സമരം ചെയ്ത് നാട്ടിലേക്ക് മടങ്ങിയ ‘അതിഥി തൊഴിലാളികൾക്ക് മടങ്ങി വരാതിരിക്കാനാവില്ല’; പാ​യി​പ്പാ​ട്ടേക്കുള്ള മ​ട​ങ്ങി​വരവ് വിമാനമാർഗം

ച​ങ്ങ​നാ​ശേ​രി: കോ​വി​ഡ് ഭീഷണിയിൽ പാ​യി​പ്പാ​ട്ടു​നി​ന്നും സ്വ​ദേ​ശ​ത്തേ​ക്കു മ​ട​ങ്ങി​യ ഇതര സംസ്ഥാന തൊ​ഴി​ലാ​ളി​കൾ വിമാന മാർഗം കേരളത്തിലേക്ക് മടങ്ങിയെത്തുന്നു.

കോ​വി​ഡ് ലോ​ക്ക്ഡൗ​ണി​ലെ നി​യ​ന്ത്ര​ണ​ങ്ങ​ൾ​ക്ക് അ​യ​വു​ണ്ടാ​യ​തോ​ടെ​യാ​ണ് അ​തി​ഥി തൊ​ഴി​ലാ​ളി​ക​ൾ എ​ത്താ​ൻ തു​ട​ങ്ങി​യ​ത്. ക​ഴി​ഞ്ഞ ഒ​രു മാ​സ​ത്തി​നി​ടെ ഇ​രു​ന്നൂ​റോ​ളം തൊ​ഴി​ലാ​ളി​ക​ളാ​ണ് വി​മാ​ന​മാ​ർ​ഗം നെ​ടു​ന്പാ​ശേ​രി​യി​ലി​റ​ങ്ങി പാ​യി​പ്പാ​ട്ട് മ​ട​ങ്ങി​യെ​ത്തി​യ​ത്.

നെ​ടു​ന്പാ​ശേ​രി​യി​ലെ​ത്തു​ന്ന​വ​രെ നി​ർ​മാ​ണ മേ​ഖ​ല​യി​ലെ വി​വി​ധ ക​രാ​റു​കാ​രാ​ണ് വാ​ഹ​ന​ങ്ങ​ളി​ൽ പാ​യി​പ്പാ​ട്ടെ വി​വി​ധ ക്യാ​ന്പു​ക​ളി​ൽ എ​ത്തി​ക്കു​ന്ന​ത്. ക​രാ​റു​കാ​രു​ടെ ചെ​ല​വി​ൽ തൊ​ഴി​ലാ​ളി​ക​ളെ 15 ദി​വ​സം ക്വാ​റ​ന്‍റൈനി​ൽ താ​മ​സി​പ്പി​ച്ച​ശേ​ഷ​മാ​ണ് തൊ​ഴി​ലി​നാ​യി പു​റ​ത്തി​റക്കുന്ന​ത്.

പ​ശ്ചി​മ ബം​ഗാ​ളി​ലെ മാ​ൾ​ഡ, ഛത്തീ​സ്ഗ​ഡ് എ​ന്നി​വി​ട​ങ്ങ​ളി​ൽ നി​ന്നു​ള്ള​വ​രാ​ണ് മ​ട​ങ്ങി എ​ത്തി​ക്കൊ​ണ്ടി​രി​ക്കു​ന്ന​ത്. കോ​വി​ഡ് നി​യ​ന്ത്ര​ണ​ങ്ങ​ളി​ൽ അ​യ​വു വ​ന്ന​തോ​ടെയും നി​ർ​മാ​ണ ജോ​ലി​ക​ൾ​ക്ക് തു​ട​ക്കം കു​റി​ച്ച​തോ​ടെയുമാണ് ക​രാ​റു​കാ​രു​ടെ ആ​വ​ശ്യ​പ്ര​കാ​ര​ം അ​തി​ഥി തൊ​ഴി​ലാ​ളി​ക​ൾ മ​ട​ങ്ങി​യെ​ത്താ​ൻ തു​ട​ങ്ങി​യ​ത്.

കോ​വി​ഡി​നെ തു​ട​ർ​ന്ന് ക​ർ​ശ​ന നി​യ​ന്ത്ര​ണ​ങ്ങ​ൾ ഉ​ണ്ടാ​യ​തോ​ടെ ക​ഴി​ഞ്ഞ മാ​ർ​ച്ച് 29ന് ​പാ​യി​പ്പാ​ട്ടെ അ​തി​ഥി തൊ​ഴി​ലാ​ളി​ക​ൾ സം​ഘ​ടി​ച്ച​ത് സം​സ്ഥാ​ന​ത്ത് ഏ​റെ ശ്ര​ദ്ധി​ക്ക​പ്പെ​ട്ടി​രു​ന്നു. തു​ട​ർ​ന്ന് ഏ​പ്രി​ൽ, മേ​യ് മാ​സ​ങ്ങ​ളി​ലാ​യി പാ​യി​പ്പാ​ട്ടെ അ​യ്യാ​യി​ര​ത്തി​ല​ധി​കം തൊ​ഴി​ലാ​ളി​ക​ളെ പ്ര​ത്യേ​ക ട്ര​യി​ൻ മാ​ർ​ഗം സ്വ​ന്തം നാ​ടു​ക​ളി​ല​ത്തി​ക്കു​ക​യാ​യി​രു​ന്നു.

ജ​ന​വാ​സ​മേ​ഖ​ല​യി​ലെ ക്യാ​ന്പു​ക​ളി​ൽ നി​ബ​ന്ധ​ന​ക​ൾ​ക്കു വി​ധേ​യ​മാ​യി മാ​ത്ര​മേ അ​തി​ഥി തൊ​ഴി​ലാ​ളി​ക​ളെ പാ​ർ​പ്പി​ക്കാ​വൂ എ​ന്നാ​ണ് പാ​യി​പ്പാ​ട് നി​വാ​സി​ക​ൾ ആ​വ​ശ്യ​പ്പെ​ടു​ന്ന​ത്.

മാ​ന​ദ​ണ്ഡ​ങ്ങ​ൾ പാ​ലി​ച്ചു മാ​ത്ര​മേ തൊ​ഴി​ലാ​ളി​ക​ളെ ക്യാ​ന്പു​ക​ളി​ൽ താ​മ​സി​പ്പി​ക്കു​ക​യു​ള്ളൂവെ​ന്ന് ലേ​ബ​ർ ക്യാ​ന്പ് ഓ​ണേ​ഴ്സ് അ​സോ​സി​യേ​ഷ​ൻ സെ​ക്ര​ട്ട​റി കു​ര്യാ​ക്കോ​സ് കൈ​ലാ​ത്ത് പ​റ​ഞ്ഞു. അ​തി​ഥി തൊ​ഴി​ലാ​ളി​ക​ളു​ടെ മ​ട​ങ്ങി​വ​ര​വി​നെ പ്ര​തീ​ക്ഷ​യോ​ടെ​യാ​ണ് പാ​യി​പ്പാ​ട് ക​വ​ല കാ​ത്തി​രി​ക്കു​ന്ന​ത്.