വ​നി​താ സ്റ്റേ​ഷ​നി​ൽ സൂ​ക്ഷി​ക്കാ​ൻ ഏ​ൽ​പ്പി​ച്ച നീ​ല​ച്ചി​ത്ര​മ​ട​ങ്ങി​യ ഫോ​ൺ കാ​ണാ​താ​യി; ഫോ​ൺ കോ​ട​തി​യി​ൽ എ​ത്തി​ച്ച​പ്പോ​ഴാ​ണ് മ​റി​മാ​യം അ​റി​യു​ന്ന​ത്; ഉയരുന്ന മൂ​ന്ന് സം​ശ​യ​ങ്ങ​ൾ ഇ​ങ്ങ​നെ​…

കൊ​ല്ലം: പി ​ഹ​ണ്ട് വേ​ട്ട​യു​ടെ ഭാ​ഗ​മാ​യി പി​ടി​ച്ചെ​ടു​ത്ത അ​ശ്ലീ​ല വീ​ഡി​യോ​ക​ൾ അ​ട​ങ്ങി​യ മൊ​ബൈ​ൽ ഫോ​ൺ ത​ന്നെ പോ​ലീ​സി​ന്‍റെ പ​ക്ക​ൽ നി​ന്ന് അ​പ്ര​ത്യ​ക്ഷ​മാ​യി.

കൊ​ല്ലം ജി​ല്ല​യി​ലെ തെ​ക്കേ അ​റ്റ​ത്തു​ള്ള ക​ട​ലോ​ര ന​ഗ​ര​ത്തി​ലെ ഒ​രു ജ​ന​മൈ​ത്രി പോ​ലീ​സ് സ്റ്റേ​ഷ​നി​ലാ​ണ് സം​ഭ​വം. ഇ​വി​ടെ​യു​ള്ള ഒ​രു യു​വാ​വി​ന് നീ​ല​ച്ചി​ത്ര​ങ്ങ​ളോ​ട് ക​മ്പം.

കാ​ണു​ന്ന ചി​ത്ര​ങ്ങ​ൾ കൂ​ട്ടു​കാ​ർ​ക്ക് കൂ​ടി ഷെ​യ​ർ ചെ​യ്ത് സ​ന്തോ​ഷം പ​ങ്കി​ടു​ന്ന​തി​ലും മോ​ശ​ക്കാ​ര​ന​ല്ല. പി​ഹ​ണ്ട് വേ​ട്ട​യു​ടെ ഭാ​ഗ​മാ​യി സൈ​ബ​ർ സെ​ൽ ഇ​യാ​ളു​ടെ ന​മ്പ​ർ ക​ണ്ടെ​ത്തി.

ജ​ന​മൈ​ത്രി പോ​ലി​സി​നോ​ട് ന​ട​പ​ടി എ​ടു​ക്കാ​ൻ ആ​വ​ശ്യ​പ്പെ​ട്ടു.​പോ​ലീ​സ് ന​ട​പ​ടി​ക​ൾ അ​തി​വേ​ഗ​മാ​യി​രു​ന്നു. യു​വാ​വി​നെ ക​ണ്ടെ​ത്തി, ഫോ​ൺ പി​ടി​ച്ചെ​ടു​ത്തു.

കേ​സെ​ടു​ക്കാ​നു​ള്ള പ്രാ​രം​ഭ ശ്ര​മ​ങ്ങ​ളു​മാ​രം​ഭി​ച്ചു. തെ​ളി​വാ​യ ഫോ​ൺ സൂ​ക്ഷി​ക്കാ​ൻ വ​നി​താ സി​വി​ൽ പോ​ലീ​സ് ഓ​ഫീ​സ​റെ ഏ​ല്പി​ക്കു​ക​യും ചെ​യ്തു.

പ്രാ​ഥ​മി​ക വി​വ​ര റി​പ്പോ​ർ​ട്ടി​നൊ​പ്പം തെ​ളി​വാ​യി പി​ടി​ച്ചെ​ടു​ത്ത ഫോ​ണും കോ​ട​തി​യി​ലെ​ത്തി​ച്ച​പ്പോ​ഴാ​ണ് മ​റി​മാ​യം സ​ഹ​പ്ര​വ​ർ​ത്ത​ക​ർ പോ​ലു​മ​റി​യു​ന്ന​ത് .പി​ടി​ച്ചെ​ടു​ത്ത ഫോ​ണി​ന് പ​ക​രം മ​റ്റൊ​രു ഫോ​ൺ.

സൗ​മ്യ​നും വ​ള​രെ മാ​ന്യ​നു​മാ​യ സ്റ്റേ​ഷ​ൻ ഹൗ​സ് ഓ​ഫീ​സ​ർ ഞെ​ട്ടി. ജ​ന​മൈ​ത്രി അ​മ​ര​ക്കാ​ര​നാ​യ ഏ​മാ​നും ഇ​പ്പോ​ൾ ത​ല​യി​ൽ മു​ണ്ട് മൂ​ടി​യ നി​ല​യി​ലാ​ണ്.

കി​ട്ടി​യ അ​വ​സ​രം പാ​ഴാ​ക്കാ​തെ സ്പെ​ഷ്യ​ൽ ബ്രാ​ഞ്ചു​കാ​ർ സം​ഭ​വം കൈ​യോ​ടെ മു​ക​ളി​ലേ​ക്ക് റി​പ്പോ​ർ​ട്ടും ചെ​യ്തു. ഫോ​ൺ സൂ​ക്ഷി​ക്കാ​ൻ ഏ​ൽ​പി​ച്ച വ​നി​താ ഉ​ദ്യോ​ഗ​സ്ഥ മാ​റ്റി​യ​താ​ണോ?

അ​തോ സ​ഹ പ്ര​വ​ർ​ത്ത​ക​ർ അ​ടി​ച്ചു​മാ​റ്റി പ​ക​രം മ​റ്റൊ​ന്ന് വ​ച്ച​താ​ണോ? അ​തോ പ്ര​തി​യെ ശി​ക്ഷ​യി​ൽ നി​ന്ന് ര​ക്ഷ​പ്പെ​ടു​ത്താ​ൻ പ​ണം വാ​ങ്ങി ഫോ​ൺ മാ​റ്റി​യ​താ​ണോ?

എ​ന്താ​യാ​ലും അ​ന്വേ​ഷ​ണ​ത്തി​ന് തു​ട​ക്ക​മാ​യി​ട്ടു​ണ്ട്. ഫോ​ൺ അ​ടി​ച്ചു​മാ​റ്റി​യ​വ​രെ ര​ക്ഷി​ക്കാ​നു​ള്ള നീ​ക്ക​ങ്ങ​ളും ആ​രം​ഭി​ച്ചി​ട്ടു​ണ്ട്.അ​ര​മ​ന ര​ഹ​സ്യ​മാ​യി സൂ​ക്ഷി​ച്ചി​രു​ന്ന​ത് അ​ങ്ങാ​ടി​പ്പാ​ട്ടാ​യി മാ​റി​യ​തി​ന്‍റെ ജാ​ള്യ​ത​യും ജ​ന​മൈ​ത്രി​ക്കാ​ർ​ക്കു​ണ്ട്.