2024-ൽ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നാണ് അല്ലു അർജുന്‍റെ പുഷ്പ 2. രശ്മിക മന്ദാന, ഫഹദ് ഫാസിൽ എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്. എന്നാൽ സെറ്റിൽ നിന്ന് ഞെട്ടിക്കുന്ന ഒരു വാർത്തയാണ് പുറത്തുവന്നിരിക്കുന്നത്.
പുഷ്പ 2 സിനിമയുടെ ചിത്രീകരണം തൽക്കാലം മാറ്റിവെച്ചെന്നാണ് സൂചന. ചിത്രത്തിന്‍റെ ഒരു സുപ്രധാന സീക്വൻസ് ചിത്രീകരിക്കുന്നതിനിടെയാണ് അല്ലു അർജുന് പരിക്കേറ്റു. ഇക്കാരണത്താൽ ഷൂട്ടിംഗ് കുറച്ച് ദിവസത്തേക്ക് മാറ്റിവെക്കാനാണ് അണിയറപ്രവർത്തകരുടെ തീരുമാനം. അല്ലു അർജുന്‍റെ ടീമാണ് ഇക്കാര്യം അറിയിച്ചത്.
ഒരു ഫൈറ്റ് സീക്വൻസ് ചിത്രീകരണത്തിനിടെ അല്ലു അർജുന് നട്ടെല്ലിന് സാരമായ പരിക്ക് പറ്റിയെന്നാണ് റിപ്പോർട്ടുകൾ. ഇക്കാരണത്താൽ, തൽക്കാലം വിശ്രമിക്കാൻ ഡോക്ടർമാർ നിർദേശിച്ചിട്ടുണ്ട്. ചിത്രത്തിന്‍റെ ഷൂട്ടിംഗ് ഡിസംബർ രണ്ടാം വാരം പുനരാരംഭിക്കും.
പുഷ്പ 2-ദ റൂൾ എന്ന ചിത്രം അടുത്ത വർഷം ഓഗസ്റ്റ് 15 ന് തിയേറ്ററുകളിലെത്തും. ചിത്രത്തെക്കുറിച്ച് പ്രേക്ഷകർക്കിടയിൽ വൻ ചർച്ചകളായിരുന്നു. ചിത്രത്തിനായി ആകാംക്ഷയോടെയാണ് ആരാധകർ കാത്തിരിക്കുന്നത്.
ഈ ചിത്രത്തിന്‍റെ ആദ്യ ഭാഗം പുഷ്പ ബോക്സോഫീസിൽ ഒരു ബ്ലോക്ക്ബസ്റ്റർ ആയിരുന്നു. ഇത്തരമൊരു സാഹചര്യത്തിൽ അല്ലു അർജുന്‍റെ ഈ ചിത്രത്തെക്കുറിച്ച് ആരാധകർക്ക് പ്രതീക്ഷകൾ ഏറെയാണ്.
