സൊമാറ്റോ ടീ-ഷർട്ടുകൾക്ക് പകരം വനിതാ ഡെലിവറി പാർട്ണർമാർക്കുള്ള വസ്ത്രധാരണ ഓപ്ഷനുകളിലൊന്നായി സൊമാറ്റോയുടെ കുർത്തകളുടെ വരവ് സോഷ്യൽ മീഡിയയിൽ പ്രശംസിക്കപ്പെട്ടിരിക്കുകയാണ്.
തങ്ങളുടെ ജീവനക്കാർ പുതിയ വസ്ത്രം പരീക്ഷിക്കുന്ന വീഡിയോ സോഷ്യൽ മീഡിയയിൽ സൊമാറ്റോ പങ്കുവച്ചത് വൈറലായി. പാശ്ചാത്യ ശൈലിയിലുള്ള ടീ ഷർട്ടുകൾ ധരിക്കുമ്പോൾ ചില അസ്വാരസ്യങ്ങൾ അനുഭവപ്പെടുന്നുണ്ടെന്ന വിവിധ വനിതാ ജീവനക്കാരുടെ പ്രതികരണത്തെ തുടർന്നാണ് ഈ തീരുമാനം.
ഇൻസ്റ്റാഗ്രാമിൽ ഒന്നരലക്ഷത്തിലധികം ലൈക്കുകളും വിവിധ കമൻ്റുകളും വീഡിയോയ്ക്ക് ഇതുവരെ ലഭിച്ചു.”സോമാറ്റോ നിങ്ങൾ എല്ലാ അർത്ഥത്തിലും അത്ഭുതകരമാണ്,” എന്നാണ് ഒരു ഉപയോക്താവ് വീഡിയോയ്ക്ക് കമന്‍റിട്ടിരിക്കുന്നത്.
