തെന്നിന്ത്യയുടെ പ്രിയതാരം സാമന്ത റൂത്ത് പ്രഭു സോഷ്യല്‍ മീഡിയയിലും സജീവമാണ്. ഫോട്ടോഷൂട്ടുകള്‍ മാത്രമല്ല പ്രചോദനപരമായ കുറിപ്പുകളും സാമന്ത സോഷ്യല്‍ മീഡിയയിലൂടെ പങ്കിടാറുണ്ട്. ഇപ്പോഴിതാ താരം ഇൻസ്റ്റാഗ്രാം പേജിൽ ഒരു നിഗൂഢമായ കുറിപ്പ് പങ്കിട്ടിരിക്കുകയാണ്. അഭിലാഷങ്ങളെക്കുറിച്ചും വിജയത്തെക്കുറിച്ചുമാണു താരത്തിന്‍റെ കുറിപ്പ്.
‘നിങ്ങളുടെ ഹൃദയം ആഗ്രഹിക്കുന്നതെന്തും, നിങ്ങൾ ആഗ്രഹിക്കുന്നതെന്തും, ഞാൻ നിങ്ങൾക്കായി വേരൂന്നുന്നു, നിങ്ങൾ വിജയത്തിന് അർഹരാണ്. നിങ്ങൾ വിജയിക്കുന്നത് എനിക്കു കാണണം’ എന്നാണ് താരം കുറിച്ചത്.
പോസിറ്റീവ് കുറിപ്പ് പങ്കുവച്ചതിനു താരത്തിനു പലരും നല്ല കമന്‍റുകള്‍ ഇടുന്നുണ്ട്. ചില ആരാധകരാകട്ടെ ഈ കുറിപ്പ് വിരാട് കോഹ്‌ലിക്ക് വേണ്ടിയുള്ളതാണെന്ന് കുറിക്കുന്നുണ്ട്. നേരത്തെ വിരാട് കോഹ്‌ലിയെ പിന്തുണച്ച് സാമന്ത സംസാരിച്ചിരുന്നു.
വിരാട് കോഹ്‌ലി വളരെ പ്രചോദകമാണ്. അവന്‍റെ അർപ്പണബോധവും കടപ്പാടും പ്രതിബദ്ധതയും അതിശയിപ്പിക്കുന്നതും കാണാൻ പ്രചോദനം നൽകുന്നതുമാണ്. തന്‍റെ ധീരതയും നിശ്ചയദാർഢ്യവും കൊണ്ട് അദ്ദേഹം ഒരുപാട് ജീവിതങ്ങളെ മാറ്റിമറിച്ചു. വിരാട് കോഹ്‌ലി സെഞ്ച്വറി നേടിയപ്പോൾ ഞാൻ കരഞ്ഞുപോയി. ആ ഘട്ടത്തിനു ശേഷം അവൻ ഒരു പ്രചോദനമാണെന്നാണ് സാമന്ത പറഞ്ഞത്.
തെന്നിന്ത്യയിലെ താരറാണിയായ സാമന്ത റൂത്ത് പ്രഭു ബോളിവുഡിലും തിളങ്ങി നില്‍ക്കുന്ന താരമാണ്. താരം നാഗചൈതന്യയുമായി ബന്ധം വേർപെടുത്തിയത് ആരാധകര്‍ക്ക് ഒരു വലിയ ഞെട്ടലായിരുന്നു. പിന്നീട് വെള്ളിത്തിരയില്‍ തിളങ്ങി നില്‍ക്കുന്ന താരമായി സാമന്ത മാറി. ഇടയ്ക്ക് താരം തനിക്ക് സ്വയം രോഗപ്രതിരോധ വൈകല്യമുള്ള മയോസിറ്റിസ് ബാധിച്ചതായി തുറന്നു സംസാരിച്ചിരുന്നു. സിനിമയില്‍ നിന്ന് ചെറിയൊരു ഇടവേളയെടുത്ത താരം വീണ്ടും ബിഗ്സ്ക്രീനില്‍ തിളങ്ങാനൊരുങ്ങുകയാണ്.
