ധ​ന​കാ​ര്യ സ്ഥാ​പ​ന​ത്തി​ൽ​നി​ന്ന് സ്വ​ർ​ണ​വും പണവും ക​വ​ർ​ന്ന കേ​സ്; ഒ​രാ​ൾ പി​ടി​യി​ൽ, മു​ഖ്യ​പ്ര​തി​ക്കാ​യി തി​ര​ച്ചി​ൽ തു​ട​രു​ന്നു

കോ​ട്ട​യം: ധ​ന​കാ​ര്യ സ്ഥാ​പ​ന​ത്തി​ല്‍​നി​ന്ന് നാ​ലു കി​ലോ​ഗ്രാം പ​ണ​യ​സ്വ​ര്‍​ണ​വും എ​ട്ടു ല​ക്ഷം രൂ​പ​യും ക​വ​ര്‍​ന്ന കേ​സി​ല്‍ പ്ര​തി​യെ പോ​ലീ​സ് പി​ടി​കൂ​ടി​യ​ത് ക്രൈം ​ത്രി​ല്ല​റു​ക​ളെ വെ​ല്ലു​ന്ന രീ​തി​യി​ല്‍. സി​സി​ടി​വി​യു​ടെ ഹാ​ര്‍​ഡ് ഡി​സ്‌​ക് വ​രെ ഊ​രി​ക്കൊ​ണ്ടു​പോ​യ പ്ര​തി​ക​ള്‍ അ​റി​യാ​തെ ഇ​ട്ടു​പോ​യ പ​ത്ര​ക്ക​ട​ലാ​സും സോ​പ്പ് കൂ​ടു​മാ​ണ് പോ​ലീ​സ് പി​ടി​വ​ള്ളി​യാ​ക്കി​യ​ത്.

കു​റി​ച്ചി മ​ന്ദി​രം ക​വ​ല​യി​ലെ ധ​ന​കാ​ര്യ​സ്ഥാ​പ​ന​ത്തി​ല്‍​നി​ന്നാ​ണ് നാ​ലു കി​ലോ​ഗ്രാം സ്വ​ര്‍​ണാ​ഭ​ര​ണ​ങ്ങ​ളും പ​ണ​വും മോ​ഷ​ണം പോ​യ​ത്. കേ​സി​ല്‍ പ​ത്ത​നം​തി​ട്ട കൂ​ട​ല്‍ ക​ല​ഞ്ഞൂ​ര്‍ അ​നീ​ഷ് ഭ​വ​ന​ത്തി​ല്‍ അ​നീ​ഷ് ആ​ന്‍റ​ണി​യാ(26)​ണു പി​ടി​യി​ലാ​യ​ത്. അ​നീ​ഷ് പി​ടി​യി​ലാ​യെ​ന്ന​റി​ഞ്ഞ് മു​ഖ്യ​പ്ര​തി ക​ല​ഞ്ഞൂ​ര്‍ സ്വ​ദേ​ശി ക​ട​ന്നു​ക​ള​ഞ്ഞു. ഇ​യാ​ള്‍​ക്കാ​യി പോ​ലീ​സ് അ​ന്വേ​ഷ​ണം ഊ​ര്‍​ജി​ത​മാ​ക്കി.

ജി​ല്ലാ പോ​ലീ​സ് മേ​ധാ​വി​യു​ടെ നേ​തൃ​ത്വ​ത്തി​ല്‍ 20 അം​ഗ പ്ര​ത്യേ​ക ടീ​മി​നെ നി​യോ​ഗി​ച്ചാ​യി​രു​ന്നു അ​ന്വേ​ഷ​ണം. കോ​ട്ട​യം മു​ത​ല്‍ തി​രു​വ​ല്ല വ​രെ​യു​ള്ള 1,500 സി​സി​ടി​വി പോ​ലീ​സ് പ​രി​ശോ​ധി​ച്ചു. മോ​ഷ​ണ​ശേ​ഷം തെ​ളി​വ് ന​ശി​പ്പി​ക്കാ​നാ​യി വി​ത​റി​യ സോ​പ്പു പൊ​ടി​യു​ടെ ക​വ​റും പൊ​തി​ഞ്ഞു കൊ​ണ്ടു​വ​ന്ന പേ​പ്പ​റു​മാ​ണ് പ്ര​തി​ക​ളി​ലേ​ക്കെ​ത്താ​ന്‍ പോ​ലീ​സി​നെ സ​ഹാ​യി​ച്ച​ത്.

ആ​ലു​വ​യി​ലെ ക​മ്പ​നി​യി​ല്‍ നി​ന്നു​ള്ള സോ​പ്പു​പൊ​ടി​യാ​ണി​തെ​ന്നും എ​റ​ണാ​കു​ളം ഞാ​റ​യ്ക്ക​ല്‍ എ​ഡി​ഷ​നി​ലെ പ​ത്ര​ക്ക​ട​ലാ​സാ​ണെ​ന്നും മ​ന​സി​ലാ​യ​തോ​ടെ ആ ​വ​ഴി​ക്കാ​യി അ​ന്വേ​ഷ​ണം. സ​മാ​ന കേ​സു​ക​ളി​ല്‍​പ്പെ​ട്ട സം​സ്ഥാ​ന​ത്തെ മു​ഴു​വ​ന്‍ പ്ര​തി​ക​ളു​ടെ​യും പ​ട്ടി​ക ശേ​ഖ​രി​ച്ചു.

അ​നീ​ഷി​ന്‍റെ ആ​ദ്യ മോ​ഷ​ണ​ക്കേ​സാ​ണെ​ങ്കി​ലും മു​ഖ്യ​പ്ര​തി​ക്ക് സ​മാ​ന​മാ​യ പ​തി​ന​ഞ്ച് കേ​സു​ക​ളു​ണ്ട്. ഈ ​സ​മ​യം എ​റ​ണാ​കു​ളം ജി​ല്ല​യി​ല്‍ ഇ​വ​രു​ടെ സാ​ന്നി​ധ്യം ഉ​റ​പ്പി​ച്ച​തോ​ടെ​യാ​ണ് പോ​ലീ​സ് പ്ര​തി​ക​ളി​ലേ​ക്ക് എ​ത്തി​യ​ത്. പ്ര​തി​ക​ള്‍ ര​ണ്ട് ദി​വ​സം ധ​ന​കാ​ര്യ സ്ഥാ​പ​ന​ത്തി​നു​ള്ളി​ല്‍ താ​മ​സി​ച്ചാ​യി​രു​ന്നു ക​വ​ര്‍​ച്ച.

കു​ഴി​മ​റ്റം പാ​റ​പ്പു​റം ഭാ​ഗ​ത്തു താ​മ​സി​ക്കു​ന്ന എ.​ആ​ര്‍. പ​ര​മേ​ശ്വ​ര​ന്‍ നാ​യ​രു​ടെ സു​ധാ ഫൈ​നാ​ന്‍​സി​ല്‍ ഓ​ഗ​സ്റ്റ് അ​ഞ്ച്, ആ​റി​നാ​യി​രു​ന്നു മോ​ഷ​ണം. ഏ​ഴി​ന് രാ​വി​ലെ ഫി​നാ​ന്‍​സ് തു​റ​ക്കാ​നെ​ത്തി​യ​പ്പോ​ഴാ​ണു പ​ര​മേ​ശ്വ​ര​ന്‍ നാ​യ​ര്‍ മോ​ഷ​ണ വി​വ​ര​മ​റി​ഞ്ഞ​ത്.

ശ​നി, ഞാ​യ​ര്‍ ദി​വ​സ​ങ്ങ​ളാ​യ​തി​നാ​ല്‍ സ്ഥാ​പ​നം അ​വ​ധി​യാ​യി​രു​ന്നു. ഇ​തു മ​ന​സി​ലാ​ക്കി​യ പ്ര​തി​ക​ള്‍ നാ​ലി​നു രാ​ത്രി​യോ​ടെ ഷ​ട്ട​ര്‍ ത​ക​ര്‍​ത്ത് സ്ഥാ​പ​ന​ത്തി​നു​ള്ളി​ല്‍ ക​യ​റി ര​ണ്ടു ദി​വ​സ​ത്തി​നു​ശേ​ഷം ക​വ​ര്‍​ച്ച ന​ട​ത്തി ര​ക്ഷ​പ്പെ​ടു​ക​യാ​യി​രു​ന്നു.

ര​ണ്ടാം നി​ല​യി​ല്‍ പ്ര​വ​ര്‍​ത്തി​ക്കു​ന്ന കെ​ട്ടി​ട​ത്തി​ന്‍റെ ഷ​ട്ട​ര്‍ ത​ക​ര്‍​ത്ത് അ​ക​ത്തു​ക​യ​റി​യ മോ​ഷ്ടാ​ക്ക​ള്‍ സി​സി​ടി​വി​യു​ടെ ഹാ​ര്‍​ഡ് ഡി​സ്‌​ക് ഊ​രി മാ​റ്റി​യ ശേ​ഷം ഗ്യാ​സ് ക​ട്ട​ര്‍ ഉ​പ​യോ​ഗി​ച്ച് ലോ​ക്ക​ര്‍ തു​റ​ന്നാ​ണ് ഒ​ന്ന​ര​ക്കോ​ടി രൂ​പ​യു​ടെ സ്വ​ര്‍​ണ​വും പ​ണ​വും ക​വ​ര്‍​ന്ന​ത്.

ര​ണ്ട് ദി​വ​സ​ത്തേ​ക്കു​ള്ള ഭ​ക്ഷ​ണ​വും ഇ​വ​ര്‍ ക​രു​തി​യി​രു​ന്നു. മോ​ഷ​ണ​ശേ​ഷം സി​സി​ടി​വി​യി​ല്ലാ​ത്ത സ്ഥ​ല​ത്തു കൂ​ടി​യാ​ണു ര​ക്ഷ​പ്പെ​ട്ട​ത്.