നടുറോഡിൽ സ്ത്രീ​ക്കുനേരേ ലൈം​ഗി​കാ​തി​ക്ര​മം; പേട്ട പോലീസിൽ വിവരമറിയിച്ചിട്ടും ഒരു സഹായവും കിട്ടിയില്ലെന്ന്  ഇരയും കുടുംബവും

തി​രു​വ​ന​ന്ത​പു​രം: തി​രു​വ​ന​ന്ത​പു​ര​ത്തു ന​ടു​റോ​ഡി​ൽ സ്ത്രീ​ക്കു നേരെ വീ​ണ്ടും ലൈം​ഗി​കാ​തി​ക്ര​മം. വ​ഞ്ചി​യൂ​ർ മൂ​ല​വി​ളാ​കം ജം​ഗ്ഷ​നി​ൽ വ​ച്ചാ​ണ് 49 കാ​രി​യെ അ​ജ്ഞാ​ത​ൻ ക്രൂ​ര​മാ​യി ആ​ക്ര​മി​ച്ച​ത്.

മൂ​ല​വി​ളാ​ക​ത്തു താ​മ​സി​ക്കു​ന്ന സ്ത്രീക്കാണു ദു​ര​നു​ഭ​വം ഉണ്ടായത്. ക​ഴി​ഞ്ഞ 13ന് ​രാ​ത്രി 11നാണ് സം​ഭ​വം. സം​ഭ​വം ന​ട​ന്നു നി​മി​ഷ​ങ്ങ​ൾ​ക്ക​കം പേ​ട്ട പോ​ലീ​സി​ൽ വി​വ​രം അ​റി​യി​ച്ചി​ട്ടും പേ​ട്ട പോലീ​സ് അ​ന​ങ്ങി​യി​ല്ലെ​ന്നാ​ണു പ​രാ​തി.

മൊ​ഴി രേ​ഖ​പ്പെ​ടു​ത്താ​ൻ പ​രാ​തി​ക്കാ​രി​യോ​ട് സ്റ്റേ​ഷ​നി​ലെ​ത്താ​ൻ ആ​വ​ശ്യ​പ്പെ​ട്ട പോലീ​സ് കേ​സെ​ടു​ത്തത് മൂ​ന്നു ദി​വ​സ​ത്തി​നു ശേ​ഷം .

മ​ക​ൾ​ക്കൊ​പ്പം താ​മ​സി​ക്കു​ന്ന പ​രാ​തി​ക്കാ​രി മ​രു​ന്നു വാ​ങ്ങാ​നാ​യി ടൂ​വീ​ല​റി​ൽ പു​റ​ത്തു​പോ​യി മ​ട​ങ്ങ​വേ മൂ​ല​വി​ളാ​കം ജം​ഗ​ഷ്നി​ൽ നിന്ന് അ‍​ജ്ഞാ​ത​നാ​യ ഒ​രാ​ൾ പി​ന്തു​ട​ർ​ന്നു. വീ​ട്ടി​ലേ​ക്കു​ള്ള വ​ഴി​യി​ലേ​ക്കു ക​യ​റാ​ൻ ശ്ര​മി​ക്കു​ന്ന​തി​നി​ടെ വ​ണ്ടി ത​ട​ഞ്ഞു​നി​ർ​ത്തി അ​തി​ക്രൂ​ര​മാ​യി ആ​ക്ര​മി​ക്കു​ക​യാ​യി​രു​ന്നു.

വീ​ട്ടി​ലെ​ത്തി മ​ക​ളോ​ടു കാ​ര്യം പ​റ​ഞ്ഞു. മ​ക​ൾ പേ​ട്ട പോലീ​സ് സ്റ്റേ​ഷ​നി​ലേ​ക്കു വി​ളി​ച്ചു സം​ഭ​വം അ​റി​യി​ച്ചെ​ങ്കി​ലും മേ​ൽ​വി​ലാ​സം ചോ​ദി​ച്ച​ത​ല്ലാ​തെ ഒ​ന്നു​മു​ണ്ടാ​യി​ല്ല.

പോ​ലീ​സ് സ​ഹാ​യം കി​ട്ടി​ല്ലെ​ന്ന് ഉ​റ​പ്പാ​യ​തോ​ടെ അ​ർ​ധ​രാ​ത്രി മ​ക​ൾ​ക്കൊ​പ്പം സ്വ​കാ​ര്യ ആ​ശു​പ​ത്രി​യി​ലേ​ക്കു പോ​യി. ഒ​രു​മ​ണി​ക്കൂ​ർ ക​ഴി​ഞ്ഞു തി​രി​ച്ചു​വി​ളി​ച്ച പോ​ലീ​സ് ഉ​ദ്യോ​ഗ​സ്ഥ​ൻ ആ​വ​ശ്യ​പ്പെ​ട്ട​ത് സ്റ്റേ​ഷ​നി​ലെ​ത്തി മൊ​ഴി ന​ൽ​കാ​ൻ.

സം​ഭ​വം ന​ട​ന്ന് മൂ​ന്നു ദി​വ​സം അ​ന​ങ്ങാ​തി​രു​ന്ന പോ​ലീ​സ് കേ​സെ​ടു​ത്ത​ത് പ​രാ​തി​ക്കാ​രി ക​മ്മീ​ഷ​ണ​ർ​ക്കു പ​രാ​തി ന​ൽ​കി​യ​തി​നു ശേ​ഷമാണ്. ​അ​ന്വേ​ഷ​ണം തു​ട​രു​ക​യാ​ണെ​ന്നാ​ണ് ഇ​പ്പോ​ഴും പോലീ​സ് അ​റി​യി​ക്കു​ന്ന​ത്.സി​സി​ടി​വി ദൃശ്യ ങ്ങളടക്കം ശേ​ഖ​രി​ച്ചി​ട്ടു ണ്ടെന്ന് പോലീസ് പറഞ്ഞു.

‘പോ​ലീ​സ് ഒ​രു സ​ഹാ​യ​വും ചെ​യ്തി​ല്ല’
​തി​രു​വ​ന​ന്ത​പു​രം: ത​നി​ക്കുനേ​രേ അ​ക്ര​മം ന​ട​ന്ന് മി​നി​റ്റു​ക​ൾ​ക്ക​കം വി​ളി​ച്ച​റി​യി​ച്ചി​ട്ടും പേ​ട്ട പോ​ലീ​സ് ഒ​രു സ​ഹാ​യ​വും ചെ​യ്തി​ല്ലെ​ന്ന് മൂ​ല​വി​ളാ​ക​ത്ത് അ​ജ്ഞാ​ത​ന്‍റെ ആ​ക്ര​മ​ണ​ത്തി​ന് ഇ​ര​യാ​യ സ്ത്രീ. ​

മൊ​ഴി രേ​ഖ​പ്പെ​ടു​ത്താ​ൻ പോ​ലീ​സ് സ്റ്റേ​ഷ​നി​ലെ​ത്താ​നാ​ണ് പോ​ലീ​സ് ആ​വ​ശ്യ​പ്പെ​ട്ട​ത്. മേ​ൽ​വി​ലാ​സം ചോ​ദി​ച്ച​ത​ല്ലാ​തെ പോ​ലീ​സ് ഒ​രു ന​ട​പ​ടി​യും സ്വീ​ക​രി​ച്ചി​ല്ല.

ത​ന്‍റെ വീ​ടി​നു മു​ന്നി​ൽ വ​ച്ചു ന​ട​ന്ന സം​ഭ​വ​ത്തി​ൽ വി​ളി​ച്ച് അ​റി​യി​ച്ച ഉ​ട​ൻ പോ​ലീ​സ് ഉ​ണ​ർ​ന്നു പ്ര​വ​ർ​ത്തി​ച്ചി​രു​ന്നെ​ങ്കി​ൽ പ്ര​തി​യെ പി​ടി​കൂ​ടാ​ൻ ക​ഴി​യു​മാ​യി​രു​ന്നെ​ന്നും അ​വ​ർ പ​റ​ഞ്ഞു.

ക​ഴി​ഞ്ഞ 13 നാ​ണ് വ​ഞ്ചി​യൂ​ർ മൂ​ല​വി​ളാ​കം സ്വ​ദേ​ശി​യാ​യ യു​വ​തി​യെ രാ​ത്രി​യി​ൽ മ​രു​ന്നു വാ​ങ്ങാ​ൻ പോ​യി തി​രി​ച്ചു വ​രു​ന്ന വ​ഴി അ​ജ്ഞാ​ത​ൻ അ​തി​ക്രൂ​ര​മാ​യി ആ​ക്ര​മി​ച്ചത്.

മ​ക​ളാ​ണ് പോ​ലീ​സി​നെ വി​ളി​ച്ച് അ​റി​യി​ച്ച​ത്. ആ​ക്ര​മ​ത്തെ തു​ട​ർ​ന്ന് ക​ണ്ണി​ന് അ​ട​ക്കം ഗു​രു​ത​ര​മാ​യി പ​രി​ക്കേ​റ്റി​രു​ന്ന​തി​നാ​ൽ എ​ത്ര​യും വേ​ഗം ആ​ശു​പ​ത്രി​യി​ൽ പോ​കേ​ണ്ട തു​ണ്ടയി​രു​ന്നു.

ആം​ബു​ല​ൻ​സ് ല​ഭ്യ​മാ​ക്കാ​മോ എ​ന്ന് പേ​ട്ട പോ​ലീ​സി​നോ​ട് മ​ക​ൾ അ​ഭ്യ​ർ​ഥി​ച്ചെ​ങ്കി​ലും പോ​ലീ​സ് അ​ന​ങ്ങി​യി​ല്ല. തു​ട​ർ​ന്ന് മ​ക​ൾ​ക്കൊ​പ്പം മ​റ്റൊ​രു വാ​ഹ​ന​ത്തി​ലാ​ണ് ആ​ശു​പ​ത്രി​യി​ലെ​ത്തി​യ​ത്.

ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്പോ​ൾ പോ​ലീ​സ് സ്റ്റേ​ഷ​നി​ൽ നി​ന്നു വി​ളി​ച്ച് മൊ​ഴി ന​ൽ​കാ​ൻ സ്റ്റേ​ഷ​നി​ൽ ചെ​ല്ല​ണ​മെ​ന്നു മാ​ത്ര​മാ​ണ് പോ​ലീ​സ് പ​റ​ഞ്ഞ​ത്.