തിരുവനന്തപുരം: മന്ത്രി റോഷി അഗസ്റ്റിന്‍റെ പ്രൈവറ്റ് സെക്രട്ടറിയുടെ ഡ്രൈവർ കസ്റ്റഡിയിലായിരിക്കുന്നത് കുറവൻകോണത്ത് വീട്ടിൽ അതിക്രമിച്ചു കയറിയ കേസിൽ.
മലയൻകീഴ് സ്വദേശിയായ ഇയാൾ സഞ്ചരിച്ച വാഹനം കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പോലീസ് കസ്റ്റഡിയിലെടുത്തത്.
എന്നാൽ മ്യൂസിയം പരിസരത്തെ ലൈംഗികാതിക്രമം നടത്തിയത് ഇയാൾ തന്നെയാണോയെന്ന് പോലീസിന് ഉറപ്പിക്കാനായിട്ടില്ല.
ഇന്നോവ വാഹനം കവടിയാര്‍ പരിസരത്ത് പാര്‍ക്ക് ചെയ്ത ശേഷം കുറവന്‍കോണത്തെ വീട്ടിലേക്ക് അതിക്രമിച്ചു കയറുന്ന സിസിടിവി ദൃശ്യം ലഭിച്ചിരുന്നു. കന്‍റോൺമെന്‍റ് പോലീസ് ഇയാളെ ചോദ്യം ചെയ്തുവരികയാണ്.
