തുമ്പോളിയിൽ വയോധികയെ വീടിന് മുന്നിൽ ചോ​ര​വാ​ർ​ന്ന് മ​രി​ച്ചനി​ല​യി​ൽ ക​ണ്ടെ​ത്തി; മരണത്തെക്കുറിച്ച് പോലീസിന്‍റെ നിഗമനം ഇങ്ങനെ…

ആ​ല​പ്പു​ഴ: വയോധികയെ വീ​ടി​നു​മു​ന്നി​ൽ ചോ​ര​വാ​ർ​ന്ന് മ​രി​ച്ച നി​ല​യി​ൽ ക​ണ്ടെ​ത്തി. തു​ന്പോ​ളി പ​ള്ളി​ക്ക് സ​മീ​പ​മാ​ണ് സം​ഭ​വം. തു​ന്പോ​ളി കൊ​ച്ചു​തൈ​യ്യി​ൽ വീ​ട്ടി​ൽ മ​റി​യാ​മ്മ രാ​ജ​പ്പ​ൻ (79) ആ​ണ് ഇ​ന്ന് പു​ല​ർ​ച്ച​യോ​ടെ വീ​ടി​നു​മു​ന്നി​ലെ കാ​ർ​പോ​ർ​ച്ചി​ൽ ര​ക്തം വാ​ർ​ന്ന നി​ല​യി​ൽ ക​ണ്ടെ​ത്തി​യ​ത്. പു​ല​ർ​ച്ചെ പ​ത്ര​വി​ത​ര​ണ​ത്തി​നെ​ത്തി​യ ആ​ളാ​ണ് വൃ​ദ്ധ​യെ മ​രി​ച്ച നി​ല​യി​ൽ ക​ണ്ട​ത്. പോ​ലീ​സി​ൽ അ​റി​യി​ച്ച​തി​നെ​ത്തു​ട​ർ​ന്ന് ആ​ല​പ്പു​ഴ നോ​ർ​ത്ത് പോ​ലീ​സെ​ത്തി മേ​ൽ​ന​ട​പ​ടി​ക​ൾ സ്വീ​ക​രി​ച്ചു.

ഭ​ർ​ത്താ​വ് മ​രി​ച്ച ഇ​വ​ർ മ​ക്ക​ളി​ല്ലാ​ത്ത​തി​നാ​ൽ കു​റേ വ​ർ​ഷ​ങ്ങ​ളാ​യി ബ​ന്ധു​ക്ക​ളു​ടെ കൂ​ടെ​യാ​യി​രു​ന്നു താ​മ​സം. ബ​ന്ധു​വി​ന്‍റെ ചി​കി​ത്സ​യു​ടെ ആ​വ​ശ്യ​ത്തി​നാ​യി വീ​ട്ടി​ലു​ള്ള​വ​ർ തി​രു​വ​ന​ന്ത​പു​ര​ത്ത് പോ​യ​തി​നാ​ൽ ര​ണ്ടു​മൂ​ന്നു​ദി​വ​സ​മാ​യി ബ​ന്ധു​വി​ന്‍റെ വീ​ടാ​യ തോ​ട്ട​ത്തി​ൽ​വീ​ട്ടി​ൽ ഒ​റ്റ​യ്ക്കാ​ണ് ക​ഴി​ഞ്ഞ​ത്. പു​ല​ർ​ച്ചെ ഗേ​റ്റ് തു​റ​ക്കാ​നാ​യി പു​റ​ത്തേ​ക്കി​റ​ങ്ങ​വെ തെ​ന്നി​ത​ല​യ​ടി​ച്ചു​വീ​ണ് മ​രി​ച്ച​താ​കാ​മെ​ന്നാ​ണ് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം.

കൈ​യി​ൽ ഗേ​റ്റി​ന്‍റെ താ​ഴും താ​ക്കോ​ലും കാ​ണ​പ്പെ​ട്ട​താ​ണ് ഈ ​നി​ഗ​മ​ത്തി​ലേ​ക്കെ​ത്ത​പ്പെ​ടാ​ൻ കാ​ര​ണം. എ​ന്നാ​ൽ ശ​രീ​ര​ത്തി​ലെ പ​ല ഭാ​ഗ​ങ്ങ​ളി​ലും മാം​സം അ​ട​ർ​ന്ന നി​ല​യി​ൽ കാ​ണ​പ്പെ​ട്ട​തി​നാ​ൽ വി​ശ​ദ​മാ​യ പ​രി​ശോ​ധ​ന ആ​വ​ശ്യ​മാ​ണെ​ന്ന് പോ​ലീ​സ് അ​റി​യി​ച്ചു. ഇ​തി​ന്‍റെ ഭാ​ഗ​മാ​യി ഫോ​റ​ൻ​സി​ക് വി​ര​ല​ട​യാ​ള വി​ദ​ഗ്ധ​ർ സ്ഥ​ലം പ​രി​ശോ​ധി​ക്കും. ഡോ​ഗ് സ്ക്വാ​ഡി​ന്‍റെ പ​രി​ശോ​ധ​ന​യു​മു​ണ്ടാ​കും. മ​ര​ണ​ത്തി​ൽ ദു​രൂ​ഹ​ത​യു​ള്ള​താ​യി ഇ​തു​വ​രെ വി​വ​ര​മി​ല്ല.