മ​ക​ളെ ആ​ശു​പ​ത്രി​യി​ൽ കൊ​ണ്ടു​പോ​കാ​ൻ അ​നു​വ​ദി​ച്ചില്ല, 2000 രൂ​പ പി​ഴ! സ്കൂ​ട്ട​ർ യാ​ത്രി​ക​നുനേ​രെ പോ​ലീ​സ് അ​തി​ക്ര​മമെന്നു പരാതി; പരാതിയില്‍ പറയുന്നത് ഇങ്ങനെയൊക്കെ…

പു​തു​ക്കാ​ട്: ഫോ​ണി​ൽ സം​സാ​രി​ച്ചെ​ന്നു പ​റ​ഞ്ഞ് സ്കൂ​ട്ട​ർ യാ​ത്രി​ക​നാ​യ ദ​ളി​ത് യു​വാ​വി​നെ ത​ട​ഞ്ഞു നി​ർ​ത്തി വ​ര​ന്ത​ര​പ്പി​ള്ളി പോ​ലീ​സി​ന്‍റെ അ​തി​ക്ര​മം.

മ​ക​ളെ ആ​ശു​പ​ത്രി​യി​ൽ കൊ​ണ്ടു​പോ​കാ​ൻ അ​നു​വ​ദി​ച്ചി​ല്ലെ​ന്നും പ​രാ​തി. ന​ന്തി​പു​ലം സ്വ​ദേ​ശി കൈ​പ്പു​ള്ളി കൃ​ഷ്ണ​കു​മാ​റി​നാ​ണ് ദു​ര​നു​ഭ​വം.

ക​ഴി​ഞ്ഞ 16നാ​യി​രു​ന്നു പ​രാ​തി​ക്കി​ട​യാ​ക്കി​യ സം​ഭ​വം. വീ​ട്ടി​ൽ സു​ഖ​മി​ല്ലാ​തി​രു​ന്ന മ​ക​ളെ ആ​ശു​പ​ത്രി​യി​ൽ കൊ​ണ്ടു​പോ​കാ​ൻ ജോ​ലി സ്ഥ​ല​ത്തു​നി​ന്നു രൂ​പ വാ​ങ്ങി വ​രു​ന്ന​തി​നി​ടെ വാ​ഹ​ന പ​രി​ശോ​ധ​ന ന​ട​ത്തി​യി​രു​ന്ന എ​സ്​ഐ തോ​മ​സി​ന്‍റെ നേ​തൃ​ത്വ​ത്തി​ലു​ള്ള സം​ഘം ത​ട​യു​ക​യാ​യി​രു​ന്നു.

മ​ക​ളാ​ണ് വി​ളി​ച്ച​തെ​ന്നും സു​ഖ​മി​ല്ലാ​തി​രി​ക്കു​ക​യാ​ണെ​ന്നും പ​റ​ഞ്ഞി​ട്ടും എ​സ്​ഐ വ​ഴ​ങ്ങി​യി​ല്ലെ​ന്നും 2000 രൂ​പ പി​ഴ​യി​ട്ട​താ​യും ലൈ​സ​ൻ​സ് സ്റ്റേ​ഷ​നി​ലെ​ത്തി കൈ​പ്പ​റ്റാ​നു​മാ​യി​രു​ന്നു എ​സ്ഐ യു​ടെ നി​ർ​ദേ​ശം.

റോ​ഡ​രി​കി​ൽ സ്കൂ​ട്ട​ർ നി​ർ​ത്തി​യാ​ണ് സം​സാ​രി​ച്ച​തെ​ന്നും സ്റ്റാ​ർ​ട്ട് ചെ​യ്ത ശേ​ഷം വീ​ണ്ടും വി​ളി​ച്ച​പ്പോ​ൾ ഫോ​ണ്‍ എ​ടു​ത്ത് നോ​ക്കു​ക മാ​ത്ര​മാ​ണ് ചെ​യ്ത​തെ​ന്നും ഇ​യാ​ൾ പോ​ലീ​സി​നോ​ട് പ​റ​ഞ്ഞു.

ഇ​തി​നി​ടെ മ​ക​ൾ വീ​ണ്ടും വി​ളി​ച്ച​പ്പോ​ൾ കൃ​ഷ്ണ​കു​മാ​ർ മൊ​ബൈ​ൽ ഫോ​ണ്‍ എ​സ്ഐ​യെ കാ​ണി​ച്ചു.

അ​പ്പോ​ൾ നി​ന്‍റെ മ​ക​ളു​ടെ കാ​ര്യം നോ​ക്ക​ല​ല്ല പോ​ലീ​സി​ന്‍റെ പ​ണി​യെ​ന്നാ​യി​രു​ന്നു എ​സ്ഐ​യു​ടെ മ​റു​പ​ടി. തു​ട​ർ​ന്ന് മ​ക​ളെ ആ​ശു​പ​ത്രി​യി​ൽ കാ​ണി​ച്ച ശേ​ഷം സ്റ്റേ​ഷ​നി​ൽ എ​ത്താ​ൻ പ​റ​ഞ്ഞാ​ണ് ഇ​യാ​ളെ വി​ട്ട​യ​ച്ച​ത്.

മു​പ്ലി​യം പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ൽ ഡോ​ക്ട​റെ കാ​ണി​ച്ച ശേ​ഷം മ​ക​ളോ​ടൊ​പ്പം സ്റ്റേ​ഷ​നി​ലെ​ത്തി​യ​പ്പോ​ൾ ലൈ​സ​ൻ​സ് പോ​ലീ​സ് പി​ടി​ച്ചെ​ടു​ത്ത​ത​ല്ലെ​ന്നും വ​ഴി​യി​ൽ ക​ള​ഞ്ഞു​കി​ട്ടി​യ ലൈ​സ​ൻ​സ് ആ​രോ സ്റ്റേ​ഷ​നി​ലേ​ൽ​പി​ച്ച​താ​ണെ​ന്നും പു​ക പ​രി​ശോ​ധ​ന സ​ർ​ട്ടി​ഫി​ക്ക​റ്റ് പി​ന്നീ​ട് എ​ടു​ത്ത​താ​ണെ​ന്നും പ​റ​ഞ്ഞ് പി​ന്നെ​യും ഏ​റെ​നേ​രം സ്റ്റേ​ഷ​നി​ൽ നി​ർ​ത്തി​യെ​ന്നും കൃ​ഷ്ണ​കു​മാ​ർ പ​റ​യു​ന്നു.

ബു​ദ്ധി​മു​ട്ടു​ന്ന​വ​രെ സ​ഹാ​യി​ക്കേ​ണ്ട​ത് പോ​ലീ​സി​ന്‍റെ ക​ട​മ​യ​ല്ലേ എ​ന്ന് ചോ​ദി​ച്ച​പ്പോ​ൾ നീ ​നി​യ​മം പ​ഠി​പ്പി​ക്കു​ക​യാ​ണോ എ​ന്ന് ചോ​ദി​ച്ച് ത​ട്ടി​ക്ക​യ​റി​യ​താ​യും അ​സ​ഭ്യം പ​റ​ഞ്ഞ​താ​യും പ​രാ​തി​യി​ൽ പ​റ​യു​ന്നു.

സം​ഭ​വ​ത്തി​ൽ മു​ഖ്യ​മ​ന്ത്രി, ഡി​ജി​പി എ​ന്നി​വ​ർ​ക്കു കൃ​ഷ്ണ​കു​മാ​ർ പ​രാ​തി ന​ൽ​കി.