തി​രു​വ​ല്ല​ത്ത് അ​ജ്ഞാ​ത മൃ​ത​ദേ​ഹം; കാ​ണാ​താ​യ ലി​ത്വാ​നി​യ യു​വ​തി ലി​ഗ സ്ക്രോ​മാ​ന്‍റെതെന്ന് സം​ശ​യം

തി​രു​വ​ന​ന്ത​പു​രം: തി​രു​വ​ന​ന്ത​പു​ര​ത്ത് അ​ജ്ഞാ​ത മൃ​ത​ദേ​ഹം ക​ണ്ടെ​ത്തി. തി​രു​വ​ല്ലം പു​നം​തു​രു​ത്തി​ൽ ചൂ​ണ്ട​യി​ടാ​ൻ എ​ത്തി​യ​വ​രാ​ണു മൃ​ത​ദേ​ഹം ക​ണ്ടെ​ത്തി​യ​ത്. ആ​യൂ​ർ​വേ​ദ ചി​കി​ത്സ​യ്ക്കി​ടെ കോ​വ​ള​ത്തു​നി​ന്നു കാ​ണാ​താ​യ ലി​ത്വാ​നി​യ സ്വ​ദേ​ശി​നി​യാ​യ ലി​ഗ സ്ക്രോ​മാ​ന്‍റെ മൃ​ത​ദേ​ഹ​മാ​ണി​തെ​ന്ന് പോ​ലീ​സ് സം​ശ​യി​ക്കു​ന്നു. ഫോ​റ​ൻ​സി​ക് സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

ഫെ​ബ്രു​വ​രി 21-നാ​ണ് ക​ടു​ത്ത വി​ഷാ​ദ രോ​ഗ​ത്തെ തു​ട​ർ​ന്നു പോ​ത്ത​ൻ​കോ​ട് ഐ​രൂ​പ്പാ​റ അ​രു​വി​ക്ക​ര​ക്കോ​ണ​ത്തെ ആ​യൂ​ർ​വേ​ദ ഡി​സ്പെ​ൻ​സ​റി​യി​ൽ ലി​ഗ ചി​കി​ത്സ​യ്ക്കാ​യി എ​ത്തി​യ​ത്. തു​ട​ർ​ന്നു 14-ന് ​ഇ​വ​രെ കാ​ണാ​താ​കു​ക​യാ​യി​രു​ന്നു. ഒ​പ്പ​മു​ണ്ടാ​യി​രു​ന്ന സ​ഹോ​ദ​രി പോ​ലീ​സി​ൽ വി​വ​രം അ​റി​യി​ച്ച​പ്പോ​ൾ മു​ത​ൽ തു​ട​ങ്ങി​യ അ​ന്വേ​ഷ​ണം ഇ​തു​വ​രെ എ​ങ്ങു​മെ​ത്തി​യി​രു​ന്നി​ല്ല.

കാ​ണാ​താ​കു​ന്പോ​ൾ പ​ണ​മോ പാ​സ്പ്പോ​ർ​ട്ടോ ലി​ഗ​യു​ടെ കൈ​യി​ൽ ഇ​ല്ലാ​യി​രു​ന്നു. നേ​ര​ത്തെ, ത​മി​ഴ്നാ​ട്ടി​ലെ കു​ള​ച്ച​ൽ തീ​ര​ത്തു​നി​ന്നും വി​ദേ​ശ വ​നി​ത​യു​ടേ​തെ​ന്നു ക​രു​തു​ന്ന ഒ​രു മൃ​ത​ദേ​ഹം ക​ണ്ടെ​ത്തി​യി​രു​ന്നെ​ങ്കി​ലും മ​രി​ച്ച​ത് ലി​ഗ അ​ല്ലെ​ന്നു സ്ഥി​രീ​ക​രി​ക്കു​ക​യാ​യി​രു​ന്നു.