കൊച്ചി: എറണാകുളം മഹാരാജാസ് കോളജ് മെന്സ് ഹോസ്റ്റലില് ക്രൂരമായ റാഗിംഗിന് വിധേയനായെന്ന വിദ്യാര്ഥിയുടെ പരാതിയില് തുടര് നടപടികള്ക്കൊരുങ്ങി പോലീസ്.വിദ്യാര്ഥിയുടെ മൊഴി വിശദമായി പരിശോധിക്കുകയാണെന്നും ആവശ്യമെങ്കില് അറസ്റ്റ് ഉള്പ്പെടെയുള്ള നടപടികളിലേക്കു കടക്കുമെന്നും അധികൃതര് പറഞ്ഞു.
മലയാളവിഭാഗം ഒന്നാം വര്ഷ വിദ്യാര്ഥിയും മലപ്പുറം സ്വദേശിയുമായ റോബിന്സന്റെ പരാതിയിലാണു പോലീസ് തുടര് നടപടികള്ക്കൊരുങ്ങുന്നത്.മഹാരാജാസ് കോളജിലെ എസ്എഫ്ഐ പ്രവര്ത്തകരുടെ നേതൃത്വത്തിലുള്ള സംഘം ഹോസ്റ്റല് മുറിയില് ഒരുരാത്രി പൂട്ടിയിട്ട് മര്ദിച്ചെന്നും വിവസ്ത്രനാക്കിയെന്നുമാണു പ്രിന്സിപ്പലിന് നല്കിയ പരാതിയില് പറയുന്നത്.
പരാതി പ്രിന്സിപ്പല് പോലീസിനും കോളജിലെ ആന്റി റാഗിംഗ് സെല്ലിനും കൈമാറുകയായിരുന്നു. സംഭവത്തില് ആറ് പേര്ക്കെതിരേയാണു സെന്ട്രല് പോലീസ് കേസ് രജിസ്റ്റര് ചെയ്തിട്ടുള്ളത്.