വീണ്ടും ‘കൊലയാളികള്‍’! രക്തസാക്ഷിത്വദിനത്തില്‍ ഗാന്ധിജിയെ ‘വെടിവച്ച’വര്‍ക്കെതിരേ കേസ്; വെ​ടി​വച്ച പൂ​ജ ശ​കു​ൻ പാ​ണ്ഡെ ഒളിവില്‍

അ​ലി​ഗ​ഡ്: ര​ക്ത​സാ​ക്ഷി​ത്വ ദി​ന​ത്തി​ൽ ഗാ​ന്ധി​വ​ധം പു​ന​രാ​വി​ഷ്ക​രി​ച്ച സം​ഭ​വ​ത്തി​ൽ ഹി​ന്ദു മ​ഹാ​സ​ഭാ നേ​താ​വ് ഉ​ൾ​പ്പെ​ടെ 13 പേ​ർ​ക്കെ​തി​രേ പോ​ലീ​സ് കേ​സെ​ടു​ത്തു. ഇ​തി​ൽ ഒ​രാ​ളെ അ​റ​സ്റ്റ് ചെ​യ്ത​താ​യി പോ​ലീ​സ് അ​റി​യി​ച്ചു. ബാ​ക്കി​യു​ള്ള​വ​രി​ൽ ഹി​ന്ദു മ​ഹാ​സ​ഭ​യു​ടെ ദേ​ശീ​യ സെ​ക്ര​ട്ട​റി പൂ​ജ ശ​കു​ൻ പാ​ണ്ഡെ ഉ​ൾ​പ്പെ​ടെ​യു​ള്ള​വ​ർ ഒ​ളി​വി​ലാ​ണെ​ന്നാ​ണ് പോ​ലീ​സ് ഭാ​ഷ്യം. ഇ​വ​ർ​ക്കാ​യി ഇ​ന്ന​ലെ റെ​യ്ഡ് ന​ട​ത്തി​യെ​ന്നും പോ​ലീ​സ് പ​റ​ഞ്ഞു.

ഉ​ത്ത​ർ​പ്ര​ദേ​ശി​ലെ അ​ലി​ഗ​ഡി​ലാ​ണ് രാ​ജ്യ​ത്തെ ഞെ​ട്ടി​ച്ച സം​ഭ​വം റി​പ്പോ​ർ​ട്ട് ചെ​യ്ത​ത്. രാ​ഷ്ട്ര​പി​താ​വ് മ​ഹാ​ത്മ ഗാ​ന്ധി​യു​ടെ 71-ാം ര​ക്ത​സാ​ക്ഷി​ത്വ ദി​ന​ത്തി​ൽ ഹി​ന്ദു മ​ഹാ​സ​ഭ​യു​ടെ ദേ​ശീ​യ സെ​ക്ര​ട്ട​റി പൂ​ജ ശ​കു​ൻ പാ​ണ്ഡേ​യാ​ണ് ഗാ​ന്ധി​വ​ധം പു​ന​രാ​വി​ഷ്ക​രി​ച്ച​ത്.

ഗാ​ന്ധി​യു​ടെ പ്ര​തി​രൂ​പ​ത്തി​ലേ​ക്ക് ക​ളി​ത്തോ​ക്കു​പ​യോ​ഗി​ച്ച് വെ​ടി​വയ്ക്കു​ക​യാ​യി​രു​ന്നു അ​വ​ർ ചെ​യ്ത​ത്. സം​ഭ​വ​ത്തി​ന്‍റെ വീ​ഡി​യോ ദൃ​ശ്യ​ങ്ങ​ൾ ടൈം​സ് നൗ ​പു​റ​ത്തു​വി​ട്ടു. വെ​ടി​യേ​റ്റ് ഗാ​ന്ധി​യു​ടെ പ്ര​തി​രൂ​പ​ത്തി​ൽ നി​ന്ന് ര​ക്തം വ​രു​ന്നു​വെ​ന്ന രീ​തി​യി​ൽ ചു​വ​ന്ന ചാ​യം താ​ഴേ​ക്ക് ഒ​ഴു​കു​ന്ന​തും ദൃ​ശ്യ​ങ്ങ​ളി​ൽ കാ​ണാം.

ഗാ​ന്ധി​യെ വ​ധി​ച്ച നാ​ഥു​റാം വി​നാ​യ​ക് ഗോ​ഡ്സെ​യു​ടെ പ്ര​തി​മ​യി​ൽ പൂ​ജ ശ​കു​ൻ പാ​ണ്ഡെ ഇ​തി​ന് ശേ​ഷം മാ​ല അ​ണി​യി​ക്കു​ക​യും ചെ​യ്തു. പി​ന്നാ​ലെ പ്ര​വ​ർ​ത്ത​ക​ർ​ക്കൊ​പ്പം മ​ധു​രം പ​ങ്കി​ട്ടാ​ണ് ഗാ​ന്ധി​വ​ധം ഇ​വ​ർ ആ​ഘോ​ഷ​മാ​ക്കി​യ​ത്.

ഗാ​ന്ധി​യു​ടെ ര​ക്ത​സാ​ക്ഷി​ത്വ ദി​ന​ത്തി​ൽ ഹി​ന്ദു മ​ഹാ​സ​ഭാ പ്ര​വ​ർ​ത്ത​ക​ർ മ​ധു​രം വി​ത​ര​ണം ചെ​യ്യു​ക​യും ഗോ​ഡ്സെ പ്ര​തി​മ​യി​ൽ മാ​ല അ​ണി​യി​ക്കു​ക​യും ചെ​യ്യു​ന്ന​ത് പ​തി​വാ​ണ്. ഗോ​ഡ്സെ​യ്ക്ക് മു​ന്പ് ജ​നി​ച്ചി​രു​ന്നെ​ങ്കി​ൽ ഗാ​ന്ധി​ജി​യെ താ​ൻ കൊ​ല്ലു​മാ​യി​രു​ന്നെ​ന്ന പൂ​ജ ശ​കു​ൻ പാ​ണ്ഡെ​യു​ടെ പ്ര​സ്താ​വ​ന നേ​ര​ത്തെ വി​വാ​ദ​മാ​യി​രു​ന്നു.

രാ​ജ്യ​ത്ത് ഇ​നി ആ​രെ​ങ്കി​ലും ഗാ​ന്ധി​ജി​യെ പോ​ലെ ആ​വാ​ൻ ശ്ര​മി​ച്ചാ​ൽ അ​വ​രെ താ​ൻ കൊ​ല്ലു​മെ​ന്നും പാ​ണ്ഡെ പ​റ​ഞ്ഞി​രു​ന്നു. ഇ​ന്ത്യാ വി​ഭ​ജ​ന​ത്തി​നും പാ​കി​സ്താ​ന്‍റെ പി​റ​വി​ക്കും കാ​ര​ണ​ക്കാ​ര​ൻ ഗാ​ന്ധി​യാ​ണെ​ന്നാ​ണ് ഹി​ന്ദു മ​ഹാ​സ​ഭ വി​ശ്വ​സി​ക്കു​ന്ന​ത്.