ഭര്തൃവീട്ടില് യുവതികള് മരിക്കുന്ന സംഭവങ്ങള് കേരളത്തില് തുടര്ക്കഥയാവുന്ന സാഹചര്യത്തില് വടകര അഴിയൂര് സ്വദേശിനി റിസ്വാന(21)യുടെ ദുരൂഹമരണത്തില് അന്വേഷണം ജില്ലാ ക്രൈംബ്രാഞ്ചിന് കൈമാറി. ഭര്തൃവീട്ടില് റിസ്വാനയെ മരിച്ചനിലയില് കണ്ടെത്തിയ സംഭവത്തില് വിശദമായ അന്വേഷണം വേണമെന്ന കുടുംബത്തിന്റെ പരാതി പരിഗണിച്ചാണ് വടകര റൂറല് എസ്.പി. അന്വേഷണം ക്രൈംബ്രാഞ്ചിന് കൈമാറിയത്. ക്രൈംബ്രാഞ്ച് ഡിവൈ.എസ്.പി. ആര്. ഹരിദാസിനാണ് അന്വേഷണച്ചുമതല. മെയ് ആദ്യവാരമാണ് വടകര അഴിയൂര് സ്വദേശി റഫീഖിന്റെ മകള് റിസ്വാനയെ കൈനാട്ടിയിലെ ഭര്തൃവീട്ടില് മരിച്ചനിലയില് കണ്ടെത്തിയത്. ഭര്തൃവീട്ടിലെ അലമാരയില് റിസ്വാനയെ തൂങ്ങിമരിച്ച നിലയില് കണ്ടെത്തിയെന്നായിരുന്നു നാട്ടുകാര് കുടുംബത്തെ അറിയിച്ചത്. അതേസമയം, റിസ്വാനയുടെ മരണവിവരം ഭര്തൃവീട്ടുകാര് അറിയിക്കാതിരുന്നതിലും ആശുപത്രിയില് ഭര്തൃവീട്ടുകാരെ കാണാതിരുന്നതിലും ദുരൂഹതയുണ്ടെന്നാണ് യുവതിയുടെ കുടുംബത്തിന്റെ ആരോപണം. വിവാഹം കഴിഞ്ഞ് രണ്ടുവര്ഷമായിട്ടും റിസ്വാന ഭര്തൃവീട്ടില് നിരന്തരം പീഡനത്തിനിരയായെന്നും ബന്ധുക്കള് ആരോപിക്കുന്നു. ഭര്തൃവീട്ടിലെ ഉപദ്രവത്തെക്കുറിച്ച് മകള് സുഹൃത്തുക്കളോട് വെളിപ്പെടുത്തിയിട്ടുണ്ടെന്നായിരുന്നു പിതാവ് റഫീഖിന്റെ പ്രതികരണം. ഭര്ത്താവ് ഷംനാസ്,…
Read More