Set us Home Page

പി​ണ​റാ​യി കൂ​ട്ട​ക്കൊ​ലക്കേസിലെ രേ​ഖ​ക​ള്‍ റെ​ഡി;  മതിയായ രേഖകൾ ഇല്ലെന്ന് പറഞ്ഞ് മ​ട​ക്കി​യ കു​റ്റ​പ​ത്ര​ങ്ങ​ള്‍   വീ​ണ്ടും കോടതിയിൽ

ത​ല​ശേ​രി:​പി​ണ​റാ​യി കൂ​ട്ട​ക്കൊ​ല കേ​സി​ലെ പ്ര​തി വ​ണ്ണ​ത്താ​ന്‍ വീ​ട്ടി​ല്‍ സൗ​മ്യ​ക്കെ​തി​രെ​യു​ള്ള മൂ​ന്ന് കു​റ്റ​പ​ത്ര​ങ്ങ​ളും ടൗ​ണ്‍ പോ​ലീ​സ് ഇ​ന്ന് വീ​ണ്ടും കോ​ട​തി​യി​ല്‍ സ​മ​ര്‍​പ്പി​ക്കും. വേ​ണ്ട​ത്ര രേ​ഖ​ക​ളി​ല്ലെ​ന്ന് ചൂ​ണ്ടി​ക്കാ​ട്ടി പോ​ലീ​സ് സ​മ​ര്‍​പ്പി​ച്ച മൂ​ന്ന് കു​റ്റ​പ​ത്ര​ങ്ങ​ളും ത​ല​ശേ​രി ജു​ഡീ​ഷ​ല്‍ ഫ​സ്റ്റ്ക്ലാ​സ് മ​ജി​സ്‌​ട്രേ​റ്റ് കോ​ട​തി നേ​ര​ത്തെ മ​ട​ക്കി​യി​രു​ന്നു.

പി​ണ​റാ​യി പ​ട​ന്ന​ക്ക​ര​യി​ലെ ക​ല്ല​ട്ടി വ​ണ്ണ​ത്താ​ന്‍ വീ​ട്ടി​ല്‍ കു​ഞ്ഞി​ക്ക​ണ്ണ​ന്‍, ഭാ​ര്യ ക​മ​ല,പേ​ര​ക്കു​ട്ടി ഐ​ശ്വ​ര്യ കി​ഷോ​ര്‍ എ​ന്നി​വ​രെ കൊ​ല​പ്പെ​ടു​ത്തി​യ കേ​സി​ന്‍റെ കു​റ്റ​പ​ത്ര​ങ്ങ​ളാ​ണ് വേ​ണ്ട​ത്ര രേ​ഖ​ക​ളി​ല്ലെ​ന്ന് ചൂ​ണ്ടി​ക്കാ​ണി​ച്ച് കോ​ട​തി മ​ട​ക്കി​യി​രു​ന്ന​ത്. കേ​സി​ലെ കോ​ള്‍​ഡാ​റ്റ റെ​ക്കോ​ര്‍​ഡും മൂ​ന്നു കേ​സു​ക​ളി​ലേ​യും എ​ഫ്‌​ഐ​ആ​റി​ന്‍റെ സ​ര്‍​ട്ടി​ഫൈ​ഡ് കോ​പ്പി​ക​ളും ഉ​ള്‍​പ്പെ​ടെ ടൗ​ണ്‍ സി​ഐ എം.​പി ആ​സാ​ദ് ഇ​ന്ന് കു​റ്റ​പ​ത്രം സ​മ​ര്‍​പ്പി​ക്കും.

വീ​ണ്ടും കു​റ്റ​പ​ത്രം സ​മ​ര്‍​പ്പി​ക്കു​ക​യും സൗ​മ്യ​യു​ടെ മ​ര​ണ സ​ര്‍​ട്ട​ഫി​ക്ക​റ്റ് അ​ധി​കൃ​ത​ര്‍ കോ​ട​തി​യി​ല്‍ ഹാ​ജ​രാ​ക്കു​ക​യും ചെ​യ്യു​ന്ന​തോ​ടെ കൂ​ട്ട​ക്കൊ​ല​ക്കേ​സി​ലെ ന​ട​പ​ടി ക്ര​മ​ങ്ങ​ള്‍ കോ​ട​തി അ​വ​സാ​നി​പ്പി​ക്കും. റി​മാ​ൻ​ഡി​ൽ ക​ഴി​ഞ്ഞി​രു​ന്ന സൗ​മ്യ ക​ണ്ണൂ​ര്‍ വ​നി​താ ജ​യി​ലി​ൽ ആ​ത്മ​ഹ​ത്യ ചെ​യ്തി​രു​ന്നു. ഈ ​സം​ഭ​വ​ത്തി​ല്‍ ജ​യി​ല്‍ ജീ​വ​ന​ക്കാ​ര്‍​ക്കെ​തി​രെ അ​ധി​കൃ​ത​ര്‍ ന​ട​പ​ടി സ്വീ​ക​രി​ക്കു​ക​യും ചെ​യ്തു.​

സൗ​മ്യ ജീ​വ​നൊ​ടു​ക്കു​ന്ന​തി​ന് ഒ​രാ​ഴ്ച മു​മ്പാ​ണ് മൂ​ന്ന് കു​റ്റ​പ​ത്ര​ങ്ങ​ളും കോ​ട​തി മ​ട​ക്കി​യ​ത്. കൂ​ട്ട​ക്കൊ​ല​യി​ല്‍ സൗ​മ്യ​ക്കൊ​പ്പം മ​റ്റ് പ​ല​ര്‍​ക്കും പ​ങ്കു​ള്ള​താ​യും ജ​യി​ലി​ല്‍ സൗ​മ്യ തൂ​ങ്ങി മ​രി​ച്ച​തി​ല്‍ ദു​രൂ​ഹ​ത​യു​ള്ള​താ​യും സൗ​മ്യ​യു​ടെ ബ​ന്ധ​ക്ക​ളും നാ​ട്ടു​കാ​രും ആ​രോ​പി​ച്ചി​രു​ന്നു. തു​ട​ര​ന്വേ​ഷ​ണം ആ​വ​ശ്യ​പ്പെ​ട്ട് ആ​ക്‌​ഷ​ന്‍ ക​മ്മ​റ്റി​യു​ടെ നേ​തൃ​ത്വ​ത്തി​ല്‍ കോ​ട​തി​യെ സ​മീ​പി​ക്കാ​നും നീ​ക്ക​മു​ണ്ട്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS