ആ​ര്‍​ക്കും ആ​രെ​യും കൈ​നീ​ട്ടി അ​ടി​ക്കാ​ൻ അ​വ​കാ​ശ​മി​ല്ല; ബെ​യ്‌​ലി​ൻ ദാ​സി​ന്‍റെ അ​റ​സ്റ്റോ​ടെ ത​നി​ക്ക്  നീ​തി ല​ഭി​ച്ചെ​ന്ന് അ​ഡ്വ. ശ്യാ​മി​ലി

തി​രു​വ​ന​ന്ത​പു​രം: ത​ന്നെ ക്രൂ​ര​മാ​യി മ​ർ​ദി​ച്ച സീ​നി​യ​ർ അ​ഭി​ഭാ​ഷ​ക​നെ പോ​ലീ​സ് അ​റ​സ്റ്റ് ചെ​യ്ത​തോ​ടെ ത​നി​ക്ക് നീ​തി ല​ഭി​ച്ചെ​ന്ന് അ​ഡ്വ. ശ്യാ​മി​ലി ജ​സ്റ്റി​ൻ. ജൂ​ണി​യ​ർ അ​ഭി​ഭാ​ഷ​ക​യെ മ​ർ​ദി​ച്ച കേ​സി​ൽ ഇ​ന്ന​ലെ​യാ​ണ് സീ​നി​യ​ർ അ​ഭി​ഭാ​ഷ​ക​നാ​യ ബെ​യ്‌​ലി​ൻ ദാ​സി​നെ പോ​ലീ​സ് അ​റ​സ്റ്റ് ചെ​യ്ത​ത്.

ഇ​നി കോ​ട​തി​യു​ടെ തീ​രു​മാ​നം എ​ന്തു​ത​ന്നെ​യാ​യാ​ലും ബെ​യ്‌​ലി​ൻ ദാ​സി​നെ അ​റ​സ്റ്റ് ചെ​യ്ത​തോ​ടെ ത​നി​ക്ക് നീ​തി ല​ഭി​ച്ചു​വെ​ന്നാ​ണ് ശ്യാ​മി​ലി അ​ഭി​പ്രാ​യ​പ്പെ​ട്ട​ത്. ഓ​ഫീ​സി​ല്‍ ത​ന്നെ മ​ര്‍​ദി​ച്ച​തി​ന് സാ​ക്ഷി​ക​ളു​ണ്ട്. അ​വ​രി​ൽ ആ​രൊ​ക്കെ സാ​ക്ഷി​പ​റ​യു​മെ​ന്ന​തി​നെ​ക്കു​റി​ച്ചൊ​ന്നും ഇ​പ്പോ​ള്‍ പ​റ​യു​ന്നി​ല്ല. ഇ​നി ഇ​ത്ത​ര​ത്തി​ൽ ഒ​രാ​ള്‍​ക്കു പോ​ലും അ​നു​ഭ​വ​മു​ണ്ടാ​ക​രു​ത്. ആ​ര്‍​ക്കും ആ​രെ​യും കൈ​നീ​ട്ടി അ​ടി​ക്കാ​നോ ഉ​പ​ദ്ര​വി​ക്കാ​നോ അ​വ​കാ​ശ​മി​ല്ല. ഇ​നി ഇ​ത്ത​രം അ​നു​ഭ​വം ആ​ര്‍​ക്കെ​ങ്കി​ലും ഉ​ണ്ടാ​യാ​ൽ അ​വ​രും മു​ന്നോ​ട്ടു​വ​ര​ണ​മെ​ന്നാ​ണ് പ​റ​യാ​നു​ള്ള​തെ​ന്നും അ​ഡ്വ. ശ്യാ​മി​ലി ജ​സ്റ്റി​ൻ പ​റ​ഞ്ഞു.

അ​തേ​സ​മ​യം അ​ഡ്വ. ബെ​യ്‌​ലി​ൻ ദാ​സി​നെ ഇ​ന്ന് കോ​ട​തി​യി​ൽ ഹാ​ജ​രാ​ക്കും. ഇ​ന്ന​ലെ രാ​ത്രി ഏ​ഴോ​ടെ കാ​റി​ൽ സ​ഞ്ച​രി​ക്കു​ന്ന​തി​നി​ടെ​യാ​ണ് ഡാ​ൻ​സാ​ഫ് സം​ഘ​വും തു​മ്പ പൊ​ലീ​സും ചേ​ർ​ന്ന് ബെ​യ്‌​ലി​ൻ ദാ​സി​നെ പി​ടി​കൂ​ടി​യ​ത്. ബെ​യ്‌​ലി​ൻ ദാ​സ് ക​ഴി​ഞ്ഞ ര​ണ്ടു ദി​വ​സം ഒ​ളി​വി​ല്‍ ക​ഴി​ഞ്ഞ​ത് ന​ഗ​ര​ത്തി​ല്‍ ത​ന്നെ​യെ​ന്ന് പോ​ലീ​സ് പ​റ​യു​ന്നു.

സ​ഹോ​ദ​ര​നെ ചോ​ദ്യം ചെ​യ്ത​താ​ണു കേ​സി​ല്‍ വ​ഴി​ത്തി​രി​വാ​യ​തെ​ന്നും പോ​ലീ​സ് പ​റ​യു​ന്നു. കാ​ര്‍ ബെ​യ്‌​ലി​ന്‍ ദാ​സ് കൊ​ണ്ടു പോ​യെ​ന്ന സ​ഹോ​ദ​ര​ൻ പ​റ​ഞ്ഞ​തി​നെ​ത്തു​ട​ർ​ന്ന് കാ​റി​നാ​യു​ള്ള തെ​ര​ച്ചി​ല്‍ പോ​ലീ​സ് ശ​ക്ത​മാ​ക്കു. കാ​ര്‍ ക​ഴ​ക്കൂ​ട്ടം ഭാ​ഗ​ത്തു സ​ഞ്ച​രി​ക്കു​ന്നു​വെ​ന്ന വി​വ​ര​ത്തി​ന്‍റെ അ​ടി​സ്ഥാ​ന​ത്തി​ല്‍ തു​മ്പ പോ​ലീ​സ് ന​ട​ത്തി​യ തെ​ര​ച്ചി​ലി​ൽ സ്റ്റേ​ഷ​ന്‍ ക​ട​വി​ല്‍ വ​ച്ചു ബെ​യ്‌​ലി​നെ പി​ടി​കൂ​ടു​ക​യാ​യി​രു​ന്നു. പി​ന്നീ​ട് പ്ര​തി​യെ വ​ഞ്ചി​യൂ​ര്‍ പോ​ലീ​സ് സ്റ്റേ​ഷ​നി​ല്‍ എ​ത്തി​ച്ചു.

അ​ന്വേ​ഷ​ണ​സം​ഘ​ത്ത​ല​വ​ൻ തി​രു​വ​ന​ന്ത​പു​രം ഡ​പ്യൂ​ട്ടി പോ​ലീ​സ് ക​മ്മീ​ഷ​ണ​ർ ന​കു​ൽ ദേ​ശ്മു​ഖി​ന്‍റെ നേ​തൃ​ത്വ​ത്തി​ൽ ബെ​യ്‌​ലി​ൻ ദാ​സി​നെ ചോ​ദ്യം ചെ​യ്തു.ബോ​ധ​പൂ​ർ​വം സ്ത്രീ​ത്വ​ത്തെ അ​പ​മാ​നി​ക്കാ​ൻ ല​ക്ഷ്യ​മി​ട്ടി​രു​ന്നി​ല്ലെ​ന്നും ജൂ​ണി​യ​ർ അ​ഭി​ഭാ​ഷ​ക ശ്യാ​മി​ലി ജ​സ്റ്റി​നു​മാ​യി സം​സാ​രി​ക്കു​ന്ന​തി​നി​ടെ പ്ര​കോ​പ​ന​പ​ര​മാ​യി മ​റു​പ​ടി പ​റ​ഞ്ഞ സാ​ഹ​ച​ര്യ​ത്തി​ലാ​ണ് താ​ൻ മ​ർ​ദി​ച്ച​തെ​ന്നു​മാ​ണ് ബെ​യ്‌​ലി​ൻ ദാ​സ് പോ​ലീ​സി​നു ന​ൽ​കി​യ മൊ​ഴി​യെ​ന്നാ​ണു സൂ​ച​ന.

ക​ഴി​ഞ്ഞ ചൊ​വ്വാ​ഴ്ച ഉ​ച്ച​യ്ക്ക് 12.30നാ​ണ് വ​ഞ്ചി​യൂ​രി​ലെ ബെ​യ്‌​ലി​ൻ ദാ​സി​ന്‍റെ ഓ​ഫി​സി​ൽ വ​ച്ച് ജൂ​നി​യ​ർ അ​ഭി​ഭാ​ഷ​ക​യാ​യ ശ്യാ​മി​ലി​യെ ക്രൂ​ര​മാ​യി മ​ർ​ദി​ച്ച​ത്. വ​ല​തു​ക​വി​ൾ അ​ടി​ച്ചു ത​ക​ർ​ത്തി​രു​ന്നു. തു​ട​ർ​ന്ന് കോ​ട​തി​യി​ലെ ബാ​ർ അ​സോ​സി​യേ​ഷ​ൻ ഹാ​ളി​ലു​ണ്ടാ​യി​രു​ന്ന ബെ​യ്‌​ലി​ൻ ദാ​സി​നെ പി​ടി​കൂ​ടാ​ൻ പോ​ലീ​സ് എ​ത്തി​യെ​ങ്കി​ലും അ​ഭി​ഭാ​ഷ​ക​ർ ത​ട​ഞ്ഞി​നെ തു​ട​ർ​ന്നു അ​റ​സ്റ്റു ചെ​യ്യാ​ൻ ക​ഴി​ഞ്ഞി​ല്ലെ​ന്ന ആ​രോ​പ​ണ​മു​യ​ർ​ന്നു. തു​ട​ർ​ന്ന് ഇ​യാ​ൾ ഒ​ളി​വി​ൽ പോ​കു​ക​യാ​യി​രു​ന്നു.