മ​റ​ക്കു​ട​ക്കു​ള്ളി​ലെ മ​ഹാദു​രി​തം തൂ​ത്തെ​റി​ഞ്ഞ്, അ​ടു​ക്ക​ള​യി​ൽ നി​ന്ന് അ​ര​ങ്ങ​ത്തേ​ക്ക്..! പോ​യ കാ​ല​ത്തി​ന്‍റെ ച​രി​ത്രം പേ​റി  കാ​ലാ​ന്ത​ര​ങ്ങ​ളെ അ​തി​ജീ​വി​ച്ച് വി.​ടി ഭ​ട്ട​തി​രി​പ്പാ​ടി​ന്‍റെ ഭ​വ​നം

ഷൊ​ർ​ണൂ​ർ: അ​ക്ഷ​ര​ങ്ങ​ൾ കൊ​ണ്ട് അ​ശ്വ​മേ​ധം ന​ട​ത്തി ന​വോ​ത്ഥാ​ന​ത്തി​ന്‍റെ കൊ​ടു​ങ്കാ​റ്റു​യ​ർ​ത്തി​യ വി.​ടി​യു​ടെ ഭ​വ​നം കാ​ലാ​ന്ത​ര​ങ്ങ​ളെ അ​തി​ജീ​വി​ച്ച് ച​രി​ത്ര​മെ​ഴു​തു​ന്നു. തൃ​ത്താ​ല കൂ​റ്റ​നാ​ടാ​ണ് വ​ൻ വി​പ്ല​വ​ങ്ങ​ൾ ന​ട​ന്ന ഈ ​വീ​ടു​ള്ള​ത്.

ഇ​ത് ര​സി​ക​സ​ദ​നം. വി.​ടി ഭ​ട്ട​തി​രി​പ്പാ​ടി​ലൂ​ടെ സാ​മൂ​ഹ്യ കേ​ര​ള​ത്തി​ന്‍റെ ന​വോ​ത്ഥാ​ന ച​രി​ത്ര​ങ്ങ​ൾ​ക്കെ​ല്ലാം സാ​ക്ഷി​യാ​യ വീ​ട്. ‘പ​ട്ടി​യാ​യി ജ​നി​ക്കാം, പൂ​ച്ച​യാ​യി ജ​നി​ക്കാം, ഇ​നി​യൊ​രു ജന്മമു​ണ്ടെ​ങ്കി​ൽ മ​റ്റേ​ത് നി​കൃ​ഷ്ട ജീ​വി​യാ​യും ജ​നി​ക്കാം.

പ​ക്ഷേ, ഒ​രി​ല്ല​ത്തെ അ​പ്ഫ​നാ​യി ജ​നി​ക്കാ​ൻ സാ​ദ്ധ്യ​മ​ല്ല​’ എന്ന് ​കേ​ര​ള​ത്തി​ന്‍റെ യാ​ഥാ​സ്തി​ക മ​ന​സാ​ക്ഷി​യോ​ട് ഗ​ർ​ജ്ജി​ച്ച വി​പ്ല​വ​കാ​രി​യാ​യി​രു​ന്നു വി.​ടി ഭ​ട്ട​തി​രി​പ്പാ​ട്.

ക​ല്ലെ പി​ള​ർ​ക്കു​ന്ന ക​ൽ​പ്പ​ന​ക​ൾ ക​ഴു​ത്ത് വെ​ട്ടി​യും ന​ട​പ്പാ​ക്കി​യി​രു​ന്ന പോ​യ കാ​ല സ​വ​ർ​ണ്ണാ​ധി​പ​ത്യ​ത്തി​നെ​തി​രാ​യി പ​ട​പ്പു​റ​പ്പാ​ട് ന​ട​ത്തി​യ അ​ദ്ദേ​ഹം ന​വോ​ത്ഥാ​ന രം​ഗ​ത്ത് മാ​റ്റ​ത്തി​ന്‍റെ കൊ​ടു​ങ്കാ​റ്റു​യ​ർ​ത്തി.

ത്യാ​ഗ​സ​ന്പ​ത്തു കൊ​ണ്ട് ദേ​വ​ത്വ​വും, ഭോ​ഗ തൃ​ഷ്ണ കൊ​ണ്ട് മൃ​ഗീ​യ​ത്വ​വും നേ​ടി​യ ന​ന്പൂ​തി​രി​മാ​ർ​ക്കി​ട​യി​ൽ, ഒ​രു തീ​ജ്വാ​ല​യാ​യി ക​ത്തി പ​ട​ർ​ന്ന് വി​പ്ല​വം ന​ട​ത്തി​യ വി.​ടി, നി​ശി​ത​ങ്ങ​ളാ​യ വാ​ക്കു​ക​ളും പ​ട​വാ​ളി​നേ​ക്കാ​ൾ മൂ​ർ​ച്ച​യു​ള്ള തൂ​ലി​ക​യും കൊ​ണ്ട് യു​ദ്ധ​കാ​ഹ​ളം മു​ഴ​ക്കി​യ​ത്, വി​ശാ​ല​മാ​യ ഈ ​വീ​ടി​ന് മു​ക​ളി​ൽ അ​ങ്ങേ അ​റ്റ​ത്തു​ള്ള വ​ലി​യ ജ​ന​ലി​ന് പു​റ​കി​ൽ മൂ​ന്നാം നി​ല​യാ​യി നി​ല​കൊ​ള്ളു​ന്ന ഒ​ര​റ​യി​ൽ നി​ന്നാ​ണ്.

ഇ​വി​ടെ നി​ന്നാ​ണ് കോ​ളി​ള​ക്കം സൃ​ഷ്ടി​ച്ച അ​ടു​ക്ക​ള​യി​ൽ നി​ന്നും അ​ര​ങ്ങ​ത്തേ​ക്ക് എ​ന്ന നാ​ട​കം പി​റ​വി​യെ​ടു​ത്ത​ത്. ഇ​വി​ടെ​യാ​ണ് കേ​ര​ള ച​രി​ത്രം മാ​റ്റി​യെ​ഴു​തി​യ ഗു​രു​വാ​യൂ​ർ സ​ത്യാ​ഗ്ര​ഹ​ത്തി​ന്‍റെ​യും, ക്ഷേ​ത്ര പ്ര​വേ​ശ​ന വി​ളം​ബ​ര​ത്തി​ന്‍റെ​യും, അ​യി​ത്തോ​ച്ചാ​ട​ന​ത്തി​ന്‍റെ​യും ആ​സൂ​ത്ര​ണ​ങ്ങ​ൾ ന​ട​ന്ന​ത്. ഈ ​വീ​ട്ടി​ലാ​ണ് വി​ധ​വാ​വി​വാ​ഹ​വും, ഘോ​ഷ ബ​ഹി​ഷ്ക​ര​ണ​വും, മി​ശ്ര​ഭോ​ജ​ന​വും ന​ട​ന്ന​ത്.

പോ​യ കാ​ല​ത്ത് ക​സ്തൂ​ർ​ബ ഗാ​ന്ധി​യും, ഉൗ​ർ​മി​ളാ​ദേ​വി​യും ഒ​രാ​ഴ്ച​യോ​ളം അ​ന്തി​യു​റ​ങ്ങി​യ​ത് ഈ ​വീ​ടി​ന്‍റെ അ​ക​ത്ത​ള​ങ്ങ​ളി​ലാ​ണ്. സ​ഹോ​ദ​ര​ൻ അ​യ്യ​പ്പ​നും, എം.​സി ജോ​സ​ഫും, കെ ​കേ​ള​പ്പ​നും, സ​ദാ​ശി​വ​റാ​വു​വും, പാ​ർ​വ്വ​തി അ​യ്യ​പ്പ​നും, ഇ.​എം.​എ​സു​മെ​ല്ലാം ഒ​ത്തു​കൂ​ടി​യ​ത് 120 വ​ർ​ഷ​ത്തി​ല​ധി​കം പ​ഴ​ക്ക​മു​ള്ള ഈ ​ത​റ​വാ​ട്ട് വീ​ടി​ന്‍റെ നാ​ല് ചു​വ​രു​ക​ൾ​ക്കു​ള്ളി​ലാ​ണ്.

വി.​ടി ഭ​ട്ട​തി​രി​പ്പാ​ടി​നൊ​പ്പം ത​ന്നെ വി​സ്മ​രി​ക്കാ​നാ​കാ​ത്ത ഈ ​ര​സി​ക​സ​ദ​ന’​ത്തി​ന് എ​ഴു​ത​പ്പെ​ടാ​ത്ത ഒ​ട്ട​ന​വ​ധി ച​രി​ത്ര​മു​ഹൂ​ർ​ത്ത​ങ്ങ​ളു​ടെ ആ​വേ​ശോ​ജ്വ​ല​മാ​യ അ​ധ്യാ​യ​ങ്ങ​ളു​മു​ണ്ട്. മ​റ​ക്കു​ട​ക്കു​ള്ളി​ലെ മ​ഹാ ദു​രി​തം ക​ണ്ടാ​ണ് വി ​ടി ഭ​ട്ട​തി​രി​പ്പാ​ട് അ​ടു​ക്ക​ള​യി​ൽ നി​ന്നും അ​ര​ങ്ങ​ത്തേ​ക്ക് എ​ന്ന വി​ഖ്യാ​ത നാ​ട​കം ര​ചി​ച്ച​ത്.

കേ​ര​ള​ത്തി​ൽ ഈ ​നാ​ട​കം ഉ​ണ്ടാ​ക്കി​യ ച​ല​ന​ങ്ങ​ൾ വ​ള​രെ വ​ലു​താ​യി​രു​ന്നു. ന​ന്പൂ​തി​രി സ​മു​ദാ​യ​ത്തി​ൽ നി​ല​നി​ന്നി​രു​ന്ന യാ​ഥാ​സ്തി​ക ഉ​ച്ച നീ​ച​ത്വ​ങ്ങ​ൾ ത​ക​ർ​ത്തെ​റി​ഞ്ഞ ഭ​ട്ട​തി​രി​പ്പാ​ട് ന​ന്പൂ​തി​രി പെ​ണ്‍​കി​ടാ​ങ്ങ​ളു​ടെ ജീ​വി​ത നൊ​ന്പ​ര​ങ്ങ​ളെ പു​രോ​ഗ​മ​നാ​ശ​യ​ങ്ങ​ൾ കൊ​ണ്ട് നേ​രി​ട്ടു. വി​ധ​വാ വി​വാ​ഹ​വും.

വി​ദ്യാഭ്യാ​സം നേ​ടാ​നു​ള്ള അ​വ​കാ​ശ​വും സ്ഥാ​പി​ച്ചെ​ടു​ത്തു. പ​ന്തി​ഭോ​ജ​ന​ത്തി​നും, ഖാ​ദി പ്ര​സ്ഥാ​ന​ത്തി​നും ഉൗ​ടും പാ​വും നെ​യ്തു. പോ​യ കാ​ല​ത്തി​ന്‍റെ ന​വോ​ത്ഥാ​ന ച​രി​ത്രം ഇ​വി​ടെ വീ​ണു​റ​ങ്ങു​ന്നു.

വി.​ടി യു​ടെ ഉൗ​ർ​ധ്വ ശ്വാ​സം വീ​ണ​ലി​ഞ്ഞ ഈ ​വീ​ട് പോ​യ കാ​ല​ത്തി​ന്‍റെ ച​രി​ത്രം കൂ​ടി​യാ​ണ്. ച​രി​ത്ര​ശേ​ഷി​പ്പു​ക​ൾ നി​ല​നി​ർ​ത്തി​കൊ​ണ്ട് ഈ ​വീ​ട് പു​തു​ക്കി​പ്പ​ണി​യാ​നു​ള്ള ശ്ര​മ​ങ്ങ​ൾ ന​ട​ന്നു​വ​രു​ന്നു​ണ്ട്.