സ​ന്ദ​ർ​ശക​യാ​യെ​ത്തി, താ​നയുടെ മടക്കം താ​ന്ത്രി​ക​യാ​യി

കേ​ര​ളം സ​ന്ദ​ർ​ശി​ക്കാ​നെ​ത്തി​യ ജ​പ്പാ​ൻ സ്വ​ദേ​ശി​നി ജ​ന്മ​നാ​ട്ടി​ലേ​ക്ക് മ​ട​ങ്ങു​ന്ന​ത് സം​സ്കൃ​ത​ഭാ​ഷാ പാ​ണ്ഡി​ത്യ​മു​ള്ള താ​ന്ത്രി​ക​യാ​യി. ഇ​രു​പ​ത്തി​യെ​ട്ടു​കാ​രി താ​നയാ​ണ് താ​ന്ത്രി​ക​വി​ദ്യ​ക​ൾ അ​ഭ്യ​സി​ച്ച് ഗു​രു​വി​ന് ദ​ക്ഷി​ണ​യും ന​ൽ​കി നാ​ട്ടി​ലേ​ക്ക് തി​രി​ക്കു​ന്ന​ത്. ചെ​റാ​യി ദേ​വ​സ്വം ക്ഷേ​ത്ര​ത്തി​നു തെ​ക്കു​ഭാ​ഗ​ത്താ​യി സ്ഥി​തി​ചെ​യ്യു​ന്ന ശ്രീ​ദേ​വ വി​ദ്യാ​പീ​ഠ​ത്തി​ലെ ത​ന്ത്രി ഷാ​ജി​യു​ടെ ശി​ക്ഷ​ണ​ത്തി​ലാ​ണ് ഇ​വ​ർ താ​ന്ത്രി​ക​വി​ദ്യ​ക​ൾ സ്വാ​യ​ത്ത​മാ​ക്കി​യ​ത്.

താ​ത്രി​ക​വി​ദ്യ​യി​ൽ ക​ന്പ​മാ​യ​തോ​ടെ താ​ന ക​ഴി​ഞ്ഞ മൂ​ന്നു വ​ർ​ഷ​ത്തി​നു​ള്ളി​ൽ ആ​റു​ ത​വ​ണ​യോ​ളം സ​ന്ദ​ർ​ശ​ക വി​സ​യി​ൽ ചെ​റാ​യി​യിലെ​ത്തി. ഓ​രോ വ​ര​വി​ലും ര​ണ്ടു​മാ​സം വീ​തം ഇവിടെ താ​മ​സി​ച്ചാ​ണ് പ​ഠ​നം പൂ​ർ​ത്തി​യാ​ക്കി​യ​ത്. പ​ഠ​ന​ങ്ങ​ൾ പൂ​ർ​ത്തി​യാ​ക്കി​യ​തി​ന്‍റെ ഭാ​ഗ​മാ​യി ഇ​ന്ന​ലെ വി​ദ്യാ​പീ​ഠ​ത്തി​ൽ ഗു​രു​ദ​ക്ഷി​ണ ന​ൽ​കു​ന്ന ച​ട​ങ്ങാ​യി​രു​ന്നു.

ക​ളം​വ​ര​ച്ച് വി​ള​ക്കു​ക​ൾ കൊ​ളു​ത്തി ഗു​രു​വി​ന്‍റെ അ​നു​ഗ്ര​വും അ​നു​വാ​ദ​വും വാ​ങ്ങി ദേ​ഹ​ശു​ദ്ധി​വ​രു​ത്തി ശ​ങ്ക​പൂ​ര​ണം, ആ​ത്മാ​രാ​ധ​ന എ​ന്നി​വ​യ്ക്കു​ശേ​ഷം ഭ​ദ്ര​കാ​ളി പൂ​ജ​മു​ത​ൽ പ്ര​സ​ന്ന പൂ​ജ​വ​രെ ന​ട​ത്തി​യാ​ണ് ഗു​രു​ദ​ക്ഷി​ണ ന​ൽ​കി​യ​ത്. ഇം​ഗ്ലീ​ഷും ജാ​പ്പ​നീ​സ് ഭാ​ഷ​യും മാ​ത്രം അ​റി​യാ​വു​ന്ന ഇ​വ​ർ പൂ​ർ​ണ​മാ​യും സം​സ്കൃ​ത​ഭാ​ഷ​യി​ലു​ള്ള ഭ​ദ്ര​കാ​ളി ധ്യാ​ന​വും മൂ​ല​മ​ന്ത്ര​ങ്ങ​ളും വ​ള​രെ പെ​ട്ടെ​ന്ന് പ​ഠി​ച്ച​താ​യി ത​ന്ത്രി ഷാ​ജി പ​റ​ഞ്ഞു.

ജ​പ്പാ​നി​ലെ ടൊ​യോ​മോ ന​ഗ​ര​ത്തി​ൽ ന്യൂ​ട്രീ​ഷ്യ​ൻ ആ​യി ജോ​ലി നോ​ക്കു​ന്ന ഇ​വ​രു​ടെ ഭ​ർ​ത്താ​വ് ഫ്ര​ഞ്ചു​കാ​ര​നാ​യ സെ​ബാ​സ്റ്റ്യ​നാ​ണ്. അ​ഞ്ചു​വ​യ​സു​കാ​രി​യാ​യ മ​ക​ൾ ജൂ​ലി​യ​യും ഇ​വ​ർ​ക്കൊ​പ്പ​മു​ണ്ട്. 13നു ​ഇ​വ​ർ ജ​പ്പാ​നി​ലേ​ക്ക് തി​രി​ക്കും. അ​തി​നു മു​ന്പാ​യി വി​ദ്യാ​പീ​ഠ​ത്തി​ൽ മ​ക​ളെ​യും ശി​ഷ്യ​പ്പെ​ടു​ത്തു​മെ​ന്ന് താ​ന പ​റ​ഞ്ഞു.

ഹ​രു​ണി സു​രേ​ഷ്