മോഷണം ഓര്‍ഡര്‍ പ്രകാരം! അന്തര്‍സംസ്ഥാന ലോറിമോഷ്ടാക്കള്‍ റിമാന്‍ഡില്‍; ലോറിയുടമയോടുള്ള വൈരാഗ്യം മൂലം ആദ്യമോഷണം

ചാ​ല​ക്കു​ടി: കഴിഞ്ഞ ദിവസം അറസ്റ്റിലായ അ​ന്ത​ർ​സം​സ്ഥാ​ന ലോ​റി​മോ​ഷ​ണ സം​ഘത്തെ റിമാൻഡ് ചെയ്തു. നോ​ർ​ത്ത് പ​റ​വൂ​ർ ക​ള​രി​ത്ത​റ ടോ​റ​സ് ബൈ​ജു എ​ന്ന ബൈ​ജു (44), ത​മി​ഴ്നാ​ട് പെ​ര​ന്പ​ല്ലൂ​ർ ശെ​ൽ​വ​കു​മാ​ർ എ​ന്ന് ആ​ൾ​ട്ട​റേ​ഷ​ൻ ശെ​ൽ​വം (38) എ​ന്നി​വ​രെ​യാ​ണ് ത​മി​ഴ്നാ​ട്ടി​ലെ പെ​ര​ന്പ​ല്ലൂ​ർ കൗ​ൾ​പാ​ള​യ​ത്തു​നി​ന്നു ചാ​ല​ക്കു​ടി എ​സ്ഐ ജ​യേ​ഷ്ബാ​ല​നും സം​ഘ​വും അ​റ​സ്റ്റു​ചെ​യ്ത​ത്.

ചാ​ല​ക്കു​ടി പോ​ട്ട​യി​ൽ​നി​ന്നും ക​ഴി​ഞ്ഞ സെ​പ്റ്റം​ബ​റി​ൽ മോ​ഷ​ണം പോ​യ ടോ​റ​സ് ലോ​റി​യെ​പ്പ​റ്റി ചാ​ല​ക്കു​ടി ഡി​വൈ​എ​സ്പി സി.​എ​സ്.​ഷാ​ഹു​ൽ ഹ​മീ​ദി​ന്‍റെ നേ​തൃ​ത്വ​ത്തി​ൽ പ്ര​ത്യേ​ക സം​ഘം രൂ​പീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് ഇ​വ​രെ പി​ടി​കൂ​ടാ​നാ​യ​ത്. പ​ക​ൽ​സ​മ​യം കാ​റി​ൽ ഹൈ​വേ​ക​ൾ കേ​ന്ദ്രീ​ക​രി​ച്ച് ക​റ​ങ്ങു​ന്ന സം​ഘം വാ​ഹ​ന​ങ്ങ​ൾ ക​ണ്ടു​വ​ച്ച് രാ​ത്രി​യി​ൽ അ​വി​ടെ​യെ​ത്തി മോ​ഷ​ണം ന​ട​ത്തി ത​മി​ഴ്നാ​ട്ടി​ലേ​ക്കു ക​ട​ക്കു​ക​യാ​ണ് പ​തി​വ്.

ത​മി​ഴ്നാ​ട്ടി​ൽ ക​ള​വു​ലോ​റി​ക​ൾ വാ​ങ്ങു​ന്ന​വ​രു​ടെ ഓ​ർ​ഡ​ർ​പ്ര​കാ​രം വി​വി​ധ മോ​ഡ​ൽ ലോ​റി​ക​ൾ തേ​ടി​ന​ട​ന്നു മോ​ഷ്ടി​ക്കു​ന്ന​തും ഇ​വ​രു​ടെ പ്ര​ത്യേ​ക​ത​യാ​ണ്. പെ​ര​ന്പ​ല്ലൂ​ർ സ്വ​ദേ​ശി​യാ​യ ഒ​രു വാ​ഹ​ന​ബ്രോ​ക്ക​റു​ടെ ആ​വ​ശ്യ​പ്ര​കാ​രം അ​ശോ​ക് ലൈ​ലാ​ൻ​ഡ് ടോ​റ​സ് ടി​പ്പ​ർ മോ​ഷ​ണം ന​ട​ത്താ​ൻ കേ​ര​ള​ത്തി​ലെ​ത്തി​യ സം​ഘം പോ​ട്ട ഹൈ​വേ​യി​ൽ പാ​ർ​ക്കു​ചെ​യ്തി​രു​ന്ന ലോ​റി ക​ണ്ടെ​ത്തി അ​ന്നു​ത​ന്നെ മോ​ഷ​ണം ന​ട​ത്തി​യി​രു​ന്നു.

ലോ​റി മോ​ഷ്ടി​ക്കു​ന്ന​തി​നു മു​ന്പ് ക​ണ്ടീ​ഷ​ൻ പ​രി​ശോ​ധി​ച്ച​തി​നു​ശേ​ഷ​മാ​ണ് ഡ്രൈ​വ​ർ കൂ​ടി​യാ​യ ബൈ​ജു മോ​ഷ​ണം ന​ട​ത്താ​റു​ള്ള​ത്. കേ​ര​ള​ത്തി​ലെ​യും ത​മി​ഴ്നാ​ട്ടി​ലെ​യും വ​ഴി​ക​ളെ​ല്ലാം പ​രി​ച​യ​മു​ള്ള ഇ​വ​ർ മോ​ഷ​ണ​ശേ​ഷം ലോ​റി​ക​ൾ പെ​ര​ന്പ​ല്ലൂ​രി​ലെ വ​ർ​ക്ക്ഷോ​പ്പി​ലെ​ത്തി​ക്കു​ക​യാ​ണ് പ​തി​വ്. ലോ​റി​മോ​ഷ​ണ​ത്തി​നാ​യി മാ​ത്രം കേ​ര​ള​ത്തി​ലെ​ത്തു​ന്ന ബൈ​ജു നാ​മ​ക്ക​ൽ ജ്യോ​തി​പു​ര​ത്തെ വാ​ട​ക​വീ​ട്ടി​ലാ​ണ് താ​മ​സം. പെ​ര​ന്പ​ല്ലൂ​ർ കൗ​ൾ​പാ​ള​യ​ത്തെ ഒ​രു മ​ല​യ​ടി​വാ​ര​ത്തു വ​ർ​ക്ക് ഷോ​പ്പ് ന​ട​ത്തു​ന്ന ശെ​ൽ​വ​കു​മാ​ർ ഒ​രു​ദി​വ​സം കൊ​ണ്ട് ലോ​റി​യു​ടെ രൂ​പം മാ​റ്റും.

ക്യാ​ബി​ൻ, പ്ലാ​റ്റ്ഫോം, ട​യ​റു​ക​ൾ, ഡീ​സ​ൽ ടാ​ങ്ക് എ​ന്നി​വ പ​ര​സ്പ​രം മാ​റ്റി പു​തി​യ പെ​യി​ന്‍റ​ടി​ച്ച് സ്റ്റി​ക്ക​ർ വ​ർ​ക്ക് ന​ട​ത്തി ത​മി​ഴ്നാ​ട്, ആ​ന്ധ്ര​പ്ര​ദേ​ശ്, തെ​ല​ങ്കാ​ന സം​സ്ഥാ​ന​ങ്ങ​ളി​ൽ വി​ല്പ​ന ന​ട​ത്തും. ചാ​ല​ക്കു​ടി​യി​ൽ​നി​ന്നും മോ​ഷ്ടി​ച്ച ലോ​റി ദി​ണ്ഡി​വ​ന​ത്തി​ന​ടു​ത്തു​ള്ള ഒ​രു പാ​റ​മ​ട​യി​ൽ​നി​ന്നാ​ണ് ക​ണ്ടെ​ടു​ത്ത​ത്.

ഇ​വ​രെ ചോ​ദ്യം​ചെ​യ്ത​തി​ൽ​നി​ന്ന് അ​ഞ്ചു മാ​സ​ത്തി​നി​ടെ ക​ഴ​ക്കൂ​ട്ടം, ആ​ല​പ്പു​ഴ, മാ​യി​ത്ത​റ, ഇ​രി​ങ്ങാ​ല​ക്കു​ട, ത​മി​ഴ്നാ​ട് ചെ​ട്ടി​പ്പാ​ള​യം, അ​ങ്ക​മാ​ലി മ​ഞ്ഞ​പ്ര, മ​തി​ല​കം, ചെ​ന്ത്രാ​പ്പി​ന്നി എ​ന്നി​വി​ട​ങ്ങ​ളി​ൽ​നി​ന്നു ലോ​റി​ക​ൾ മോ​ഷ​ണം ന​ട​ത്തി​യ​താ​യി വി​വ​രം ല​ഭി​ച്ചു.

ബൈ​ജു​വി​നെ​തി​രേ ക​ണ്ണൂ​ർ പ​ഴ​യ​ങ്ങാ​ടി, ഗു​ണ്ട​ൽ​പേ​ട്ട്, ക​ർ​ണാ​ട​ക​യി​ലെ മാ​ണ്ഡ്യ, ആ​ല​ത്തൂ​ർ എ​ന്നി​വി​ട​ങ്ങ​ളി​ൽ സ്പി​രി​റ്റ് ക​ട​ത്തി​യ​തി​നും മൈ​സൂ​രി​ൽ ക​വ​ർ​ച്ച ന​ട​ത്തി​യ​തി​നും കേ​സു​ക​ൾ നി​ല​വി​ലു​ണ്ട്. മൈ​സൂ​ർ ക​വ​ർ​ച്ച​ക്കേ​സി​ൽ ശി​ക്ഷ ല​ഭി​ച്ച് പു​റ​ത്തി​റ​ങ്ങി​യ​ശേ​ഷ​മാ​ണ് ത​മി​ഴ്നാ​ട്ടി​ലെ വാ​ഹ​ന​മോ​ഷ​സം​ഘ​ത്തി​നൊ​പ്പം ചേ​ർ​ന്ന​ത്. ഒ​ല്ലൂ​ർ, കു​ന്നം​കു​ളം, പെ​രു​ന്പാ​വൂ​ർ, ആ​ലു​വ, അ​ടി​മാ​ലി, തൃ​ശൂ​ർ, കൊ​ടു​വ​ള്ളി എ​ന്നി​വി​ട​ങ്ങ​ളി​ൽ ലോ​റി​മോ​ഷ​ണം ന​ട​ത്തി​യ കേ​സു​ക​ളി​ലും ഇ​യാ​ൾ പ്ര​തി​യാ​ണ്.

തൃ​ശൂ​ർ റൂ​റ​ൽ ജി​ല്ലാ പോ​ലീ​സ് മേ​ധാ​വി യ​തീ​ഷ്ച​ന്ദ്ര​യു​ടെ നി​ർ​ദേ​ശ​പ്ര​കാ​രം ചാ​ല​ക്കു​ടി ഡി​വൈ​എ​സ്പി സി.​എ​സ്.​ഷാ​ഹു​ൽ​ഹ​മീ​ദ്, സി​ഐ വി.​ഹ​രി​ദാ​സ് എ​ന്നി​വ​രു​ടെ നേ​തൃ​ത്വ​ത്തി​ൽ ത​മി​ഴ്നാ​ട്ടി​ലെ ക​രൂ​ർ, ട്രി​ച്ചി, പെ​ര​ന്പ​ല്ലൂ​ർ, ദി​ണ്ഡി​വ​നം, ദി​ണ്ഡി​ഗ​ൽ, മ​ണ​പ്പാ​റ, അ​വി​നാ​ശി, ഉ​ത്ത​മ​പാ​ള​യം എ​ന്നി​വി​ട​ങ്ങ​ളി​ലെ ലോ​റി ട്രാ​ൻ​സ്പോ​ർ​ട്ട് ഓ​ഫീ​സു​ക​ൾ, വാ​ഹ​ന ബ്രോ​ക്ക​ർ​മാ​ർ, ക്ര​ഷ​റു​ക​ൾ എ​ന്നി​വ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് സം​ഘം വ​ല​യി​ലാ​യ​ത്. കൂ​ടു​ത​ൽ പ്ര​തി​ക​ൾ ഉ​ട​ൻ അ​റ​സ്റ്റി​ലാ​കു​മെ​ന്നും ഡി​വൈ​എ​സ്പി അ​റി​യി​ച്ചു. ഇവരെ കോടതിയിൽ ഹാജരാ ക്കിയശേഷം റിമാൻഡ് ചെയ്തു.

എ​സ്ഐ വ​ത്സ​കു​മാ​ർ, എ​എ​സ്ഐ ഷാ​ജു എ​ട​ത്താ​ട​ൻ, ക്രൈം ​സ്ക്വാ​ഡ് അം​ഗ​ങ്ങ​ളാ​യ സ​തീ​ശ​ൻ മ​ഠ​പ്പാ​ട്ടി​ൽ, പി.​എം. മൂ​സ, വി.​എ​സ്.​അ​ജി​ത്ത്കു​മാ​ർ, വി.​യു.​സി​ൽ​ജോ, ഷി​ജോ തോ​മ​സ്, എ.​യു. റെ​ജി, രാ​ജേ​ഷ് ച​ന്ദ്ര​ൻ, പി.​സി.​ബൈ​ജു എ​ന്നി​വ​രും പോ​ലീ​സ് സം​ഘ​ത്തി​ലു​ണ്ടാ​യി​രു​ന്നു.