മു​ര​ളീ​ധ​ര​ൻ​പ​ക്ഷ​ത്തെ വെ​ട്ടാ​ൻ ശ്രീ​ധ​ര​ൻ​പി​ള്ള; ആ​ർ​എ​സ്എ​സ് ഇ​ട​പെ​ട്ടി​ട്ടും ത​ർ​ക്കം; സ​മ​വാ​യ​ത്തി​നു തി​ര​ക്കി​ട്ട നീ​ക്കം

ജോ​ണ്‍​സ​ണ്‍ വേ​ങ്ങ​ത്ത​ടം

കൊ​ച്ചി: ലോ​ക്സ​ഭ തെ​ര​ഞ്ഞെ​ടു​പ്പി​നു​ള്ള സ്ഥാ​നാ​ർ​ഥി​ക​ളെ പ്ര​ഖ്യാ​പി​ക്കാ​തെ ത​ർ​ക്ക​വു​മാ​യി ബി​ജെ​പി മു​ന്നോ​ട്ട്. ആ​ർ​എ​സ്എ​സ് ഇ​ട​പെ​ട്ട​തോ​ടെ സ്ഥാ​നാ​ർ​ഥി പ്ര​ഖ്യാ​പ​നം ഉ​ട​ൻ ഉ​ണ്ടാ​കു​മെ​ന്ന ധാ​ര​ണ പ​ര​ന്നെ​ങ്കി​ലും വീ​ണ്ടും ത​ർ​ക്കം ഉ​ട​ലെ​ടു​ത്തു.

സം​സ്ഥാ​ന പ്ര​സി​ഡ​ന്‍റ് ശ്രീ​ധ​ര​ൻ​പി​ള്ള​യും മു​ൻ അ​ധ്യ​ക്ഷ​ൻ വി. ​മു​ര​ളീ​ധ​ര​നും നേ​തൃ​ത്വം ന​ൽ​കു​ന്ന ഗ്രൂ​പ്പു​ക​ൾ ത​മ്മി​ലു​ള്ള പ​ട​ല​പി​ണ​ക്കം ശ​ക്ത​മാ​യ​തോ​ടെ സ്ഥാ​നാ​ർ​ഥി പ്ര​ഖ്യാ​പ​നം ന​ട​ത്താ​ൻ ക​ഴി​യാ​തെ വി​ഷ​മി​ക്കു​ക​യാ​ണ് പാ​ർ​ട്ടി. ഇ​ന്ന​ലെ ബി​ജെ​പി 14 സീ​റ്റി​ലും ബി​ഡി​ജെ​സ് അ​ഞ്ചു സീ​റ്റി​ലും കേ​ര​ള കോ​ണ്‍​ഗ്ര​സ് തോ​മ​സ് വി​ഭാ​ഗം ഒ​രു സീ​റ്റി​ലും മ​ത്സ​രി​ക്കു​മെ​ന്ന കാ​ര്യം ഉ​റ​പ്പി​ച്ചെ​ങ്കി​ലും ബി​ജെ​പി​യി​ലെ സീ​റ്റു​ക​ളി​ൽ പൂ​ർ​ണ​മാ​യും ധാ​ര​ണ​യാ​യി​ട്ടി​ല്ല.

പാ​ല​ക്കാ​ട്, പ​ത്ത​നം​തി​ട്ട സീ​റ്റു​ക​ളി​ലും ഇ​പ്പോ​ഴും ക​ടും​പി​ടു​ത്തം ന​ട​ക്കു​ന്നു​ണ്ട്. ഓ​രോ നേ​താ​ക്ക​ളെ ഓ​രോ മ​ണ്ഡ​ല​ത്തി​ലും ചു​മ​ത​ല ഏ​ല്പി​ക്കു​ന്ന​തു​മാ​യി ബ​ന്ധ​പ്പെ​ട്ടു​ള്ള ത​ർ​ക്ക​വും ശ​ക്ത​മാ​യി​ട്ടു​ണ്ട്. മു​ൻ കാ​ല​ങ്ങ​ളി​ൽ സം​ഭ​വി​ച്ച​തു​പോ​ലെ കോ​ഴ വി​വാ​ദം ഉ​ട​ലെ​ടു​ക്കു​മെ​ന്ന ഭ​യ​വും പാ​ർ​ട്ടി​യി​ൽ ശ​ക്ത​മാ​യി​ട്ടു​ണ്ട്.

ഹോ​ളി​യാ​യ​തു കൊ​ണ്ടാ​ണ് പ്ര​ഖ്യാ​പ​നം വൈ​കു​ന്ന​തെ​ന്നാ​ണ് പാ​ർ​ട്ടി നി​ല​പാ​ട്. എ​ല്ലാ സീ​റ്റി​ലും ധാ​ര​ണ​യെ​ന്നും ഇ​വ​ർ വ്യ​ക്ത​മാ​ക്കു​ന്നു. എ​ന്നാ​ൽ സ്ഥാ​നാ​ർ​ഥി​നി​ർ​ണ​യ​ത്തി​ൽ ഏ​ക​ദേ​ശ ധാ​ര​ണ​യാ​യെ​ങ്കി​ലും പൂ​ർ​ണ​മാ​യും ഉ​ൾ​ക്കൊ​ള്ളാ​ത്ത വി. ​മു​ര​ളീ​ധ​ര​വി​ഭാ​ഗ​ത്തെ അ​നു​ന​യി​പ്പി​ക്കാ​നു​ള്ള നീ​ക്ക​മാ​ണ് ഇ​പ്പോ​ൾ ന​ട​ക്കു​ന്ന​ത്.

അ​മി​ത്ഷാ ന​ൽ​കു​ന്ന ഉ​റ​പ്പി​ൽ മാ​ത്ര​മാ​ണ് മു​ര​ളീ​ധ​ര​വി​ഭാ​ഗം ത​ണു​ക്കു​ക​യു​ള്ളൂ. ഇ​ക്കു​റി അ​ക്കൗ​ണ്ട് തു​റ​ക്കു​മെ​ന്ന റി​പ്പോ​ർ​ട്ട് കേ​ര​ള​ഘ​ട​കം കൊ​ടു​ത്തി​രി​ക്കു​ന്ന സാ​ഹ​ച​ര്യ​ത്തി​ലാ​ണ് അ​മി​ത്ഷാ മ​യ​പ്പെ​ട്ടി​രി​ക്കു​ന്ന​തെ​ന്നാ​ണ് റി​പ്പോ​ർ​ട്ട്. അ​തു കൊ​ണ്ടു മാ​ത്ര​മാ​ണ് ഇ​രു​വി​ഭാ​ഗ​ത്തെ​യും ഒ​ന്നി​ച്ചു കൊ​ണ്ടു പോ​കാ​ൻ നേ​തൃ​ത്വം ശ്ര​മി​ക്കു​ന്ന​ത്. തെ​ര​ഞ്ഞെ​ടു​പ്പു സ​മ​യ​ത്തു ഒ​രു പ്ര​ശ്നം സൃ​ഷ്ടി​ക്ക​രു​തെ​ന്നും നി​ർ​ദേ​ശ​മു​ണ്ട്.

എ​റ​ണാ​കു​ള​ത്തു കേ​ന്ദ്ര​മ​ന്ത്രി അ​ൽ​ഫോ​ൻ​സ് ക​ണ്ണ​ന്താ​ന​വും, പ​ത്ത​നം​തി​ട്ട​യി​ൽ കെ. ​സു​രേ​ന്ദ്ര​നും, ആ​റ്റി​ങ്ങ​ലി​ൽ ശോ​ഭാ സു​രേ​ന്ദ്ര​നും ബി​ജെ​പി സ്ഥാ​നാ​ർ​ഥി​ക​ളാ​കും. പാ​ർ​ട്ടി സം​സ്ഥാ​ന പ്ര​സി​ഡ​ന്‍റ് പി.​എ​സ്. ശ്രീ​ധ​ര​ൻ പി​ള്ള, ജ​ന​റ​ൽ സെ​ക്ര​ട്ട​റി എം ​ടി. ര​മേ​ശ്, ദേ​ശീ​യ നി​ർ​വാ​ഹ​ക​സ​മി​തി​യം​ഗം പി.​കെ. കൃ​ഷ്ണ​ദാ​സ് എ​ന്നി​വ​ർ മ​ത്സ​ര രം​ഗ​ത്തു നി​ന്നു പി​ന്മാ​റി. തി​രു​വ​ന​ന്ത​പു​ര​ത്ത് കു​മ്മ​നം രാ​ജ​ശേ​ഖ​ര​ൻ ത​ന്നെ മ​ത്സ​രി​ക്കും.

ഇ​തി​നി​ടെ തി​രു​വ​ന​ന്ത​പു​രം മ​ണ്ഡ​ല​ത്തി​ന്‍റെ പാ​ർ​ട്ടി ചു​മ​ത​ല എം ​ടി. ര​മേ​ശി​നു ന​ൽ​കു​മെ​ന്നാ​ണ് സൂ​ച​ന. ഇ​തോ​ടെ പാ​ർ​ട്ടി​യി​ൽ ഗ്രൂ​പ്പി​സ​വും ത​ല​പൊ​ക്കു​ക​യാ​ണ്. വി​ജ​യ​സാ​ധ്യ​ത​യു​ള്ള തി​രു​വ​ന​ന്ത​പു​ര​ത്ത് എം​ടി ര​മേ​ശി​നെ നി​യോ​ഗി​ക്കു​ന്പോ​ൾ കു​മ്മ​ന​ത്തി​ന്‍റെ സാ​ധ്യ​ത​ക​ൾ അ​ട​യു​മെ​ന്ന വി​ല​യി​രു​ത്ത​ൽ സ​ജീ​വ​മാ​ണ്.

ഒ​രു പ്ര​ത്യേ​ക ഗ്രൂ​പ്പി​ന്‍റെ വ​ക്താ​വാ​ണ് ര​മേ​ശ്. അ​തു​കൊ​ണ്ട് ത​ന്നെ ര​മേ​ശി​നെ തി​രു​വ​ന​ന്ത​പു​ര​ത്തേ​ക്ക് നി​യോ​ഗി​ക്കു​ന്ന​ത് ഏ​കോ​പ​ന​ത്തി​ൽ പ്ര​ശ്ന​മാ​കു​മെ​ന്നാ​ണ് വി​ല​യി​രു​ത്ത​ൽ. പാ​ർ​ട്ടി​യി​ൽ അ​തി​ശ​ക്ത​മാ​യ വി​ഭാ​ഗി​യ​ത​യു​ള്ള സ്ഥ​ല​മാ​ണ് തി​രു​വ​ന​ന്ത​പു​രം.

പ​ത്ത​നം​തി​ട്ട​യി​ൽ മ​ത്സ​രി​ക്കാ​ൻ ക​ടും​പി​ടി​ത്തം പി​ടി​ച്ച ര​മേ​ശി​നെ ബി​ജെ​പി കേ​ന്ദ്ര നേ​തൃ​ത്വം വെ​ട്ടി​യൊ​തു​ക്കി​യി​രു​ന്നു. കോ​ഴി​ക്കോ​ട്ടോ വ​ട​ക​ര​യി​ലോ മ​ത്സ​രി​ക്കാ​നും നേ​തൃ​ത്വം ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ അ​ത് വേ​ണ്ടെ​ന്ന് വ​ച്ചാ​ണ് ര​മേ​ശ് തി​രു​വ​ന​ന്ത​പു​ര​ത്തേ​ക്ക് വ​രു​ന്ന​ത്. തി​രു​വ​ന​ന്ത​പു​ര​ത്ത് വി ​മു​ര​ളീ​ധ​ര വി​ഭാ​ഗം സ​ജീ​വ​മാ​ണ്.

ക​ഴി​ഞ്ഞ ത​വ​ണ മ​ത്സ​രി​ച്ച പാ​ല​ക്കാ​ട് മ​ണ്ഡ​ല​ത്തി​ൽ പ​രി​ഗ​ണി​ക്ക​ണ​മെ​ന്നാ​ണു ശോ​ഭ സു​രേ​ന്ദ്ര​ൻ ആ​വ​ശ്യ​പ്പെ​ട്ടി​രു​ന്ന​തെ​ങ്കി​ലും ഇ​വി​ടെ സി. ​കൃ​ഷ്ണ​കു​മാ​റി​നാ​ണ് സാ​ധ്യ​ത. ശോ​ഭ സു​രേ​ന്ദ്ര​ൻ ആ​റ്റി​ങ്ങ​ലി​ലേ​ക്കു മാ​റു​ക​യാ​യി​രു​ന്നു. പു​തു​താ​യി പാ​ർ​ട്ടി​യി​ലെ​ത്തി​യ ടോം ​വ​ട​ക്ക​ന് സ്വ​ദേ​ശ​മാ​യ തൃ​ശൂ​രി​നോ​ടാ​യി​രു​ന്നു താ​ൽ​പ​ര്യ​മെ​ങ്കി​ലും സീ​റ്റ് വി​ഭ​ജ​ന​ത്തി​ൽ ഈ ​മ​ണ്ഡ​ലം ബി​ഡി​ജ​ഐ​സി​നാ​ണ്. അ​തി​നാ​ൽ അ​ദ്ദേ​ഹ​ത്തെ കൊ​ല്ല​ത്തേ​ക്കു പ​രി​ഗ​ണി​ക്കാ​ൻ തീ​രു​മാ​നി​ച്ചു.

തി​രു​വ​ന​ന്ത​പു​രം, ആ​റ്റി​ങ്ങ​ൽ, കൊ​ല്ലം, പ​ത്ത​നം​തി​ട്ട, ആ​ല​പ്പു​ഴ, എ​റ​ണാ​കു​ളം, ചാ​ല​ക്കു​ടി, പാ​ല​ക്കാ​ട്, പൊ​ന്നാ​നി, മ​ല​പ്പു​റം, കോ​ഴി​ക്കോ​ട്, വ​ട​ക​ര, ക​ണ്ണൂ​ർ, കാ​സ​ർ​കോ​ട് സീ​റ്റു​ക​ളി​ലാ​ണു ബി​ജെ​പി മ​ത്സ​രി​ക്കു​ന്ന​ത്. തൃ​ശൂ​ർ, മാ​വേ​ലി​ക്ക​ര, ഇ​ടു​ക്കി, ആ​ല​ത്തൂ​ർ, വ​യ​നാ​ട് സീ​റ്റു​ക​ളി​ൽ ബി​ഡി​ജ​ഐ​സ് മ​ത്സ​രി​ക്കും. പി.​സി തോ​മ​സി​ന്‍റെ കേ​ര​ള കോ​ണ്‍​ഗ്ര​സി​നു ന​ൽ​കി​യ കോ​ട്ട​യം സീ​റ്റി​ൽ അ​ദ്ദേ​ഹം ത​ന്നെ​യാ​ണു സ്ഥാ​നാ​ർ​ത്ഥി.