എന്റെ അനിയൻ ശിവകാർത്തികേയന്റെ അടുത്തിരിക്കുമ്പോൾ തോന്നുന്ന സന്തോഷവും കാര്യങ്ങളുമൊക്കെ പിന്നെ എനിക്ക് തോന്നിയിട്ടുള്ളത് നിവിനോടാണ്. സൂപ്പർ മനുഷ്യനാണ് നിവിൻ. എപ്പോഴും കോമഡിയൊക്കെ പറഞ്ഞ് ചിരിച്ചു കൊണ്ടിരിക്കുന്ന ഒരാളാണ് നിവിൻ. എനിക്ക് അദ്ദേഹത്തെ ഒരുപാട് ഇഷ്ടമാണ്. അദ്ദേഹത്തിന്റെ സിനിമകളൊക്കെ ഞാൻ കണ്ടിട്ടുണ്ട്.
പറയുന്നത് തമിഴ് സിനിമയിൽ കോമഡി വേഷങ്ങളിലൂടെയെത്തി, പിന്നീട് ശ്രദ്ധേയനായ നായകനായി മാറിയ സൂരി മലയാളിയുടെ നിവിൻ പോളിയെകുറിച്ച് പറഞ്ഞ വാക്കുകളാണ് ശ്രദ്ധേയമാകുന്നത്. നിവിനും സൂരിയും കേന്ദ്ര കഥാപാത്രങ്ങളാക്കി റാം സംവിധാനം ചെയ്യുന്ന “യേഴു കടൽ യേഴു മലൈ’ ഒക്ടോബർ ഒന്നിനാണ് ചിത്രം തിയറ്ററുകളിലെത്തുന്നതിനുമുന്പ് ഇരുവരും ഒരുമിച്ചഭിനയിച്ച അനുഭവത്തെകുറിച്ച് എസ്എസ് മ്യൂസിക് എന്ന യൂട്യൂബ് ചാനലിന് നൽകിയ അഭിമുഖത്തിൽ പങ്കുവയ്ക്കുകയാണ് അദ്ദേഹം.
“നിവിനൊപ്പവും അഞ്ജലിക്കൊപ്പവും അഭിനയിക്കാൻ കഴിഞ്ഞത് വലിയൊരു അനുഭവമായിരുന്നു.എപ്പോഴും ചിരിച്ചു കൊണ്ടിരിക്കുന്ന ഒരു മനുഷ്യൻ. അത്രയും കോമഡികൾ പറയുന്ന ഒരു മനുഷ്യൻ. ഒരു ദിവസം എനിക്ക് ഇമോഷണൽ സീൻ ആയിരുന്നു ചെയ്യേണ്ടിയിരുന്നത്.
അപ്പോൾ ഞാൻ ട്രെയിനിന്റെ ഒരു കംപാർട്ടുമെന്റിൽ കയറി ഹോം വർക്ക് ചെയ്യുകയായിരുന്നു. എനിക്ക് ഭയങ്കര നീണ്ട ഡയലോഗ് ഒക്കെ പറയാനുണ്ട്. അപ്പോൾ അവിടെ വന്ന് നിവിൻ ഒച്ചയുണ്ടാക്കി, കോമഡി ഒക്കെ പറഞ്ഞ് എന്നെ ശല്യപ്പെടുത്തിയിട്ട് പോകും. എന്നിട്ട് അവൻ തന്നെ എന്നോട് സോറി പറയും. അപ്പോൾ ഞാൻ പറയും, ‘ഞാൻ കുറച്ചൊന്ന് ഹോം വർക്ക് ചെയ്തോട്ടെ, എനിക്ക് കുറച്ച് സമാധാനം തരുമോ’ എന്ന്. അപ്പോൾ നിവിൻ ‘അയ്യോ സോറി സോറി’ എന്ന് പറയും. എന്നിട്ട് വീണ്ടും പോകും.”
“”എന്റെ ഉള്ളിൽ നിന്ന് പറയുകയാണ്, അത്രയും സ്വീറ്റായ ഒരു മനുഷ്യനാണ് നിവിൻ. അങ്ങനെയൊരു മനുഷ്യനാണ്. റാം സാറിനെ കാണുമ്പോഴേ അവൻ പറയും, ‘അയ്യോ എൻ സാമി വന്നേ, എന്റെ സാർ വന്നേ’ എന്നൊക്കെ. ഡബിംഗ് ഒക്കെ കഴിഞ്ഞ് എന്നെ ഫോൺ വിളിച്ചിരുന്നു. എന്നിട്ട് എന്നോട് ചോദിച്ചു, ‘ഡബിംഗ് ഒക്കെ എങ്ങനെ ഉണ്ടായിരുന്നു’വെന്ന്. തമിഴ് സിനിമയിൽ കോമഡി താരമായും പിന്നീട് ശ്രദ്ധേയനായ നായകനായും തിളങ്ങിനിൽക്കുന്ന സൂരി, ഇതുവരെ 60-ലധികം സിനിമകളിൽ അഭിനയിച്ചിട്ടുണ്ട്.
