ഒറ്റമഴയിൽ ഒറ്റപ്പെട്ടുപോകുന്നവർ; ചെറിയ മഴയിൽപ്പോലും ഒരാൾപ്പൊക്കത്തിൽ വെള്ളം കയറും; പു​ഷ്പ​ഗി​രി റെ​യി​ൽ​വേ ക്രോ​സി​നു സ​മീ​പ​ത്തെ ജനങ്ങളുടെ ജീവിതം  ദുരിതത്തിൽ

തി​രു​വ​ല്ല: മ​ഴ പെ​യ്താ​ൽ തി​രു​വ​ല്ല പു​ഷ്പ​ഗി​രി റെ​യി​ൽ​വേ ക്രോ​സി​നു സ​മീ​പ​ത്തെ വീ​ടു​ക​ളി​ൽ വെ​ള്ള​ക്കെ​ട്ട് ഉ​ണ്ടാ​കു​ന്ന​ത് പ​തി​വാ​കു​ന്നു. മ​ഞ്ഞാ​ടി പു​ഷ്പ​ഗി​രി റോ​ഡി​ൽ ന​ഗ​ര​സ​ഭ​യി​ലെ പ​തി​നാ​ലാം വാ​ർ​ഡി​ൽ റെ​യി​ൽ​വേ ക്രോ​സി​ന് താ​ഴോ​ട്ടു​ള്ള ഭാ​ഗ​ത്തെ താ​ഴ്ന്ന പ്ര​ദേ​ശ​ത്തും തീ​പ്പ​നി ഭാ​ഗ​ത്തു​മു​ള്ള പ​തി​ന​ഞ്ചോ​ളം വീ​ട്ടു​കാ​രാ​ണ് ദു​രി​ത​ത്തി​ലാ​യി​രി​ക്കു​ന്ന​ത്. ചെ​റി​യ മ​ഴ പെ​യ്താ​ൽ പോ​ലും ഈ ​ഭാ​ഗ​ത്തെ വീ​ടു​ക​ളി​ൽ ഒ​രാ​ൾ പൊ​ക്ക​ത്തി​ൽ വെ​ള്ളം ഉ​യ​രും.

റെ​യി​ൽ​വേ​യു​ടെ​യും തി​രു​വ​ല്ല ന​ഗ​ര​സ​ഭ​യു​ടെ​യും അ​നാ​സ്ഥ മൂ​ല​മാ​ണ് ത​ങ്ങ​ൾ​ക്ക് ഈ ​ദു​രി​ത​ത്തി​ലാ​യി​രി​ക്കു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു. സ​തേ​ൺ റെ​യി​ൽ​വേ​യു​ടെ തി​രു​വ​ന്ത​പു​രം ഡി​വി​ഷ​നു കീ​ഴി​ൽ വ​രു​ന്ന ഈ ​പ്ര​ദേ​ശ​ത്ത് ട്രാ​ക്ക് ഇ​ര​ട്ടി​പ്പി​ക്ക​ലി​ന് വേ​ണ്ടി സ്ഥ​ലം ന​ല്കി​യ​വ​ർ​ക്കാ​ണ് ഈ ​ദു​ർ​ഗ​തി വ​ന്നി​രി​ക്കു​ന്ന​ത്. ട്രാ​ക്കി​ന്‍റെ സം​ര​ക്ഷ​ണ​ത്തി​നാ​യി റെ​യി​ൽ​വേ ഈ ​ഭാ​ഗ​ത്ത് ഭീ​മ​ൻ സം​ര​ക്ഷ​ണ ഭി​ത്തി​യും നി​ർ​മി​ച്ചി​രു​ന്നു.

ഇ​തോ​ടെ ഈ ​ഭാ​ഗ​ത്തു കൂ​ടി ഒ​ഴു​കി വ​രു​ന്ന വെ​ള്ളം പോ​കാ​ൻ മ​റ്റു മാ​ർ​ഗ​ങ്ങ​ൾ ഇ​ല്ലാ​തെ​യാ​യി. ഇ​തോ​ടെ​യാ​ണ് ഈ ​ഭാ​ഗ​ത്ത് വ​ലി​യ വെ​ള്ള​ക്കെ​ട്ട് ഉ​ണ്ടാ​കു​ന്ന​ത്. ഇ​തു മൂ​ലം റെ​യി​ൽ​വേ​യു​ടെ സം​ര​ക്ഷ​ണ ഭി​ത്തി​ക​ളും ത​ക​ർ​ന്ന് വീ​ണ് വ​ലി​യ ദു​ര​ന്തം ഉ​ണ്ടാ​കു​ന്ന അ​വ​സ്ഥ​യി​ലാ​ണ്. ‌ക​ട്ട​ത്ത​റ​യി​ൽ കെ. ​എ​സ്. ദാ​നി​യേ​ൽ, കു​ന്ന​ത്ര തെ​ക്കേ​തി​ൽ ശാ​ന്ത​മ്മ, രാ​ജാ​സ് വീ​ട്ടി​ൽ രാ​ജു, പൊ​ള​ച്ചി​റ​യി​ൽ വി​ജ​യ​ൻ, കു​റ്റി​പ്പ​റ​മ്പി​ൽ ടി. ​കെ. ഗൗ​രി, ഇ​ര​ട്ട​പ്ലാ​മൂ​ട്ടി​ൽ ഏ​ലി​യാ​മ്മ യോ​ഹ​ന്നാ​ൻ എ​ന്നി​വ​രു​ടെ വീ​ടു​ക​ളാ​ണ് ദു​രി​ത​ത്തി​ലാ​യി​രി​ക്കു​ന്ന​ത്.

വീ​ട്ടു​പ​ക​ര​ണ​ങ്ങ​ളും കു​ട്ടി​ക​ളു​ടെ പാ​ഠ​പു​സ്ത​ക​ങ്ങ​ൾ ഉ​ൾ​പ്പെ​ടെ​യു​ള്ള സാ​ധ​ന​ങ്ങ​ൾ ന​ശി​ച്ചു പോ​യി​രി​ക്കു​ക​യാ​ണ്. ക​ഴി​ഞ്ഞ ഒ​രു വ​ർ​ഷ​ത്തി​നി​ട​യി​ൽ അ​ന്പ​തി​ല​ധി​കം ത​വ​ണ​യാ​ണ് ഈ ​ഭാ​ഗ​ത്തെ വീ​ടു​ക​ളി​ൽ ഒ​രാ​ൾ പൊ​ക്ക​ത്തി​ൽ വെ​ള്ളം ക​യ​റി​യ​ത്. തി​രു​വ​ല്ല ന​ഗ​ര​സ​ഭ​യു​ടെ​യും റെ​യി​ൽ​വേ​യു​ടെ​യും അ​നാ​സ്ഥ​യാ​ണ് ത​ങ്ങ​ളെ ഈ ​ദു​രി​ത​ത്തി​ന് കാ​ര​ണ​മെ​ന്ന് നാ​ട്ടു​കാ​ർ പ​റ​യു​ന്നു. എ​ന്നാ​ൽ ത​ങ്ങ​ള​ല്ല റെ​യി​ൽ​വേ​യാ​ണ് ന​ട​പ​ടി​ക​ൾ സ്വീ​ക​രി​ക്കേ​ണ്ട​തെ​ന്ന് പ​റ​ഞ്ഞു ന​ഗ​ര​സ​ഭ​യും കൈ ​മ​ല​ർ​ത്തു​ന്നു. റെ​യി​ൽ​വേ ഈ ​ഭാ​ഗ​ത്ത് പു​തി​യ പാ​ല​വും ഓ​ട​യും നി​ർ​മി​ച്ചി​രി​ന്നു.

എ​ന്നാ​ൽ അ​ശാ​സ്ത്രീ​യ​മാ​യി പ​ണി​ത ഈ ​ഓ​ട​യി​ൽ കൂ​ടി വെ​ള്ളം പോ​കു​ന്നി​ല്ല. മ​ഞ്ഞാ​ടി ഭാ​ഗ​ത്തു​ള്ള പ്ര​മു​ഖ ബേ​ക്ക​റി​യു​ടെ ബോ​ർ​മ​യി​ൽ നി​ന്നും സ​മീ​പ​ത്തു​ള്ള ഫ്ലാ​റ്റു​ക​ളി​ൽ നി​ന്നും ത​ള്ളു​ന്ന കോ​ഴി​വേ​സ്റ്റു​ക​ൾ ഉ​ൾ​പ്പെ​ടെ​യു​ള്ള മാ​ലി​ന്യ​ങ്ങ​ൾ വ​ന്ന് അ​ടി​യു​ന്ന​ത് ഈ ​പ്ര​ദേ​ശ​ത്താ​ണ്. ഇ​ത് അ​ഴു​കി വെ​ള്ള​ത്തി​ൽ ചേ​ർ​ന്ന​തോ​ടെ ഈ ​പ്ര​ദേ​ശ​ത്ത് സാം​ക്ര​മി​ക രോ​ഗ​ങ്ങ​ൾ പ​ട​രാ​നു​ള്ള സാ​ധ്യ​ത​യും വ​ള​രെ കൂ​ടു​ത​ലാ​ണ്.

കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​ർ ഈ ​പ്ര​ദേ​ശ​വാ​സി​ക​ൾ സ്ഥി​രം ആ​ശു​പ​ത്രി​യി​ലാ​ണ്. ഈ ​ഭാ​ഗ​ത്ത് അ​ടി​ക്ക​ടി​യു​ണ്ടാ​കു​ന്ന വെ​ള്ള​ക്കെ​ട്ടി​ന് പ​രി​ഹാ​രം കാ​ണു​ന്ന​തി​ന് റെ​യി​ൽ​വേ​യും തി​രു​വ​ല്ല ന​ഗ​ര​സ​ഭ​യും അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ടു​ന്ന​ത്. അ​ല്ലാ​ത്ത പ​ക്ഷം തി​രു​വ​ല്ല പു​ഷ്പ​ഗി​രി റെ​യി​ൽ​വേ ലെ​വ​ൽ ക്രോ​സി​ൽ ട്രെ​യി​ൻ ഉ​പ​രോ​ധി​ക്കു​ന്ന സ​മ​ര പ​രി​പാ​ടി​ക​ളു​മാ​യി മു​ന്നോ​ട്ടു പോ​കാ​നാ​ണ് നാ​ട്ടു​കാ​രു​ടെ തീ​രു​മാ​നം.