ന്ന് വി​ള​യു​ന്ന ഇ​വി​ടു​ത്തെ മു​ള​കി​ന് വി​പ​ണി​യി​ലും ന​ല്ല ഡി​മാ​ന്‍റു​ണ്ട്. അ

​ര​നൂ​റ്റാ​ണ്ട് മു​ന്പ് വ​യ​നാ​ട്ടി​ൽ നി​ന്നും കൊ​ണ്ടു​വ​ന്ന വ​ള്ളി​ക​ളു​ടെ വം​ശ​പ​ര​ന്പ​ര​ക​ളാ​ണ് ഇ​പ്പോ​ഴു​ള്ള​തും.​കു​ഞ്ചി​യാ​ർ​പ്പ​തി ഇ​നം എ​ന്നും ഇ​ത് അ​റി​യ​പ്പെ​ടു​ന്നു​ണ്ട്. ഇ​തി​ന്‍റെ കൂടതൈ​ക​ളും വാ​ങ്ങാ​ൻ കി​ട്ടും.ഏ​റ്റ​വും കു​റ​ഞ്ഞ സ്ഥ​ല​ത്ത് ഏ​റ്റ​വും കൂ​ടു​ത​ൽ കു​രു​മു​ള​ക് ഉ​ണ്ടാ​കു​ന്ന മ​റ്റൊ​രു മ​ല​ന്പ്ര​ദേ​ശ​മാ​ണ് പാ​ല​ക്കു​ഴി എ​ന്ന ജൈ​വ​ഗ്രാ​മം.

മ​ല​യോ​ര​ങ്ങ​ളി​ൽ കു​രു​മു​ള​ക് കൊ​ടി​ക​ളി​ല്ലാ​ത്ത വീ​ടു​ക​ളോ തോ​ട്ട​ങ്ങ​ളോ ഉ​ണ്ടാ​കി​ല്ല. എ​ല്ലാ​യി​ട​ത്തു​മു​ണ്ട് ഈ ​സു​ഗ​ന്ധ​വ്യ​ഞ്ജ​ന രാ​ജാ​വ്.കു​ട്ടി​ക​ളു​ടെ വി​ദ്യാ​ഭ്യാ​സം മു​ത​ൽ വി​വാ​ഹം, വീ​ട് പ​ണി​ക​ൾ, വാ​ഹ​നം വാ​ങ്ങ​ൽ തു​ട​ങ്ങി എ​ന്തും ഈ ​ബ്ലാ​ക്ക് പെ​പ്പ​റി​ന്‍റെ വി​ള​വും വി​ല​യും കൂ​ട്ടി കി​ഴി​ച്ചാ​കും.

ന​ല്ല വെ​യി​ൽ ല​ഭി​ക്കു​ന്ന നീ​ർ​വാ​ർ​ച്ച​യു​ള​ള ഫ​ല​ഭൂ​യി​ഷ്ട​മാ​യ മ​ണ്ണി​ൽ കു​രു​മു​ള​ക് വ​ള്ളി​ക​ൾ ക​രു​ത്തോ​ടെ വ​ള​രും. മു​രി​ക്കോ, മു​രി​ങ്ങ​ത​ണ്ടോ താ​ങ്ങ് ത​ടി​യാ​യി കു​ത്തി​കൊ​ടു​ത്താ​ൽ മ​തി. പ​ല​യി​ട​ത്തും റ​ബ​ർ മ​ര​ത്തി​ൽ ത​ന്നെ മു​ള​ക് വ​ള്ളി​ക​ൾ പി​ടി​പ്പി​ച്ച് കൃ​ഷി ന​ട​ത്തു​ന്ന​വ​രു​മു​ണ്ട്.

വി​ല കു​റ​ഞ്ഞ​പ്പോ​ഴാ​ണ് റ​ബ​ർ മ​ര​ത്തെ ക​ർ​ഷ​ക​ർ താ​ങ്ങ് ത​ടി​യി​ലേ​ക്ക് ത​രം​താ​ഴ്ത്തി​യ​ത്. ഇ​പ്പോ​ൾ ര​ണ്ടി​നും പ്രാ​ധാ​ന്യം ന​ൽ​കി കൃ​ഷി ന​ട​ത്തു​ന്ന ക​ർ​ഷ​ക​രാ​ണ് കൂ​ടു​ത​ലും. റ​ബ​ർ തോ​ട്ട​ത്തി​ലെ ഇ​ട​വി​ള​യാ​യും കു​രു​മു​ള​ക് സ്ഥാ​നം പി​ടി​ച്ചി​ട്ടു​ണ്ട്.

Related posts

Leave a Comment