ആ​റാം​ദി​ന​വും രാ​ഹു​ൽ മാങ്കൂട്ടത്തിലിനെ ക​ണ്ടെ​ത്താ​നാ​യി​ല്ല; സം​ശ​യ​നി​ഴ​ലി​ൽ യു​വ​ന​ടി​യും കോ​ൺ​ഗ്ര​സ് നേ​താ​വും

പാ​ല​ക്കാ​ട്: സ്പെ​ഷ​ൽ ഇ​ൻ​വെ​സ്റ്റി​ഗേ​ഷ​ൻ ടീ​മി​ന്‍റെ പാ​ല​ക്കാ​ട്ടെ തെ​ര​ച്ചി​ൽ വി​ഫ​ലം. മു​ങ്ങി​യ എം​എ​ൽ​എ രാ​ഹു​ൽ മാ​ങ്കൂ​ട്ട​ത്തി​ലി​നെ ക​ണ്ടെ​ത്താ​നാ​യി​ല്ല. ഇ​ന്ന​ലെ ത​മി​ഴ്നാ​ട്ടി​ലെ പൊ​ള്ളാ​ച്ചി​യി​ലും തെ​ര​ച്ചി​ൽ ന​ട​ത്തി​യെ​ങ്കി​ലും സൂ​ച​ന​ക​ളൊ​ന്നും ല​ഭി​ച്ചി​ല്ല. രാ​ഹു​ൽ പാ​ല​ക്കാ​ട്ടുനി​ന്ന് മു​ങ്ങി​യ ചു​വ​ന്ന കാ​ർ ഒ​രു ച​ല​ച്ചി​ത്ര താ​ര​ത്തി​ന്‍റേ​തെ​ന്ന സം​ശ​യ​ത്തി​ൽ കാ​റി​നെ കേ​ന്ദ്രീ​ക​രി​ച്ചും അ​ന്വേ​ഷ​ണം ന​ട​ത്തു​ന്നു​ണ്ട്. സം​ശ​യ​ത്തി​ന്‍റെ നി​ഴ​ലി​ൽ​നി​ൽ​ക്കു​ന്ന യു​വ​ന​ടി​യെ ഉ​ട​ൻ ചോ​ദ്യം ചെ​യ്തേ​ക്കു​മെ​ന്നും സൂ​ച​ന​ക​ളു​ണ്ട്.

കാ​റി​ന്‍റെ ഉ​ട​മ​സ്ഥ യു​വ​ന​ടി​യാ​ണെ​ങ്കി​ലും രാ​ഹു​ലി​നെ ക​ട​ത്തി​യ​ത് ഒ​രു കോ​ൺ​ഗ്ര​സ് നേ​താ​വാ​ണെ​ന്നും അ​ന്വേ​ഷ​ണ സം​ഘ​ത്തി​നു സൂ​ച​ന ല​ഭി​ച്ചി​ട്ടു​ണ്ട്. ഇ​യാ​ളെ ക​ണ്ടെ​ത്താ​നും അ​ന്വേ​ഷ​ണം തു​ട​ങ്ങി​യി​ട്ടു​ണ്ട്. ഞാ​യ​റാ​ഴ്ച പു​ല​ർ​ച്ചെ ജി​ല്ല​യി​ലെ​ത്തി​യ സം​ഘം രാ​ഹു​ലി​ന്‍റെ ഫ്ളാ​റ്റും എം​എ​ൽ​എ ഓ​ഫീ​സും കേ​ന്ദ്രീ​ക​രി​ച്ച് നി​ര​വ​ധി ത​വ​ണ പ​രി​ശോ​ധ​ന ന​ട​ത്തി.​

ക​ണ്ണാ​ടി​യി​ൽ തെ​ര​ഞ്ഞ​ടു​പ്പ് പ്ര​ചാ​ര​ണം ന​ട​ത്തു​ന്ന​തി​നി​ടെ​യാ​ണ് രാ​ഹു​ൽ ഒ​ളി​വി​ൽ പോ​യ​ത്. സി​സി ടി​വി കാ​മ​റ​ക​ളി​ൽ പ​തി​യാ​തെ ക​ണ്ണാ​ടി​യി​ലെ ഫ്ളാ​റ്റി​ലെ​ത്തി പി​ന്നീ​ട് ചു​വ​ന്ന കാ​റി​ൽ ജി​ല്ല വി​ട്ടെ​ന്നാ​ണ് അ​ന്വേ​ഷ​ണ​സം​ഘം ക​രു​തു​ന്ന​ത്.

അ​തേസ​മ​യം തെ​റ്റി​ദ്ധ​രി​പ്പി​ക്കാ​നും തെ​ളി​വ് ന​ശി​പ്പി​ക്കാ​നും രാ​ഹു​ലി​ന്‍റെ ഭാ​ഗ​ത്ത് നി​ന്ന് നീ​ക്കം ന​ട​ക്കു​ണ്ടെ​ന്നാ​ണ് അ​ന്വേ​ഷ​ണ​സം​ഘം ക​രു​തു​ന്ന​ത്.രാ​ഹു​ൽ മു​ങ്ങി​യ ക​ഴി​ഞ്ഞ വ്യാ​ഴാ​ഴ്ച​ത്തെ സി​സിടി​വി ദൃ​ശ്യ​ങ്ങ​ൾ ഡി​വി​ആ​റി​ൽ നി​ന്ന് ന​ശി​പ്പി​ച്ച നി​ല​യി​ലാ​ണ്. അ​പ്പാ​ർ​ട്ട്മെ​ന്‍റ് കെ​യ​ർ ടേ​ക്ക​റെ സ്വാ​ധീ​നി​ച്ച് ഡി​ലീ​റ്റ് ചെ​യ്തെ​ന്നാ​ണ് സം​ശ​യം.