വേണുവിനെ ഓര്‍ത്ത്…! സിനിമയില്‍ സംഘടനകള്‍ നിരവധി; പക്ഷേ, സങ്കടങ്ങളില്‍ പങ്കുചേരാന്‍ ആരുമില്ല; സിനിമക്കാരുടെ കുടുംബങ്ങളെ സഹായിക്കാനായില്ലെങ്കില്‍ പിന്നെ എന്തിനാണ് സംഘടനകള്‍ ?

മു​ൻ​ഷി വേ​ണു മ​രി​ച്ചത് ഇക്കഴിഞ്ഞ ഏപ്രിലിലാണ്. ഡി​വൈ​ൻ ധ്യാ​ന​കേ​ന്ദ്ര​ത്തി​നോ​ടു ചേ​ർ​ന്ന് ധ​ന്യ ആ​ശു​പ​ത്രി​യി​ലെ ഒ​റ്റ​മു​റി​യി​ൽ ആ​രോ​ടും പ​രി​ഭ​വ​മോ പി​ണ​ക്ക​മോ ഇ​ല്ലാ​തെ മ​ല​യാ​ള സി​നി​മ​യി​ൽ വേ​റി​ട്ടൊ​രു ചി​രി പ​ട​ർ​ത്തി​യ വേ​ണു മ​ല​യാ​ള​സി​നി​മ​യ്ക്ക് വ​ല്ലാ​ത്ത ന​ഷ്ട​മൊ​ന്നു​മ​ല്ലാ​യി​രു​ന്നു. അ​തു​കൊ​ണ്ടാ​യി​രി​ക്കാം മ​ര​ണ​മ​ട​ഞ്ഞ​പ്പോ​ഴും മ​ര​ണാ​ന​ന്ത​ര ക​ർ​മ​ത്തി​ലും സി​നി​മ​ക്കാ​ർ ആ​രും എ​ത്തി​യി​രു​ന്നി​ല്ല. വേ​ണു​വി​ന്‍റെ മ​ര​ണ​ത്തി​ൽ അ​വ​രെ സം​ബ​ന്ധി​ച്ചി​ട​ത്തോ​ളം ലാ​ഭം കി​ട്ടു​ന്ന ഒ​ന്നു​മു​ണ്ടാ​യി​രു​ന്നി​ല്ല. ഒ​രു അ​നു​ശോ​ച​ന കു​റി​പ്പെ​ഴു​തി​യി​ട്ട് എ​ന്തു​കാ​ര്യം എ​ന്ന​വ​ർ വി​ചാ​രി​ച്ചു​കാ​ണും.

മ​ല​യാ​ള​സി​നി​മ​യ്ക്ക് വേ​ണു​വി​ന്‍റെ മ​ര​ണം ഒ​രു താ​ക്കീ​താ​ണ്. ജീ​വി​തം സി​നി​മ​യ്ക്കും നാ​ട​ക​ത്തി​നു​മാ​യി ഉ​ഴി​ഞ്ഞു​വ​ച്ച നി​ര​വ​ധി​പ്പേ​ർ മ​ല​യാ​ള​സി​നി​മ​യി​ലു​ണ്ട്. വെ​ള്ളി​വെ​ളി​ച്ച​ത്തി​ൽ അ​വ​രെ​ല്ലാം ജന്മി​ക​ളാ​ണ്. എ​ന്നാ​ൽ വേ​ഷം അ​ഴി​ച്ചു​വ​യ്ക്കാ​റാ​കു​ന്പോ​ൾ… അ​ഴി​ച്ചു​വ​ച്ചു​ക​ഴി​യു​ന്പോ​ൾ ജീ​വി​തം പൂ​ർ​ണ​മാ​യും ചി​ത​ല​രി​ച്ച് തീ​ർ​ന്നി​ട്ടു​ണ്ടാ​കും. ഒ​ന്നും അ​വ​ശേ​ഷി​പ്പി​ക്കാ​തെ. ഒ​ന്നും സ​ന്പാ​ദി​ക്കാ​തെ, ഒ​ന്നും കാ​ത്തു​വ​യ്ക്കാ​തെ അ​ര​ങ്ങൊ​ഴി​യു​ന്പോ​ൾ, കൂ​ടെ ജീ​വി​ച്ച​വ​ർ ഭി​ക്ഷാം​ദേ​ഹിക​ളാ​യി അ​ല​യു​ന്ന കാ​ഴ്ച നാം ​എ​ത്ര​യോ ക​ണ്ടു. വേ​ണു​വി​ന്‍റെ ജീ​വി​ത​വും ഓ​ർ​മി​പ്പി​ക്കു​ന്ന​ത് ഏ​താ​ണ്ട് അ​ങ്ങ​നെ​യൊ​ക്കെ​ത്ത​ന്നെ​യാ​ണ്.

സം​ഘ​ട​ന​ക​ൾ സി​നി​മ​യി​ൽ ഒ​രു​പാ​ടു​ണ്ട്. പ​ക്ഷേ, സ​ങ്ക​ട​ങ്ങ​ളി​ൽ പ​ങ്കു​ചേ​രാ​ൻ പലപ്പോഴും ആ​രു​മി​ല്ല. എ​ല്ലാ​വ​രു​ടെ​യും വേ​ണ്ട, കൂ​ടെ പ​ണി​യെ​ടു​ക്കു​ന്ന​വ​രു​ടെ ദുഃ​ഖ​ങ്ങ​ളും ദു​രി​ത​ങ്ങ​ളും ഈ ​സം​ഘ​ട​ന​ക​ൾ അ​റി​ഞ്ഞി​ല്ലെ​ങ്കി​ൽ മ​റ്റാ​ര​റി​യും, ഇ​ത്ത​രം സി​നി​മക്കാ​രു​ടെ കു​ടും​ബ​ങ്ങ​ളെ സ​ഹാ​യി​ക്കാ​നാ​യി​ല്ലെ​ങ്കി​ൽ പി​ന്നെ എ​ന്തി​നാ​ണ് ​സം​ഘ​ട​ന​ക​ൾ?

ഇ​നി വേ​ണു​വി​ന്‍റെ ജീ​വി​ത​ത്തി​ലേ​ക്കു വ​രാം. ചാ​ല​ക്കു​ടി​യി​ൽ ഒ​രു ലോ​ഡ്ജി​ൽ രോ​ഗ​ങ്ങ​ളോ​ടു മ​ല്ല​ടി​ച്ച് ഒ​രു​പാ​ടു​ദി​വ​സം കി​ട​ന്നു. ആ​രും തി​രി​ഞ്ഞു​നോ​ക്കാ​നു​ണ്ടാ​യി​ല്ല. വ​ഴി​യി​ൽ കു​ഴ​ഞ്ഞു​വീ​ണു. അ​പ്പോ​ൾ ക​ണ്ട​വ​ർ വ​ഴി​മാ​റി​പ്പോ​യി, ഈ ​സാ​ഹ​ച​ര്യ​ത്തി​ലാ​ണ് ഡി​വൈ​ൻ ധ്യാ​ന​കേ​ന്ദ്രം വേ​ണു​വി​നെ ഏ​റ്റെ​ടു​ക്കു​ന്ന​ത്. വി​ദ​ഗ്ധ ചി​കി​ത്സ​ക​ൾ ന​ൽ​കി. ദി​വ​സ​വും ഡ​യാ​ലി​സി​സ് ചെ​യ്തു. അ​പ്പോ​ഴൊ​ക്കെ പ്രാ​ർ​ഥ​നാ​നി​ർ​ഭ​ര​മാ​യി​രു​ന്നു വേ​ണു​വി​ന്‍റെ ജീ​വി​തം.

മെ​ല്ലെ സി​നി​മ​യു​ടെ മേ​ച്ചി​ൽ​പ്പു​റ​ങ്ങ​ളി​ലേ​ക്ക് വേ​ണു കൈ​പി​ടി​ച്ചു ന​ട​ന്നു. നി​ര​വ​ധി സി​നി​മ​ക​ൾ അ​ദ്ദേ​ഹ​ത്തി​നു കി​ട്ടി. അ​ത് അ​ദ്ദേ​ഹ​ത്തി​ന്‍റെ ക​ഴി​വു​കൊ​ണ്ടു മാ​ത്രം. തി​രി​ച്ചു മു​ൻ​ഷി​യി​ൽ അ​ഭി​ന​യി​ക്കാ​നു​ള്ള ത​യാ​റെ​ടു​പ്പി​ലാ​യി​രു​ന്നു. പ​ക്ഷേ, ആ ​ആ​ഗ്ര​ഹം പൂ​ർ​ത്തീ​ക​രി​ക്കാ​ൻ സാ​ധി​ച്ചി​ല്ല. വേ​ണു അ​വ​സാ​നം അ​ഭി​ന​യി​ച്ച​ത് ഞാ​ൻ​കൂ​ടി സ​ഹ​ക​രി​ച്ച ഉ​യി​ർ​പ്പ്’ എ​ന്ന ടെ​ലി​ഫി​ലി​മി​ലാ​യി​രു​ന്നു. ബ​ന്ധു​ക്ക​ളൊ​ക്കെ​യു​ണ്ടാ​യി​ട്ടും അ​ല​യാ​ൻ വി​ധി​ക്ക​പ്പെ​ട്ട ഒ​രു ക​ഥാ​പാ​ത്ര​ത്തെ​യാ​ണ് വേ​ണു അ​വ​ത​രി​പ്പി​ച്ച​ത്. വേ​ണു​വി​ന്‍റെ ജീ​വി​തം​ത​ന്നെ​യാ​യി​രു​ന്നു.

അ​തി​ൽ ആ​രോരു​മി​ല്ലാ​ത്ത​വ​ർ​ക്ക് ക​ർ​ത്താ​വ് കൂ​ട്ടി​നു​ണ്ടാ​കും എ​ന്നു വേ​ണു പ​റ​യു​ന്ന ഡ​യ​ലോ​ഗ് ഇ​പ്പോ​ഴും എ​ന്‍റെ മ​ന​സി​ലു​ണ്ട്. സ​ത്യം അ​തു​ത​ന്നെ​യാ​യി​രു​ന്നു. വേ​ണു​വി​ന് കൂ​ട്ട് സ​ർ​വ​ശ​ക്ത​നാ​യ ദൈ​വം മാ​ത്ര​മാ​യി​രു​ന്നു.
വേ​ണു​വി​നെ​പ്പോ​ലെ ഒ​രു​പാ​ടു​പേ​ർ ഇ​ന്നും മ​ല​യാ​ള സി​നി​മ​യി​ലു​ണ്ട്. ഒ​ന്നു​മി​ല്ലാ​ത്ത​വ​ർ…​അ​വ​രെ ആ​ര് സ​ഹാ​യി​ക്കും?

ഫാ.​ ജോ​ണ്‍ പു​തു​വ