സം​സ്ഥാ​ന​ത്തെ നാ​ട്ടി​ൻപു​റ​ങ്ങ​ൾ കേ​ന്ദ്രീ​ക​രി​ച്ച് മു​ക്കു​പ​ണ്ട​ത​ട്ടി​പ്പ് വ്യാപകമാകുന്നു; തമിഴ് സംഘങ്ങൾ കുട്ടിനാട്ടിൽ നിന്ന് തട്ടിയെടുത്തത് കോടികൾ

റെ​ജി ക​ല​വൂ​ർ
ആ​ല​പ്പു​ഴ: സം​സ്ഥാ​ന​ത്തെ നാ​ട്ടി​ൻപു​റ​ങ്ങ​ൾ കേ​ന്ദ്രീ​ക​രി​ച്ച് മു​ക്കു​പ​ണ്ട​ത​ട്ടി​പ്പ് വ്യാ​പ​ക​മാ​കു​ന്നു. അ​ല്പം പോ​ലും സ്വ​ർ​ണം ചേ​ർ​ക്കാ​തെ പി​ത്ത​ള​യും ചെ​ന്പും ശാ​സ്ത്രീ​യ​മാ​യി ഉ​രു​ക്കി​നി​ർ​മി​ച്ച പ​ണ്ട​ങ്ങ​ളാ​ണ് നാ​ട്ടി​ൻ​പു​റ​ങ്ങ​ളി​ലെ സ്വ​കാ​ര്യ ബാ​ങ്കു​ക​ളി​ൽ ത​മി​ഴ്സം​ഘ​ങ്ങ​ൾ പ​ണ​യം വ​യ്ക്കു​ന്ന​ത്. ഒ​റ്റ​നോ​ട്ട​ത്തി​ൽ തി​രി​ച്ച​റി​യാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് പ​ണ്ട​ങ്ങ​ൾ.

യ​ഥാ​ർ​ഥ സ്വ​ർ​ണാ​ഭ​ര​ണ​ങ്ങ​ളെ​പ്പോ​ലും പി​ന്നി​ലാ​ക്കു​ന്ന​ത​ര​ത്തി​ലാ​ണ് ഇ​വ​യു​ടെ നി​ർ​മാ​ണം. 916 മു​ദ്ര വി​ദ​ഗ്ധ​മാ​യി മു​ദ്ര​ണം ചെ​യ്തി​ട്ടു​ള്ള ആ​ഭ​ര​ണ​ങ്ങ​ൾ വ്യാ​ജ​നാ​ണോ​യെ​ന്ന് ക​ണ്ടെ​ത്താ​ൻ ഏ​റെ പ​രി​ശോ​ധ​ന​ക​ൾ വേ​ണ്ടി​വ​രും.സം​സ്ഥാ​ന​ത്ത് കൊ​ല്ലം, ആ​ല​പ്പു​ഴ, കൊ​ച്ചി, ഇ​ടു​ക്കി എ​ന്നീ ജി​ല്ല​ക​ളി​ലാ​ണ് ത​ട്ടി​പ്പു​സം​ഘം പ്ര​ധാ​ന​മാ​യും വി​ല​സു​ന്ന​ത്.

കു​ണ്ട​റ, തൊ​ടു​പു​ഴ, കു​ട്ട​നാ​ട്, പ്ര​ദേ​ശ​ങ്ങ​ളി​ൽ ഇ​ത്ത​രം വ്യാ​ജ ആ​ഭ​ര​ണ​ങ്ങ​ൾ പ​ണ​യം വ​ച്ച് അ​ര​ക്കോ​ടി രൂ​പ​യോ​ളം ത​ട്ടി​യെ​ടു​ത്തു. കു​ട്ട​നാ​ട്ടി​ലെ ചെ​റു​ക്ക​രി​യി​ലെ ര​ണ്ടു സ്ഥാ​പ​ന​ങ്ങ​ളി​ൽ നി​ന്നും നാ​ലു ല​ക്ഷ​വും കു​ണ്ട​റ​യി​ൽ നി​ന്നും പ​ത്തു​ല​ക്ഷ​വും തൊ​ടു​പു​ഴ​യി​ൽ നി​ന്നും ര​ണ്ടു ല​ക്ഷ​വും ഇ​ക്ക​ഴി​ഞ്ഞ ഡി​സം​ബ​ർ മാ​സ​ത്തി​ൽ ത​ട്ടി​യെ​ന്നാ​ണ് ക​ണ​ക്ക്.

ഓ​ൾ കേ​ര​ള പ്രൈ​വ​റ്റ് ബാ​ങ്ക് അ​സോ​സി​യേ​ഷ​നാ​ണ് ത​ട്ടി​പ്പു​വി​വ​രം പു​റ​ത്തു​വി​ട്ട​ത്. അ​സോ​സി​യേ​ഷ​നു​കീ​ഴി​ൽ കേ​ര​ള​ത്തി​ലെ ഗ്രാ​മ​മേ​ഖ​ല​യി​ൽ 5000 സ്ഥാ​പ​ന​ങ്ങ​ളാ​ണ് പ്ര​വ​ർ​ത്തി​ക്കു​ന്ന​ത്. മൂ​ന്നു​ജി​ല്ല​ക​ളി​ൽ വ്യാ​ജ ആ​ഭ​ര​ണം ക​ണ്ടെ​ത്തി​യ​തോ​ടെ മു​ഴു​വ​ൻ ഗ്രാ​മ​മേ​ഖ​ല​ക​ളി​ലെ​യും സ്ഥാ​പ​ന​ങ്ങ​ളി​ലെ ആ​ഭ​ര​ണ​ങ്ങ​ൾ പ​രി​ശോ​ധി​ച്ച് ഉ​റ​പ്പു​വ​രു​ത്താ​ൻ അ​സോ​സി​യേ​ഷ​ൻ നി​ർ​ദേ​ശം ന​ൽ​കി ക​ഴി​ഞ്ഞു.

വ്യാ​ജ​പ​ണ്ട​ങ്ങ​ൾ പ​ണ​യ​പ്പെ​ടു​ത്തി പ​ണം ത​ട്ടു​ന്ന സം​ഘ​ങ്ങ​ൾ സം​സ്ഥാ​ന​ത്ത് ത​ന്പ​ടി​ക്കു​ന്ന​താ​യാ​ണ് സൂ​ച​ന.ഗ്രാ​മ​പ്ര​ദേ​ശ​ങ്ങ​ൾ കേ​ന്ദ്രീ​ക​രി​ച്ച് പ്ര​വ​ർ​ത്തി​ക്കു​ന്ന ഇ​ട​ത്ത​രം ഫൈ​നാ​ൻ​സ് സ്ഥാ​പ​ന​ങ്ങ​ളി​ൽ വ​ലി​യ പ​രി​ശോ​ധ​ന​ക​ളോ തി​രി​ച്ച​റി​യ​ൽ സം​വി​ധാ​ന​ങ്ങ​ളോ ഇ​ല്ലാ​ത്ത സാ​ഹ​ച​ര്യം മു​ത​ലാ​ക്കി​യാ​ണ് ത​മി​ഴ് സം​ഘ​ങ്ങ​ൾ ത​ട്ടി​പ്പി​ന് ക​ള​മൊ​രു​ക്കു​ന്ന​ത്.

സ്വ​കാ​ര്യ സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്ന പ്ര​ദേ​ശ​ത്തെ ഏ​തെ​ങ്കി​ലും മേ​ൽ​വി​ലാ​സം ന​ൽ​കി​യാ​ണ് പ​ണ​യം വ​യ്ക്കു​ന്ന​ത്. ത​ട്ടി​പ്പ് സം​ഘ​ത്തി​നെ​തി​രെ അ​ന്വേ​ഷ​ണം ആ​വ​ശ്യ​പ്പെ​ട്ട് പ്രൈ​വ​റ്റ് ബാ​ങ്ക് അ​സോ​സി​യേ​ഷ​ൻ ഓ​ൾ കേ​ര​ള പ്രൈ​വ​റ്റ് ബാ​ങ്ക് അ​സോ​സി​യേ​ഷ​ൻ അ​ത​ത് ജി​ല്ലാ പോ​ലീ​സ് മേ​ധാ​വി​ക​ൾ​ക്ക് പ​രാ​തി ന​ൽ​കി​യി​രി​ക്കു​ക​യാ​ണ്.